KABANATA 6
Inilabas ni Munting Dark ang isang itim na Cauldron. Ordinaryo lamang ang panlabas nitong anyo ngunit kung susuriing mabuti, isa itong mataas na uri ng cauldron dahil sa pambihirang materyales na ginamit dito.
Bukod sa cauldron ay mayroong mga iba't ibang uri ng herbs ang inilabas ng munting itim na pusa. Tila alam na nito ang mga sangkap at hindi na kinailangan pang tanungin ang kanyang amo.
Kasalukuyang nasa loob ng isang silid si Rin at Owen. Katabi ito ng silid ni Lon na siyang anak ng City Lord.
Hindi gusto ni Rin na gumawa nang Pills sa kwarto mismo nang kanilang psyente dahil maraming bantay roon kasama na ang City Lord. Hindi nila maaaring masaksihan ang kakayahan ni Munting Dark.
"Ang una ay kontrolin ang apoy sa cauldron. Pagkatapos ay ilagay ang Vift Flower..."
Nagsimula na si Rin sa kanyang paggawa at sinusundan ni Owen ang kaniyang mga galaw.
Bawat dami ng sukat at lakas nang apoy ay nasusundan ni Owen ang paggawa nito. Pati ang pagkontrol sa enerhiya upang haluin ang mga sangkap sa loob ng cauldron ay nasusundan niya.
Patuloy sa paghalo at paglagay ng mga sangkap si Rin at parang natural lang sa kaniya ang bagay na ito. Walang mababakas na takot sa kanyang mukha dahil kampante siyang hindi papalya ang paggawa niya sa Pimbirt Pill na siyang pangontra sa lason ng isang Planthera.
Ang Pimbirt Pill ay isang bihirang Pill sa buong Kontinente maging ang ibang Master Alchemist ay walang alam kung paano ito gawin.
Hindi sa hindi nila kayang gawin. Ang dahilan ay kulang sila sa formula at ang mga may alam nang formula nito ay hindi nila basta-basta ipinapasa sa iba.
"Rin... masyado nang mainit ang buong silid. Maaaring pumalya ako kung magpapatuloy pa ito."
Tumagaktak ang pawis sa katawan ni Owen at pinagsikapan niyang mag focus sa kanyang ginagawa.
"Wag kang mag-alala ilang segundo na lamang ay mabubuo na natin ang Pimbirt Pill."
Malumanay na sambit ni Rin Halesmoth at ilang sandali pa ay inilagay na niya ang huling sangkap. Umalingasaw ang mabangong halamang gamot sa loob nang silid at habang tumatagal lalong lumalakas ang amoy nito at mas lalong nakakaakit ng mga tao.
Humalo ang itim na dahon sa likidong nasa loob nang pugon. Sa pagdampi nito sa likido ay agad itong natunaw at humalo sa ginagawang Pill.
Maya-maya ay kinontrol ni Rin Halesmoth ang kanyang enerhiya at ipinadaloy niya ito sa loob nang Cauldron. Ang pulang likido sa loob nang Cauldron ay nagsimulang maghulmang maliliit na bilog at ilang segundo pa ay lumutang ang mga ito.
Ganundin ang nangyari sa ginagawa ni Owen at sinikap niyang ilagay sa loob nang isang bote ang anim na Pimbirt Pill na kanyang nagawa. Ginaya niya lahat nang galaw ni Rin Halesmoth at nagawa niya itong lahat nang tama.
Hindi maipagkakaila na siya ay biniyayaan nang talento. Isa siyang talentadong estudyante at kung hindi niya nakilala si Rin ay paniguradong hindi na siya makakatagpo pa sa kanyang henerasyon na mayroong mas mataas na talento sa kanya pagdating sa larangan ng alchemya.
"Rin... ito naba ang Pimbirt Pill?" Halos hindi makapaniwalang sambit ni Owen habang maingat na pinagmamasdan ang anim na maliliit na Pills sa loob ng bote.
'Isang pambihirang Pill at paniguradong maging si guro ay mabibigla kapag nalaman niyang nakagawa ako nang ganito kataas na uri nang gamot.'
Sa isip ni Owen habang maingat na pinagmamasdan ang Pimbirt Pill.
"Ito nanga ang Pimbirt Pill Owen, madali man itong gawin ay hindi naman sulit dahil napakaraming mahahalagang sangkap ang kailangan sa paggawa nito. Kabilang na ang 100 year old venomor plant na talaga namang bihira maging sa malawak na kagubatan."
Mahabang litanya ni Rin Halesmoth at inilagay na niya sa kanyang Spacial Ring ang maliit na bote na naglalaman nang Pimbirt Pills.
'Madaling gawin? hindi niya alam na muntikan na akong pumalya at naubos narin ang aking enerhiya'
Umiling si Owen dahil sa sinabi ni Rin. Ngunit nang masilayan niya muli ang kagagawa niya lamang na Pill ay tila nawala lahat nang kanyang pagod.
"Tara na Owen kailangan na nating ipainom ang isang Pimbirt Pill sa taong iyon. Baka hinahanap na tayo ni tanda."
