Kabanata 1
"Hello po! Ako nga po pala si Idianna Marie Flores. Inday for short. Day for shorter. Tuldok na lang po for shortest hehe." Kumaway ako sa mga magiging amo ko.
Hindi mapigilang magningning ang aking mga mata kasi ang ganda-ganda ni Madam! Parang manika! Ang ganda pa ng mga ngiti niya sa akin kahit na medyo nakakatakot ang pagkaka-linya ng kilay niya.
Wala sa sariling napahawak ako sa kilay ko. Sobrang kapal ng kilay ko at sabog-sabog. Paano ko kaya mapapaganda ang kilay ko na kagaya ng kay Madam? Hmm. Ang alam ko ginagamitan ng eyeliner yun eh hihi. Gagawin ko iyon sa mga susunod na araw hehe.
"Manang B, ikaw na ang bahalang magsabi sa kanya ng magiging trabaho niya. May early meeting pa ako sa client," utos ni Madam Katherine sa babaeng may katandaan na.
Yumuko ako kay Madam ng umalis na siya. Sinundan ko lang siya ng tingin dahil gandang-ganda talaga ako sa kanya. Yung kagandahan niya ay pang-Diyosa.
"Hoy ikaw, alam kong probinsyana ka kaya tatanga-tanga ka pa. Huwag kang mag-alala dahil tuturuan kita ng mga dapat mong malaman sa hindi. Naiintindihan mo ba?" masungit na sabi ni Manang B.
Tumango ako habang nakangiti. "Areglado po bossing!"
"Aist!" Sinamaan niya ako ng tingin kaya natikom ko ang bibig ko. Huhu. Ang sungit niya po.
"Manang B ang itawag mo sa akin Inday. Baka gusto mong makatikim ng kurot sa singit."
"Ay naku huwag po Manang B! Behave na po ako! Surri!" takot kong sinabi.
Niladlad ni Manang B ang pamaypay niya. Wow. Parang siyang Senyora hehe.
"Sumunod ka sa akin."
"Yes!" hiyaw ko at patalon-talong humakbang.
Wala pang isang segundo ay nakatanggap ako ng hampas sa braso gamit ang pamaypay. Aray ko po huhu!
"Lahat ng sasabihin ko ay susundin mo dahil kung hindi ay makakatanggap ka ng parusa. Nagkakaintindihan ba tayo?" Kumunot ang noo ko.
"Sabi po ni mama mag-aalaga ako ng bata." nagtataka lang kasi ang trabaho ko ba talaga ay mag-aalaga ng bata o susunod lang kay Manang B buong maghapon? Syempre mas gusto ko pa ring bata ang kasama kasi nauuto ko. Eh si Manang B, makunat na iyan kaya ayoko riyan hehe.
"Hindi kita binigyan ng karapatang magtanong kaya tumahimik ka riyan!"
"Hala, Manang B, ikaw na ba ang batas ngayon?"
"Tahimik!" Isang hampas na naman sa braso ang natanggap ko huhuhu. Ang bad niya huhu.
Wala akong nagawa kundi ang sumunod sa lahat ng sinasabi ni Manang B. At ngayon nga ay naglalakad kami palabas ng opisina ni Madam Katherine.
Dumaan kami sa hallway at napanganga na lang ako kasi ang gaganda ng mga painting! Ang taas pa ng kisame na may mga chandelier ata ang tawag doon. Nakakamangha!
"Unang una, hindi mo pwedeng basta na lang hawakan ang mga painting at baka mabasag. Huwag kang mangingialam ng mga gamit dahil mas mahal pa ang mga iyan sa buhay mo!" Napanganga ako sa sinabi ni Manang B.
M-mas mahal pa ang mga gamit kaysa sa buhay ko? Wow! Kung ganoon ay diwata rin pala sila hihi!
"At bawal ngumanga!" Agad kong tinikom ang bibig ko. Kainis. Ang harsh naman ni Manang B. Pati ba naman pagnganga bawal pa rin. Paano kapag kakain na ako? Saan dadaan ang pagkain? Sa ilong? Eewww! Ang sama niya! Huhuhu.
