Alfalla.
Arghh, ni hindi man lang ako nakaganti ng maayos do'n sa Alisis na 'yon at mas nairita ako dahil sa Venedict na 'yon. He have this kind of power na nanggaling kay Tita Genesis, kaya ayaw niya sa mga babaeng mahina dahil malakas siyang nilalang? Hmm, hindi pa kasi niya nakikilala ang magpapabagsak sa kanila. You will see, all of them will witness how I drag Brooch and everyone to ground and kneel for me.
Malakas pala gusto niya? Eh bakit ayaw niya kay Alisis? 'Yon ang pinakamalakas na babae ngayon, ni hindi ko nga alam na magkababata pala sila. How poor for me, samantalang ang pagiging isa ko ay siyang naging kababata ng buhay ko.
"Handa na ang lahat, huwag ka ng tumunganga diyan." Agad naman akong napalingon kay Jaffna dahil sa sinabi niya. Siya lang kasi nakakaalam sa kakayahan ko kaya hindi na siya nagduda kung sino ang gumawa no'n kay Venedict sa isang araw.
Mas napadali ang event, hindi ko nga alam na ngayon na palang araw 'yon. Napakadali diba? Ni hindi man lang ako nakapag-ensayo ng mabuti kahit hindi naman kailangan, mabuti pa 'tong mga kasamahan ko dahil nakapag-ensayo na pala sila months ago. Pinag-eensayo na kasing lahat simula noon para sa darating na larong 'to. Sana noon pa ako dumating dito, sana noon ko pa nagawa ang misyon ko.
"Tara na, lahat ng estudyante dito ay nando'n na sa Cluestia. I mean lahat ng estudyante sa buong Gampenun, ay nando'n na lahat." Agad naman akong napatango at kinuha ang backpack na nilahad niya sa akin. Agad ko 'yong sinuot sa likuran at tinanguan siya, sinara na namin ang pintuan at naglakad na.
Kung iisipin, hindi lang ako ang madedehado nito dahil damay ang iba ko pang kasamahan. Kapag natalo kami nito, hindi na kami makakabalik ng Natharia Academia kailanman. Pero paano ang sinasabi ng mga mahaharlika na pababantayan ako kay Brooch? May iba pa ba silang plano? Kailangan kong malaman ang lahat para hindi ako bumagsak, baka ikakatalo ko ang lahat.
Namataan na namin ang tatlo pa naming kasama nila ang katulad namin, iisang backpack lang ang dala. Siguro tamad lang kami magdala? Pero ewan ko, para sa akin hindi naman kailangang magdala ng maraming gamit. Ang importante, mananalo kami, mananalo at mananalo. Ayokong matalo, gusto kong makuha ang premyo na pauunlakan ang mga kahilingan.
"Lalarga na tayo, kailangan na nating magmadali dahil nando'n na ang mga mahaharlika ng bawat isla." Seryosong sambit ni Brooch, hindi ko na siya pinansin at hindi ko maiwasang hindi mapatingin kay Venedict na ngayo'y matamang nakatingin sa mga mata ko. Tinaasan ko siya ng isang kilay kaya napalihis ang mga mata niya.
May isang kalesa kaming nakita na paparating sa amin, agad naman akong napabuntong-hininga dahil diyan kami sasakay. Gusto kong gamitin kapangyarihan ko pero sabi nila huwag na muna daw para buong-buo ang lakas kapag handa na ang labanan.
Hindi na ako nakipagkuwentuhan pa at agad na akong sumakay sa loob, ang iyak ng kabayo ay hindi ko na pinansin. Agad kong ginawang unan ang backpack at pinikit ang mga mata. Hindi dahil sa gusto long matulog, kundi kung paano ko gagamitin ng maayos ang kapangyarihan ko kapag nasa labanan na. Hindi ko puwedeng itago nalang ng itago ang kapangyarihan ko, malalaman at malalaman nilang lahat.
