Avzora.
"B-Bakit mo ako hinalikan?" Gulat ko siyang tinignan sa mga mata at hindi makapaniwala sa nangyari.
A-Ang una kong halik, n-napunta lang sa isang estranghero? Agad nang-init ang magkabilang pisngi ko sa nangyari, tila hindi parin matanggal sa isipan ko ang nangyari. B-Bakit? Bakit nangyari 'yon?
"Huwag kang assuming Miss, aksidente ang nangyari. Hindi kita mahahalikan kung hindi ka pagala-gala. Hindi ka tumitingin sa dinadaanan mo kaya nabangga mo nguso ko." Agad naman akong napayuko dahil sa sinabi niya. Nakakahiya naman.
Lumapit sa akin si Moon na siyang binuhat ko naman kaagad.
"Pasensiya na, naglalaro kasi kami ni Moon kaya hindi na kita nakita. Paumanhin po." Paghihingi ko ng kapatawaran, nakakahiya kasi 'yong ginawa ko sa kaniya. Iyon na ata ang pinakanakakahiyang nagawa ko sa buong buhay ko.
"Ayos lang, huwag mo nalang sana uulitin baka ibang lalaki na ang mabangga ng nguso mo. Teka— may katulad ka ng presensiya." Agad naman akong nahiya sa sinabi niya at sa huling sinabi niya nalang ako nagbigay atensiyon.
"Si Alfalla ba?" Tanong ko sa kaniya na ikinatango niya naman, taka niya akong tinignan mula ulo hanggang paa na para bang pinag-aaralan ako ng mabuti ng mga mata niya.
"You have the same presence, but different personality. Bilib din ako sa babaeng 'yon, walang kinakatakutan pero nakita ko siyang umiiyak matapos ang laro. Wala naman akong pakialam sa kaniya, pero unang beses ko siyang nakitang nagkagano'n." Agad naman akong napangiti ng kaunti, 'yong pilit na ngiti dahil sa sinabi niya. Talagang masama nga ata ang ugali ni Alfalla dahil sa mga naririnig kong impormasiyon tungkol sa kaniya. Hayst, ano ba ang puno't dulo ng pagiging gano'n niya? May nakaraan kaya siyang kakaiba? Masakit?
"By the way, your Phenoserous is cute like you." Bago pa ako makapagsalita ay agad siyang nawala sa harapan ko. Hindi ko alam pero naramdaman ko na naman ang kakaibang init sa magkabilang pisngi ko sa hindi alam ang dahilan. Bakit ba niya ako ginaganito? Siya lang ang nagpaparamdam sa akin ng ganitong klaseng emosyon at atraksiyon.
Napatingin ako kay Moon na nasa bisig ko habang nakaangat ang ulo nitong nakatingin sa akin. Ngumiti naman ako kaagad dahil sa kaunting ungol nito. Nabasa ko sa isang libro, na kung anong ugali ng tagapangalaga ay gano'n din ang magiging ugali ng Phenoserous. Hmmm, mabait naman ako kaya alam kong mabait din itong si Moon. Hinaplos ko ang noo nito na ikinapikit lang ng mga mata nito.
"Ang lalaking 'yon talaga." Ngiti kong bulong.
"Don't you dare to be close with him, binabalaan kita." Agad naman akong napalingon sa pamilyar na babae, agad namang nagbago ang ekspresiyon ko dahil sa presensiya niya. Naiinis ako kapag nasa harapan ko siya at walang ibang sinasabi kundi patungkol lahat kay Alfalla. I hate the way she talked about Alfalla na para bang ikakamatay niya kapag hindi niya sinasabihan ng masama.
"Ano na naman bang problema mo Alisis, nandito ka na naman ba para pagsalitaan ng masama si Alfalla? Hindi ka ba nagsasawa ah?" Inis na turan ko sa kaniya.
"Hmm, hindi naman siya ang pinag-uusapan dito. I'm here to warn you to stay away from Venedict or else you will see the Goddess of all Goddesses' true powers." Nanggagalaiti nitong turan pabalik sa akin. Agad naman akong napaisip kung sinong lalaking pangalan ang tinutukoy niya, ang lalaki kayang nahalikan ko ng aksidente? 'Yong nabangga ang nguso?
"Oh tapos? Ano naman ang problema kung lumapit ako sa kaniya? May gusto ka ba do'n?" Agad naman siyang natigilan dahil sa tanong ko, inis niya akong tinignan sa mga mata. Hindi niya kasama ang ibang Mahaharlika.
"J-Just stay away, kung ayaw mo ng gulo at kung ayaw mong sirain ko buhay ni Alfalla sa harapan mo. Why so protective of her? Bakit, magkakilala ba kayo? You are not even close to protect her, pinapaalis ka pa niya sa harapan niya dahil sa kakulitan mo." Nainis ako sa sinabi niya, hindi ko gusto ang tabil ng dila niya.
