CHAPTER 2
NATHANIEL'S POV
     After dismissal, nag-decide muna akong maglakad-lakad sa school para naman ma-familiarize ako. Nang madaanan ko iyong canteen, naalala ko si Lauren. Grabe pala talaga siyang makipag-away. Pero alam kong nasaktan siya sa mga sinabi ng mga babae.
     Kunwari, balewala lang sa kanya pero makikita mo na naapektuhan siya. Ewan ko ba, pero gusto ko talagang mapalapit sa kanya.
     Nag-decide na akong lumabas...
     "Bitiwan niyo sabi ako eh!" Boses ng isang familiar na babae. Pagkakita ko...
LAUREN'S POV
     "Bitiwan niyo siya! Huwag niyo siyang sasaktan!" sigaw ng isang lalaki na pamilyar ang boses. Napatingin kaming apat sa kanya.
     Nang makita ko kung sino, si Nerd? I mean, si Weird! Basta! Iyong cute daw sabi nina Ericka at Shiela.
     "Ikaw?" nasabi ko na lang?
     "Sino 'yan?" tanong ng lalaking nakahawak sa kaliwang braso ko.
     "HAHAHA... Ang knight in shining armor ni sexy! Ehhg may ibubuga naman kaya iyan?" sabi naman ng isa pa nilang kasama.
     "Tignan natin," sabi ng isa pa at umismid.
     Binitiwan ako ng lalaking nakahawak sa kanang braso ko pagkatapos ay lumapit at sinuntok sa kaliwang pisngi si Nerd. Isang suntok pa lang... bumaliktad na? Well, puro tangkad lang pala ito eh. Psh! Ang laki pa naman ng katawan.
     "BWAHAHAHA... Libro na lang hawakan mo!" pang-aasar ng nanuntok sa kanya.
     Binitiwan na rin ako ng isa at pinagtulungan ng tatlong lalaki iyong Nerd. May mga dugo na na tumutulo sa bibig niya. Psh! Bwisit! Bakit kase nakialam pa siya!
     Noong parang hindi na kaya no'ng Nerd, lumapit ulit sa akin iyong tatlo, but this time, nilabas ko na iyong hawak kong kutsilyo.
     "Ano?" sabi ko sabay tutok ng kutsilyo sa kanila.
     Nagsitakbuhan na sila. Mga duwag naman pala eh. Psh! Mga gunggong lahat.
     Noong nakalayo na iyong tatlo, tinago ko na ulit iyong kutsilyo. Paalis na sana ako nang biglang may humawak sa braso ko.
     "Ano ba?" Pagtingin ko, si Nerd.
     "Ahhh... Sorry. Ayos ka lang ba?" tanong niya sa akin.
     "Psh! Oo! Bakit ba kasi nakialam ka?"
     "Ahm... gusto kasi kitang iligtas," diretsong sabi niya.
     Tinaasan ko siya ng kilay.
     "Psh! Iligtas?!" I smirked.
     "Oo, baka kase saktan ka nila," tugon niya pa.
     "Ahhh... So gusto mo pala akong iligtas? Eh sa nangyare parang ikaw iyong niligtas ko eh! Tsaka ano bang pakialam mo kung saktan nila ako?"
     "Ehhh nag-aalala lang naman ako sa'yo eh."
     "HAHAHAHA." Tumawa lang ako pagkatapos ay umiling.
     "I just want to protect you," nakayuko niyang sabi. Ano raw?
     "What?" tanong ko.
     "I mean... Baka lang kase kailangan mo ng tulong," sagot naman niya. Ang daming sagot nito!
     "Tulong? Kaya ko ang sarili ko. Hindi ko kailangan ng tulong ninoman, especially sa katulad mo na... puro laki lang ng katawan, hindi naman kayang gamitin!" Pagkasabi ko no'n ay tumalikod na ako ulit.
     "Wait.. 'di ba ikaw si Princess Lauren Revilla? Ako nga pala si Nathaniel John Montano!" pahabol ni Nerd.
     "I don't give a damn!" sabi ko lang habang naglalakad pa rin pero bigla siya ulit sumigaw.
