Third Person.
Hindi mapakali ang lahat dahil sa biglaang pagkawala ni Alkar, hindi naman masabi ni Venom ang totoo. Sinabi naman nito na may binisita lang itong kaibigan pero hindi naniwala si Alisis at mas lalong nagalit. Isa lang naman ang nasa isip ni Alisis at 'yon ay si Alfalla, baka siya ang dahilan kung bakit nawawala ang kapatid niya at bakit hindi pa ito natatagpuan. May nakapagsabi kay Alisis na sila ang huling nakita pagkatapos daw mag-usap ni Alkar at Leera. Napasabunot nalang sa buhok si Alisis, hindi naman niya puwedeng sabihin sa mga magulang niya kasi baka mag-panic ito at may mangyari pa ditong masama.
"Kapag hindi ito dumating pagkatapos ng gabi, susundan ko siya kung saan man siya naroon." Agad namang kinabahan si Venom, ayaw na ayaw talaga nilang galitin si Alisis dahil masama talaga itong magalit.
"Huminahon ka lang Ate Alisis, dadating din 'yon." Pagpapakalma sa kaniya ni Zemma.
"Paano ako hihinahon kung ang kapatid ko ay hindi ko makita? Na bakit parang may ibang nangyari sa kaniya? Kapag 'yon hindi nakauwi agad, lagot kayo sa akin." Agad namang napalunok ang tatlo dahil sa sinabi nito. Agad namang hinarap ni Mebill si Venom na ngayo'y nakayuko na.
"Nasaan kasi si Alkar pumunta?" Bulong nitong mahina, agad naman napatingin si Venom kay Mebill at umiling.
"Hindi ko nga alam, kung alam ko bakit ko pa isesekreto kung ganito din ang ipaparamdam niya sa atin?" Sinungaling na tugon ni Venom, hindi niya puwedeng sabihin ang katotohanan dahil may pinag-usapan sila ni Alkar. Matalik silang magkaibigan at walang makakatibag sa pinagsamahan nila kaya kung anong gusto nila at sikreto, sa kanilang dalawa lang 'yon.
Paroon-parito ang lakad ni Alisis habang nakahawak sa dalawang bewang ang mga kamay niya. Tila hindi talaga siya mapakali dahil sa naiisip niyang posibilidad na baka napahamak na ang kapatid niya.
Mabilis pa sa segundo silang napalingon sa pintuan at agad itong nagbukas, bumungad sa kanila ang gusot-gusot, punit-punit at duguan na damit ni Alkar habang nagtataka naman itong napatingin sa apat na nakaharap sa kaniya ngayon. Agad naman napalunok si Alkar dahil sa masamang tingin ng Ate niya.
"Saan ka ba galing ah? Alam mo bang alalang-alala ako sa'yo? Ilang oras kitang hinanap pero hindi kita makita tapos magpapakita ka sa akin ng ganiyang klaseng itsura? Duguan? Saan ka ba sumuksok lalaki ka?!" Napapikit naman si Alkar dahil sa sermon ni Alisis, akmang lalagpasan na niya si Alisis pero bigla nalang itong hindi makagalaw dahil sa pagkontrol ng Ate niya sa buo niyang katawan. He can't now move, hindi siya makagalaw kaya inis niyang tinignan ang Ate niya.
"Huwag mo akong tignan ng ganiyan at kausapin mo ako ng matino! Saan ka nanggaling at bakit parang hindi ka prinsipe kung tignan? May ganiyan bang klaseng Maharlika ah?!" Doon na nagalit si Alkar at nagulat ng kaunti si Alisis dahil nakagalaw ito sa pagkakakontrol niya.
