Kokak
Tatlong araw na lang at mag-uumpisa na akong mag trabaho sa mansion ng boss ni Miss Mechie. Nandito ako ngayon sa bahay at nag lilinis. Gusto kong malibang ngayong araw dahil mag isa lang ako sa bahay. Umalis kasi si Inay Marites kasama nito si Mang Juan dahil papasyal daw silang dalawa. Hindi ko na sila pinigilan pa at ng tumahimik muna itong bahay. Si Mariposa naman ay nag-aaral pa.
Lunch na akong natapos at pagod na pagod ang katawan ko. Matapos akong kumain ay agad na akong pumasok sa kwarto ko at kinuha ang aking paboritong CD player. Manonood muna ako ng mga fairytale na movies. Sinarado ko muna ang pintoan at nakasalampak akong umupo sa sofa namin.
Excited akong manood na naman ng fairytale stories. Uunahin ko muna ang Cinderella may kompleto akong CD niyon at kahit pa ulit-ulit kong panoorin ay hindi pa rin ako nag-sasawa. Mukha nga siguro akong bata dahil sa tanda kong 'to ay panay pa rin ang nood ko ng mga fairytale.
Umayos na ako ng upo ng magsimula na ang palabas. Kilig na kilig ako habang nanonood.
"Hmp! sige kawawain niyo lang si Cinderella, at makakarma rin kayo!" gigil kong sabi habang pinaglilinis si Cinderella ng kanyang mga step-evil-sisters.
Dahil kumalam ang sikmura ko ay kumuha ako ng makakain sa kusina. Mabuti na lang at mayroon pang banana chips at kinuha ko rin ang bottled water ko dinala ko na roon sa sala. Malapit ko nang matapos ang pinapanood ko ng may kumatok sa pintuan.
"Sino 'yan?" tanong ko at kinuha ko ang remote at pinindot muna ang pause button.
Naglakad ako sa may pinto at binuksan ko 'yon. Nakita ko ang kapatid kong si Mariposa na may kasamang lalaki na halatang gwapo at mestiso. Pero dahil nga ang lola niyo ay praning nag-ala Vilma Santos agad ang awra ko. Malay niyo naman diba? makuha akong artista?
"Mariposa! pinag-aral kita para sa kinabukasan mo! pero anong ginawa mo? nagpa buntis ka at nag dala ng lalaki rito! ano? hindi ka niya kayang panagutan at buhayin kaya pumunta kayo rito at magmaka-awa na patuluyin ko kayo? hindi ako papayag! hindi!" pag da-drama ko at inayos ko pa ang salamin ko at pinunasan ang pekeng luha ko. Nakita ko ang pag simangot ng kapatid ko at ang kasama niyang lalaki ay shocked na nakatingin sa akin.
"Ate! ano naman 'yang mga pinagsasabi mo!" maktol nitong sabi. Tumikhim muna ako bago nagsalita. Hindi ko pa sila pinapasok ng bahay.
"Aba! Mariposa! nagdala ka ng lalaki rito sa bahay, anong ine-expect mong isipin ko aber?" nakapamaywang ko ng tanong dito.
"Si Ate naman eh! ka-klase ko siya at gagawa kami ng projects!" nakasimagot pa rin nitong sabi at mukhang nahihiya na sa kasama nito.
"Project ba talaga ang gagawin niyo? hindi bata?" deretso kong tanong sa kanila. Namula ang buong mukha ni Mariposa at maging ang kasama nitong lalaki ay pulang-pula rin.
"Ate! green minded ka talaga!" busangot na sabi nito.
"Hehehehe! kala ko susunod ka sa kalandean ni Inay eh! hala pasok kayo," sabi ko at umalis na ako sa pintuan.
"Pasensya na po Ate," hinging-paumanhin ng kasama nito. Nagulat ako sa boses niya.
"Berde pala dugo mo?" hindi ko napigilan ang pag bulalas ko. Agad namang tinakpan ni Mariposa ang bibig ko.
"Ate! tinatakot mo naman masyado si Johnny!" si Mariposa na bigla-bigla na lang sumusulpot sa gilid ko.
"Hi Johnny! anong apelyido mo?" nakangiti kong tanong. Parang nahiya na talaga sa akin si Johnny.
"Morales po Ate," sagot nito. Tumango tango naman ako.
"Talaga? akala ko kasi yes Papa, hahahaha alam mo 'yong kanta? Johnny Johnny yes Papa, eating sugar? no Papa! telling lies? no Papa! open your mouth hahahaha!" kanta ko pa rito. Natawa na lang tuloy si Johnny.
"Naku! pasensya ka na Johnny ah! praning lang naman talaga si Ate," sabi ni Mariposa.
"Ako nga pala si Kokak, Johnny," ngiti kong sabi rito.
"Palaka?" bigla nitong sabi na namimilog ang mga mata. Napasimangot tuloy ako.
"Hmp! pag Kokak bah! palaka agad?" simangot ko.
"Ay, sorry po Ate Kokak," mahina nitong sabi.
