Kokak
Katatapos lang ng duty ko bilang isang waitress sa isang fast food chain na pinagtatrabahuan ko. Mabuti na lang talaga at tinanggap ako dahil kilala ni Inay ang may-ari nito. Maliit ang sahod ko rito pero nagpapasalamat pa rin ako dahil kahit papaano ay may pinagkakakitaan ako. Pumapasok ako ng ala-syete ng gabi at ang labas ko naman ay ala-una ng madaling araw. 24/7 kasi ang fast food na 'to.
Antok na antok na ako at gusto ng matulog. Mabuti na lang talaga at minsan nakakaidlip ako sa pagiging janitress ko.
Siguro tulog na si Inay ngayon. Mabilis akong nag lakad papunta sa maliit naming gate. Bukas pa ang ilaw kaya siguradong gising pa ang kapatid ko. Dahan-dahan akong lumakad papalapit sa munting pinto namin. Narinig ko ang mahihinang hagikhikan.
'Ay poteks at baka nag dala ng nobyo ang kapatid ko!' sigaw ng isip ko. Kaya mas lalo pa akong nag ingat sa bawat hakbang ko. Naririnig ko ang mga boses nila.
"Juan naman! baka dumating ang anak ko," mahinang sabi ni Inay! na mukhang kinikilig pa kay Mang Juan? nanlaki ang mga mata ko kaya nakinig pa ako sa kanila. Si Inay nagdadalaga na!
"Isang kiss lang naman Marites para makatalog ako ngayong gabi," sabi ni Mang Juan na para bang kinikiliti. Napatutup naman ako sa aking bibig.
"Juan naman eh! sige na nga! isang kiss lang ah!" si Inay na parang kiti-kiti kung magsalita. Wow! ang Inay ko lumalande! ako nga wala pang boypren!
Hindi nakasara ang pintuan at may maliit na siwang kaya naman ay sinilip ko muna kong ano ang ginagawa nila.
Halos manlaki ang mga mata ko ng makitang nakapikit ang aking Inay at may balak atang halikan ni Mang Juan. Dahil sa gulat ay agad kong naitulak ang pintoan kaya naman sabay silang napalingon sa akin. Gulat na gulat ang mukha ng Inay ko ng makita ako. At si Mang Juan ay pasimpleng dumistansiya sa aking Inay.
Para akong itinulos na kandila sa kinatatayuan ko at parang naputulan din ako ng dila.
Tumikhim muna si Inay bago nag salita.
"A-anak narito ka na pala!" mahinang sabi ni Inay habang nakatitig sa akin.
"Inay naman! di ba sabi kong huwag munang gumawa ng pang strike three kong kapatid?" bulalas ko rito ng mahimasmasan.
"Kokak!" naeeskandalong sigaw ni Inay at pinandilatan ako ng mata.
Natawa naman si Mang Juan ng marinig ang sinabi ko.
"Huwag kang tumawa Juan! pwede ka ng umuwi!" sigaw ni Inay rito. Napakamot na lang ng ulo si Mang Juan.
"Teka lang po Mang Juan, kayo na ni Inay?" tanong ko rito at saka inilagay ang mga gamit sa kalapit na silya. Mas lalong namula ang pisngi ni Inay.
"Kokak! ano ba! pumasok ka na sa kwarto mo at pagod ka pa!" sigaw ni Inay sa akin.
"Eh, manliligaw sana ako sa Inay niyo Kokak kung okay lang sa inyo ni Mariposa," sabi ni Mang Juan sa akin.
"Ang galing niyo rin Mang Juan eh! ki-kiss mo na si Inay tapos tsaka mo liligawan? aba naman! may tsansing tsansing ka na!" palatak ko rito. Akala siguro ni Inay porket malalaki na kami eh! hindi na niya kailangan ang opinion at decision namin ng kapatid ko. Hindi na umimik si Inay ng makita ang seryoso kong mukha.
"Hehehe, pasensya na Kokak! matagal naman akong nanliligaw kay Marites eh kaya nga sinagot na niya ako, pero syempre gusto ko ring magpaalam sa inyo ng kapatid mo," paliwanag nito.
"Ano pa nga bang magagawa ko? baka makabuo pa kayo ng kapatid ko, huwag naman sanang babae uli," sabi ko sa kanila.
"O sige na at matutulog na ako. Mang Juan!" tawag ko rito. At saka pinanlakihan ko ito ng mata.
"Huwag mong sasaktan ang Inay ko kundi sa kulungan bagsak mo!" banta ko pa rito na ikinaputla ng mukha nito. Maging si Inay ay nagulat sa sinabi ko. Agad ko na silang tinalikuran at baka maituloy nila ang naudlot nilang halikan, sisilipin ko na lang! hahahaha.
Kinaumagahan ay maaga akong nagising. Napasarap yata ang aking tulog dahil sa katatawa sa mukha ng Inay kong parang kumain ng isang kutsarang sili dahil sa pagka pula ng buong mukha.
"Inay! handa na ba ang almusal?" tanong ko kay Inay. Agad na akong nag ayos ng gamit ko at ayaw ko talagang nale late ako.
Pumasok ako sa kusina at napasinghap ng makitang ninakawan ng halik sa labi ni Mang Juan si Inay. Ang Inay ko namang malande ay kilig na kilig parang uod na binudburan ng asin. Tumikhim ako upang maagaw ang attention nilang dalawa.
"Umagang-umaga ang PDA ah?" biro ko sa kanila at umupo na upang makapag almusal.
"Siya nga pala anak nag dala ng tinapay at ulam si Juan," sabi ni Inay at inilagay sa tabi ko ang mga dala ni Mang Juan.
"Si Mariposa? bakit hindi pa bumabangon?" tanong ko kay Inay.
