It's time to get up in the morning...morning...morning...wake up!!!!!!!!!!
Anak ng inuuod na baboy! Palagi nalang talaga akong nahuhulog sa kama kapag uma-alarm na yang orasan na palaging nagpapahabol para tumigil sa kakasigaw.
"Aish! Nakakainis!!" Bakit pa kasi ito yung graduation gift sa akin ni papa noong high school. Yan tuloy, napipilitan akong gamitin ito. Ugh.
"Uyy Ysa ano pwede bang patayin mo na yang alarm mo?! Natutulog yung tao eh." Reklamo ng nasa kabilang unit na senior na sa college.
Hinabol ko yung tumatakbong alarm clock at sa wakas ay nakuha ko rin ito dahil naipit ito sa may cabinet ko.
"Sorry po ate..." Pinatay ko ang alarm saka kumuha ng damit at nagtungong cr para maligo.
Alam niyo yung nakakainis, boses pa talaga ng mga kapatid kong walang kasing bait kapag magkasama kami. Tss. Humanda talaga sila sa akin kapag nakauwi sa bahay.
Aish. Makaligo na nga lang, baka malate pa ako sa klase.
Nasa Gray University na ako ngayon. Kasama ko ang best friend kong napaka-daldal.
"Hoy Ysa! Alam mo ba? May transferee daw galing Korea!!! Kyaaaah!!!!!!" Napatingin naman lahat ng tao na malapit sa amin. Wala talagang makakatalo sa lakas ng boses niya. Dinaig niya pa ang megaphone dito.
"Ano ka ba Mau, tama na nga yan. Eh ano naman kung may transferee? Di mo pa alam kung lalaki yun eh kinikilig ka na kaagad" Sita ko sa kanya. Kung makatili kasi wagas, akala mo naman magkakalovelife na
siya kapag dumating yung tao.
"Palibhasa bitter ka kasi di ka pa nakakamove on kay Kenneth at isa pa, lalaki daw si Koreano nuh kaya sorry ka na lang bes" Aish. Pinaalala pa talaga niya.
"Tss. Dyan ka na nga" Iniwan ko siyang mag-isa sa corridor.
Nakakasira ng mood yung sinabi niya eh. Kahit kailan talaga hindi marunong magpreno ng bibig.
Alam naman niya na hindi pa ako nakakamove on sa ex ko kahit na high school pa kami noon. Ang hirap kaya mag move on, lalo na kung minahal mo talaga ang isang tao. Palibhasa kasi di niya pa na-experience umibig ng sobra at mawasak ng sobra.
"Ouch!!" May malaking bagay kasi na bumangga sa akin. Hindi ko namalayan kasi nakayuko ako habang naglalakad patungong room.
"Aish. jeongmal? neo eodi galji josimhae, geuchi? (Really? Watch where you going, will you?)" Sabi niya. Ano daw? Teka, hindi siya pinoy. Ito kaya yung Koreanong sabi ni Mau?
"H-Hoy!! Di ka man lang ba mag-ssorry?" sigaw ko sa kanya. Dumiretso kasi siya sa paglalakad.
Ano di ba uso sa kanila ang manners at pagiging gentleman? Pfft.
Ugh. Bahala na nga lang. Palalagpasin ko to ngayon dahil ayoko na masira pa lalo mood ko.
"Class, we have a new student joining us this year. He is foreign so please understand and be kind to him. Okay?" Malumanay na wika ng favorite grammar prof. ko. Napakabait niya kasi, siya lang nakakaintindi sa akin dito maliban sa best friend kong ewan.
"Ahh prof, gwapo ba siya? hihihi" natawa kaming lahat sa kanya. Kahit kailan talaga tong si Lia napaka-L.
"We'll have to see Ms.Lopez..." Back to lesson na naman si sir habang hinihintay namin ang bago naming kaklase.
Makalipas ang ilang minuto ay may dalawang taong huminto sa may pinto. Napatingin naman si sir sa kanila at tinanguan sila.
Pagkapasok niya ay napatili lahat ng mga kaklase kong babae. Pssh. Ganun ba siya ka gwapo? Di ako nakatingin sa kanya. Busy ako.
Busy kaka-stalk kay Kenneth.
Ano ba tiny voice, wag mo nga akong pangunahan.
Move on din pag may time te...
Che! Wala kang pakialam kung gusto ko siyang istalk. Alis ka na nga.
"Annyeonghaseyo, je ileum-eun bagminhyeog-ibnida (Hello. Im Park Min Hyuk...)" pagkarinig ko palang sa boses niya bigla akong napatayo.
