Kokak
Halos hindi ako makatulog kagabi dahil sa kakaisip ko sa kahihiyang sinapit. Bakit ko ba naibulalas iyon?
''Ahhhhh!!!" sigaw ko dahil hindi pa ako maka get over sa ginawa kong kagagahan.
Kumatok si Inay Marites sa pinto.
"Anak! anong nangyayari sayo? may pumasok ba dyan sa kwarto mo?" tanong ni Inay Marites. Hindi ko pa nga pala siya nakausap tungkol sa pagpapapunta niya kay Bertong kahapon sa bahay.
"Wala po 'Nay, may ipis lang po rito sa kwarto ko!" balik kong sigaw at agad na akong bumangon.
"O siya! bilisan mo na dyan at nakapag-luto na ako," sabi pa nito at narinig ko na ang mga yabag niyang pa alis. Mabilis na akong nag ayos ng sarili ko. As usual naman ang get up ko eh. Lumabas na ako sa kwarto at agad na pumunta sa banyo at nag hilamos doon. Matapos kong gawin ang routine ko ay agad na akong pumasok sa kusina.
"O, Mang Juan! narito ka na naman?" sabi ko habang hinihila ko ang upuan at naupo ako roon.
"Anak!" saway ni Inay Marites sa akin.
"Ano na naman ba Inay? ang ingay niyo," sabi ko sa kanya at nilagyan ng kanin ang plato ko.
"Iyang bibig mo! kung ano-ano na naman ang lumalabas at nakakahiya kay Itay Juan mo," sabi pa ni Inay Marites sa akin. At nanlaki ang mga mata ko ng marinig ang sinabi ni Inay Marites sa akin.
"Itay Juan?! kailan ko pa naging Itay si Mang Juan Inay? nagpakasal na kayo ng hindi nag papaalam? ano 'to Inay? pinagpalit mo na kami?" sunod-sunod kong tanong habang nakahawak ang mga kamay sa aking dibdib.
"Kokak! kahit kailan hindi ka magiging si Vilma Santos kaya tigil-tigilan mo ako sa mga pagda-drama mo!'' nandidilat namang sabi ni Inay Marites. Napapakamot na lang si Mang Juan at ako naman ay natahimik. Alam niyo kasi ang Inay Marites ko ay minsan nagiging dinosaur kapag nagalit na kaya tumahimik na ako at baka maging sunog na palaka ang awra ko mamaya.
"Kokak, gusto ko na sana kasing pakasalan ang Inay Marites mo," mahinang sabi ni Mang Juan na siyang naging sanhi upang mabilaokan ako. Agad akong lumagok ng isang basong tubig at napaubo pa ako.
"Kokak! okay ka lang ba anak?" tanong ni Inay Marites habang hinihimas ang aking likuran.
"Ikaw kasi Juan! binigla mo naman si Kokak!" sabi ni Inay Marites.
Nang lumuwang ang pag-hinga ko ay nagsalita na ako.
"Seryoso po kayo Mang Juan?" seryoso kong tanong at inayos ko pa talaga ang aking salamin.
"Sana naman huwag mong masamain Kokak, alam mo namang seryoso ako sa Inay Marites mo," sabi nito na nakipagtitigan pa sa akin. Nakikita ko naman ang sinsero nitong mga mata kaya naman ay napa buntong-hininga na lang ako.
"Sino naman po ba ako para hadlangan ang kaligayahan ng Inay Marites namin?" sabi ko at tiningnan si Inay Marites na parang maiiyak na.
"Salamat Kokak! pakakasalan ko ang Inay Marites mo at sana okay lang sayo sa susunod na buwan kami magpapakasal," masayang sabi ni Mang Juan.
"Kayo na po ni Inay Marites ang mag-usap ng tungkol dyan," mahina kong sabi.
Kilala naman kasi si Mang Juan na mabait na tao at single naman ito kaya okay lang sa akin. Isa pa ay may sarili rin itong bahay. Dalawang bahay lang naman ang nakapagitan sa amin bago ang bahay nila.
May maliit ding negosyo si Mang Juan ang Mang Juan Talyer.
At biglang naalala ko si Bertong!
"Inay! bakit niyo naman pinapunta si Bertong dito kahapon!" simangot kong sabi kay Inay Marites.
"Ay! ang kulit kasi ng batang 'yon eh! gusto raw na makita ka, kaya sabi ko samahan ka na lang muna rito sa bahay," nakangiting sabi ni Inay Marites.
"Sa susunod po Inay huwag na huwag po kayong nagpapapunta ng kahit sino rito sa bahay!" nakasimangot kong sabi.
"O, siya! pasensya na anak," hinging paumanhin nito.
"Sige kumain na kayo!" sabi ni Inay Marites.
"Kayo po Inay?" tanong ko.
"Gigisingin ko pa si Mariposa! ang batang 'yon talaga!" sabi ni Inay Marites at agad nang tumungo sa kwarto ng kapatid ko.
