It's been a week since that news happened at ang paglilipat namin ng bahay. Madilim na ang buong mansyon ngunit naisipan ko pa rin magpahangin sa may veranda.
Katatapos ko lang mag-aral dahil malapit-lapit na ang aming exam. I need to advance study kasi ayokong mag-review kapag malapit na ang exam. Naisipan kong buksan ang aking instagram at tinignan kung online si Kashmiere. Nakita ko naman siyang online kaya nagpadala ako ng mensahe rito.
@BellaAmore: Namiss mo ba ako?
Natawa ako sa sarili ko habang papadyak-padyak ang aking paa at naghihintay ng kaniyang reply. Mukhang mali na naman ang aking nai-padalang mensahe at tiyak kong mang-aasar na naman ito.
@KGeyser: Hindi. Bakit kita ma-mimiss? Ako ba na-miss mo?
Aba! Ang yabang ng gago. Natawa na lamang ako sa kaniyang reply sa akin. I never thought na nakakatawang mag-chat sa kaniya. I giggled again dahil wala naman nakakapansin.
@BellaAmore: Busy? O may ibang ka-chat?
@KGeyser: Ano naman sa iyo kung may iba akong ka-chat? Inggit ka?
@BellaAmore: Bakit ako mai-inggit? Tayo ba? Huwag feeling, uy!
@KGeyser:Bakit gusto mo ba na maging tayo na lang?
@BellaAmore: Bakit nanliligaw ka ba?
@KGeyser: Kulang na naman ng turnilyo utak mo, Bella.
Tumawa ulit ako sa pinagrereply niya. In fairness, ang bilis niya magreply. Wala naman yata siyang ibang ka-chat. Kunwari pa itong gago na ito.
@BellaAmore: Kaya nga, e. Nababaliw na kasi sa iyo.
Seen
I giggled again. Naisipan kong pumasok na lang sa aking kwarto dahil mahamog at lumamig na ang hangin. Nahiga ako sa aking kama pero wala pa rin reply ang hinayupak. Mukhang mapapasabak pa yata ako sa Ala Bella pick up-line.
@BellaAmore: Uy, ano? Re-reply o tutulog?
@KGeysr: Tutulog.
@BellaAmore: O di matulog ka, huwag ka na sana dumilat.
@KGeyser: Kung hindi ako didilat, hindi ko makikita at masisilayan ang isang magandang dilag na katulad mo.
Napangiti ako sa kaniyang reply. Nagtype na lang ako ng goodnight at may inilakip pa akong isang smiley emoji. Maaga pa ako bukas, kahit matalino akong tao kailangan pa rin mag-aral. Hindi pwedeng puro satsat ang alam, dapat may alam rin para sa kinabukasan.
" Tsk! Gulo niya!"
Nakakairita na at sa halip na I-chat ang hinayupak na iyon ay hindi ko ginawa. Tarantado naman ng kaniyang mga kaibigan at talagang i-pinost pa sa instagram ang pakikipaglandian ni Kashmiere.
Lalo akong nairita nang mag-comment pa doon ang lintek na haliparot. Gigil na gigil akong nagtype at halos mabasag na ang screen ng selpon ko dahil sa inis. Shit! This is bad!
@BellaAmore: Bagay kayo.
Pinusuan lang ng dalawang kaibigan niya ang aking komento. Ibinagsak ko ang aking selpon. Lumipas ang ilang minuto ay may nag-notification kaya dali-dali ko iyon binuksan.
@Chris: Nag-aaral lang ang mga iyan.
@BellaAmore: Pakihanap ng paki ko, please.
Hindi na ako nag-reply bagkus naglog-out na lamang ako dahil nakakabanas na ang araw na ito. Lunes na lunes naiinis ang aking mukha sa nakita kong iyon. Tapos akala ng kaibigan niya nagseselos ako? Asa!
Asa naman na magustuhan ko siya I mean, ma-inlove ako sa kaniya. Napakalayo naman niyon at kapag dumating ang araw na ang puso ko ay titibok sa kaniya ay kailangan kong magpigil.
Nagsagot na lamang ako ng ibang activities at hinayaan ang mga kaklase kong mag-ingay. Ano pa nga ba? Wala naman kaming instructor ngayon dahil may biglaang meeting ang faculty. Si Achi naman ay hindi pumasok dahil tinamad na naman iyon o baka may tinatapos rin na aktibidad.
Tanging ang mga kaibigan ko lang ang kasama ko ngayon na nakikipagharutan sa lalaking kaklase namin. Hindi ko na sila pinansin at wala akong pakialam kung maiirita sila sa akin.