"Ikaw?!!" sigaw ko na ikinagulat nilang lahat.
"What's the matter Ms.Luna?" tanong ni sir sa akin. Nag-sink naman sa utak ko ang ginawa ko kaya napaupo ako agad at yumuko.
Shit.shit.shit.shit na malagkit. Nakakahiya. Para ka tuloy sira ulo Ysidra Sabrina Avria Luna...
"Okay Mr.Park, sit anywhere you like. Feel comfortable" narinig kong sabi ni sir sa kanya.
Naramdaman ko na may papalapit sa upuan ko. Ugh. You've got to be kidding me?!
"Oh, Ms.Luna we'll talk later after this" bigla akong nagka-goosebumps.
Ilang minuto lang at nag-dismiss na ng klase si sir. Ito yung ayaw na ayaw ko eh. Ang maiwan sa room kasama ang isang guro.
"What happened back there?" diretsong tanong niya sa akin. Hindi naman ako makatingin ng diretso sa kanya.
"W-wala po yun prof. Sorry talaga" Hinawakan niya naman ang mukha ko para maiharap sa kanya.
Alam niyo kung hindi lang talaga bumabalot sa puso ko si Kenneth talagang kakainin ko ng buhay tong si prof. Ang cute eh.
"You know you're my favorite student right? I shouldnt have told you that but you need to know. So please mag-ingat ka sa mga kilos mo dahil wala ang kuya mo dito para bantayan ka." Nakatingin lang ako sa mga mata niya. Napakalalim nito, feeling ko nga malulunod na ako buti nalang marunong akong lumangoy.
"Okay lang ako kuya Drake. May conflict lang kasi kami kanina kaya ako napasigaw pero wag kang mag-alala, mag-iingat na ako sa susunod" ngumiti ako para ireassure siyang hindi ko na gagawin ulit yun.
At hindi na talaga dahil ayoko mag-aksaya ng panahon sa mga taong di ko kilala at wala akong pakialam.
"Good. You're coming home right? I'll head home too, you want a ride?" yaya niya sa akin. Napatango lang ako sa kanya. Kakapagod magsalita eh.
"Kuya este prof, hindi ba bawal tong ginagawa natin? Pinapasakay mo ang studyante mo sa sasakyan mo? Di ba against the rules sa campus?" paulit-ulit kong tinatanong sa kanya to. Gusto ko lang naman kasi makasigurado. Baka mapahamak siya dahil sa akin, ayoko mawalan ng kakampi dito.
"No. As long as im not doing anything to you. Nothing yet anyway..." natatawa niyang sabi. Hinampas ko siya gamit ang libro na hawak ko. Kahit kailan talaga ang hilig mangtrip.
Dahil napagod ako sa ilang oras na klase namin ay naidlip ako sa loob ng kotse habang si kuya Drake naman ay nagmamaneho pa rin.
"We're here." paggising niya sa akin. 35 minutes lang at nakarating na kaagad kami sa subdivision namin. Galing talaga magmaneho ni kuya Drake.
Bumaba siya at pinagbuksan ako ng pinto. Pagkalabas ko ng kotse ay bumukas naman ang pinto ng bahay at iniluwa si kuya Tristan.
"Bro!!!" sigaw niya habang papalapit sa amin. Di niya talaga ako napansin dahil si kuya Drake ang una niyang tinawag. Tss.
"Long time no see" wika ni kuya Drake.
"Oo nga eh, how long has it been? One, two, three?" patanong na sagot naman ni kuya Tristan.
"Six months bro..." natawa naman silang dalawa. Parang sila lang yung nagkakaintindihan talaga.
"Ehem. Im right here you know" natigil naman ang usapan nilang dalawa at napatingin sa akin.
Buti naman at napansin din nila ako. Ang boring kaya ng mga topic nila.
"Right. Im sorry. Sinabay ko na kapatid mo dito dahil nagka-issue yan kanina. I'll go ahead Tris, see you later" sumakay pabalik si kuya Drake sa sasakyan niya at nagtungo sa pangatlong bahay na malapit sa amin.
"Care to explain what Drake said earlier?" Naka-cross armed niyang sabi. Para siyang si papa na younger version.
Umupo ako sa couch at huminga na muna ng malalim bago siya sinagot.
"Wala kuya. Nag-eexaggerate lang yun si kuya Drake" pagpapalusot ko sa kanya. Baka kapag sabihin ko na binastos ako ng isang lalaki ay mapasugod ito sa campus bukas.