Napanguso nalang ako habang sumusunod pa rin kay Manang B.
Ngayon naman ay napadaan kami sa mga pinto. Sa dami ng mga pinto na nakita ko ay na-excite akong pasukan lahat hihi! Malay niyo secret door pala iyon papunta sa magic world! Diwata pa naman ako kaya dapat lang na makapasok ako sa enchanted world.
"Pangalawa, bawal kang pumasok sa kahit na anong pinto ng walang permiso ko o ng may-ari! Kapag pumasok ka ng walang paalam, ibig sabihin ay may balak kang masama! Tanggal ka agad sa trabaho plus kulong ka pa," sinipat niya ako mula ulo hanggang paa. "sabagay, mukha ka namang preso. Tsk." Huhuhu. Ang sama-sama talaga ng ugali ni Manang B. Ang diwatang katulad ko ay mukhang preso? Huwaaa.
"Kahit po pinto ng CR bawal? Paano po kung naje-jebs na ako. Kailangan bang maghukay na ako ng lupa sa labas para gawing CR?"
"Tahimik! Sinabi ko bang magtanong ka? Ang sabi ko makinig ka lang." Huhuhu. Grabe na talaga ito! Ang laki-laki ng bahay tapos walang CR? Buti pa ang bahay namin kahit maliit lang ay may CR pa rin.
"Sorry po," nakangusong sabi ko.
"Bawal ngumuso! Mukha kang bibe!" Oh my gosh! Hindi ko na kaya this!
Pero hindi. Kailangan kong magtiis para sa pamilya ko. Maliit na bagay lang ito. Masosolusyonan. 'Yong mga gamot ni itay? Madali na lang basta may pera! Kaya dapat kayanin ko ito! 'Yong pag-nganga? Sige hindi na lang ako kakain! Yung sa CR? Sige maghuhukay na lang ako at magtatapal ng tela sa labas! 'Yong pag-nguso? Sige magma-mask nal ang ako! Ako na ang mag-aadjust! Ako na! Ako na talaga! Ako na talagang-talaga! Ako na talagang talagang talaga peksman, mamatay man, tago susi, lunok dighay at tapon sa ilog pagkatapos-
"Hoy! Anong pinaggagagawa mo riyan?!" Natigilan ako sa pagtapak sa aking dignidad sa lupa.
"H-ho? Inaapakan ko lang po 'yong susi ng aking dignidad—aray ko po! Huhuhu!" Nahimas ko na ang braso ko dahil hinampas na naman ni Manang B ang braso ko for the third time!
"Huwag kung ano-ano ang ginagawa mo! Ang sabi ko, sumunod ka sa akin!"
"Opo!" Huhuhu. Ano bang klaseng trabaho ang gagawin ko huhu. Hindi na ito nakakatuwa!
Hanggang sa makababa na kami ng engrandeng hagdan at may dinaanan kami sa parteng likod na napag-alaman kong maid's quarter.
"Eto ang magiging kwarto mo. Ang banyo ay nasa labas. Huwag kang tanga na maghuhukay sa labas para gawing CR. Hindi ito gaya sa probinsya. Huwag na huwag kang magkakalat at malalagot ka sa akin." Tumango ako ng marami kay Manang B. Medyo nakahinga na ako ng maluwag sa sinabi niya. May CR naman pala haha. Ang engot ko rin pala hehe.
Yung maids quarter ay isang room na pagpasok mo ay may mini-sala at mini-kitchen na rin. May CR at may mga pintuan papunta naman sa kwarto. Sa kwarto ko ay may tatlong kama kaya ibig sabihin ay may tatlo pa akong kasama sa room.
"Magbihis ka na ng pamalit mo na nasa ibabaw ng kama mo. Pagkatapos ay pumunta ka sa main kitchen dahil marami pa akong ituturo sa iyo. Maliwanag ba?"
"Masusunod po Manang B."
...
"Ang ganda ko! Hihi." Lihim akong napahagikhik habang pinagmamasdan ko ang kabuuan sa isang salamin.
Dress style ang uniform namin. Black and white. White na apron at may white na head dress. Lagpas tuhod naman ang haba. Kamukha ko na yung mga maid sa beauty and the beast hihi.
