Alfalla.
I still can't believe it! Hindi parin ako makapaniwala sa nangyari at kahit anong gawin ko ay wala na akong magagawa. Ang kaluluwa na nasa loob ko siya palang nagbibigay sa akin ng lakas nito lang pero siya ding dahilan kung bakit agad-agad akong nanghihina. Kahit sa mga maliliit lang na atake ay nabibigyan parin ng malakas na kapangyarihan at puwersa ng kaluluwang nasa loob ko.
Alam na kaya ni Avzora na nasa kaniya ang isa? Nalaman na kaya niya na kaya niya din patigilin ang oras gamit ang kaluluwa niya? Hindi ako makapaniwala na nangyayari ang lahat nang 'to!
Tahimik lang akong kumakain habang nakatanaw sa labas. May mga Royal Knight na inaayos ang mga nasirang gusali while the Earth Elementalist fixing the big holes. May mga estudyante ding masayang naglalakad habang nagkukuwentuhan, may mga nag-aaway din pero minimal lang naman tapos may napapansin pa akong ang sweet sa isa't isa. Sana ganiyan nalang ako ka-ordinaryong estudyante. Sana naging ganiyan nalang akong nilalang na nakikipag-away pero sa kapwa estudyante lang dahil sa klase o di kaya dahil sa insecurities. Ganiyan lang ako na estudyante na nakakahalakhak kasama ang mga kaibigan. Sana!
Napabuntong-hininga nalang ako dahil alam kong imposible mangyari ang lahat. Alam kong hinding-hindi na 'yon mangyayari dahil sa problemang dinadala ko. Malaki nga ang advantage ng kapangyarihan ko pero gano'n din ang ikinarami ng mga problema na binibuhat ko sa buhay. May problema din kaya si Avzora? Malamang wala dahil nakakasama niya naman si Senny, nababantayan din siya minsan ng mga Mahaharlika at madali lang sa kaniyang magkaroon ng kaibigan dahil sa ugali niya. Nahuli niya nga ako na hindi ko na napapansin, basta kapag may nangyayaring masama ay siya kaagad hinahanap ko.
"Alfalla!" Agad akong napalingon sa nakangiting si Jaffna kasama ang mga alaga ko. Kasama din niya si Leera na nakangiti din sa akin habang kumakaway.
Umupo sila sa harapan ko kung saan may bakante pa, napatingin ako kay Sun na unti-unti ng nagiging makulay na ang pakpak at buntot nito.
"Napansin mo? Hmmm—mag-e-evolve na din 'yan kaya hintay lang tayo. Magandang Phenoserous ang magiging kinalalabasan nito dahil sa malakas ang may-ari at maganda pa." Agad naman akong natawa dahil sa sinabi niya.
"Nagiging madaldal ka na Ate, epekto na ata 'yan sa pagiging in love." Asar naman sa kaniya ni Leera na ikinainis naman ni Jaffna.
"Anong in love? Wala pa sa utak ko 'yan at baka dahil diyan makalimutan ko pamilya ko." Napailing nalang ako dahil sa katotohanang pinaparinggan niya si Tito Enzyme. Kung nandito lang siya, baka humikbi na naman 'yon.
"At tiyaka, nang dahil diyan kay Alfalla kung bakit ako nagiging vocal ngayon. Alam ko namang darating din ang araw na magiging masaya na ako sa buhay na wala ng dinadalang bigat sa puso." Dagdag ni Jaffna na siyang ikinatango ko naman.
"Nang dahil din ba kay Tito Enzyme kung bakit ka nagkakaganiyan? Iniisip mo na siya naman talaga ang dahilan kung bakit naging cold ka sa mga araw na hindi mo pa siya nakakausap at nakikita?" Wala siyang nagawa kundi tumango sa sinabi ko dahil tama naman. Napanguso siya at agad akong sinamaan ng tingin na ikinahagikhik ko naman.
"Ikaw nga rin, nagiging madaldal ka na." Turan nito.
"Madaldal naman talaga ako, pero sa mga nilalang lang na kinaiinisan ko noon pero alam ko naman nagbago na ako dahi—"
"Dahil kay Avzora?" Agad naman akong natigilan dahil sa magkasabay na pagkakabanggit ng magkapatid sa  pangalan ni Avzora. Napabuntong-hininga nalang ako dahil totoo naman, sa buong parte ko ay si Avzora ang dahilan kung bakit ako nagkakaganito.
"Naging maaalalahanin ako dahil sa kaniya, na gusto ko siyang protektahan kapag may masamang nangyayari. Gusto ko ng protektahan ang nasa paligid ko dahil sa kaniya na noon ay hindi ko naman gawain, nagbago ang pananaw ko sa mga nilalang na gustong mapalapit sa akin. Siya nagpamulat sa akin kung paano maging normal kahit saglit, dahil sa kaniya, dahil sa kabaitan niya at sa mga ngiti niya." Ngiti niyang nagsisimbolo sa ngiti ni Senny.
