Alkar.
"T-Teka, bakit ang aga mo atang nagising? Masiyado pang maaga para sa magpakita ang araw pero ikaw nakabihis na? Sa'n ka?" Agad akong napalingon kay Venom na nagising dahil sa akin. Magka-dorm kami, sabi ko nga kay Ate Alisis na huwag nalang akong mag-dorm at uuwi lang ako araw-araw sa Satharia pero ayaw niya. Dito ako nag-aral kasi gusto kong bantayan si Ate, ngayon naman ay parang ako na ang binabantayan niya. Hayst, minsan hindi ko na alam kung ano talaga ang nasa utak ni Ate Alisis, hindi ko siya mabasa.
But still, she cares for me and for everyone. She is willing to sacrifice herself just to prove that she deserve what kind of position she have.
"May misyon ako." Sa pagkakasabi kong 'yon ay kaagad napatayo si Venom at gulat na napatingin sa akin, tinuro niya pa ako na parang hindi makapaniwala sa sinabi ko.
"Hala! Ikaw lang? Teka!" Agad siyang tumalon mula sa kama at kaagad akong napailing. Hayts, nagsisi tuloy ako kung bakit ako um-oo na isa lang kwarto namin.
Since this dorm is quite big and wide for a room, bakit hindi ko nalang pinalagyan ng isa pang kwarto? Hmm—because of this jerk, dahil sa closeness namin ay wala ng makapapaghiwalay sa amin.
Agad niya akong inakbayan na ikinapikit ko, agad kong winaksi 'yon at agad inayos ang suot ko.
"Sasama ak—"
"Hindi Venom, hindi ka sasama dahil kailangan ako lang mag-isa. Tiyaka, ginagawa ko ito para kay Leera. Alam mo naman diba kung gaano ko siya kagusto?" Turan ko na ikinangisi lang ng loko at napatango-tango na para bang may naalala.
"Hmm you are still into her ah? Bakit? Nagkausap na ba kayo at parang importante ang misyon na meron ka?" Naalala ko naman bigla ang kasalanan ko kay Leera, napapikit ako dahil sa frustration. Kung hindi lang sana ako naging tanga at duwag ay baka ayos na kami, baka nga close na kami no'n! Shit this! Bakit kasing pinanganak akong duwag!
"Yeah! We talked but it turns out into a chaos." Sabi ko naman na ikinatawa niya naman bigla, inis ko naman siyang tinignan sa mga mata na ikinatigil niya pero nakangiti parin ang loko still teasing me.
"Kaduwagan mo na naman kasi, hayst sige. Anong sasabihin ko kapag hinanap ka ng Ate mo? Baka ako naman puntiryahin no'n ah?!" Ako naman ngayon ang natawa dahil sa sobrang takot niya talaga kay Ate. Hmm, kahit ako naman ay gano'n din pero alam ko namang hindi ako sasaktan ni Ate Alisis hindi dahil sa kapatid niya ako, kundi dahil sa mabait siyang klaseng nilalang.
"Sabihin mo nalang na pupunta ako sa isang Isla at may bibisitahin na kaibigan. 'Yon lang at huwag ka ng magsalita ng marami, baka ihulog mo pa ako at sundan ako no'n." Turan ko na ikinatango niya naman, umupo ulit siya sa higaan at humikab.
"Ano bang misyon 'yan? Saan ka ba talaga pupunta?" Tanong nito sa akin.
"Pupunta ako ng Publiko Encantado, nando'n ang bagay na gustong-gusto daw ni Leera sabi ni Alfalla. Kaya wala akong choice kundi sundin siya, gusto ko rin patawarin ako ni Leera sa ginawa kong pang-iinsulto sa kaniya." Malungkot kong sabi, agad naman akong napatingin sa bintana at napapansing nagsisimula nang magpakita ang liwanag ng araw.
"I need to go Venom, babalik ako kaagad kapag nakuha ko na ang kailangan ko." Hindi ko na siya hinintay magsalita at lumabas na ako ng dorm. Since wala pang nakakapagpalit sa puwesto ni Kuya Brooch ay malaya ang lahat na gawin ang kani-kanilang gusto. They can go out whenever they want, kaya lulubus-lubusin ko na hanggang sa wala pang pumapalit sa kaniya.
Agad akong nagmadali nang matanaw ko ang main gate na walang nagbabantay, the gigantic walls are now facing me na para bang isang kasalanan ang lumabas.
"Tsk! What I am thinking?" Bulong ko at kaagad lumabas, walang nakabantay siguro dahil sa natutulog pa sila. Hanggang sa makalabas na ako ay agad akong napahinga ng malalim at nagsimula ng maglakad.
Malapit lang naman sa Natharia Academia ang Publiko Encantado at alam kong madali lang 'yon hanapin pero ang problema, hindi pa ako nakakapunta do'n. May nagsabi na sa akin no'n na madali lang itong makita dahil sa mga kakaibang puno na naglalakihan, kakaiba sa ordinaryong mga puno na para daw na may pinoprotektahan.