"Ano bang pakialam mo Ate?! Ano bang pakialam mo sa nangyayari sa akin at sa nararamdaman ko?! Eh ano naman kung hindi ako mukhang prinsipe?! Gusto mo nalang palaging ikaw ang nasusunod! Ikaw nalang lagi! Paano naman ako?! Paano ko naman mapapatunayan sarili ko kung palagi nalang akong nakabuntot sa'yo?! Paano ko mapapatunayan na isa akong Maharlika kung tinuturing akong bata na palaging kinukulong at binabantayan?!" Sigaw ni Alkar, agad namang nagulat si Alisis dahil hindi nito alam na ganito na pala ang nararamdaman ng kapatid niya, tahimik naman ang tatlo sa likuran ni Alisis na nakikinig at nanunuod. Kinakabahan ang tatlo dahil sa biglaang pagsagot ni Alkar sa Ate niya na kailanman ay hindi nito nagawa.
"Ikaw na malakas! Ikaw na ang dapat sinasamba! Pero Ate, hindi lang naman ikaw ang may buhay na dapat pansinin palagi, hindi lang ikaw ang buhay na dapat sambahin palagi. You are so selfish that even your brother ay pinagkakaitan mo ng sariling kalayaang gumalaw!" Agad natigilan si Alisis at wala na siyang nagawa kundi panuorin ang imahe ni Alkar na papasok sa kaniya kwarto. Kaagad din namang sumunod si Venom.
Napaupo si Alisis habang nakahawak sa kaniyang ulo, hindi niya alam na gano'n na pala ang tingin ng sarili niyang kapatid sa kaniya. Hindi nito alam na may gano'n na palang nararamdaman ang kapatid niya. Hindi niya alam na masiyado na pala itong mahigpit, na masiyado na pala itong strikto sa lahat ng bagay para sa kaniyang kapatid.
*********
"Al, hindi ko alam na masasagot mo ang Ate mo nang gano'n kahapon. Pati ako kinabahan dahil sa ginawa m—and wait! Wala akong sinabing iba, promise bro! Pero kahit sinabi ko na totoo ang sinabi ko, hindi parin naniniwala Ate mo eh." Tumango nalang si Alkar at nag-ayos ng gamit, binitbit niya ang maliit na lalagyan na may lamang kaluluwa.
Agad namang napaatras si Venom dahil sa naramdaman niyang kakaiba sa loob nito.
"H-Huwag mong sabihin na ang nasa loob niyan ang gustong-gusto ni Leera?" Tumango naman si Alkar at napangiti.
"Magkakabati na kami, at tiyaka wala na akong pakialam sa kapatid ko at least alam na niya ang nararamdaman ko sa kaniya."
"Pero bro, para namang ang harsh ng pagkakasabi mo no'n sa Ate mo?" Napaisip naman si Alkar pero agad itong napailing.
"Tama lang 'yon, so that she will realize the things that she wanted me to do are the things that I don't want to happen." Tumango nalang si Venom at wala ng nagawa dahil 'yon naman ang kagustuhan ni Alkar. Susuportahan nalang niya ito sa lahat ng bagay na kahit papaano ay maramdaman nitong hindi siya nag-iisa.
Agad umalis si Alkar at nakangiting lumabas ng dormitory, naglalakad siya habang nagha-hum. Hindi niya maipaliwanag kung gaano siya kasaya dahil sa wakas ay magkakabati na sila ni Leera. Sa wakas ay mapapansin na siya nito at magiging kaibigan, at kapag nangyari 'yon ay liligawan niya ito kahit gaano pa katagal.
Napansin ni Alkar ang kapatid na kumakain sa Cafeteria kasama ang pinsan na si Mebill at ang kaibigan nitong si Zemma. Agad namang napansin ni Alisis ang presensiya niya kaya ngumiti siya at tinawag ito para kumain. Pero hindi siya pinansin ni Alkar at patuloy lang ito sa paglalakad hawak ang lalagyan ng kaluluwa.
Pumasok si Alkar sa Cafeteria hindi para pumunta sa Ate niya kundi kausapin ang babaeng kumakain ngayon mag-isa. Umupo si Alkar sa harapan ni Leera na ikinagulat naman ng babae, pero kaagad na-realize ni Leera kung sino ang nasa harapan niya kaya agad itong tumayo pero hinawakan ni Alkar ang kamay nito.
