Alfalla.
Simula no'ng sumugod ang mga halimaw na 'yon, kakaunti nalang ang mga estudyanteng lumalabas. Hindi nila nakayanan ang takot dahil sa lakas nito, na hindi man lang natatablan ng kani-kanilang mga kapangyarihan. Nanghingi pa ang iba sa kanila ng kapatawaran dahil sila ang may dahilan kung bakit dumami ang mga halimaw. Iilang araw na din ang lumipas pero hindi parin nagpapakita si Minerva, nababahala na ako kung ano ang magiging plano niya, kung ano ang dahilan kung bakit kami na ang puntirya na ito. Masiyado na siyang sagabal, tinatakot niya ang mga estudyante dito.
"Alfalla!" Napapikit naman kaagad ako dahil sa boses na naman ni Avzora, papalapit na siya sa akin ngayon habang nakangiti nang mapadilat ang mga mata ko. Napalingon ako sa ibang lamesa kung marami bang estudyante pero gaya ng sabi ko, kaunti nalang silang lumalabas.
Agad umupo si Avzora kasama ang kaniyang alagang si Moon, napailing nalang ako dahil sa pangalan nito. Agad namang lumitaw si Sun mula sa likuran ko na agad namang ikinatuwa ni Avzora.
"Ahh! May ganiyan ka din?! Sinong nagbigay?!" Sigaw niya, agad ko naman siyang tinignan ng masama kaya nag-peace sign siya sa akin kaagad. Huminga ako ng malalim at tinignan siya.
"That's my prize being the winner of the game, hindi ko naman kailangan ng ganiyan pero sabi na may kakayahan silang i-adopt ang kapangyarihan ng tagapangalaga." Tumango si Avzora at agad naman hinaplos ang noo ni Sun, napapikit naman ito. Nasa lamesa na ngayon ang dalawang Phenoserous na nagkakatinginan lang habang ang mga pakpak ay naggagalawan. Ano na namang ginagawa ng mga 'to?
"Anong pangalan niya? Is he a boy or a girl?"
"Sun, and it's 'he'." Sagot ko naman.
"T-Teka, magkaibigan na ba kayong dalawa at ang gaan niyong mag-usap?" Agad ko namang sinamaan ng tingin si Jaffna na kakadating lang galing sa pag-oorder. Ang tagal niya kaya ayaw kong siya ang kumukuha ng pagkain dahil napakamapili.
"Jaffna!" Taka ko namang tinignan si Avzora at binalik kay Jaffna.
"You know each other?" Taka kong tanong.
"Nagka-engkuwentro lang, tinanong pa nga niya no'n kung ganiyan na ba talaga kasama ugali mo." Napangiti pa ito at kaagad umupo sa tabi ko.
"Magkaibigan na kami, at tiyaka gusto ko lang sabihin sa inyo na may selebrasiyon para kay Ama Cylechter. Baka gusto niyong sumama?" Ngiti nitong tanong, agad namang naging seryoso ang ekspresiyon ni Jaffna dahil alam niyang dadalo din do'n si Tito Enzyme na ayaw na ayaw niyang makasalamuha.
"Ahmm, hindi siya pu—"
"Ayos lang ba?" Seryoso nitong tanong pero kaagad naman itong napalitan ng ngiti na alam ko namang peke. Tumango naman si Avzora.
"Puwede akong magdala dahil 'yon ang sabi ni Ina, malaking handaan para sa pagbabalik ni Ama. At tiyaka daw para sa akin pero hindi na ako nagpaabala at sinabing sabihin sa pagbabalik nalang ni Ama i-dedicate ang selebrasiyon." Ewan ko ba, kahit pinag-uusapan namin ang Senny na 'yon ay wala akong nararamdamang galit kapag si Avzora ang nagkukuwento pero nakakaramdam parin ako ng inggit dahil nakakasama niya si Senny. Kailangan ko parin malaman kung sino si Avzora, hindi mamaaring hindi ko malaman ang totoo niyang katauhan dahil alam kong ako ang tunay na anak ni Senny.
"Pupunta kami, sasabay ako kay Alfalla." Agad ko naman pinanlakihan si Jaffna.
"Sinabi ko bang sasama ako? Wala akong naaalala na may sinabi akong sumama?" Takang tanong ko na ikinanguso naman nilang dalawa ng sabay. Hayst! Bakit nga ba ako pinapalibutan ng mga batang ugali?
"And where did you plan to go? To the party? Who let you?" Sabay kaming napalingon sa limang Mahaharlika na nakatingin lang sa amin, napabuntong-hininga ako at napansin kong gano'n din si Avzora. Bakit ba ang hilig umeksena ng mga 'to palagi? Sunod ng sunod pa kay Alisis na parang mga tuta na sumasama sa Inang aso para makadede!
"Pinapapunta ko sila ng party dahil 'yon sabi ni Ina at Tita Genesis. Anong problema do'n Alisis?" Namangha naman ako dahil sa hindi ata napapansin ni Avzora ang pagkasarkastiko ng pagkakasabi niya.