"Para 'to kay Leera, at makakatulong din ako kay Tita Senny. Sana naman nagsasabi ng totoo si Alfalla, delikado ako kapag may nangyaring masama." Bulong ko habang lumilingon sa paligid, agad akong nagpalabas ng liwanag gamit ang kapangyarihan ko na hindi pa nalalaman ng lahat na may ganito akong klaseng kakayahan.
Nagulat ako no'ng nalaman ni Alfalla, she is very powerful dahil nalaman niya ang matagal ko ng itinatago. Mapapatunayan ng kapangyarihan na ito na karapat-dapat akong manatiling prinsipe. Alam kong duwag ako, wala ako sa mga malalaking labanan pero babaguhin ko ang mahinang ako, magpapalakas pa ako ng mabuti.
Naalala ko pa ang sinabi ni Alfalla bago pa siya maglaho kahapon.
"You can consider yourself as strong if you killed the Sacred Demon."
Agad naman akong kinabahan, ano bang klaseng demonyo kaya ang kakaharapin ko? Anong itsura? Malaki kaya? May mahahabang kuko? Malalaking mga mata katulad nang mga halimaw na sumugod kahapon sa Academia? Hayst, napapraning na talaga ako. I'm doing this just to please Leera, ayokong kamuhian niya ako. Hindi ko naman talaga sinasadiyang sabihin 'yon sa kaniya, nagulat lang din naman ako sa ginawa ko at hindi ko na napigilan.
Mag-iisang oras na akong naglalakad at nakita kong ang mga tindahan dito ay sarado pa. Nagtitinda daw sila ng mga kagamitan ng mga Enchanters at Enchantress.
May nakita akong madilim na sulok na may daan sa kung saang direksiyon, hindi na ako nagtagal at kaagad kong sinuong ang madilim na daan at agad akong pinalibutan ng kadiliman dahil hindi pa naabot ang sinag ng araw dito.
Ilang minuto pa akong naglalakad hanggang sa nasisilayan ko na ang sinag ng araw, paglabas ko ng dilim ay kaagad akong namangha dahil sa nasisilayan ko ngayon.
Mga naglalakihang berdeng puno, mga katawan nitong gawa sa malalaking mga ugat at nakikita ko na ang araw sa likuran ng malalaking puno. Tama sila, kakaiba nga ang mga puno dahil nakakalula ang taas nito pero hindi nakakawala sa pagkakaganda ng hubog ng mga sanga at katawan nito.
"Ito na nga ang Publiko Encantado." Bulong ko.
Agad akong napalingon sa malakas na boses na siyang ikinaupo ko dahil sa kaba, nanginig ang kalamnan ko dahil ngayon lang ako nakarinig na ganitong klaseng ungol, sobrang nakakatakot.
"Iyon n-na ba ang Sacred Demon?"
*********
Alfalla.
Nakatanaw ako kay Alkar habang papalabas ito ng Academia. Agad akong napangiti dahil sa determinasiyon niyang makipagkaibigan kay Leera na alam kong hindi lang 'yon ang pakay niya. He really likes Leera.
"Anong ginagawa mo dito?" Agad akong napalingon sa boses na 'yon and Venedict's serious expression meet my expressionless face.
"Do I need to answer that?" Sarkastiko kong sabi, kaagad akong naglakad papunta sa kaniya at nilagpasan pero bigla nalang niya akong hinila pabalik sa kaniya na siyang ikinaalerto ko. Napahawak ang dalawa kong kamay sa dibdib niya at tinignan siya sa mga mata habang siya ay gano'n din.
"What did you do to me?" Tanong niya sa akin na ikinainis ko, ano na naman ang ginawa ko sa kaniya?! Nababaliw na ba siya?
"Tanga lang? Kita mong ikaw ang humila sa akin tapos ako ang tatanungin mo ng ganiyan?" Inis kong tugon pabalik, hindi nabago ang ekspresiyon niya at gano'n parin ang mga mata niyang ayaw umiwas. Na dapat akong bantayan palagi, na hindi dapat ako makatakas sa mga tingin niya.
"A-Ano ba—"
"Bakit ganito nalang ako kabaliw kapag hindi kita nakikita? Did you put spell on me?" Agad ko siyang tinulak dahil sa mga pinagsasabi niya.
"Kung anong trip mo Venedict, lumayas ka sa harapan ko dahil hindi ako natutuwa." Inis kong sabi sa kaniya, agad siyang lumapit na ikinaatras ko ng kaunti.
"Bakit? Tinanong mo ba ako kung natutuwa ako sa nararamdaman ko ngayon sa'yo?"
"Puwede ba? Kung anong kagaguhan ang sinasabi mo, quit it. Nababaliw ka na, akala mo ba natutuwa akong nakikita kita? Naaalala ko lang ang sinabi mo sa akin noon na isa ak—" Agad nanlaki ang mga mata ko dahil sa bigla niyang pagyakap. Hindi ako makagalaw dahil sa ginawa niya, hindi ako makapagsalita dahil sa higpit ng pagkakayakap niya sa akin.
