Alfalla.
"Anong gagawin mo? Kung pilitin mo man siya o hindi, still susundan at susundan ka parin." Napabuntong-hininga nalang ako sa pinoproblema ko ngayon, dumadagdag pa itong si Avzora. Tama nga naman si Jaffna, kahit pigilan ko pa ang babaeng 'yon ay hindi parin 'yon makikinig. Hindi parin ako tatantanan no'n.
Simula kahapon, naging magmatiyag na ako dahil sa engkuwentro namin kay Minerva. Akala ko mahihirapan kami do'n sa babaeng 'yon pero bakit kaya bigla nalang 'yong naglaho? Bakit bigla nalang siyang nawala sa harapan namin? At teka, bakit nga ba kami ang puntirya ng Executioner na 'yon? Nalaman niya ba na kumakampi ako sa mga Mahaharlika para kalabanin sila?
"Tsk, huwag na natin pag-usapan 'yon. Ang importante, hindi siya manggugulo dahil hindi ko alam kung anong magawa ko sa kaniya kapag napuno na ako." Napailing nalang si Jaffna.
"Eh ikaw? Nakapag-usap na ba kayo ni Tito Enzyme matapos ang laro?" Tanong ko na ikinailing niya naman.
"Wala na atang balak 'yon, ayos lang naman. Hindi ko na siya kailangan para mabuhay at maging malakas. Hindi ko naman pinangarap na maging isa dito sa Natharia Academia, what I want is to look for him but it's useless." Naalala ko pa no'ng una naming pagkikita, ayaw namin sa isa't isa pero ngayon parang ang saya sa pakiramdam minsan na may pinagsasabihan ka sa mga problema mo minsan.
"Bakit nga pala hinayaan mong matanggal ka sa laro?" Tanong ko sa kaniya ulit, napatingin siya sa akin dahil sa tanong ko.
"Alam kong magiging gano'n ang kinalalabasan, na isang kalahok ang matitira at alam kong ikaw 'yon. Hindi ko na din kailangang maging malakas sa harapan nila, dahil wala akong pakialam sa kung ano ang tingin nila sa akin." Sagot nito, napatango nalang ako at napangiti ng pilit.
"I just hate the feeling na parang hindi ako nanalo, oo nasagot kahilingan ko pero parang wala parin. Ako parin ang dehado." Sabi ko sa kawalan, napabuntong-hininga naman ako.
Paano ko nga ba malalagpasan ang sarili kong problema? Paano ko ba lalakasan ang loob ko na sabihin kay Senny na ako ang tunay niyang anak? Na si Avzora ay isa lang na impostora? Kainis, kung saan malapit ko ng makuha si Senny ay nagkagulo pa. Teka, gugustuhin ko nga bang makapiling sa buhay ang babaeng nag-abandona sa akin? Pero kinontrol siya no'n ni Brooch kaya wala siyang kasalanan, wala siyang nagawa no'n.
Nasaan na kaya ang hayop na 'yon? Nang dahil sa kaniya ay mas lalong kumusot ang buhay ko, nang dahil sa kaniya mas lalong napalayo ang tiyansa na makilala ako ni Senny bilang anak niya.
Napalingon kaming sabay ni Jaffna sa pintuan dahil sa may kumatok. Agad kong inunahan si Jaffna at binuksan ang pintuan pero wala namang nandito sa labas. Nilingon-lingon ko pa ang paligid pero wala namang kakaiba, wala namang anino o anong presensiya.
"Teka—" Napansin ko ang maliit na jar, agad ko itong pinulot at napapikit dahil sa bigat, dinala ko ito sa loob pagkatapos kong sinarado ang pinto.
"Sinong kumatok?" Tanong ni Jaffna.
"Wala naman akong nakita maliban nalang sa bagay na'to, ano naman kaya ang laman nito. Ang liit pero ang bigat." Reklamo ko.
"Akin na nga." Sa paghila ni Jaffna sa kamay ko ay siyang pagkahulog ng maliit na jar. Agad itong nabasag, nanlaki ang mga mata namin at kaagad lumayo dahil sa kulay itim na usok na lumalabas. Palaki siya ng palaki hanggang sa bigla nalang kaming nakarinig ng malakas na ungol ng halimaw.
"Shit!" Sigaw naming pareho ni Jaffna at kaagad umiwas sa malaking kamay ng halimaw na may mahahabang kuko. Mukha siyang lobo pero katawang tao, mabalahibo at namumula ang mga mata nitong nakatingin sa amin. Naglalaway pa na para bang gustong-gusto kaming kainin ng buhay.