"Please, pakinggan mo ang sasabihin ko." Agad namang natigilan si Leera dahil sa lungkot ng boses ni Alkar, nagdadalawang-isip pa ito pero sa huli ay napaupo siya ulit at tutal ay tapos na din naman siyang kumain ay papakinggan niya ng maigi ang sasabihin ni Alkar.
"Anong kailangan mo? Iinsultuhin mo na naman ba ak—"
"Sorry." Agad na paghingi ng paumanhin ni Alkar na siyang ikinatigil ni Leera. Tinignan nito ang mga mata ni Alkar kung nagsasabi ba ito ng totoo pero ramdam niya ang sinseridad ng pagkakasabi niya.
Agad namang nagtaka si Alisis dahil bakit sa babaeng 'yon lumapit si Alkar. Hindi niya alam kung paano sila nagsimulang magkakilala na hindi niya nalalaman.
"Mebill, how did they meet each other?" Napatingin naman si Mebill sa pinanggagalingan ni Alkar, agad namang napakunot ang noo ni Mebill.
"I don't know! Teka— ni hindi ko nga alam na magkakilala sila. Hindi ko napansin na may pinopormahan si Al—"
"No! Hindi dapat siya pumuporma sa babaeng 'yan!" Diing bulong ni Alisis, agad namang natakot ang dalawa dahil sa biglang pagliyab ng mga kamay ni Alisis.
"Patawad dahil nasabi ko 'yon sa'yo, patawad dahil nainsulto kita. Ang totoo niyan, naduduwag lang akong harapin ka. Naduduwag akong sabihin na, gusto ko sanang makipagkaibigan sa'yo?" Paliwanag ni Alkar.
"Nagsasabi ka ba ng totoo? O baka nanloloko ka lang at plinano niyo ng Ate mo ito para mapabagsak si Alfalla? At ako ang puntirya niyo ngayon dahil malapit kami sa isa't isa?" Inis na ngayong turan ni Leera pero kaagad namang umiling si Alkar. Hinawakan ni Alkar ang dalawang palad nito at maiging tinignan sa mga mata.
"No! Hindi 'yan totoo, I'm here to befriend you. Gusto kitang maging kaibiga—"
"Bakit ako? Sa dami-daming iba diyan bakit ako ang napili mo?" Agad na tanong sa kaniya ni Leera.
"Bakit hindi ikaw? You are unique!"
"Maraming unique sa mundo na'to Alkar kaya huwag mo akong pinagloloko." Agad na sambit ni Leera.
"But they are not as unique as you, Leera." Agad namang nagulat si Leera dahil alam nito ang pangalan niya.
"I'm here to give you this gift—" Agad natigilan si Alkar dahil sa biglaang paglitaw ng pamilyar na lalaki at agad nitong sinakal si Leera.
Hindi nakagalaw si Alkar dahil sa gulat.
Si Leera na hindi din makagalaw dahil sa pagkakasakal ng kambal niya sa kaniya. Nanlaki ang mga mata nito dahil sa ngisi nitong nagpapahiwatig na papatayin na siya nito.
"This is the right time to kill you para wala na akong poproblemahin. At para hindi na mabaliw sila Ina na hanapin k—" Tumalsik si Helbram dahil sa biglaang pagtulak sa kaniya ni Alkar na nahimasmasan, agad namang nakaginhawa si Leera dahil sa mahigpit na pagkakasakal.
"Ayos ka lang ba?" Tanong ni Alkar kay Leera at tinanguan naman siya nito. Agad namang naramdaman ng lahat ang kakaibang presensiya ni Helbram na ngayon ay nasa Satan Soul Form niya. Nagkagulo ang lahat dahil sa nangyayari sa loob ng Cafeteria at kaagad nang nagsilabasan ang lahat maliban nalang kay Alisis, Zemma at Mebill.