"Kilala kita Ysidra, alam ko na yang mga palusot mong ganyan. Now, spill it or kay Drake ako magtatanong" I sighed. Wala akong panlaban kapag si kuya na kausap ko.
"Aish oo na. May lalaki kasing bumangga sa akin kanina sa corridor at pinagalitan pa ako kahit siya yung may kasalanan. Pagkatapos siya pala yung bago namin na classmate kaya ako napasigaw sa room. Yun lang naman nangyari eh" napansin ko ang pamumula ng tenga ni kuya.
Alam ko yan eh, kapag pupula yan. Dalawa lang ang rason, kinikilig o nagagalit. And I have a feeling na hindi siya kinikilig.
"Gago yun ah. Sino yun? Ano pangalan ng lalaking yun? Gusto mo turuan ko ng leksyon? Walang pwedeng gumanyan sayo maliban sa akin at Drake kaya humanda sa akin ang lalaking yan" Aish. Mag-best friend nga talaga silang dalawa. Napaka-overprotective.
"Sus. Wag na kuya, ayoko masira ang gwapo mong mukha...Nga pala, hindi ba uuwi sina mama at papa at Cal?" Namimiss ko silang tatlo.
"Next month pa daw ang bakasyon ni Cal kaya di pa sila makakauwi. Namimiss ko na rin sila kung yan ang susunod mong tanong sa akin" Nasa America silang tatlo. Nag-aaral doon si Cal ng pre-med, nakapasa kasi siya sa isang scholarship ng malaking university doon kaya sinamahan siya nina mama at papa.
At sa kasamaang palad ay naiwan kaming dalawa ni kuya dito sa Pilipinas.
"Pfft. Di ko naman itatanong yun eh..." natatawa kong sabi. Sinamaan ako ng tingin ni kuya.
"Ahh ganun ba?" hudyat na yun para magsimula akong tumakbo sa bahay dahil alam kong kikilitiin niya ako ng sobra.
"Gottcha" Tang na juice. Nahuli ako ni kuya
"Ahh hahahaha kuya ano ba hahahahah tahahama na hahaha" alam niyang kahinaan ko to eh.
Buti nalang talaga at tumunog ang cellphone niya kaya tumigil siya. Salamat Lord!
"Okay. I'll check on that tomorrow" Sabi niya sa kabilang linya.
"Sino yun kuya? Trabaho na naman ba yun?" tanong ko sa kanya.
"Secretary. May kailangan daw akong asikasuhin sa opisina" sagot niya.
"Oh" tumamlay ang mukha ko. Akala ko pa naman makakasama ko siya buong weekend.
"Alam mo naman diba? Hindi ko pwedeng pabayaan ang company natin. Pero dont worry, pagkatapos kong pumunta ng opisina bukas mamamasyal tayong dalawa" lumiwanag ang mukha ko.
Kahit na magkasama kami ay bihira lang talaga kaming magkaroon ng time ni kuya sa isa't isa. Palagi kasi siyang busy dahil sa kanya iniwan ang company namin. Siya kasi ang panganay at sumunod naman kaming dalawa ni Cal.
Kambal ko si Cal, mas nauna akong ilabas kaya ako ang bunso at siya ang panganay. Ganun yun diba?
"Hmmp. Pasok na muna ako sa kwarto kuya, baka may student na naghihintay sa akin"  tumango naman siya at hinalikan ako noo.
"Tawagin nalang kita kapag nandito na si Drake at handa na ang hapunan"
Pumasok na ako sa kwarto at in-open ang laptop.
1 new message request
Bago na naman siguro to. Nakapage kasi ako.
Ysa's Language Tutorials. English. Filipino. Spanish. Korean.
Offer's online tutor or meet ups. Schedules: Saturday 6-10 PM (Online) 8-5 AM (Meet-up). Sunday 12-5 PM (Online & Meet-up).
Payment: 200 pesos per hour. Online/Meet-up
Diba? Ang bongga ng ate niyo. Ito yung part time job ko. Boring kasi kapag wala akong ginagawa at sayang naman yung mga natutunan kong language mula kay kuya Drake, kuya Tristan, at syempre sa kambal kong si Cal kapag di ko ginamit. Diba?
Malakas ang kita ko dahil marami akong estudyante na nag-eenroll. Kadalasan ang foreigners na nandito sa Pinas o sa ibang bansa na gustong matuto ng ibang lenggwahe.