Hindi na inantay ni Rin ang tugon ni Owen at agad na lumabas nang silid. Ang bumungad sa kanya ay ang City Lord at ang tatlong kawal sa likuran nang mga ito.
Tagaktak ang pawis sa noo at katawan nang City Lord. Ang naramdaman nilang init kanina ay tila niluluto na sila nang buhay.
Ang buong mansyon nang City Lord ay tila napunta sa isang disyerto kani-kanina lamang. Hindi sila nangahas na gambalain ang loob nang silid kaya nag-antay na lamang sila dito sa labas.
"Ohh.. tamang-tama City Lord Rigid. Ang Pimbirt Pill ay nagawa na namin. Maaaring kayo na ang magpainom nito dahil kinakailangan na naming umalis."
Agad na iniabot ni Rin Halesmoth ang isang piraso nang pulang gamot. Tila isa lamang itong ordinaryong Pill dahil iniabot ni Rin ang gamot sa kasual lamang na paraan.
"Ngunit kagalang-galang na Master Alchemist. Hindi pa namin kayo nababayaran at alam kong hindi sapat ang mayroon ako ngayon para mabayaran ang serbisiyo nang isang Master Alchemist!"
Agad na sambit nang City Lord at napayuko pa ang ulo nito. Alam niyang ang mga Master Alchemist ay iginagalang saan mang lupalop nang kontinente.
Maging sa malalakas at naglalakihang pwersa ay lubos silang iginagalang. Dahil ito sa kanilang serbisyo at bukod sa mga Grandmaster Alchemist na bilang lamang sa kamay, ang mga Master Alchemist ang pangalawang pinakamagagaling sa paggawa nang Pills at Potions.
Mahirap hagilapin ang mga Master Alchemist. Kung gaano sila kahirap hagilapin ay tila wala namang bakas ang mga Grandmaster Alchemist.
"Isa kang City Lord dito sa bayan ng Giko ginoong Rigid. Hindi mo man ako kayang bayaran ngayon ay maaaring sa hinaharap ay matulungan mo ako."
Sambit ni Rin at agad na siyang umalis. Si Owen na kalalabas lamang nang silid ay agad na sinundan ang kanyang kaibigan ngunit pinigilan siya ni Ginoong Rigid.
"Ito ay isang token na kumakatawan sa aking katungkulan bilang City Lord nang bayang ito. Naway tanggapin mo ito bilang pasasalamat munting Ginoo."
Nagulat si Owen at tatangihan sana niya ang City Lord dahil alam niyang napakahalaga nang bagay na ibinibigay nito sa kanya.
"Pakiusap tanggapin mo ito, hinding-hindi mababayaran ng maliit na bagay na ito ang pambihirang Pills na kagaya nang Pimbirt Pill."
"Aisshh!.."
Wala nang nagawa si Owen at kinuha ang token na ibinigay sa kanya ni Ginoong Rigid. Pagkatapos nito ay hinabol na niya ang kanyang kaibigan.
"Rin! bakit tayo umalis agad. Hindi pa natin nasisigurado kung epektibo ba ang ginawa nating Pimbirt Pills."
Tanong ni Owen at nanghihinayang siyang hindi masaksihan ang epekto nang kanilang ginawang pambihirang gamot.
Hindi sumagot si Rin Halesmoth at normal lang itong naglakad pabalik sa kanilang inupahang tirahan.
Si Owen naman ay hindi nalang pinansin ang kanyang kaibigan at napatingin ito sa gintong token na nasa kanyang kamay.
'Ito ay isang token na kumikilala sa City Lord nang bayang ito.'
Nasabik na hinawakan at sinuri ni Owen ang gintong token at pumasok ang mga pambihirang gamot sa kanyang utak.
Kahit anumang bilhin niya sa loob nang bayang ito ay libre kung ipapakita niya ang token. Ang mga tindera at kumpanya ay direktang sisingilin ang City Lord kung mayroon man siyang gustong bilhin.
Hindi lang iyon dahil sa pamamagitan nang token na ito ay maaari silang maglabas pasok sa bayang ito kailan man nila gustuhin.
'Hindi ko inaakalang magbibigay nang ganito kahalagang bagay ang City Lord." Sa isip-isip ni Owen.
Ngunit napatigil siya sa pagsasaya nang makaramdam siya nang isang marahas na awra. Tila lumalabas sa espasyo ang awrang ito at hindi pa nakakarating sa kanilang kinaroroonan.
"Rin! anong nangyayari."
Bumakas ang takot sa kanyang expresiyon habang pinapakiramdaman ang paparating na awra. Ngayon lamang siya nakadama nang ganito katinding energiya.
Mayat-maya naramdaman na niya kung saang lokasyon lumitaw ang nilalang na naglalabas nang nakakapangilabot na awra.
Lumitaw ito sa mismong mansiyon nang City Lord. Hindi maaaring magkamali si Owen dahil ramdam na ramdam niya ang malakas na awra na nangagaling doon.
"Kung ganon personal na pumunta ang Plantherang iyon sa lungsod na ito."
Ngumisi si Rin at naglakad nang muli pabalik sa kanilang inupahang tirahan.
Si Owen ay naguguluhan ngunit nawala ang takot sa kanyang mata nang makitang hindi apektado ang kanyang kaibigan.