"Talaga? Puwede pala do'n ang mga hampas-lupang kagaya niyo?" Agad namang sabat ni Mebill, napapansin kong hindi na pinipigilan ni Alisis ang pinsan niya. Ang mas malala, mas pinantayan pa nito ang pag-uugaling brat!
"Are you still mad Alisis dahil hindi ikaw ang nanalo at hindi mo ako natalo? O nainggit ka dahil nasa akin ang Phenoserous na ito na nanggaling sa mga magulang mo ibinigay na imbis sa'yo?" Asar ko naman ito, agad naman itong nainis at mas lalo pang lumapit sa aming lamesa. Tinignan niya ang mga alaga namin at ngumisi sa amin ni Avzora.
"Even I don't have that kind of pet, still I can protect myself. At tiyaka, para lang 'yan sa mahihina. They're protecting the owner's right? Pathetic." Agad naman akong natawa dahil sa sinabi niya, lumayo naman siya ng kaunti.
"Well you know me Alisis, tinapakan na kita kaya kahit wala akong ganitong klaseng nilalang, I have still the powerful power to defeat any kind of evil. Even Gods and Goddesses, kaya kong paluhurin." Ngisi kong sabi.
"Tama na nga Alisis, hindi ba kumukumpleto araw ninyo na hindi kami tinatantanan?" Turan sa kanila ni Avzora na ikinahagikhik lang ni Alisis.
"Hindi ko kayo tatantanan hanggang sa hindi kayo mawala sa paningin ko. And Alfalla, don't too full of yourself dahil hindi mo pa nakikita ang tunay ng lakas ng mga responsibilidad na nasa katawan at kaluluwa ko. You're just a pathetic Enchantress and a Summoner of Gods. Duwag na kailangan pang tumawag ng Diyos para lang matulungan." Ngisi nitong sabi na hindi ko maiwasang hindi mainis. Ngumisi lang ito dahil sa sinabi niya.
"Umalis na nga kayo, at ayaw niyo man o sa gusto ay makikita't makikita niyo ang mukha namin do'n!" Sigaw ni Jaffna, napatingin sa kaniya si Zemma na siyang ikinangisi ko. Poor Zemma, takot na mawala sa kaniya ang Ama.
"Wala na kaming pakialam, huwag lang kayong gumawa ng hindi namin magugustuhan dahil aabot tayo sa impyerno at pati prinsesa do'n ay makakasaksi sa labanan natin."
*********
Third Person.
"Wala na kaming pakialam, huwag lang kayong gumawa ng hindi namin magugustuhan dahil aabot tayo sa impyerno at pati prinsesa do'n ay makakasaksi sa labanan natin."
Sa sinabi na iyon ni Alisis ay agad namang napangisi ang dalawa na sina Avzora at Alfalla. Hindi nila napansin na magkasabay silang napangisis.
"You already talked to the princess of hell." Agad namang kinilabutan ang apat na nasa likuran nito dahil sa sabay nilang pagkakasabi habang nakangisi pa ang mga labi nito.
"So ambitious, you are the princess of hell? Then congrats, you already meet the Queen." Ngisi din nitong turan pabalik.
"You don't know what you are talking about Alisis, hindi mo pa ako kilala ng lubusan kaya baka gusto mo ng manahimik? Naiirita na ako sa boses at mukha mo." Nainis naman bigla si Alisis dahil sa sinabi ni Alfalla, wala talaga itong respeto na kahit mas nakakataas pa sa kaniya ay hindi niya sinasanto.
'Nanalo lang siya? Ganiyan na ang pag-uugali niya na mas lalo pang lumala? Tiyamba lang ang lahat, pero kapag dumating ang tamang oras ay matatalo din kita!' Sa isip ni Alisis habang nakatingin ito kay Alfalla.
"Umalis ka na Alisis, pati ang mga alaga namin ang sama ng tingin sa'yo." Sabat ni Jaffna.
Agad namang umalis ang grupo nila, napabuntong-hininga naman ng sabay sina Alfalla at Avzora na ikinanuot naman ni Jaffna.
'They are really something, magkapareha sila sa lahat ng aspeto maliban nalang sa mukha but still they have the same eyes' color. Red as fire!' Hindi maiwasan ni Jaffna na hindi mapaisip ng mga posibilidad sa dalawang nasa harapan niya.
"Ate Jaffna!" Lumingon naman ang tatlo sa bagong dating, sa likuran naman nito ay si Venedict at si Pauros.
"Hmm, Leera? Bakit kasama mo dalawang 'yan?" Iritang tanong ni Jaffna, napailing naman si Leera.
"Nagkasabay lang kami sa pagpasok pero hindi kami magkasabay pumunta dito. Nakita kong nanggaling dito ang mga Mahaharlika? May nangyari ba?" Tanong ni Leera, umiling naman kaagad si Jaffna.
"Wala, sige na umupo ka na." Napalingon naman si Leera sa katabi niyang nakangiti namang nakatingin sa kaniya. Nginitian niya naman ito pabalik pero sa isipan niya, nagtataka siya kung bakit magkatulad sila ni Alfalla ng presensiya?