"Maraming salamat talaga Kokak ah!" sabi ni Mang Juan.
"Naku! huwag kayong magpasalamat Mang Juan, dahil pag ang Inay ko ay ginago mo, maghanap ka ng mukha ng aso at talagang magpapalit kayo ng mukha, tandaan niyo po iyan!" sabi kong nakangiti pero nanglilisik ang mga matang nakatitig sa kanya.
Mukhang natakot naman si Mang Juan dahil napapalunok ito.
"O, Juan bakit namumutla ka?" iniwas ko kaagad ang tingin ko kay Mang Juan at binilisang inubos ang pagkain ko.
"W-wala naman, nabilaukan lang ako," rinig kong sagot ni Mang Juan kay Inay Marites.
"Good morning ate Kokak!" bati ng kapatid kong si Mariposa.
"Good morning din, natapos niyo na ba ang project niyo kahapon?'' bati ko sabay tanong dito.
"Opo ate, magpa practice na lang kami ng sayaw," sabi nito. Humila na ito ng upo at umupo katabi ko.
Tumayo na ako dahil tapos na rin naman akong kumain.
"Papasok po muna ako sa kwarto Inay, bukas na ang pasok ko kaya magpapahinga muna ako," paalam ko.
"Ate, may bago ka bang libro? pahiram naman ako!" nakangusong sabi ni Mariposa.
"Hindi ko pa nga tapos basahin lahat! maghintay ka kung kelan ako matatapos," sabi ko naman at sabay talikod.
"Ate Kokak!" sigaw niya pero natigil rin agad dahil sinubo ni Inay Marites ang malaking pandesal sa bibig nito. Natawa na lang tuloy ako sa hitsura ng kapatid ko.
Pumasok na ako sa kwarto ko at kinuha ang librong binili ko kahapon.
Dahil nako curious ako sa librong palaka at gwapong lalaki ang cover ay 'yon muna ang aking uunahing basahin.
Umayos ako ng higa sa maliit kong kama at inumpisahan nang basahin ang libro.
Ang saya-saya sa umpisa ngunit kalaunan ay sumakit ang dibdib ko sa bidang babae. Kawawa naman siya. Hindi ko namalayang lumuluha na pala ako.
Pinahiran ko ang luhang umagos sa mga mata ko at itiniklop muna ang aking binabasa.
"Hay, grabe! nakakaiyak naman ang kwentong 'to!" sabi ko pa.
Kinuha ko ang cellphone ko sa cabinet dahil hindi ko pa pala ito na che-check. Inayos ko ang salamin ko at tiningnan ang cellphone ko. Guess what? ang cellphone ko ay Nokia 3310 old model. Ako lang yata ang hindi pa upgrade ang cellphone. Ayaw ko kasi nong tinatawag nilang touch screen. Ang laki-laki kaya. Hindi katulad nito na easy lang bitbitin at dalhin. Tiningnan ko kung may message ako.
"Hala! nag text si Miss Mechie," sabi ko ng makita ang text messages ni Miss Mechie siguro nasa sampung mensahe iyon. Kaya mabilis ko naman itong binuksan.
Binasa ko ang mga mensahe niya.
'Tumawag ka Kokak ASAP'
lahat ay 'yon lang ang nakalagay sa sampung mensahe niya. Grabe naman 'tong si Miss Mechie.
Mabuti na lang talaga at parati akong may load. In case of emergency.
Agad kong tinawagan si Miss Mechie at parang kahapon pa ang mensahe niya. Malalagot talaga ako nito.
Naka dalawang ring lang at agad naman niyang sinagot.
"Hell--," hindi ko na natapos ang aking sasabihin dahil agad itong nagsalita.
"Kokak!" sigaw niya kaya agad kong nailayo ang telepono sa aking tenga.
Lahat na lang ata ng tao ay may balak sirain ang eardrums ko.
"Kahapon pa ako nag-text sayo! bakit ngayon ka lang tumawag!" sabi nito sa akin.
Ayan na lumabas na ang Miss Minchin version niya. Napakamot na lang ako sa ulo.
"Hindi ko kasi na check ang cellphone ko kahapon eh," mahinang sabi ko rito.
"Sabing magpalit ka na ng cellphone mo eh!" singhal nito.
"Bakit po kayo napatawag?" tanong ko rito at baka kung saan-saan pa lumiko ang usapan na ito.
"Ay! oo nga pala," sabi niya. Kitams? iba rin talaga ang lakas ng isang Miss Minchin!
"Napatawag ako dahil kailangan mo pa lang manatili roon ng isang linggo sa bahay ni boss. Kadarating lang kahapon ng anak nito at kailangan ay maging malinis talaga ang buong mansion. Huwag kang mag-alala dahil may kasama ka naman doon," mahaba nitong paliwanag.
"Doon muna ako titira ng isang linggo?" pag kompirma ko.
"Oo, at huwag kang mag-alala at bibigyan ka niya ng bunos!" masaya nitong balita. Kaya nanglaki kaagad ang mga mata ko.