Ang kama ko ay sa kanang bahagi ng kwarto. Pagkatapos kong magbihis ay saka ako lumabas ng maid's quarter. Ang natatanging tanong ko lang sa sarili ay...
Saan ko matatagpuan ang main kitchen? Nasapo ko na lang ang aking noo. Unang araw ko pa lang ay may quiz na agad. Ganitong ganito sa school eh. Nagbibigay ng tanong na mahirap sagutin. Nagbibigay ng lugar na mahirap hagilapin.
Kaya naman wala sa direksyon ang aking utak habang naglalakad sa mahabang hallway na dinaanan namin kanina ni Manang B.
Naisip ko kung may asawa na kaya si Manang B at ganoon na lang siya kasungit? Masusungit daw kasi kapag matandang dalaga. Sa lugar namin ay bawal ang ganyan kaya naman gumagawa ang kababaihan ng paraan para sila ay magkaroon ng asawa. At ako? Syempre maganda ako kaya habulin ako hehe. Maraming gustong manligaw pero wala akong magustuhan.
Unang manliligaw ko ay si Totoy. Maliit siya at pandak. Hindi siya mukhang prinsipe bagkus ay mukha siyang...ano ba? Ahh! Si Shrek! Hehe.
Matangkad ako at naisip ko kung magiging kami, paano siya aakbay sa akin? Alangan naman na ako ang umakbay? Dyahe naman! Isa pa hindi kami bagay dahil diwata ako at siya ay engkanto so erase na agad siya sa akin hehe.
Yung pangalawa kong manliligaw ay si Hansel. Kaibigan ko si Hansel at maraming nagkakagusto sa kanyang mga bakekang. Kaso friends over na kami ng magtapat siya sa akin ng damdamin. Marami ang nagsasabi na f**k boy daw siya pero hindi ako naniniwala dahil una, hindi dapat akusahan ang isang tao ng walang ebidensya. Pangalawa, maaaring nagsisinungaling ang mga tsismosa. At pangatlo....hindi ko alam ang ibig sabihin ng f**k boy. Ano nga ba ang f**k boy?
Yung pangatlo kong manliligaw ay si Buknoy. Busted agad kasi niregaluhan ba naman ako ng manika. Tapos sabi niya mukha raw akong manika kaya niya ako nagustuhan. Edi napalayas ko ng bahay namin kasi kailan pa ako naging manika? Hindi ba ang sabi ko isa akong diwata? Di.Wa.Ta.
Napahinto ako sa paglalakad ng may tumamang kung ano sa paa ko. Nang tingnan ko ay nakita ko ang isang bola. Bola? Paano nagkaroon ng bola ng basketball dito?
Yumuko ako at akmang kukunin ang bola kaso bigla naman itong gumulong. Kaya naman hinabol ko ang bola. Kaso nagulat ako ng gumulong ulit ang bola.
"Aha! Mukhang nasasaniban ka ata bola. Pasensyahan tayo pero hindi na ako natatakot sa katulad mo!" Sa lugar namin ay talamak ang mga kwento ng nasasaniban. Naniniwala akong totoo dahil nakasaksi na rin naman ako. At gaya nitong bola ang manikang si Anabelle.
"Akala mo matatakot ako sa iyo ha? Kapag nakuha kita ay titirisin kita!"
Patuloy kong hinahabol ang bola hanggang sa tumama ako sa kung ano. Kasunod no'n ay nakarinig ako ng takbuhan ng kung sino sa kung saan. Nawala na rin ang bolang hinahabol ko. Teka, nasaan na ang bola? Hala! Baka naging multo na oh my gosh!
Pero teka? Ano ba itong nasa ulunan ko? Nakayuko pa rin kasi ako at yung ulo ko ay nakasandal sa kung ano.
Uy! Malambot siya na matigas ah. In fairness, mabango rin hihi! Ano ba ito? Wait tao ata kasi nakaharap ako ngayon sa mga paa. Oh-la-lam! Kita ko ang legs niya maputi! Hihihi.
"What the f**k are you doing?!" what the...ano raw?