Si Venedict na isang Specialist na kayang pumatay ng isang bagay na may buhay gamit ang kakaibang kakayahan. Kakayahan niyang pumitik lang sa ere at agad lalabas ang mga itim na usok na siyang aatake sa bagay na 'yan at magiging isang kalansay. Ganiyan kadelikado ang kapangyarihan niya pero hindi lang 'yon, he can turn into a beast at isa din siyang hologram expertise. Namana niya sa mga magulang niya, how lucky he is dahil parehong kapangyarihan ang namana niya sa mga magulang niya.
Pauros, isang bampira na nanatili si Natharia Academia dahil daw hindi niya maatim ang mga ugali ng kaibigan niya do'n kaya siya lumapit kay Brooch. Si Brooch ay kilala niya, nakalimutan ko lang ang pangalan ng mga magulang nito but it starts with letter 'W' at kapatid ni Tito Wyeth. He has this super speed and strength at extra ability niya ay magpalabas ng yelo.
Jaffna, as far as I know ay isa ding Specialist na kaya niyang manggamot at manakit gamit lang ng kaniyang palad kapag nahahawakan niya ang isang bagay. Hindi dapat malaman ng kalaban na may gano'n siyang kakayahan dahil mahihirapan si Jaffna na mahawakan ang mga kalaban. May liksi din itong kakayahan because of the tarinings, pero hindi katulad nang kay Pauros. Well natural na kasi kay Pauros 'yon dahil isa siyang bampira.
And Leera, kapatid pala siya ni Jaffna at siya ang sinasabi nitong pinakabunso pero sabi ni Jaffna sa akin na hindi sila gano'n ka-close at hindi rin siya tunay na kapatid. Adopted lang si Leera, isa siyang wizard. Hindi pa daw nakikita ni Jaffna ang totoong kakayahan ni Leera kaya hindi ko malaman kung ano, basta ang nasa kamay niya daw ay may kakaibang presensiya. Pero lingid sa kaalaman ni Jaffna sa kapatid niya, napakaraming presensiya ang nasa loob ni Leera.
Agad kong namulat ang mga mata ko dahil sa napakalakas na sigawan. Hindi ko maiwasang hindi mapapikit ulit dahil sa mga trumpetang nagsisitunugan at mga kakaiba pang tunog na hindi ko mawari kung galing pa ba sa mga mamamayan.
Our world, Avalon needed more protections dahil ngayon ay nalaman kong lahat ng mga Executioners ay nandidito na. They are just hiding somewhere at naghihintay lang ng tamang oras. Hindi ko kailangang mangamba pero isa ako sa magiging dahilan para magsilabasan sila, I can summon Titan Gods and Goddesses.
I'm an Enchantress and a Summoner.
Agad kaming nagsilabasan at agad na bumungad sa amin ang mga flag ng bawat Academia. Ang Avalon ang pinakamaraming Academia kaya marami ding kalahok, sumunod ang mundo ng Verdugal na isa lang ang eskuwelahan. Metria, mundo ng mga may kakayahang magpalabas ng kapangyarihan gamit ang isipan lamang. Hindi rin magpapatalo sa palakasan ng kapangyarihan ang Sentinyel at Dakyunt. Ang mundo ng Sentinyel ay pinamumuhayan ng mga Lobo, werewolves na may kakaiba ring kakayahan mula sa kani-kanilang mga katawan. Mga Wizards naman sa mundo ng Dakyunt na siyang pinaghihinalaan ko talaga na nando'n ang totoong pamilya ni Leera.
"The presence of Natharia Academia representatives! They are now complete and the event will start very soon together with the surprise announcement!" Kami pala ang pinaka-late, nakakahiya naman. Pero hindi ko maiwasang hindi mamangha dahil sa bawat ngiti ng ibang mga mamamayan dito, ni hindi man lang nila alam na mga tamad, walang respeto at mahihilig kami sa gulo. They're looking at us like we are an angel na may maaamong mukha but little did they know, isa kaming mga demonyo na nasa aniyong anghel.
Pagpasok palang namin sa napakalaking gate ng Cluestia Kingdom, sumunod naman kaagad ang mga iba pang mamamayan para makihalubilo sa patimpalak. Pagtapak palang namin sa buong arena ay kaagad nang bumungad sa amin ang naglalakihang mga hologram na sigurado akong kagagawan ng magkapatid na sina Tita Levinas at Tito Venny.