"Baka masali si Alka—"
"Hayaan niyo siya, 'yan ang ginusto niya at pinili niya 'yan." Malamig na sabi ni Alisis na ikinayuko nalang ni Zemma.
"Huwag kang mangialam dito!" Sigaw ni Helbram with his demon voice. Agad ding gumamit ng Reform Magic si Leera at kaagad na itong nasa Satan Soul Form.
Demon Sarah versus Prince of Hell.
Agad sumugod si Leera pero kaagad nasangga ni Helbram ang suntok nito. Sinipa ni Helbram si Leera na ikinaatras ni Leera. Malapit siyang matamaan nito at mabuti nalang ay mabilis siyang nakaiwas. Napalingon si Leera kay Alkar na may nagtatanong na mga mata, bigla nalang lumipad ng mataas si Leera at siyang pagkasira ng kisame. Pumunta si Leera sa field at alam niyang susunod si Helbram, at hindi nga siya nagkakamali.
Nagpalitan sila ng suntok at sipa habang ang kani-kanilang mga pakpak ay magkakasabay sa pagpagaspas sa ere. Hindi nila napapansin na ang dami ng nanunuod sa kanila pero malayo sa kung saan sila naglalaban ng kambal niya.
"Baliw ka na talaga, wala kang utak!" Sigaw ni Leera with her demon voice pero nginisihan lang siya ni Helbram at hinablot ang leeg nito. Hindi namalayan ni Leera 'yon at ngayon ay sakal na sakal na siya at kaunting galaw niya ay mapapatay siya ng mga mahahabang kuko nito.
"Paalam!" Napapikit nalang si Leera at akmang sasaksakin na siya ni Helbram gamit ang mga kuko nito ay bigla nalang nabitawan nito si Leera dahil sa init at masiyadong mahapdi na likidong tumama sa kamay niya. Nakatakas si Leera habang hawak-hawak ang leeg nito.
"Leera!" Agad namang napalingon si Leera kay Alkar.
"Lumayo ka dito!" Sigaw nito pabalik pero agad naman siyang nagtaka na may inilabas itong maliit na lalagyan. Ibinato 'yon ni Alkar at agad niya namang nasalo, nakaramdam kaagad siya ng uhaw at gutom dahil na nasa loob ng maliit na lalagyan.
"Kaluluwa 'yan ng halimaw na Sacred Demon, 'yan ang regalo kong ibibigay kanina sana pero umepal 'yang lalaking 'yan! Gamitin mo na!" Dali-dali namang napatango si Leera at kaagad hinawakan ang lalagyan gamit ng dalawang kamay at pumikit. Dinamdam nito ang buong kapangyarihan na nasa loob nito hanggang sa parang hinihigop na nito ang buong lakas papasok sa kaniyang katawan.
"Take Over." Banggit nito, agad nabasag ang lalagyan at kaagad dumilat si Leera. Naging-itim ang buo nitong mga mata at bigla nalang nagliwanag ang kabuuan ng katawan niya ng kulay ube.
Nasilaw naman ang lahat dahil sa ubeng liwanag gano'n din si Alkar pero kaagad nitong idinilat ang mga mata at kaagad siyang namangha sa kabuuan ni Leera.
Her red hair is now ponytailed, her eyes are now burning with red, her lips as red as blood and her cheekbones with spikes on each like it's perfectly sculptured. Kurbang-kurba ang katawan nito, mapupulang balat na parang umusad lang dahil sa init ng araw, her muscled arms and legs. At sa katulad nang nakalaban ni Alkar na halimaw, wala itong mahahabang kuko sa paa at sa kamay. Kung titignan ay walang nag-iba sa katawan ni Leera, maliban nalang sa mukha nito at sa mahabang buntot nito ngayon.
Wearing her normal armor on her right shoulder only, a metal skirt, black tube on her whole body and a metal boots.
"Satan Soul: Sacred Flame!"