"Talaga?" Agad naman kaming napalingon sa likuran na agad ikinalaki ng mga mata ko. T-Teka—kanina pa ba siya diyan?
Inis ko namang tinignan ang magkapatid, nang dahil sa kanila ay nasabi ko na hindi ko dapat sabihin kay Avzora. Ngumiti lang ang dalawa, naramdaman ko nalang na may yumakap sa akin mula sa likuran.
"Alfalla, natural na sa'yo ang pagiging maaalalahanin, bago pa ako naging kaibigan mo ay napansin ko ng hindi mo pinapabayaan ang nasa paligid mo." Dinig kong sabi nito, I feel her sweet smile and snappy face dahil sa sinabi ko kanina.
"Tsk, huwag lalaki ang ulo mo dahil sa sinabi ko. Maliit lang na bagay 'yon para sa aki—"
"Alfalla!" Sa lakas ng sigaw na 'yon, lahat ng estudyante ay napalingon sa paparating na pati sa labas ay napatingin din dito sa loob ng Cafeteria. Agad naman akong nagtaka dahil sa galit na ipinapakita ni Alisis habang papalapit sa amin, kasama na naman ang mga tuta nito maliban kay Alkar.
"Where did you hide my brother?!" Sigaw nito at agad hinampas ang lamesa ng napakalakas na siyang ikinasira nito at nahati sa dalawa.
Lumipad kaagad si Sun papunta sa akin habang si Saifah ay galit na hinarap si Alisis pero hindi ito natinag at masama paring nakatingin sa mga mata ko.
"Why should I hide your brother? May mapapala ako?" Tanong ko sa kaniya, agad naman siyang nainis at akmang sasampalin niya ako nang bigla nalang lumitaw ang napakalaking halimaw sa harapan nila na ikinasinghap ng lahat.
Napaatras si Alisis at inis niyang tinignan ang halimaw na ngayo'y parang hinihingal dahil sa galit.
"You make him mad, Alisis. Ayaw na ayaw niyang inaaway ang amo niya." Ngising asar ni Jaffna na ikinangisi ko na rin dahil sa tuwa.
Tumingin sa akin ulit si Alisis at tinuro ako.
"Kapag may nangyaring masama sa kaniya, maghanda ka na dahil itataya ko buhay ko para lang mamatay ka at mawala ka sa mundong 'to."
**********
Alkar.
Hinay-hinay akong naglalakad hanggang sa nakikita ko na ang malaking pintuan in between of gigantic root trees. Buong tapang akong naglakad hanggang nasa malapit na ako ng pintuan. I'm now opening the door pero bigla nalang akong napatalsik dahil sa malakas na bagay na tumama sa tiyan ko na siyang ikinaungol ko dahil sa sakit.
Tumilapon ako sa mga damuhan, napahawak ako sa tiyan ko dahil sa lakas ng bagay na tumama sa akin. Agad nanlaki ang mga mata ko ng  nai-angat ko ang aking tingin sa napakalaking nilalang sa harapan ko. His wide round face na may mapupulang mata na nag-aapoy pa literal sa loob, his nose with big holes, his cheekbones with spikes on each at ang bunganga niya napakalaki habang nakaharap sa akin. Malaya kong nakikita ang mga ngipin niyang parang lagari dahil sa porma nito, nakatiwalwal pa ang dila na para bang sabik na sabik sa isang pagkain.
I checked its body at halos ikahina ko ang katawan na meron ito na may matitikas na dibdid. Pinapalibutan ang mga katawan niya ng mga muscle na hindi ko alam kung makakaya ko pa siyang talunin. His broad shoulders, muscled arms and legs and knees. He don't have sharp and long nails in his fingers but his big and wide body are enough to kill me here.
"Papatayin ng Sacred Demon ang mga nilalang na papasok sa Publiko Encantado!" Agad akong napapikit dahil sa malaking boses niya at halos mabingi ako dahil sa lakas.
"Tsk! You will be dead as meat! Iaalay ko kaluluwa mo sa nagugustuhan ko!" Sigaw ko din na ikinatawa niya lang, agad naman akong nainis.
"Ang liit mong nilalang para ialay ang kaluluwa ko sa iyong nagugustuhan. Hindi mo ba alam na binigyan ako ng malakas na kapangyarihan ng aming prinsipe na si Prinsipe Leviathan? Paano mo ako mapapatumba dahil lang diyan sa liit mong katawan?" Totoo nga sinabi ni Alfalla, he was created by the Devil Lord of Envy, Leviathan. Nasa mga libro nila Ina ang lahi nila, at least may nalalaman ako kahit kaunti.