Sa pinakaharapan, makikita ang napakalaking stage at doon nakaupo lahat ng mga mahaharlika sa bawat mundo ng Gampenun. Nando'n na din ang mga mahaharlika sa mundo ng Avalon at ang iba ay hindi ko na nakikilala. Sa gilid naman ng stage ay may stand for emcee, at ang emcee na 'to ay si Tito Yvino at ang asawa niyang si Tita Sonata. Kitang-kita pala kami dito mula sa labas, pinalilibutan ang buong Cluestia Kingdom ng mga holograms para lang makapanuod ang iba pang hindi nakapunta sa larong 'to.
"Hindi na natin patatagalin ang matagal na nating hinihintay! Ipakikilala na ang mga manlalahok ng bawat mundo ng Gampenun." Sabi ni Tita Sonata habang nakangiti sa mga nanunuod sa kaniya.
"Tama ka diyan Mahal!" Agad namang nagsigawan ang lahat dahil sa tinuran ni Tito Yvino na halos ikasuka ko na.
Ipinakilala na ang bawat manlalahok, unang tinawag ay ang sa mundo ng mga bampira. Agad nagsidaluhan ang mga natawag na kalahok sa gitna ng arena, napansin kong napatingin ang lima sa kinaroroonan namin. Napatingin ako kay Pauros na nagtagis ang mga panga dahil sa mga ngisi ng mga bampirang ito. Siguro ito ang tinutukoy niyang mga kaibigan na hindi niya maatim ang mga ugali. Eh bakit pa niya tinawag na kaibigan?
Agad namang sumunod ang mundo ng mga Wizards na siyang ikinalaki ng mga mata ko. Ang lalaking 'yon! Kamukhang-kamukha ni Leera! Narinig ko din ang pagsinghap ni Jaffna dahil din sa nakita, nagkatinginan kami at sabay na tinignan si Leera na ngayo'y seryoso ng nakatingin sa mga Wizards. Aware siya na isa siyang adopted, at aware siguro siya na kadugo niya ang lalaking kamukha niya.
Agad namang sumunod ang mga Meretian, mga mamamayan ng mga Metria. Propesyunal sila kung kumilos at ni hindi man lang ngumingiti ang mga 'to. Sumunod narin ang mga Lobo sa kani-kanilang mga suot na magagara. They are smiling like idiot, na para bang lakas na lakas na sila sa kakayahan at tindig nila.
Lahat ng mga natatawag ay may kani-kanilang sigaw, may mga nanggaling din sa iba't-ibang mundo na mga estudyante para lang makapag-cheer sa larong 'to. Hindi ko maiwasang hindi mangamba, by that holograms ay makikita nila ang kakayahan ko at malalaman din nila kung ano ang magiging pakay ko. Pero iiwasan ko munang magsalita ng marami, dahil maririnig at maririnig nilang nanunuod.
Agad naman tinawag ang mga manlalahok ng Westheria, agad naman nagsigawan ang mga mamamayan dahil ang isla nila ang sumunod. Agad ding sumunod ang Eastheria na may maaangas na dating tulad ng sa mga Lobo. Hindi katulad ng mga Westherian ay parang kinakalkyula nila ang bawat kilos. Sumunod na rin ang Satharia, agad naman akong nainis dahil ang tatlong lalaki na'to ay siyang nagbigay sa akin ng init ng ulo. Seryoso silang naglalakad kasama ang mga babaeng nakangisi sa lahat ng mga nanunuod.
Naghanda na kami at tumayo na nagpapakita ng mas malakas na tindig at kapangyarihan. Tinawag na ang isla namin na siya mas malakas na palakpakan ang narinig namin. I didn't expect this, baka lang sinabutahe ang mga estudyante na palakpakan kami ng malakas para hindi kami mapahiya? Well, sanay na kaming mapahiya kaya hindi na dapat sila nag-abala pa.
Tinignan kami ng mga naunang natawag, and they're looking at us intensely. Tumingin ako sa lahat ng mga natawag at pati sila ay nagtataka sa ekspresiyon kong malamig pa sa lahat ng malamig. Hindi rin nagpapatalo ang katabi kong si Jaffna na kahit magsalita ka pa ng masama sa kaniya, hinding-hindi ka niya papansinin.