     "Sige! Ingat ka ah!"
     Psh! Ang weird ng Nerd na iyon!
NATHANIEL'S POV
     "Ingat!" sigaw ko pa rin kahit na hindi niya ako pinapansin.
     Aray! Ang sakit naman ng suntok ng mga 'yon. Hays. Okay lang kaya si Lauren? Halata naman na kaya niya iyong sarili nya eh. Grabe talaga siya sa pakikipag-away. Mapa-lalaki o babae hindi niya inaatrasan. Ang astig niyang babae. Ang lakas.
     Pero kahit ganon, may kahinaan pa rin siya at kailangan pa rin niya ng tulong ng iba. Alam kong dapat pa rin siyang protektahan.
LAUREN'S POV
     Umuwi na ako sa bahay. At pagpasok ko, nakita ko si Cassandra.
     "Nakipag-away ka raw?" bungad sa akin ni Cassandra.
     "Yes. Anong paki mo?" sagot ko naman at pumasok na sa loob.
     "Anong paki ko? Bakit ba lumaki kang ganyan ha? Hindi naman ako nagkulang bilang ina mo!" singhal niya sa akin. Ano raw?
     Hinarap ko siya.
     "Psh! Hindi ko alam kung saan ako masusuka. Kung doon sa 'hindi ka nagkulang' o doon sa part na... 'bilang ina'. Ang galing mo namang magsalita!" sabi ko at tinalikuran siya.
    "Princess!" sigaw niya.
     "Sinabi ng huwag mo akong tawaging Princess eh!" sigaw ko at humarap sa kanya.
     "Huwag kang magalit kung pinagagalitan kita. Concern lang ako sa'yo," sabi niya sa akin. Napailing ako.
     "Concern? Psh! Wow... saan mo ba nakukuha 'yang mga nakasusuka mong salita? Concern? Huwag ka ngang magkunwari na may pakialam ka at nag-aalala ka sa akin, dahil hindi iyon totoo!" Pumatak na naman iyong mga luha ko. Ang kapal ng mukha niya! Tumakbo ako papuntang kwarto ko at umiyak.
FLASH BACK
     "Mama... Huwag niyo po akong iwan! Waaaah!" Iyak ko habang nakayakap sa kanya.
     "Huwag mo akong tawaging Mama! Wala akong anak!" sabi ni Cassandra at tinulak ako.
     "Mama hindi niyo na po ba ako gusto?"
     "Hindi kita kailanman nagustuhan. Wala  namang may gusto sa 'yo eh! Kaya ako iniwan ng Papa mo, dahil sa'yo!" sabi niya at naglakad palayo. Hinabol ko siya at niyakap.
     "Mama... mahal ko po kayo," sabi ko habang umiiyak pa rin.
     "Hindi kita mahal. Hindi!" matigas na sabi ni Cassandra at tumakbo pasakay ng tricycle.
     "Mama! Huwag niyo po akong iwan!" Iyak lang ako nang iyak.
     Hindi niya ako mahal? Kaya niya pala ako iniwan. Tapos bumalik siya? Para ano? Para sirain iyong buhay ko?
END OF FLASH BACK
     Iniwan niya ako, tapos ngayon sasabihin niya na concern siya? Sabagay, hindi ko rin naman naramdaman iyong pagmamahal niya noon sa loob ng limang taong kasama niya ako... Wala siyang ibang ginawa kung hindi ang sisihin ako sa pag-iwan sa kanya ng Pa— ng lalaki na iyon! Hindi ko alam iyong pangalan ng lalaki. Mukha lang ang natatandaan ko at hindi din ako interesadong malaman iyong pangalan ng lalaking iniwan din ako!
***
     "Princess... anak, mahal na mahal kita." Boses ng isang babae.
     "Shit!" Napasigaw ako nang biglang tumunog ang alarm. Panaginip lang pala.
     Naligo at nagbihis na ako at tulad ng nakagawian ko, dumaan muna ako sa lugar kung saan ako nanggaling, bago pumasok sa school. Parang hindi kase nagiging kumpleto ang araw ko kapag hindi ko sila nakikita.