Akmang magsasalita na sana ako ay bigla nalang kaming nakarinig ng malalakas na sigawan mula sa main gate ng Academia. Agad nanlaki ang mga mata ko dahil sa mga presensiya nitong kakaiba. Tinignan ko sa mga mata si Alisis at gano'n din ang kaniyang ekspresiyon, agad akong tumakbo papunta sa gate at ramdam ko naman na nakasunod lang din sa akin si Alisis.
"Mga halimaw!" Sigaw ng mga estudyante, agad akong lumutang sa ere at tignan kung anong nangyayari, nanlaki ang mga mata ko sa mga halimaw na ngayo'y nilalabanan ng mga Royal Knights.
"Nandito ka din pala, expected ko na 'yon dahil palagi mo akong sinusundan." Agad naman akong napalingon sa nakalutang na din na si Alfalla, agad naman akong natuwa at ngumiti sa kaniya. Kinunotan naman niya ako ng noo dahil sa inasal ko.
"May gana ka pang ngumiti sa gitna ng gulo, kakabilib talaga." Napanguso nalang ako sa sinabi niya at hinarap muli ang mga halimaw. Mga kalansay na may malalaking buto habang nakahawak sa kani-kanilang espada na may mga ubeng usok na lumalabas.
Napalingon ako sa isang side ko at nakita kong seryoso lang si Alisis habang lumulutang din ang katawan niya. Agad naman akong namangha dahil sa biglaan nitong pagsugod at tinulungan ang isang Royal Knight na patayin ang isang kalansay.
"Tumawag ka ng maraming kawal at papuntahin mo lahat sa Satharia Kingdom!" Dinig kong sigaw ni Alisis.
"Pero prinsesa, walang magbabantay sa Nathar—"
"Nando'n ang ibang Mahaharlika kong mga pinsan at kasamahan! Just call and follow my rules now!" Agad namang natarantang tumango ang kawal at kaagad naglaho sa harapan ng prinsesa.
Unti-unting bumaba ang katawan ko habang nakahawak parin kay Moon, teka paano ko ba ilalayo ito sa laban.
"Moon, kailangan mong umuwi muna sa dorm natin. Delikado pa para sa'yo, okay lang ba?" Agad naman itong tumango, lumipad ito sa ere at parang isang sandata na agad nawala sa paningin ko.
"Ito ang tunay na kapangyarihan ni Minerva, calling dead Specialists and control them to attack everyone." Agad akong naging seryoso dahil sa kakaibang lakas ng mga kalansay na'to, ang laki-laki ng kani-kanilang buto.
"W-Wait, ano bang kalansay 'to? Nagwo-work out din ba sila sa impyerno?" Agad naman akong napalingon sa isang boses, isa siyang bampira dahil sa mga pangil niyang lumabas habang nakangisi siya.
"Pauros, anong ginagawa mo dito?" Takang tanong ni Alfalla sa kaniya pero ngumiti lang ito sa kaniya.
"I just want to help." Bigla nalang niyang binato ng Ice Dagger ang isang kalansay sa bandang dibdib nito na ikinalaho ng kalansay. Pero nagulat ako dahil hindi naman ito namatay sapagkat naging dalawa pa.
"Pinaparami mong sila gunggong!" Sigaw ni Alfalla na ikinangiti ng pilit ng lalaking nagngangalang Pauros at napaatras.
Napansin kong wala ng mga estudyante dito, alam na ata nilang hindi nila makakaya ang mga kalansay na ito dahil kapag naglalaho sila ay agad naman silang dadami. Ito ata ang dahilan kung bakit ganito sila kadami ngayon.
"Parang may mali, didn't you notice na parang may kumpol sa gitna ng bahagi?" Agad naman akong napatingin kay Alfalla habang nakatingin sa akin. Tinuro ko naman kaagad ang sarili ko dahil baka hindi naman ako ang kausap niya, baka namamalikmata lang ako na nakatingin siya sa akin.
"Hayst, why I'm talking to you anyway." Agad naman akong napangiti dahil sa tinuran niya at tinignan ang kumpol sa gitna. Nakita kong nilalabanan ni Alisis ang ibang kalansay pero hindi niya napapansin na padami lang ito ng padami.
Agad ko siyang pinuntahan at hinila papunta sa malayo. Inis niya naman akong tinignan sa mga mata dahil sa ginawa ko.
"Ano bang problema mo?! At ano sa tingin mo ang ginagawa mo?! Why did you drag me here without my permission?!" Sigaw niya sa akin, tinignan ko naman siya sa mga mata at nakita niya kung paano nagliwanag ang mga pula kong mga mata. Kitang-kita ko ang pagliwanag ng mga mata ko sa mga mata niya.
"Bakit magkatulad din kayo ni Alfa—"
"Hindi mo sila puwedeng atakihin dahil dumadami lang sila at mas lalo mong pinapalala. Huwag kang padalos-dalos sa mga desisyon mo." Seryosong sabi ko sa kaniya at agad lumutang pabalik kay Alfalla.
"Hinayaan mo nalang dapat siyang pagurin ang sarili niya at mapatay ng mga kalansay na 'yan." Agad naman akong napanguso sa sinabi niya, hayst bibig niya talaga kahit kailan ay hindi mokokontrol dahil sa sama. Kaya iniintindi ko nalang, na para bang matalik kaming kaibigan dahil sa inaakto niya and at least nakakausap niya na ako na hindi pinapaalis sa harapan niya.