"Oh look at that, halo-halo ang amoy nila." Dinig kong bulong galing sa mga Lobo.
"May bampira, isang Wizard, dalawang Specialist tek—hindi ko alam ang dugo ng isang babaeng 'yan." Agad naman akong napangisi dahil sa narinig ko.
"Well we don't care, matatalo din naman sila kaya huwag na tayong mangialam sa buhay nilang walang kuwenta." Agad naman akong napangisi at tinignan sa mga mata ang nagsabi no'n, bahagya pa silang nagulat dahil sa pagtingin ko.
"What a pathetic puppies." Ngising turan ko na ikinainis nila, agad ko naman nilihis ang tingin ko at tinignan ang mga emcee.
"Ang bawat mundo ng Gampenun ay may kani-kanilang representante para sa larong 'to. Since ang Avalon ang pinakamalaking mundo, may apat na grupo ang sasali at ang ilan ay iisa lang. Bawat grupo ay may limang bilang, kapag lumagpas at may substitute ay agad na matatanggal sa laro. At para malaman ninyong lahat, ang larong 'to ay true to life situation kaya kung anong nilalang man ang masasagupa ninyo, lahat 'yon ay totoo, buhay at pumapatay. But don't worry, hindi kayo mamamatay dahil may ikakabit kaming teknolohiya sa inyong mga pulso para kapag kayo ay kinitil sa larong 'to, babalik kayo sa arena at mababawasan ang grupo ninyo. But, ang sakit na matatamasa niyo ay mananatili." Eksplenasiyon ni Tito Yvino. This game must be exciting.
"Simulan na natin ang laro, no rules and regulations. Lahat libreng gawin para malaman lahat ng nanunuod kung sino ang pinakamaliksi, pinakamatalino, pinakamalakas at pinakawais." Dagdag pang turan ni Tito Yvino na ikinangisi ko.
Magiging masaya ang larong 'to!
"May tatlo tayong kategorya sa larong 'to at labanan ito ng lakas, liksi, utak at kapangyarihan. Ang una ay tinatawag naming Hidden Goddesses. Sa mundong 'to ay may dalawa pang Diyosa ang namumuhay. Kailangan niyo malaman kung sino sila at kumbinsihin na sumama sa inyo para madagdagan ang grupo niyo ng malaking puntos. Ang iba sa inyo alam na kung sino sila, at kung hindi pa alam ng iba ay pasensiya pero dapat niyong kilalanin kung sino sila." Tita Sonata explained.
Agad naman akong napangiti dahil sa unang kategorya, hmmm. Ang dali lang ng una pero alam kong mahihirapan kaming kumbinsihin ang mga Hidden Goddesses na'to.
"Ia-announce namin ang pangalawang kategorya kapag natapos na ang una. But wait, hindi lang kayo ang kalahok. Karangalan nating lahat na makalaro ang mga mahaharlika! Ito ang surprise announcement namin, ang makasama sa laro ang mga anak ng mga mahaharlika." Sigaw ni Tita Sonata at agad nagsilabasan ang mga kinaiinisan ko.
"Oh, our prince is joining? God what a pleasure for me, ang guwapo niya!" Sabi ng isang bampira na ang tinutukoy ay si Venom.
"Tsk! Bakit pa sinali ang mga 'yan?" Bulong naman nitong katabi kong si Jaffna, agad naman akong napangisi.
"Mas masaya nga 'yon eh." Sabi ko sa kaniya.
"Oh si Princess Mebill ng Natharia Academia."
"Akin si Prince Alkar, ako ang tatalo sa kaniya." Napapangisi nalang talaga ako.
"Mga prinsipe at prinsipe nila dito ay sasali? Baka umiyak lang ang mga 'yan." One of the Meterian said.
Mebill, Alkar, Venom and Zemma, masuwerte kayo dahil nasa inyo ang isang Hidden Goddess.
Pero nasisiguro kong sa amin ang bagsak ni Tita Sarionaya.