     Pagpasok ko sa room, nandoon na si Mrs. Rivera.
     "You're late again! At bakit ka nakipag-away sa mga students ko?" galit na bungad ni Mrs. Rivera.
     Tinignan ko lang siya. Tangina, hindi ko nga nakita si Cassandra, maaga pa ring sira ang umaga ko dahil sa babaeng 'to.
     "Psh! Sana nga mas nagpa-late pa ako para hindi kita nadatnan! And pwede ba? Huwag mo na akong tanungin! Tanong mo na lang kay Mrs. Castro o kaya roon sa mga students mong may bulok na ugali kagaya mo!" sagot ko sa kanya.
     "How dare you! Wala kang respeto! Bastos!" nanginginig niyang sabi sa akin.
     "Hindi ka naman karapat-dapat respetuhin," sabi ko at lumabas na lang ulit ng classroom. 
     Tinatawag niya ako but I didn't mind her. Pumunta na lang ako ng canteen at umupo.
     Bwisit iyong teacher na iyon! Hindi naman talaga ako dapat papasok eh! Kung may pupuntahan lang sana ako. Tsaka may pinag-usapan kase kame nina Shiela at Ericka. Well, two subjects na lang naman recess na!
     Tinext ko iyong dalawa.
     "Nasa canteen ako, wait ko kayo mamayang recess. Kapag 'di kayo dumating, lagot kayo!"
     Pagka-send ko, naglaro na lang ako sa phone ko. Aist. Boring.
     Mga ilang oras lang, nag-ring na iyong bell, so it means... recess na! Ang bilis ng oras. Ayos.
     Mayamaya lang, dumating na sina Shiela at Ericka.
     "Uyyy Lauren! Bakit 'di kana pumasok? Hindi mo tuloy narinig iyong magandang boses ni Nathaniel! Ayieee!" kinikilig na sabi ni Shiela.
     "Oo nga! Matalino, cute, talented! Ayyy! Nasa kanya na ang lahat!" namumula namang sabi ni Ericka.
     Psh! Ano raw? Iyong nerd? Psh! Ewan ko ba sa dalawang ito, ang gaganda naman! Bakit cute para kanila iyong nerd na iyon.
     Si Shiela maputi, mahaba iyong buhok, kaya nga lang... kulang sa height. Si Ericka naman matangkad, hanggang balikat iyong buhok, morena. Well, parehas silang manamit, medyo maiksi pero hindi naman kagaya sa mga naka-away ko kahapon. Tsaka bagay naman sa kanila kase makinis naman iyong mga legs nila at alam nilang dalhin.
     Kapag magkakasama kaming tatlo, ako iyong naiiba. Matangkad din ako, mahaba ang buhok, morena, pero iyong mga sinusuot ko, kung hindi long sleeves,  jacket tapos pantalon. Hindi rin ako nagsususot ng hindi kulay black. 'Di tulad ng dalawa, hindi ako nagme-make-up. Ayaw ko no'n!
     "Uy! Lauren! Tinatanong kita!" Kumaway sa harapan ko si Shiela.
     "Ha? Ano?" tanong ko.
     "Sabi niya... kung cute daw si Nathaniel para sa 'yo?" Si Ericka iyong sumagot sa akin.
     "Psh! Iyong nerd?" sabi ko.
     "Anong nerd? Hindi siya nerd 'no! Sadyang matalino lang siya tsaka medyo malabo ang paningin," pagtatanggol sa kanya ni Shiela.
     "Anong hindi? Nakita mo ba iyong itsura niya? Lagi niyang suot iyong weird niyang salamin. Tapos color yellow na socks? Kulang na lang jumper at magiging kamuha na niya si Velma Dinkley ng Scooby Doo Universe," tugon ko.
     "Grabe ka naman sa kanya! Ang pangit kaya no'n! Hindi mo pa ba nakita si Nathaniel nang harap-harapan? Ang haba ng pilik mata, tapos iyong mata medyo brown, iyong ilong! Whoa! Ang tangos, tapos kissable red lips, iyong baba at panga! Almost perfect. At sooobrang bait pa niya, at iyong boses!" S
sabi ni Ericka habang nag-iimagine. Psh!