Natigil ang pagkapa ko sa kung ano dahil biglang may humigit ng dalawang kamay ko at itinayo ako.
At hindi ko inaasahan ang makikita ko. Oh-la-lam! Nasa cloud nine pa ba ako? Oh my god! Ang daming prinsipe sa paligid ko! At napapalibutan ako! Oh my god! Nakarating na ata ako sa tinatawag nilang heaven! Hihihihihi. Hindi na ako aalis sa lugar na ito hehehe.
"Pfft! Couz, how's the feeling?"
"Miss, mukhang kulang pa ata sa himas yung hinawakan mo. Nagwawala pa eh haha."
Nanaginip ba ako? Hindi talaga ako makapaniwala! Ilan ang prinsipe sa harap ko?
Isa...
Dalawa...
Tatlo...
Apat...
Lima!!
Limang prinsipe! Oh my gosh! Anong susunod kong gagawin? Ano? Ano na? Ahh! Alam ko na! Hihihi.
Tumili ako at, "group hug!" Dinamba ko sila ng yakap.
Mother Nature, maraming salamat sa hinandog mong oh-la-lam. Amen.
"What the f**k?!"
"The hell!!"
"S**t?!"
...
Huhuhuhu. Huhuhuhu. Huhuhuhu.
Ang sasama nila! Gusto na nila akong tanggalin! Hindi pa nga ako nag-uumpisa sa trabaho ay tanggal na agad ako huhuhu!
"Pasensya na talaga hijo. Hindi ko alam na may tinatago palang kaharutan ang babaing ito! Ako na ang bahala at pagsasabihan ko. Ako na ang magsasabi ng hinaing mo kay Madam. Sige na at pagpasensyahan mo na. Alam mo na probinsyana kaya ganyan ang asta. Huwag kang mag-alala at tuturuan ko siya ng magandang asal."
Masamang tingin ang ibinigay sa akin ni Manang B. Mas masama pa ang tingin na ibinigay sa akin ng lalaking 'hinipuan' ko raw sa ari na napag-alaman kong anak pala ni Madam Katherine. Napanguso na lang ako habang sa gilid nakatingin at umiiwas sa nakakatakot niyang mga titig huhuhu.
Kasalanan ito ng multong bola eh! Kung hindi dahil sa kanya ay hindi ko matitikman ang kurot ni Manang B sa singit ko pagka-alis ni gwapong prinsipeng masakit sa mata. Hindi ko makayanang tumitig dahil ang sama-sama ng tingin! Huhuhuhu. Nanay ko po ang sakit ng singit ko huhu!
"Ano bang pinaggagagawa mo ha?! Ke-bago bago mo pero landi agad inatupag mo! Bakit mo hinipuan ang amo natin? Nababaliw ka ng probinsyana ka!" Huhuhu. Hinampas na naman ako ni Manang B sa braso ng pamaypay niya. Yari talaga sa akin ang multong bola na iyon! Huhuhu.
"Hindi ko naman siya hinupuan Manang B! Promise hindi ko nga alam na yung snake ni sir ang hawak ko eh. Wala talaga akong alam! Huhu," paliwanag ko. Totoo naman eh! Wala talaga akong nahawakan. Kung nahawakan ko yung snake ni sir edi sana buntis na ako huhu.
"Heh! At nagsisinungaling ang amo natin kung ganoon? Tumayo ka na at parurusahan kita sa iyong kapangahasan! Sumunod ka sa akin!"
Huhu. Mukhang katapusan ko na ata. Hindi ito ang ending ng inaasahan kong story. Nang dahil sa multong bola ay mawawala na sa mundo ang isang diwata.
'Humanda ka sa akin multong bola. Kapag ako ay na-reincarnate ay matitikman mo ang aking paghihiganti! Makikita mo!' nagngingit-ngit kong saisip habang nakayukong sinusundan ang mayordomang si Manang B.
...
Hihihi.
Lihim akong natutuwa habang kasalukuyan akong nakaluhod sa bayong na may mga munggo. Nakataas rin ang mga braso ko na may hawak naman na mga libro.