"Sorry, sorry dahil minaliit kita. Sorry dahil pinangunahan ako ng yabang at pinangunahan ang mga plano mo no'n. Sorry Alfalla. Patawarin mo ako." Naramdaman ko ang pagkalas niya pero kalas na parang may humihila sa kaniya.
"Umalis ka muna, may pag-uusapan kami." Agad kaming napalingon sa malalim na boses, nakalutang ito sa ere habang nakatingin ng seryoso kay Venedict.
"Nanghihingi pa ako ng kapa—"
"Sabihin mo 'yan sa kaniya na hindi mo siya ginugulat, sabihin mo 'yan mamaya kapag natapos na kami. Sige na, umalis ka na." Walang nagawa si Venedict dahil kilala niya ang nasa harapan namin ngayon.
Naglaho na sa paningin namin si Venedict at ngayo'y seryoso ng nakatingin sa akin si Tito Mever.
"Ano pong pag-uusap—"
"Nasa loob mo ang kaluluwa ng batang Diyosa ng oras, the new Titan Goddess of Time is within you Alfalla." Agad naman nanlaki ang mga mata ko dahil sa sinabi niya, n-nasa akin?
"T-Teka hindi ko maipa—"
"The new Twin Titan God and Goddesses of Time was born, lumaki silang mahilig pakialaman ang oras at napunta sila sa oras kung saan ang mga Executioner ay nabubuhay pa. They we're k—"
"They we're killed? Tito Mever, alam ko ang patakaran niyo sa mundo niya na kapag namatay kayo ay pipili pa kayo kung magpapatuloy sa buhay o mananatili na sa mundo ng mga kaluluwa! At sinasabi mo bang nasa akin ang isa sa kanila? They chose to live again?" Tanong ko na ikinatango nito.
"You have the incredible power to stop the time, pero malakas ang kapangyarihan nito kaya hindi mo pa nakokontrol. Humihina ang katawan mo kapag nakakagamit ka ng malakas na kapangyariha—"
"Kung gano'n, bakit magkatulad kami ni Avzora ng presensiya? Huwag niyong sabihin na nasa kaniya ang isa pang kaluluwa?" Putol ko sa sinabi niya, wala akong pakialam kung ano na ang nararamdaman ngayon sa akin ni Tito Mever pero kailangan kong malaman ang lahat. Kung saan, kailan at paano nangyari ang lahat na hindi ko man lang naramdaman at nalaman.
Tumango ito sa tanong ko, agad akong nanghina sa nalaman. This is a very big matter for me dahil ang dami ng gumugulo sa utak ko at dumagdag pa ito. Kaya pala kami ni Avzora ang pinupuntirya dahil naaamoy na nila na nasa amin ang kaluluwa ng magkambal! Ang tagal kong iniisip kung bakit nasasali kami ni Avzora, 'yon pala ay dahil sa mga kaluluwa na nasa loob namin?
"Nito lang namin nalaman na nasa katawan ni Avzora ang isa pa at matagal na naming alam na nasa iyo ang isa." Napasabunot ako sa buhok ko at matapang na hinarap si Tito Mever.
"Tell me, may alam kayo kung sino si Avzora diba? Sabihin niyo sa akin! Sabihin niyo sa akin dahil litong-lito na ako sa nangyayari na parang sasabog na ang utak ko! Ang dami kong problema Tito Mever, hindi ako kilala ng Nanay ko! Hindi ko nakakausap palagi Tatay ko dahil sa inyo! Ang impostora na si Avzora na hindi ko malaman kung bakit magkatulad kami ng presensiya at kakayahan tapos itong mga Executioners!" Iyak ko ng sabi, agad niya namang hinawakan ang magkabilang balikat ko.
"Alam mong hindi namin puwedeng sabihin dahil mababago ang tadhana para sa'yo, ang Alfalla na kilala namin ay hindi sumusuko. Lumaban ka Alfalla, lumaban ka. Isasakripisyo ko ang buhay ko kung kinakailangan para lang sa'yo at para din malaman mo ang totoo pero hindi ko kayang iwanan ang mundo namin sa ngayon dahil diyan sa kagustuhan mo. Magulo din sa amin Alfalla, may inaayos kaming malaking problema ni Maleah kaya hindi na muna kami nagpapakita ng Tita Maleah mo. Alam kong kaya mo, naniniwala kami sa kakayahan mo." Tumango nalang ako sa sinabi ni Tito Mever, tama siya. Hindi ko sila hahayaang isakripisyo ang buhay nila para lang sa akin dahil mas mahalaga ang mundo nila.
Pero hindi ko maiwasang hindi manghina, bakit kaya hindi nalang nila sabihin? Sino ba kasi ang gumawa ng patakaran nila? Napayuko dahil sa kawalan ng gana, napaangat ang tingin ko ulit kay Tito Mever at lungkot siyang nginitian.
"Hmm—puwede bang maging mahina muna Tito Mever? Kahit ngayon lang, gusto ko munang sabihin sa'yo na gusto kong mamatay dahil sa sakit at lungkot na nararamdaman ko."