"I knew it. They are protecting someone on that place. May pinoprotekhan sila sa kumpol na 'yan."
"Sa tingin mo Alfalla 'yon ang magiging sagot mawala silang lahat?" Tanong ko, napairap naman siya dahil do'n.
"Wala namang mawawala kung susubukan diba? Tsk, huwag mo nga akong kausapin!" Napailing nalang ako habang nakangiti nang sumugod siya sa mga kalansay. Binangga niya ang mga kalansay na ikinatumba nito at nagdulot ito ng mga pag-usok. Kasabay din no'n ay ang pagdami na naman ng mga kalansay. Agad naman akong nataranta dahil sa sinusundan na si Alfalla ng lahat ng mga kalansay, agad kong tinapat ang mga palad ko sa iba at agad nagbuga ng apoy ang palad ko.
Unti-unti silang napatingin sa akin na ikinangiti ko naman.
"Ganiyan nga, dito ang iba sa inyo." Napansin kong malapit na sa kumpol si Alfalla.
"Argh!" Agad naman akong nagulat dahil sa malakas na pagtalsik ni Alfalla at huli na nang uniwas ako dahil bumulusok ito papunta sa akin at kaagad kaming tumilapon sa lupa.
"A-argh! They are protecting the heart of the Queen. May Reyna silang pinoprotektahan na siyang dahilan kung bakit nabubuhay ang mga kalansay na 'yan!" Inis na sambit ni Alfalla, napahawak naman ako sa batok ko dahil sa may kumirot ng kaunti.
"Alam ko na ang gagawin ko and I need your help para hindi lang sa akin ang atensiyon ng mga kalansay. They know na ako ang wawasak sa Reyna nila kaya sa akin sila susugod, kailangan mong lumutang at gawan ng malaking Magic Circle ang lupa kung saan hindi sila makakalabas ng Magic Circle na ginawa mo. Habang ako ay nasa pinakataas mo at magka-cast ng spell para silang lahat ay maglaho. Naiintindihan mo ba ang sinasabi ko? Tutal, magkatulad din naman tayo ng kakayahan kaya mas magiging mas madali kung tayong dalawa ang magtatrabaho." Agad-agad akong napatango sa plano niya, para akong baliw habang nakangiti ng walang kupas. Hayst, progress 'to sa gusto ko siyang maging malapit sa akin. Tumayo kami ng sabay at naghanda.
Napalingon naman ako kay Alisis na pinipigilan na ngayon ang iba pang estudyante na gustong tumulong.
"Wala kayong magagawa dahil dadami lang sila, let us the both of them na gawan ng paraan para mapuksa ang mga halimaw na 'yan. We just need to support them, naiintindihan?!" Dinig kong sigaw ni Alisis na siyang ikinailing ko nalang.
Agad akong lumutang sa ere at nasa itaas-gitna ng dagat ng mga kalansay. Agad akong pumikit at dinikit ang mga palad na nasa harap ng aking dibdib, naramdaman ko naman si Alfalla sa itaas ko na may kapangyarihan ding bumabalot sa kaniya.
"Magic Circle." Pagbanggit ko sa isang spell, agad nagliwang ang lupa ng puting kulay at napansin kong unti-unting umuukit ang mga iba't ibang diseniyo hanggang sa nagiging malaking bilog na ito. Nasa gitna na ng bilog ang lahat ng mga kalansay at agad ko namang nilingon si Alfalla na nakatingin sa akin, agad ko naman siyang tinanguan at tumango din ito pabalik sa akin. Pumikit ito sa ere hanggang sa naramdaman ko ang paglakas ng hangin, ang ibang puwersa ay hinihigop ng katawan at kapangyarihan ni Alfalla na siyang nagpangiti sa akin.
"Grand Chariot!" Sigaw ni Alfalla at agad nagliwanag ang buong Magic Circle at umangat ito sa ere, hanggang sa binalot ng buong liwanag ang karagatan ng mga kalansay at dinig na dinig namin ang magkakasabay na ungol nito. Paglaho ng liwanag ay siya ding paglaho ng mga kalansay. Agad naman akong bumaba, napaluhod at napapikit dahil sa panghihina, unang beses kong gumawa ng gano'ng kalakas na puwersa para makagawa ng malaking Magic Circle.
"Malaking pagsasakripisyo kapag ginawa ko ng sabay ang malaking Magic Circle at Grand Chariot. Hindi magiging matagumpay ang Grand Chariot kung hindi sapat ang lakas at determinasyon mo, kaya ikaw ang pinagawa ko ng Magic Circle at ako na sa pangtapos." Tumango ako sa sinabi niya, mas maraming lakas ang makukuha ng Magic Circle dahil dito lalabas ang kapangyarihan.
Tumalikod na siya sa akin pero bago pa siya lumayo, lumingon siya ulit sa akin at ngumiti pero hindi gano'n kalapad.
"Salamat sa'yo."