From: Chan
Can you teach me english & filipino?
Accept or Ignore
Accept.
The more the merrier diba? Another addition to my students. Siya ang pang-sampu kong tuturuan.
To: Chan
Yes. What do you want? Online or meet-up?
Sent
...
From: Chan
Is meet up good?
To: Chan
Yes. Where are you located?
From: Chan
Paraglade Mansion
Woah. Paraglade mansion? That's where the most expensive condo units are located.
Ang yaman ni kuya ah. Pero kung mayaman siya edi sana kumuha nalang siya ng private tutor talaga. Hindi naman masakit sa bulsa niya yun diba?
Omg. Baka scam to. Naku, pag-ako nascam ewan ko lang talaga.
To: Chan
Let's meet elsewhere. How about 7/11 near you? I need to make sure that you are not a scammer
Naninigurado lang naman ako. Mahirap na. Baka mabalita nalang ako sa isang tv station na lumulutang sa may estero.
From: Chan
Okay. I feel the same way. Tomorrow 9 AM sharp.
Nag-like sign ako sa kanya at di na siya nagreply.
Wala na naman siguro magpapaturo sa akin dahil friday pa ngayon. Matutulog muna ako sandali bago bumaba.
"Ysidra gumising ka na. Nandito na kuya Drake mo, kakain na tayo" Nagising naman ako at agad na tiningnan ang orasan.
Shit. Alas 7 na pala ng gabi. Masyadong napasarap ang tulog ko. Baka nagugutom na yung dalawa kakahintay.
"Sorry nakatulog ng mahimbing" paghingi ko ng pasensya sa kanilang dalawa.
"Nah it's okay. Kakarating ko pa lang naman" lumapit sa akin sa kuya Drake at ginulo ang buhok ko.
"Oh maupo na nga kayong dalawa. Para kayong mga anak ko" nagkatinginan naman kami ni kuya Drake dahil sa sinabi ni kuya Tristan.
"Gago. Joke lang, wala akong anak" di ko alam kung matatawa ba ako o hindi.
"Are you sure bro? Baka naman may di ka sinasabi sa amin? Alam mo na, may nakasama kang babae at nag-you know..." tinaponan ni kuya Tristan si kuya Drake ng apron na suot niya.
"Gago ka bro. Nakikinig yung kapatid ko. Sure ka ba talagang isa kang guro?" Pangbabalik ni kuya ng asar.
Nakakatawa silang dalawa pagmasdan. Parang mag-asawa at ako yung baby girl nila. Haha.
"A hot and handsome one..." natatawang sabi ni Kuya Drake.
"Manyak na guro ang right term bro. Ikaw Ysidra mag-ingat ka sa taong to" alam kong iniinis ni kuya Tristan si Kuya Drake.
"Kaya nga di ako lumalapit ng basta-basta kay prof kuya eh. Baka maakit pa siya sa kagandahan ko at kung ano gawin niya sa akin" natatawa kong saad kay kuya. Sabay lang naman ako sa trip nilang dalawa.
"Hala sige. Pagtulungan niyo pa akong magkapatid" Inis na wika ni kuya Drake.
Natawa kami ni kuya Tristan dahil natalo namim siya. Power duo kami ni kuya Tristan sa mga asaran kaya wala siyang panlaban
"Kumain na nga lang tayo. Im starving" wika niyang muli sa amin
Hinanda na ni kuya Tristan ang pagkain at ako naman sa mga pinggan at utensils. Syempre, ang maghuhugas mamaya ay si kuya Drake.
Wala kaming hiya eh, bisita ang pinapahugas namin ng pinggan. Dejoke lang. Si kuya Drake ang nag-volunteer nuh.
"Oo nga pala, may im-meet ako bukas mga kuya. Isang foreign student ko" sabi ko habang kumakain.
"Lalaki ba yan? Gusto mo samahan kita?" tanong ni kuya Tristan
"Naku wag na, diba may aasikasuhin ka pa bukas sa opisina? Ako na bahala" sagot ko sa kanya.
"Dont worry bro, ako maghahatid sa kanya para di ka ma-praning" saad ni kuya Drake.
Ugh.
Malaki na kaya ako. Im 18 already yet binababy pa rin ako ng dalawang to. Kaya ko na kaya mag-handle ng mga ganitong bagay.
Meet lang naman eh, at isa pa hindi date. Strictly business ang sadya ko.
Oh well, mukhang wala naman akong magagawa dahil di naman talaga nagpapapigil ang dalawang to sa gusto nila.