Tumutok lang ako sa mga aktibidad na aking ginagawa maghapon at hindi rin ako nagbukas ng mga social media accounts ko. Nang mag-uwian, inaya ko sila na kumain at sa favorite food stall namin na sinang-ayunan nilang lahat.
Nagtungo kami sa bentahan ng isaw at kung ano-ano pa dahil iyon ang paborito naming kainin kapag nagsama-sama kami. Nilibre ko na rin sila bayad ko sa kanilang pagsama sa akin.
" Problema mo, Bella at nag-aya ka yata?" tanong sa akin ni Bevs.
Nakatambay kami ngayon sa may parke habang kinakain ang pinamili naming street food. Nakaupo ako sa may swing at ang dalawa ay nakaupo sa may damuhan.
" Naiirita lang ako sa aking nakita," tipid kong sagot. " Alam niyo ba ang nakita ko? Syempre hindi niyo alam." pamimilosopo ako.
Inirapan lang nila ako. " Spill, Bella."
Tsismosang mga hinayupak. " May kalandian kasi ang bwesit na crush ko," panimula kong kwento.
They made a face. Nanlaki pa ang kanilang mata. " Oh my Gosh! Iyan ba iyong taga College of Law?" usisa ni Kara.
Tumango lang ako.
" Sabi ko na nga ba at gusto mo ang lalaking iyon at pansin kong gusto ka rin niya dahil sa mga titig pa lang niya ay mukhang gusto ka ng mabakuran." Kara teased. 
" Baka naman kasi hindi talaga sila naglalandian. Malay mo, namamalikmata ka lang."
Umirap lang ako. Inis kong tinusok ang binili kong kwek-kwek at isinubo iyon. " Hindi ako namamalikmata. Naka-post pa nga at nakatag ang gagong iyon!"
Masama nila akong tinignan. " Nagseselos ka ba, Bella?"
Nasamid ako sa kanilang sinabi. Muntik ko pang maibuga iyon sa kanila. Nagpanggap akong nasusuka at hawak ko pa ang parte ng dibdib ko.
" Yuck! Hindi ako nagseselos kasi wala naman dahilan para magselos. Naiinis lang ako." sagot ko sa kanila.
" Ows? Defensive much?"
" Hindi nga ako nagseselos. Siguro, sa future pwede pa, pero ngayon? Malabo!"
Tinawanan nila ako. " Magiging ikaw at siya ba?"
" Kaya nga future, hindi ba?"
Minsan nakakatanga rin kausap ang dalawang ito. Walang sense of humor.
Nagkibit balikat na lamang silang dalawa at ipinagpatuloy ang kanilang pagkain. Mukhang minamadali na nila ang kanilang pagkain at hindi na ako pinansin. Bakit? Gusto na ba nila ako iwan ng mag-isa rito?
Sabagay, nagkalat rin naman ang mga bodyguards ko sa paligid at hindi naman siguro ako mapapahamak. Ayos na rin na umalis sila kaysa ang madamay pa sila sa gulo ng buhay ko.
" Gusto mo talaga ang lalaking iyon, ano?" kapagkuwan ay biglang tanong sa akin ni Kara.
" Sakto lang," tipid kong sagot. " Ang kulit at ang astig niya lang kasi! Basta, hindi ko alam, hindi ko sure ang nararamdaman ko!"
Tumango-tango silang dalawa. " Paano ba iyan, Bella? Kailangan na naming umalis."
" Sabay na ako sa inyo!"
Hindi naman sila nagsalita bagkus nauna lamang silang naglakad. Hindi ko mawari kung may problema ba sila o ano kasi trip nila akong iwanan. Tsk! Hindi ko na lang sila pinansin.
Nagpaalam sila sa akin nang dumating ang kanilang sundo. Nagpa-iwan na lang muna ako sa mga bench para magpalipas ng oras. Inilabas ko rin ang mga gamit ko pang-drawing para ilibang ang sarili ko.
Nagpatugtog ako sa aking selpon at inilapag iyon sa aking tabi. Sa kalagitnaan ng aking pagdra-drawing at binura na naman iyon. Paulit-ulit ko iyong ginagawa at sinusuntok-suntok ko pa ang sarili kong ulo para makapag-isip ng maayos. Wala pa akong nasisimulan dahil binubura ko lang rin naman iyon.
" Baka pagkamalan ka ng baliw sa ginagawa mo."