Bunos na naman! yes!
Mukha na talaga akong bunos nito.
"Sige, payag ako Miss Mechie! aagahan ko bukas ang alis dito sa bahay," masayang sabi ko.
"Ay, muntik ko na palang makalimutan, ngayong hapon ka na pumunta at ng maituro sayo ang mga dapat at hindi mo dapat gawin, medyo istrikto raw ang anak ni boss eh," sabi niyang hininaan ang boses.
"As in now na!" sigaw ko.
"Oo, at pwede ba huwag kang sumigaw riyan!" sigaw niya. Hay naku hindi papatalo si Miss Mechie. Pero okay na at least me bunos ako sa loob ng isang linggo.
"Sige po Miss Mechie, i-text niyo po sa akin ang address ng mansion at pupunta kaagad ako matapos akong mag impake," sabi ko rito.
"O siya! basta tumawag ka pag aalis ka na at kung nakarating ka na rin sa mansion okay?" bilin pa nito bago pinatay ang linya.
Excited akong nag empake ng mga gamit ko. Akalain mo 'yon! makakatira ako ng isang linggo sa mansion? wow!
Nang matapos kong mailagay sa maliit na maleta ang mga gamit ko ay agad ko nang hinila palabas ng kwarto. Iiwanan ko na lang ng panggastos sila Inay Marites at Mariposa.
"Inay!" tawag ko sa aking Inay Marites.
"Bakit anak?" sagot nito na nasa kusina pala.
Lumabas ito at nakita niya ang maleta kong hila-hila.
"Anak? maglalayas ka na? bakit? hindi ka na ba masaya sa amin? mag aabroad ka na lang dahil hirap na hirap ka na? Kokak!" nag da-dramang sabi ni Inay Marites. Now alam na alam niyo na kung saan ako nag mana.
"Inay naman! sobrang OA niyo po at hindi kayo papasang artista!" sabi ko sabay bungisngis.
"Saan ka nga pala pupunta at nag alsa balutan ka na riyan?" tanong ni Inay.
"Isang linggo po muna ako sa bahay ng boss ko Inay. Kararating lang kasi ng anak niya at medyo miticuloso pa naman daw 'yon kaya naman nakiusap si Miss Mechie na roon muna ako tutuloy," explain ko kay Inay.
Bigla naman niya akong niyakap.
"Mag-iingat ka roon anak ah! huwag kang magpa alipin kung aalipustahin ka!" bilin pa ni Inay Marites.
"Opo Inay, palaban kaya ang anak niyo!" sabi ko pa rito.
"Kumain ka ng mabuti, huwag mag pa sobra ng trabaho!" sabi pa niya.
"Inay naman! hindi naman po malayo ang aking pupuntahan at isang linggo lang naman!" sabi ko habang marahan siyang niyakap.
"Mariposa! aalis na ang Ate Kokak mo!" sigaw ni Inay Marites.
"Mabuti naman kung ganoon!" balik sigaw ni Mariposa. Aba't ang batang 'yon!
"Wala akong iiwang pang load sayo!" sigaw ko rito. Kaya wala pang ilang minuto at nakita ko itong tumakbo sa gawi ko.
"Ate naman! wala naman pong ganyanan!" sabi niya at niyakap pa ako.
Pinalo ko ang mga kamay niya.
"Huwag mo nga akong mayakap-yakap!" singhal ko rito at ang baliwng bata nginisihan lang ako.
"Sige na Ate Kokak! pang load lang sapat na!" pilya nitong sabi.
"Ikaw ang pinaka magandang palaka--," kinurot ko na siya dahil sa kung ano-ano na ang pinagsasabi nito.
"Anong palaka?" sita ko rito at pinandilatan siya ng mga mata. Nag peace sign lang ito at humalik na sa pisngi ko.
Naglalambing lang!
"Sige na Ate kong maganda," at nag pa cute pa siya. Wala na akong nagawa at agad ko siyang binigyan ng pera pang load niya.
Kahit naman kasi magkaiba kami ng personality ay magkasundo naman kami sa ibang bagay. Kung ako Manang slash nerd siya naman ay sexy at fashionable manamit.
"Huwag mong pababayaan si Inay Marites ah! malalagot ka sa akin at mawawalan ka pa ng allowance!" banta ko rito.
"Huwag kang mag-alala ate, nandyan naman si Mang Juan," mahina at nakabungis-ngis nitong sabi.
Kaya nakurot tuloy siya ni Inay.
"Sige na anak, umalis ka na at may trabahong nag hihintay sayo," sabi ni Inay at agad ko siyang niyakap.
"Mag-iingat kayo ah! at kung may mga problema man dito sa bahay ay tumawag kayo kaagad sa akin ah!" bilin ko sa kanila.
"Ikaw rin anak!" sabi ni Inay.
Matapos ang mahabang pagpapaalam ay naka alis na nga ako sa bahay.