And this fucking monster creeps me out because of its face and body. His voice torturing my ears and I really hate that! And I hate the way he insult my capabilities to kill him.
Hindi na ako nag-aksaya ng oras at kaagad kong sinugod ang halimaw, nakapaghanda naman kaagad ito at hinampas ako pero hindi niya ako natamaan dahil nawala ako sa harapan niya. Ngayon ay nasa likuran niya ako at akmang sisipain ko na siya nang mabigla ako dahil sa paglitaw ng napakaraming mata sa kaniyang likuran. Agad akong natigilan at huli na ng makaiwas, agad akong natamaan ng malakas na sipa ng halimaw.
"Argh!" Agad akong napaubo ng dugo at tinignan ang halimaw na nakangisi na ngayon sa akin papalapit. Agad akong tumayo, nagpalabas ako ng likido at kaagad siyang binato ng marami pero hindi siya natablan at tumawa lang ito.
"Hindi ako matatablan ng asido dahil sa aking katawan, puno na ito ng maiinit na likido. At maghanda ka dahil tutustahin kita bata!" Agad akong napaatras dahil sa biglang lumaki ang bunganga nito habang nakaharap sa akin, lumiwanag ang loob nito at agad akong umiwas papatakbo dahil sa pagbuga nito ng apoy na may mga likido pang kasama. Napatingin ako sa natamaan niya at halos malula ako dahil sa lalim ng lupang nadaanan ng atake niya.
Agad nanlaki ang mata ko dahil sa bilis nitong kumilos, nasa harapan ko na siya at hindi na ako nakaiwas dahil agad na niya akong sinuntok na nagpatalsik na naman sa akin na siyang ikinapikit ko at agad naman akong napaubo dahil sa bigla na namang may sumipa sa likuran ko na ikinasubsob ng buo kong katawan sa lupa. He can use teleportation at the same time, his agility and strength are no joke. Nanghihina akong tumayo pero agad kong naramdaman ang mabigat nitong paa na tumapak sa buo kong katawan kaya halos mahalikan ko na ang lupa.
"Mamamatay ka na dito bata, hindi ka na makakabalik pa sa inyo." Napapikit nalang ako dahil sa sinabi niya.
Hindi maaari!
"Bakit? Hindi ba kami tumutulong ni Ate Jaffna para mawasak ang mga sinasabi niyong kalaban? Kami ang nagpatumba ng mga halimaw eh kayo? Nasaan kayo? Diba wala? Dahil lagi lang kayong nagtatago, anak pa naman kayo ng mga magigiting na mandirigma noon pero wala kayong mga silbi."
"Kung isa kang prinsipe, at kung miyembro ang mga kasamahan mo sa mga nakakataas, patunayan niyo."
Agad akong napadilat at buong lakas kong tinulak gamit ang likuran ko ang malaking paa ng halimaw na siyang ikinaatras nito. Nagulat ito sa ginawa ko at bigla niya akong sinuntok pero kaagad kong nasalo ang malaki niyang kamay, kitang-kita ko mula sa malalaki niyang mata ang buo kong katawan na nagliliwanag, na naghahalo ang liwanag at dilim sa buo kong katawan. Kitang-kita ko mula sa mga mata niya ang pagdilim ng kaliwa kong mata at puro puting kulay sa kanan kong mata.
"You mess with the wrong 'child' you are talking about, Sacred Demon." Diing sabi ko at hindi ko alam kung paano naging dalawa ang boses ko basta galit ako, galit na galit ako at gusto kong pumatay. Agad kong binaluktot ang kamao niya na ikinasigaw nito, agad kong sinipa ang mga binti nito na ikinaluhod nito sa lupa habang hawak-hawak ko parin ang kamao niya.
May naramdaman akong namumuong bagay sa magkabilang sentido ko, rinig na rinig ko ngayon ang pagpagaspas ng dalawang pakpak na kasinglaki ng pakpak ng mga malalaking paniki.
"S-Sino k—"
Agad may lumabas na galing sa mga mata ko na itim at liwanag na laser at inatake ang dibdib ng halimaw na siyang unti-unting paglaho nito.
"Prinsipe, isa akong prinsipe ng Satharia." Bulong ko at bigla nalang itong naglaho, pero napansin kong nanatili ang kaluluwa nito sa harapan ko pero isa lang itong bilog na dilim.
Nakita ko ang isang maliit na lalagyan sa tabi kaya kinuha ko ito, agad namang pumasok ang kaluluwa sa loob na siyang ikinangiti ko.
"Dahil sa'yo, naipakita ko ang tunay kong kakayahan. Hmm—may maireregalo na ako kay Leera."