Hmp! akala ko pa naman ay magiging jowa na ng kapatid ko dahil ang gwapo nito.
Hay! tama nga siguro ang nasa kanta ni Andrew E. humanap ka ng pangit at ibigin mong tunay, dahil lahat na ata ng gwapo bakla na! huwang naman sana Lord! nangangarap pa ako ng prince charming ko.
Speaking of prince charming ay agad ko ng kinuha ang remote control at pinindot ang play button.
"Ate sa kwarto muna kami!" paalam ni Mariposa.
"Basta ba project ang gagawin ah! hindi bata! sinasabi ko sayo Mariposa! magsasama ang balat sa tina---," hindi ko na natapos ang sinasabi ko dahil sumigaw na si Mariposa.
"Ate Kokakkk!!!" sigaw nito na siyang nagpa basag ng eardrums ko.
"Ano ba? basag na basag na ang eardrums ko sayo!" galit kong sabi rito.
"Ayan ka na naman eh!" sabi ulit nito.
"Nagpapa-alala lang malay ko namang hindi pala berde ang isang 'yan!" sabay tingin ko kay Johnny.
Ayyy malapit ng matapos ang pinapanood ko. Disturbo kasing mga batang 'yon!
"And they live happily ever after," sabi ko na ginaya ang nagsasalita sa television.
"Sana naman Lord, makita ko rin ang prince charming ko at mamumuhay kaming masaya habang buhay," nangangarap kong sabi at niyakap ko pa ang aking sarili. Ini-imagine ko kasi ang sarili ko na kayakap ko ang aking prince charming.
Nasa baybayin ako at nakasuot ng summer dress na hanggang talampakan ang taas.
Ang sarap ng simoy ng hangin at maganda rin ang sinag ng araw. Isinasayaw ng hangin ang aking damit. Nakita ko sa hindi kalayuan ang aking prince charming. Napaka gwapo niya sa suot nitong Hawaiian polo shirt. Macho, may abs na kasing tigas ng bato, magagandang mga mata, matangos na ilong at mapupulang labi na kay sarap halikan. Napakurap-kurap pa ako ng dahan-dahan siyang lumapit sa akin.
Hinawakan niya ang mga kamay ko at inilapit niya sa kanyang mga labi. Napapikit ako sa sensayong aking naramdaman. Nakakakiliti ang ginawa niyang paghalik. Hinawakan naman ng kabila niyang kamay ang pisngi ko at dahan-dahan kong iminulat ang aking mga mata at nanlaki ang mga mata ko ng makita kong si Bertong na kapit-bahay namin na mukhang napabayaan sa kusina ang siyang nakatunghay at nakanguso ang kanyang labi sa akin! dahil sa gulat ay agad ko itong naitulak at dahil napalakas ko ang tulak sa kanya ay bumagsak siya sa sahig at napaigik sa sakit.
"Anong ginagawa mo rito?" singhal ko rito. Nakakainis lang dahil ang ganda na ng imagination ko at biglang mukha nito ang nasilayan ko. Nakakabanas lang talaga! at ang loko may plano pa akong halikan.
Dahan-dahan itong tumayo at napapakamot sa ulo.
"Sabi kasi ng Inay mo eh! samahan daw kita rito," sagot nito. Humanda ka talaga Inay.
"Ano ako may sakit? at kailangan pang bantayan?" singhal ko pa rito.
"P-pasensya na!" sagot nito at nagkamot uli sa ulo. Hmp! siguro ang dami nitong kuto kaya kamot ng kamot!
"Sige umalis ka na! muntik mo pa talaga akong halikan?" inis na inis kong sabi rito.
"Eh! akala ko kasi magpapahalik ka dahil nakanguso ka eh!" paliwanag naman nito.
"Huwag kang magsinugaling! prince charming ko lang ang pwedeng humalik sa akin!" sabi ko at tinaboy ko na siya.
Nahihiyang umalis na si Bertong. Grabe naman talaga si Inay ginawa pa akong bata.
Na-udlot pa tuloy ang maganda kong pangarap. Parang maganda pumunta sa bookstore ngayon at baka may bagong librong labas mula sa mga paborito kong writer.
Nagbihis muna ako ng usual attire ko. Wala namang pagbabago ang mga damit ko. Isang saya na nasa talampakan ko ang taas at isang long sleeve na maluwang.
Sinuot ko ang usual kong salamin na makapal pa sa pagmumukha ng Bertong na 'yon.
Agad na akong umalis at baka gabi pa ako makarating mamaya.
Sumakay lang ako ng tricycle kasi hindi naman kalayuan ang bookstore na pupuntahan ko. Matapos makapag bayad ay tinungo ko kaagad ang Happy Book Shop.
Mga mura lang ang mga libro rito pero hindi pirata ah! bawal mag basa ng illegal kasi kawawa naman ang mga writers nating gumagawa at nag pupuyat para bigyan tayo ng magandang kwento tapos doon tayo bibili sa mga magnanakaw. Dapat nga ay ating tangkilikin ang mga Filipino writers.