Masakit ang parusa ni Manang B. Pero nakalimutan niya ata na galing akong probinsya at ang ganitong parusa ay akin ng kinasanayan. Walang-wala na ito sa akin! Hehe.
Kapag nakatalikod si Manang B ay lihim akong tumatawa ng walang sound. Kapag haharap naman saka ako kunwaring nasasaktan with matching, "Aray ko po! Huhu. Hindi na po ako uulit! Huhu."
Sa sobrang galing ng acting ko ay hindi nakatunog si Manang B na nagpapanggap lang ako hehe. Kaya pagkatapos akong parusahan ay pinasunod na ulit ako ni Manang B papasok sa loob ng kusina. Sa labas kasi niya ako ng bahay pinarusahan.
"Sa susunod na may gawin ka pang kabalbalan ay higit pa riyan ang makukuha mong parusa. Pasalamat ka at napakiusapan ko si sir na huwag kang tanggalin dahil kung natuloy na ay wala ka na agad trabaho!"
Napanguso na lang ako. Kaso ng maalala ko 'yong utos ni Manang B na bawal akong ngumuso kaya natakpan ko agad ang bibig ko.
"Surri po Manang B."
"Hmp! Palibhasa wala kang pinag-aralan!"
"Naku hindi po totoo iyan! Nakatapos naman po ako ng high school. Wala lang po akong pang-tuition sa college kaya hindi na ako nakapagpatuloy sa pag-aaral. Dapat ang sinabi niyo ay 'kulang' sa pinag-aralan," pagtatama ko kay Manang B habang sumusunod pa rin sa kanya. Hindi ko na naman maiwasan na mamangha sa ganda ng bahay dahil kakaiba talaga ang itsura.
Nagulat ako ng biglang tumigil sa paglalakad si Manang at hinarap ako. "Pinangangaralan mo ba ako, Inday?" nanlalaki ang matang sikmat niya.
Agad akong umiling habang sumisenyas ng hindi. Nakadako ang paningin ko sa nanginginig niyang kamay na may hawak ng pamaypay. Huhu. Mukhang ihahampas na naman sa akin! Buti na lang at malayo kami sa isat-isa.
"Hindi po Manang B! Sinasabi ko lang po ang totoo hehe," napapakamot sa batok na sabi ko.
Nakahinga ako ng maluwag ng bigyan niya lang ako ng masamang tingin bago magpatuloy sa paglalakad.
"Pangatlo sa mga dapat mong malaman at gawin ay kailanman ay hindi mo pwedeng pangarapin o ambisyonin ang mga amo natin! Nakikita mo naman ang katayuan mo sa katayuan nila hindi ba? Ngayon pa lang ay kalimutan mo na kung may plano kang magustuhan ang mga amo natin o maging ang mga pinsan niya dahil masisira lang ang buhay nila dahil sa iyo," mahabang litanya ni Manang B.
Nagtataka lang ako sa pinagsasabi ni Manang B. Oo aminado ako na mayaman at magagandang lalaki ang mga magiging amo ko. Pero hindi iyon ang dahilan kung bakit ako napasok sa trabahong ito. Kaya nagtataka ako kung paano nasasabi ni Manang B na plano kong magustuhan ang mga amo namin dahil una, hindi naman alam ni Manang B ang dahilan ko para masabi niya ang bagay na iyon. Pangalawa, kailan pa naging plano ang magustuhan ang isang tao? Sa pagkakaalam ko ay kusa iyong nararamdaman. Gaya ng kung paano ko hindi nagugustuhan ang paghampas lagi sa akin ni Manang B hehe.
Sunod sa ipinagtataka ko ay masisira raw ang buhay ng mga amo ko ng dahil sa akin? Bakit? Hindi ba dapat buhay ko ang masisira? Ganoon kaya ang napapanood ko sa TV. Kapag mayaman ang lalaki at mahirap ang babae tapos ayaw ng parents ng lalaki sa babae kaya gagawa sila ng mga bagay para mapaghiwalay ang dalawa kaya maghihirap ang babae sa kamay ng magulang ng lalaki.