Nabitawan ko ang aking mga gamit at mabilis na umayos ng upo nang marinig ko ang pamilya na boses ni Kashmiere. Tinapunan ko lang siya nang tingin ngunit hindi ako nagsalita. Pansin kong naka-uniform pa siya at amoy ko rin ang lalaking amoy niya.
Katulad ng sinabi ko, hindi ko siya pinansin dahil naiinis pa rin ako. Nakakunot lang ang noo ko na kunwaring nagdra-drawing sa sketch pad ko.
Mas lalo akong lumayo at nagsumiksik sa dulo ng bench nang maupo ito sa tabi ko.
" Magkasalubong na naman ang iyong kilay," he said.
Nagkibit balikat lang ako sa kaniya at ipinagpatuloy ang paggawa ng sketch. I tried to distract myself through drawing para hindi siya mangulit sa akin.
" Naging pipi ka na ba?" tanong niya sa akin na aking inignora.
Wala akong pakialam kung magsalita siya diyan na parang tanga. Naiinis at naiirita lang ako sa presensya ng gagong ito.
" Bella Amore," tawag niya sa buong pangalan ko.
Bawal ba akong mainis at mairita sa presensya niya? Crush ko lang naman siya at wala siyang alam na totoo iyon because I keep on denying it to him. Baka kasi magkamali ako at ma-minsinterpret niya kapag sinabi kong naiinis ako sa kasama niyang babae.
Kinalabit ako nito at hinawakan ang kamay ko. " Bakit di ka ba namamansin?"
Kunot-noo akong tumingin sa kaniya. Nakita ko ang frustrated na aura ng kaniyang mukha. Ano ba sa tingin niya ang ginagawa niya. Ang paghawak niya sa aking kamay ay nanlalambot na aking tuhod. Ano ito? What's this feeling?
" Wala lang. Required ba na pansinin kita?" sambit ko at nag-iwas ng tingin sa kaniya. Sapilitan kong iwinaksi ang kaniyang kamay sa aking kamay bago punitin ang aking drawing sa sketch pad ko na agad niyang inagaw.
" Pinaghirapan mo ang drawing na ito tapos pupunitin mo lang? Nagsayang ka lang ng papel kung ganoon." he said.
Sumimangot ako. " Ano naman sa iyo kung sayang? Kaya kong bumili gamit ang sarili kong pera ng papel na kahit paulit-ulit kong punitin." sarkastikong sagot ko.
" May nagawa ba ako? May kasalanan ba ako sa iyo?" sunod sunod na tanong niya.
Kasalanan? Wala naman siyang kasalanan. He looked so confused and bothered sa hindi ko pagpansin sa kaniya.
" Bakit mo tinatanong kung alam mo naman na wala kang kasalanan? Bakit concern ka sa hindi ko pagpansin sa iyo?" tanong ko habang nakakunot ang noo.
Inayos ko ang aking gamit bago seryosong humarap sa kaniya. Tutal, distracted naman na ako, hindi ko na lang ipinagpatuloy.
" Ano ba ang ginagawa mo rito? Alam ko kasing busy ka sa case na hinaharap niyo."
" Hindi na kasi ako busy," he said.
" Hindi nga?" paninigurado ko. " Paano ka naman napadpad dito? Hindi mo naman alam kung saan kami nagpupunta ng mga kaibigan ko." sambit ko at baka sakali lang naman na hinanap niya talaga ako.
" I just asked your friends and then hinanap kita rito," he said.
" Uuwi na rin ako. Ikaw hindi ka pa uuwi?" tanong ko sa kaniya.
Medyo hindi siya nangungulit at lively today. Straight to the point siyang sumagot pero kapag sa chat, ang bastos niyang kausap. Ang gulo rin niya minsan.
" Nagmamadali ka ba?"
O kita niyo na? Napansin yata niya nakikipag-plastikan lang ako sa kaniya. Naiirita pa rin ako at naiinis sa kaniya.
" Direct to the point ka na sumagot, ah. May sense ka pa lang kausap sa personal." sabi ko.
Tumayo na lamang siya bago tumingin sa akin. " Ihahatid na kita," sambit niya.
Tila nanghina ang aking tuhod sa kaniyang sinabi. Pwede ko na ba siyang ipakilala kay Daddy? Oh no, Bella! Hindi pwede at baka malintikan ka pa.
" What do you mean na ihahatid mo ako?" naguguluhan na tanong ko. I can go home in my own kasi nariyan lang ang bodyguards sa paligid.
" Because I say so, Bella. It's already dark, baka mapahamak ka pa." sagot niya sa akin.
Ahh. Iyon naman pala. Pero kinilig ako sa sinabi niyang iyon.