"Hi I'm Leera, kapatid ni Jaffna but not in blood. Who you?" Ngiting tanong nito kay Avzora na walang kumpas ang ngiti.
"Avzora, kaibigan ni Alfalla." Agad namang nagulat si Leera at nanlaki ang mga matang napatingin kay Alfalla na nakataas na ang kilay ngayon.
"Talaga?!" Hindi makapaniwalang tanong ulit ni Leera na ikinatango nalang ni Avzora.
Agad namang lumipad ang mga Phenoserous sa tabi ng mga amo nila dahil sa paglapit nina Pauros at Venedict. Agad namang napatingin si Avzora sa kaniya na ikinapula ng magkabilang pisngi nito. Si Jaffna naman na iritado sa presensiya ni Pauros. Walang hingi-hingi ng permiso at kaagad namang tumabi si Venedict kay Alfalla at si Pauros naman kay Jaffna. Mabuti nalang malapad at malaki ang mga parihabang upuan na gawa sa metal.
Hindi alam ni Avzora na kilala nila Alfalla ang lalaking nakabangga niya.
"Umupo pa talaga kayo dito? Hindi niyo ba ramdam na hindi namin kayo feel na kasama? Look? They are feeling awkward!" Turan ni Leera pero hindi nakinig ang dalawang lalaki at patuloy lang sa pagkain.
"Hayaan mo nalang." Nagulat na naman si Leera sa sinabi ni Alfalla, hindi na siya makapaniwala na nagbabago ata ang tungo nito sa mga kaibigan. Bago din sa kaniya na may bago itong kaibigan, ni hindi niya nga alam kung kaibigan din ba ang turing ni Alfalla sa kaniya.
"Ahmm, paumanhin sa'yo, hindi ko sinasadya ang ginawa ko sa araw na 'yon." Napaangat naman ng tingin si Venedict kay Avzora na nakatingin na sa mga mata niya, napatango lang ito at nagpatuloy sa pagkain.
"Bakit Avzora? Avzora right? Hmm— ano bang kasalanan ang nagawa mo sa kaniya at parang hindi naman big deal kay Venedict?" Tanong ni Pauros, agad namang natigilan si Alfalla at si Venedict dahil sa tanong nito kay Avzora.
"Nabunggo ko kasi nguso niya sa araw na 'yon sa nguso ko, kaya ayon." Agad namang nabilaukan sina Venedict at Jaffna dahil sa sinabi nito na pati si Leera ay halos masakal na dahil sa tubig na hindi niya nalunok ng maayos. Agad namang nagtaka si Avzora sa inasal ng mga ito, napatingin ulit siya kay Pauros na nakangisi na ngayon kay Venedict.
"Hala! Ang laking kasalanan no'n!" Agad namang nataranta si Avzora at niyuko ang ulo niya.
"Hindi ko talaga sinasadya, patawad!" Agad namang nainis si Alfalla at kaagad binatukan si Avzora. Ngumuso naman ito sa ginawa ng kaibigan niya.
"Huwag ka ngang tanga, kung aksidente 'yon ay hindi ka dapat nanghihingi ng kapatawaran. God your innocence makes me crazy!" Frustrated na sabi ni Alfalla at kaagad itong umalis sa lamesa at patabog na lumabas.
"Pft, ewan ko pero natatawa ako. Ikaw kasi Pauros, mukha kang tanga. Para namang hindi ka nakaranas no'n kay Ate Jaffna, eh aksidente mo din siyang nahalikan. Kaya ganiyan siya kairita sa'yo!" Agad namang umaksiyon na babatuhin ng plato ni Jaffna si Leera pero agad naman itong nag-peace sign.
"Tsk, aksidente lang naman 'yon. Buong linggo ko namang tiniis ang sakit ng ulo ko dahil sa kapangyarihan niya." Inis na pagpaparinig ni Pauros na mas lalong ikinainis ni Jaffna.
"Ikaw pa talagang may ganang magalit gano'n? Sapakin kaya kita?!" Sigaw ni Jaffna pero nakangisi lang si Pauros.
"It's just a kiss, tignan mo si Venedict? Wala lang sa kaniya na nabunggo ang nguso niya sa nguso ni Avzora!" Sigaw din ni Pauros na ikinayuko lang ni Avzora.
"Tsk." Venedict.
"Eh sa babae kami, importante sa amin ang hali—" Agad natigilan ang lahat dahil sa biglaang paglitaw ng hologram sa harapan nila at natatanaw nila si Levinas na umiiyak.
"V-Venedict, baka naman makauwi ka ngayon? L-Lola Thorna died."
Agad namang nanlaki ang mga mata ni Venedict at dali-daling gumawa ng Hologram Portal at pumasok. Habang si Avzora naman ay dali-daling nag-cast ng spell at kaagad naglaho.
*********
"At least hindi na mangingialam si Demetria. Buti nalang napatay mo siya kaagad."
"Yes Milady."