"Mamaya pa raw ang pasok niya anak," sagot ni Inay kaya naman ay kumain na ako.
"Sa susunod Mang Juan dagdagan mo ang dala niyo ng may pambaon naman ako," nakangisi kong sabi rito.
"Anak!" angal ni Inay.
"Abah Inay! huwag na po kayong umangal!" sabi ko rito. Akmang babatuhin niya ako ng sandok ng yakapin ito ni Mang Juan kaya para akong nabilaukan at uubo-ubo akong tinalikuran sila. Hay mabuti pa si Inay may lab lyf na. Ako kelan pa kaya?
Nang matapos mag bihis ay agad na rin akong umalis.
"Inay! Mang Juan! alis na ako! dahan-dahan po at huwag madaliin ang paggawa kay kapatid strike three!" banat ko pa at agad na rin akong tumakbo pa alis.
Mabuti na lang at hindi masyadong puno ang jeep.
Bumaba kaagad ako ng makarating sa kompanyang pinagtatrabahuan ko.
"Good morning Manong!" bati ko sa guard.
"Gumaganda kang lalo ah!" bola ni Manong guard.
"Araw-araw naman ho!" ganting biro ko rito.
Nang makapasok ako sa locker room ay mabilis akong nag bihis ng uniform namin. Mabuti na lang talaga at hindi daring ang aming uniform. Nalulunok ko pa ang maluwang na uniform na hanggang talampakan ang taas at pinasadya ko talaga.
"Good morning Kokak!" bati ni Bea ang kanyang baliw na close friend.
"Oy! duty ka na ulit?" tanong ko rito.
"Oo besh! ikaw naman isang linggo lang ang leave ko no!" sabi ko rito.
"Mabuti naman! at may kasama na ako sa aking kalokohan dito!" sabi ko.
"Bakit? nagkasagutan daw kayo ng hipon na 'yon?" tanong nito.
"Huwag mo nang ipa-alala at nanggigigil ako sa haliaprot na iyon!" sabi ko.
"Kokak! pinapupunta ka ni Miss Menchie sa opisina niya now na!" sigaw mula sa likod kong tawag ni Colin ang isa sa mga kasamahan ko.
"Okay papunta na!" sigaw kong balik.
"Sige mamaya na tayo mag chikahan okay?" sabi ko kay Bea.
"Good luck kay Miss Minchin!" sigaw pa nito. Akala naman nila takot ako kay Miss Mechie eh ang bait niyon kaya.
Nang makarating sa opisina ni Miss Mechie ay agad akong kumatok.
"Pasok!" sigaw mula sa loob at agad na akong pumasok.
Nakita kong may kausap sa telepono si Miss Mechie kaya na-upo na lang ako sa may katapat niyang upuan.
"Okay po ma'am! no problem," ngiti nitong sabi sa kausap.
"Ay! mabait po at masipag!" sabi nito at tiningnan ako. Kinabahan tuloy ako sa mga titig niya.
"Sige ma'am, makakaasa kayo na maganda ang performance niya!" sagot nito sa kausap.
"Maraming salamat ma'am!" at ibinaba na ni Miss Mechie ang telepeno.
"Pinatawag niyo po ako Miss Mechie?" tanong ko rito. Inayos muna nito ang kanyang salamin bago ako sinagot.
"Pinatawag kita dahil may bagong trabaho ka nang papasokan," deretsong sabi nito. Napanganga tuloy ako sa kanya.
"Anong ibig niyong sabihin Miss Mechie?" takang tanong ko.
"Well, alam ko namang ikaw lang ang kumakayod para sa pamilya mo and aside from that ay hindi ako mapapahiya sa kleyente ko dahil alam kong masipag at mabait ka," sabi pa nito.
Hindi ako nagsalita or umimik man lang upang ipagpatuloy niya ang kanyang sinasabi.
"Nakiusap kasi ang big boss natin na gusto niyang makakuha ng taga linis para sa mansion nila, lalo na at nandoon na ang kanyang anak nakatira, alam mo naman basta mga bilyonaryo ay busy sa kanilang buhay, kaya ikaw ang nirekomenda ko. Huwag kang mag-alala dahil triple ang sahod mo kumpara rito," sabi nito na siyang kinalaki ng mga mata ko. Kung triple ang sasahurin ko ay hindi ko na kailangan pang maging waitress sa gabi. Kaya mabilis akong sumang-ayon.
"Talaga Miss Mechie? kailan po ako magsisimula?" excited kong tanong dito.
"Alam kong tatanggapin mo ang trabahong 'to! di nga ako mapapahiya sa boss natin," ngiti pa nito.
"So anong oras po ba ang trabaho ko?" tanong ko pa.
"Well, ito ang kontrata. Dalawang taon ang kontrata mo sa kanila, ang gagawin mo lang ay maglinis ng mga kwarto, 'yan lang ang trabaho mo, ang ibang gawain ay may naka-assign na para roon. Papasok ka ng alas otso at uuwi ka naman ng alas-seite ng gabi," sabi nito sa akin.
Mas lalong napanga-nga ako. Mas madali lang ang trabaho ko at malaki pa ang sasahurin ko.
"Sa lunes ka na magsimula, sa ngayon pwede ka na munang magpahinga at nag bigay ng bunos si boss para sayo," at ibinigay nito sa akin ang isang puting sobre.
"Naku Miss Mechie! maraming salamat po!" sabi ko rito na walang pagsidlan ang kasiyahan ko.
"Walang ano man Kokak, alam ko namang mabuti kang tao sa kabila ng iyong hitsura," sabi pa nito. Masaya na sana ako pero bat kelangan pang idamay ang hitsura ko? alam ko namang maganda talaga ako.