Kahit kailan ay hindi ko pinangarap ang ganoon kaya paano nasasabi ni Manang B ang mga bagay na iyon? Nagugulahan talaga ako sa kanya. Hmm.
"Nagkakaintindihan ba tayo Inday?!" Napatalon ako dahil sa sigaw ni Manang B sa akin.
"Hindi ko po kayo maintindihan Manang B. Masyadong magulo at hindi malinaw. Masakit sa kagandahan este sa brain Manang B."
"Gaga! Sumunod ka na nga lang sa akin at tigilan mo na ang paglipad niyang isip mo. Hay naku! Bakit ba ikaw pa ang ipinadala ni Melva? Ang dami daming mas matino pa sa iyo eh!"
"Manang B, huwag niyo ng hanapin ang wala. Sige ka, kapag nagmulto sila ay baka atakihin ka. Hihi." Pasimple ko pang hinampas si Manang B sa braso. Ano ba kayo syempre gaganti rin ako hehe. Dahil hindi ako binawian ng buhay ay sisimulan ko ang mga paghihiganti ko.
Nang makarating kami sa kusina ay binigyan ako ni Manang B ng mga gagawin. Magbabalat ng gulay, maghihiwa ng karne, maglilinis ng isda at marami pang iba. Magluluto na pala kami ng tanghalian.
"Ang magiging trabaho mo ay pag-aalaga sa dalawang bunsong anak ni Madam Katherine. Bukod doon ay kailangan mo rin akong tulungan sa pagluluto. Sa paglilinis ay kapag nautusan ka lang ng mga amo natin ay saka ka lang kikilos. May mga naka-assign naman sa paglilinis. Pero kapag ikaw ang inutusan ay wala kang gagawin kundi ang sumunod, maliwanag ba?" Tumango-tango ako kay Manang B habang hinuhugasan ang mga isda.
"Manang B kailan ko makikilala ang mga alaga ko?" excited kong tanong.
"Mamaya ipapakilala kita. Paaalahanan na kita na ang mga magiging alaga mo ay may matitigas na ulo gaya mo. Ang dapat mong gawin ay sundin ang lahat ng gusto nila at kapag mali na ay isumbong mo sa akin at ng madisiplina natin," pagkatapos sabihin ni Manang B iyon ay hindi ko naiwasang tumawa. Matigas daw ang ulo ng mga bata gaya ko? Haha. May malambot bang ulo? Haha joker pala itong si Manang B eh. Akala ko matandang dalaga lang siya bukod sa mapanakit na mayordoma hihi.
"At anong tinatawa-tawa mo riyan Inday?!"
"Wala po Manang B! Hehe. Natutuwa lang po ako kasi ang responsable ninyo," sabi ko habang nakangiti. Nakita kong tumaas ang kilay niya na parang hindi naniniwala.
"Totoo po Manang B! Kasi ginagawa ninyo ang lahat para lumambot ang ulo ng mga batang aalagan ko. Ang laking responsibility po iyon kasi sa tanang buhay ko, ngayon lang ako nakarinig ng ganoong bagay. Iyong palalambutin ang ulo ng isang bata? Nakakabilib naman po! Wait, huwag niyong sabihin na doctor rin kayo? Huwaw! Ang galing galing niyo naman pala Manang B! Idol na kita! Hehe." sumaludo ako kay Manang B.
Naisip ko lang kung doctor din pala siya, ano ang dapat na itawag sa kanya? Dra. B? Mr. Joker? Mr. Bean? Hehe.
Napatakbo ako palabas ng kusina ng batuhin ako ni Manang B este Mr. Bean ng sandok! Huhu! Ang bad!
"Bumalik ka rito Inday at masasabunutan talaga kitang bruhilda ka! Ang lakas ng imahinasyon mo! Bumalik ka rito at iuuntog ko ang ulo mo sa pader ng tumino-tino ka naman!" Naku po! Mas lalong hindi dapat ako bumalik! Tama-tama. Delikado talaga ang buhay ko kay Manang B. Kailangan kong pangalagaan ang sarili ko dahil isa akong diwata. Nag-iisa na lang ako sa mundo kaya hindi dapat ako maglaho sa mundong ibabaw. Tama.
...