    "Then?" sabi ko lang with a bored tone.
     "Then ang tangkad! Ang laki ng mga muscles, and iyong abs! Juskopo! 6 packs abs! Whoa! Ang hot! Hot na hot!" parang nakukuryenteng sabi ni Shiela.
     "Paano mo naman nalaman na may—"
     Hindi pa ako tapos magsalita nang magsalita ulit si Ericka.
     "Hoy! Paano mo nalaman na may abs siya!" tanong ni Ericka kay Sheila.
     "Facebook! Laki siya sa Korea at model kaya siya roon," pagmamalaki ni Shiela.
      "HAHAHAHA. Model ng ano? Model ng gatas para sa mga bata?" tawang tawa kong tanong.
     "Hala siya! Maka-gatas ng bata ka ah! Ang kisig nga niya eh," sabi pa ni Shiela.
     "Puro lang naman laki ng katawan 'yon eh!" sabi ko sabay ismid.
     "Ha?" react ni Ericka.
     "What do you mean?" tanong naman ni Shiela.
     Sabay nilang tanong sa akin iyon habang mas lumapit sa akin.
     "Pinagbubugbog siya kagabi ng mga syota no'ng tatlong babae kahapon," sabi ko.
     "OMG! Niligtas ka niya!" Gulat na sabi ni Shiela. Siguro kung pwede lang kumislap iyong mga mata niya, kumislap na. Psh.
     "'Di mo ba narinig iyong sinabi ko? Binugbog siya!" sabi ko then I smirked.
     "Wew? Ehhh nag-aral kaya iyon ng Kung-Fu!" Hindi makapaniwalang sabi ni Shiela.
     "Kung-Fu? Psh, tanong mo roon sa mga lalaking isang suntok pa lang, bumaliktad na siya," sagot ko.
     "Uyyy, totoo. Magaling siya sa Martial Arts!" pamimilit ni Ericka.
     "Psh! Ewan ko sa inyo, kain na nga tayo!" sabi ko na lang at um-order na.
     Haaay, bakit siya iyong topic namin 'di ba? Duh!
***
     After naming kumain, pinilit nila akong pumasok sa room. Well, sumama na ako. Wala naman akong magawa. Boreeed!
     "Good morning, Mrs. Cruz," bati nila.
     Nakita ako ni Mrs. Cruz na hindi nag-greet but she didn't mind me. Well, good. Sanay na siguro siya.
     "Good morning, sit down. May gagawin tayong activity! By partner, choose your partners," sabi ni Mrs. Cruz.
     "Ahhh... Lauren, kayong dalawa ni Shiela. Hanap na lang ako ng partner ko," sabi ni Ericka sa akin.
     "Huwag na. Hindi naman ako sasali eh. Palista na kayong dalawa," sabi ko naman.
     Tumayo na sila then nagpalista as partners. Napatingin sa akin si Mrs. Cruz.
     "Miss Revilla, who is your partner? Hindi pwedeng hindi sumali rito," sabi niya sa akin.
     "Sige! Kapag may nahanap kang papayag na maging partner ako, I will join. Tignan ko kung may mahanap ka! HAHAHA!" panatag kong sabi.
     Tumingin lang siya sa akin at nagbuntong-hininga.
     "Sinong pwedeng maging partner ni Miss Revilla?" tanong naman ni Mrs. Cruz sa klase.
     Maraming nag-react sa sinabi niya.
     "Ayoko iyan, eh bobo 'yan eh!"
     "Tsk! Wala namang alam 'yan kung ang manggulo, baka masira pa iyong activity ko."
     "Ayaw kong magkaroon ng partner na walang kwenta!"
     "Baka bugbugin ako!"
     Nagtitimpi lang ako. In fact, natutuwa ako dahil tama ako, walang pumayag! HAHAHA.
     "Stop! Anyone?" tanong ulit ni Mrs. Cruz
     "I told you. Kaya hindi ako sasali!" sabi ko tapos sumukob.
     Alam ko naman na walang may gusto na maka-partner ako at ayaw ko ring mag-activity!
     "Ako po! Willing na maging partner niya!"