" Okay," tanging sagot ko na lang at sumunod sa kaniya.
Nagtungo kami sa sasakyan niya na aking ikinabigla. Mayaman ba talaga ang lalaking ito? Grabe, Mercedes-Benz S-Class ang mahal ng sasakyan niya. Hindi ako makapaniwala.
" Let's go."
Pinagbuksan niya ako ng pinto bago siya umikot patungong driver seat. Binuhay ang makina at nag-drive na nga ito. Nagtext lang ako sa head ng bodyguards ko na may naghatid sa akin at sumunod na lamang sila.
Tila hindi naman napansin ni Kashmiere ang sumusunod sa amin kasi tahimik lang siyang nagmamaneho.
" Gaano ka ba kayaman?" I asked out of nowhere.
He glance at me. " Sakto lang,"
Sakto lang?! Ginagago ba ako ng lalaking ito? Ang sosyal ng kotse niya tapos sakto lang ang yaman niya! Sino ba talaga siya?
" Seryoso, nagyayabang ka ba o nang-iinggit ka lang?"
" Hindi rin," tipid na sagot niya. " Hindi na mahalaga kung gaano ako kayaman," malamig na sagot niya.
O di siya na mayabang! Nakakatuwa talaga siyang sumagot. Sarap busalan ng bibig niya. Tsk!
" Sana ayos ka lang, Attorney." pang-asar ko.
" Okay, future Mrs. Alcantara," he countered.
Namula ang pisngi ko at tumingin ng masama sa kaniya. " Uy, gago! Anong future... ano nga ulit? Future what?"
" Mrs. Alcantara," ulit niya.
Kapal ng mukha. " Gaano kakapal mukha mo?"
Tumingin siya sa akin na may ngisi sa kaniyang labi. " Kasing kapal ng pagkakagusto ko sa iyo,"
Napalunok ako sa sinabi niya. Hindi ko alam kung nantritrip lang siya o baka naman sinapian lang siya ng demonyo. I don't like his corny jokes!
" Y-you... you like me?" nauutal na tanong ko muli.
He chuckled. " Yes, I like you."
Natahimik ako sa aking kinauupuan at tumingin na lang sa may bintana. Hindi ko maitago ang ngiti sa aking labi. Nag-iinit ang aking pisngi. What the hell is wrong with this guy?
Humarap muli ako sa kaniya. " Y-you're confessing, aren't you?"
" Sinasabi ko lang, para malinaw sa iyo." he said and amusement is written on his face.
This jerk! " I-uwi mo na nga lang ako." sabi ko na lang.
" Sure, iuuwi kita sa bahay ko."
" Gago! Sa bahay namin mo ako iuwi! Hindi sa bahay mo, ulol!" inis kong pagmumura sa kaniya na kinunutan niya ng noo.
" Stop, cursing. It's bad for a woman like you!" reklamo niya.
Habang nilalandas namin ang daan patungo sa bahay ay naramdaman kong tumingin ito sa akin.
" May sumusunod sa atin," he mumbled before looking at the rear view mirror.
" Don't worry, it's my bodyguards." sagot ko. " Hindi ka naman siguro takot, ano?"
Hindi naman siya nagsalita at umiling lang. Malapit na kami sa bahay nang magtanong na naman akong muli sa kaniya.
" What do you prefer? A criminal lawyer or a corporate lawyer?"
Napaisip siya. " Both,"
" Mahirap, iyon hindi ba?" I asked full of curiosity.
" Interesado ka sa buhay ko, ah." he didn't answer my question.
Umirap ako sa kaniya. " Sagutin mo na lang kaya, kaysa naman magpaligoy-ligoy ka pa."
" Sakto lang. Kung matalino ka, maging halimaw ka sa klase. Kung matalino ka, walang hirap hirap pero naroon ang pagod lalo sa case na binabasa." he answered. " But I prefer Criminal Lawyer."
" Why Criminal Lawyer?"
Nakarating kami sa tapat ng aming bahay. Tumingin siya sa akin bago sagutin ang tanong ko.
 " So I can be your lawyer if you continued to become a troublemaker."
" Tsk! May sarili naman kaming abogado, iyon nga lang matanda na!" napatawa ako sa sariling sagot sa kaniya.
" Mas mainam pa rin kung ako ang magiging abogado mo, matalino na nga, kaya ka pang ipagtanggol at ipaglaban sa kahit na anong rason pa iyan." he said seriously. " Goodnight, Bella!"
Tinanaw ko lang ang sasakyan niya bago bumulong sa hangin.
" Prove it to me, then Kashmiere."