Agad akong napalingon sa kwarto ko dahil sa tunog ng pagtakbo. Agad nanlaki ang mga mata ko dahil lumabas ang maliit na Phenoserous.
"Huwag kang gagalaw diyan, huwag kang gagawa ng kung anong ingay." Diing bulong ko pero halos ikamatay ko na dahil sa biglaan nitong pag-ungol na parang ang laki-laki niya. Napalingon sa kaniya ang halimaw na ikinataranta ko pa lalo.
"Kung wala lang tayo sa ganitong sitwasiyon, sasabihan ko na sana siya ng cute dahil sa pag-ungol niya." Hindi ko na pinansin si Jaffna at kaagad nag-cast ng spell, kinontrol ko ang buong katawan ng Phenoserous at kaagad inilapit sa akin. Kaagad ko itong niyakap at tinignan ang halimaw na ngayon ay nakatanaw na sa amin.
Agad itong nagwala, nabasag ang ilan naming gamit at ang kisame ay halos punitin na niya lahat. Agad kaming umiwas nang hampasin ng halimaw ang puwesto namin.
"Kung sino man nagpadala nito, papatayin at papatayin ko siya ng paulit-ulit!" Sigaw ko, agad kong inilapag ang Phenoserous at agad tinapat ang dalawa kong palad sa halimaw. Biglang may lumitaw na hindi gaano kalaking Magic Circle sa pagitan ng dalawa kong palad.
"Illusionary!" Sigaw ko at natigilan ang halimaw, pero agad akong napaiwas dahil sa muli niyang paghampas.
"Hindi gumagana sa kaniya ang spell mo!" Sigaw ni Jaffna, eh ano nalang kung siya? Gagana kaya? Kailangan pa niyang hawakan ang parte ng katawan ng halimaw na mas malaki pa sa amin at mas matangkad! Baka bago pa niya mahawakan ay lasog-lasog na katawan niya!
This monster is not an ordinary, galing siya sa isang kapangyarihan pero nando'n parin ang katotohanang isa parin itong nahahawakan na halimaw.
Itinapat ko ulit ang mga palad ko sa kaniya at nag-cast ng spell. Bigla nalang bumulusok ang mga apoy galing sa palad ko sa halimaw. At para namang may utak ang halimaw dahil agad niya itong sinangga gamit ang kaniyang mga kamay, parang wala lang sa kaniya.
"Hindi siya natatablan ng kung anong klaseng kapangyarihan, ano ba dapat nating gawin?" Tanong ni Jaffna habang nakayuko sa isang corner na nakatingin sa halimaw.
"Hawakan mo kaya siya, baka masira utak niyan dahil sa kapangyarihan mo." Taranta ko ng sabi, agad niya naman akong sinamaan ng tingin dahil sa suggestion ko. Eh wala na nga akong maisip, hindi ako makapag-isip ng maayos dahil sa daming problema sa buhay ko letse!
"Bago pa ako makalapit sa kaniya, hiwa-hiwalay na katawan ko. Mag-isip ka ng ibang paraan!" Sigaw niya, niyakap ko ang Phenoserous at kaagad itong nilayo sa halimaw. May balak pa talagang sumugod eh!
"Ikaw namang maliit na kabayo ka! Huwag ka ng dumagdag pa dahil malaki siya, maliit ka at kapag natapakan ka, tae ka!" Sigaw ko sa kabayo, agad naman itong napayuko na siyang ikinamangha ko.
"Naintindihan mo sinabi ko?" Aba! Tumango pa nga! Hayst!
"Ako na bahala dito." Agad naman kaming napalingon sa pigura na nasa harapan namin. Halatang-halata na isa siyang babae dahil sa kurba ng katawan niya at of course dahil sa boses, hindi din kasi maluwag ang itim na coat na gamit niya kaya agad kong nalaman. Nakatabon pa ito sa kaniyang ulo na nakatalikod mula sa amin kaya hindi namin siya maaninag.
Pinanuod lang siya namin na lumalapit sa halimaw habang ang halimaw ay unti-unting humihinahon. Agad naman akong nagtaka dahil lumalapit lang naman ang babae sa kaniya pero kung umakto ito ay parang pinagalitan. Nagulat pa kami dahil ang halimaw ay bigla nalang umupo na parang walang hampasan na nangyari dito sa loob, na para bang pinaglaruan lang niya 'tong silid at ginawang bahay-bahayan!