Pumasok kaagad ako sa loob.
"Hi! Ate Kokak! kumusta na po?'' bati ng cashier sa akin na si Juliana. Dahil nga sa addict ako magbasa ng mga romance novel ay napapadalas ako ng bili sa Happy Book Shop. Mukhang matagal-tagal talaga akong hindi naka punta rito dahil sa busy kong buhay. Pero dahil ngayon ay iisa na lang ang trabaho ko ay bibili ako ng maraming libro para may mapaglibangan ako.
"Mabuti naman! ikaw kumusta na?" bati ko rin kay Juliana.
"Okay lang ako Ate Kokak! ang tagal mong hindi nakarayo rito ah?" sabi pa niya.
"Alam mo namang dala-dalawa ang trabaho ko," sabi ko rito.
"Oo nga! sige Ate pumili ka na at may mga bagong labas na libro galing sa paboritong writer mo," sabi pa nito.
Kaya agad na akong tumungo sa mga librong hinahanap ko. Tama nga si Juliana marami ngang bagong labas na libro mula sa paborito kong writer. Kaya kinuha ko ang mga bagong labas, siguro nasa sampu iyon. Hindi na ako nag dalawang isip na kunin iyon. Tumingin tingin pa ako sa ibang naka display at baka may magustuhan ako.
Minsan ay nagbabasa rin naman ako ng English novels. May nahagip ang mata ko. Ang cover nito ay palakang may korona sa ulo at lalaking mayaman at gwapoi. Binasa ko ang kanyang pamagat at agad kong kinuha. Na-curious ako masyado sa titulo at book cover niya. Agad na akong pumunta sa counter at binayaran ko ang mga pinamili ko.
"Wow! ang dami ng binili mo ah?" sabi ni Juliana.
"Oo, pang matagalan na 'to," sabi ko naman.
"Sige, enjoy ka na lang sa pagbabasa," sabi nito. Nagsimula na itong mag punch ng mga librong pinamili ko. Mas nakuha talaga ng huling librong kinuha ko ang aking curiosity.
Mabasa nga kaagad 'yon.
"dalawang libo at walong daan lahat Ate Kokak," sabi ni Juliana sa akin.
Agad kong kinuha ang tatlong libo at kinuha ang sukli.
"Maraming salamat Ate Kokak! balik ka ulit," sabi nito.
"Maraming salamat din," sabi ko at agad na akong umalis. Dumaan muna ako sa isang fast food chain at bibili ako ng makakain ko sa bahay habang nagbabasa. Susulitin ko talaga ang maikli kong bakasyon.
Hindi pa ako nakakarating ay may bumusina kaagad sa aking likod na siyang ikinatalon ng puso ko. Inis na inis akong lumingon sa pinanggalingan ng bumusina.
Nakita ko ang lalaking lumabas sa kotse nito. Parang nag slow motion ito sa paningin ko. Naka shades ito at dahan-dahan nitong hinubad 'yon, ang polo shirt niya ay naka unbutton ang tatlong butones kaya naman kitang-kita ko ang mabalahibo nitong dibdib. Oo, literal na makalaglag panty ang isang kagaya niya. Wow! just wow! wala akong masabi sa ka-gwapohan niya. Prince Charming ikaw na ba 'yan? sa isip ko.
"Miss are you alright?" tanong ng baritonong boses na siyang nag pa balik sa naglalakbay diwa kong isipan.
"H-ha?" tanga kong sagot. Sa wala akong masagot at lumipad ata ang aking isipan.
"Are you okay?" muli nitong tanong. Napakurap-kurap na ako at umayos ng tayo. Kalma girl! kahit naman Marupoc ang apelyido mo huwag mo namang ma sunod-sunod.
"Sino ba ang magiging okay kung bigla-bigla kang bumubusina? ayan tuloy at shocked ako," mataray kong sabi rito. Pinagtakpan ko lang ang pagkatulala ko sa kanya. Hayss mag de dreaming na naman ba ako?
"Oh? Akala ko nalaglag na 'yang panty mo kakatitig sa akin," maloko nitong sabi sabay ngisi. Aba't mahangin! kainis, nawala ang kaninang pagpapantasya ko sa kanya.
"Excuse me? wala akong panty kaya walang malalaglag!" inis kong sabi na hindi ko na napag isipan ang isinagot ko. Lagot na! dahil sa kahihiyan ay agad na akong tumalikod.
Narinig ko ang tawa ng gwapong estranghero. Pati tawa niya ang lakas ng dating, nakakalipad!
"Oh! I'm sorry about that Miss, by the way can I buy you a dozen of panty? ng may malaglag naman kapag naka-salubong mo ulit ako," sabi nito sa pilyong boses at nakikinita ko na ang hitsura niya ngayon kaya lalo akong nainis.
"Huwag ka ng mag abala kaya kong bumili!" sabi ko sabay alis na. Lakad-takbo ang ginawa ko.
"Ang gaga lang talaga Kokak?" kausap ko sa sarili ko. Walang huwisyo akong umuwi sa bahay.