Hinaplos ng babae ang braso ng malaking halimaw at ewan ko kung paano nito pinagkasiya ang sarili niya sa loob ng dorm namin. Napansin kong parang kinakausap ng babae ang halimaw na siyang mas lalo kong ipinagtaka.
"Hoy! Anong ginagawa mo? Paano mo 'yan napaamo?" Sigaw ko sa babae, agad naman itong napalingon sa akin na siya ding ikinatanggal ng kaniyang hood sa ulo kaya malayang-malaya kong nakikita ang mukha niya.
Pamilyar siya, nakita ko na siya pero hindi ko na natatandaan. Basta ang alam ko, kasamahan siya noon nina Tita Genesis. Magkasing-edad lang sila kung titignan, hmmm.
"I can control any kind of beast na kahit galing pa ito sa kapangyarihan ng kung sino man. At itong halimaw na ito, isa siyang regalo mula sa'yo, Iha." Turo niya sa akin na ikinainis ko naman kaagad.
"Regalo? Nababaliw ka na ba? Paano magiging regalo ang halimaw na 'yan na halos sirain na ang buong dorm namin at halos sakmalin na din kami niyan?!" Sigaw naman ni Jaffna, kitang-kita ko ang pamumutla nito na halos ikahagikhik ko. Sinamaan naman niya ako ng tingin ng mapansing natatawa ako sa ekspresiyon niya.
"Isa siyang halimaw na galing sa impyerno, isa siyang Deyarous. May katawang tao, pero itsura ay Lobo. Hindi katulad sa natural na Lobo na hindi kayang tumayo katulad ng Deyarous. At tiyaka maniwala ka man o sa hindi, nagpapalambing siya pero hindi niyo siya pinagbigyan." Agad naman tumaas ang isa kong kilay sa sinabi niya.
"Kung bibigyan din lang naman ako ng ganiyang klaseng regalo, salamat nalang dahil hindi ko tatanggapin." Bigla nalang lumitaw ang espada ko gawa sa apoy at hinarap ang halimaw.
"Tumabi ka diyan at tatapus—"
"Hindi mo siya puwedeng patayin, makakatulong siya sa sa'yo. He is a gift from Hell, galing daw siya kay Leviathan. That Devil Lord, naaalala ko siya sa mga mata at istura mo." Agad nanlaki ang mga mata ko sa sinabi niya at sa binaggit niyang pangalan.
How did he know my father's name? Oo alam kong isa akong demonyo, literal na demonyo dahil isang Devil Lord ang Ama ko. Leviathan, the Devil Lord of Envy. Isang beses ko pa lang nakausap ang Ama ko, hindi niya kayang makipag-usap ng matagal dahil sa bumabalot ding liwanag sa buong katawan ko dahil sa kakayahan kong tawagin ang mga Diyos at Diyosa ng mga Liwanag.
Hindi ko siya pinansin at kaagad winala ang espada sa kamay ko at kaagad hinarap ang Deyarous, agad ko siyang nilapitan. Umungol ito ng malakas hanggang sa mahawakan ko na ang kaniyang braso na mabalahibo.
"Thank you, Ama." Bulong ko, agad namang naging usok ang halimaw at paliit ito ng paliit.
"Aww aww!" Agad akong napangiti dahil sa maliit na aso, his tail is wiggling na mas lalong kong ikinangiti. Agad ko itong niyakap at tinabi sa Phenoserous, napasinghap naman ang babaeng hindi ko pa nalalaman ang pangalan.
"You have Phenoserous? Galing 'yan sa mundo ng mga tunay na Diy—"
"I know, prize 'yan sa pinakaunang palaro dito sa Gampenun and I bet you already know it." Turan ko, napatango naman ito at agad akong nginitian.
"Hindi ko lang alam na ikaw ang nanalo, well the Kings and their Queens in each Kingdom has their own Phenoserous pero malalaki na nga lang. Those are gifts from Maleah and Mever, peace offering pala dahil sa masamang naidulot ng mapagpanggap na Diyosa noon. Pero makukulay na ang mga 'yon at malalaki not like this one na ang liit pa, well it will evolve by the way." Tumango nalang ako, napansin kong naghahabulan na ang dalawang nilalang na hindi ko expect na nasa dorm namin. I'm not into pets but I can use them as a weapon in future.
"So, who you?" Sabat naman ni Jaffna, tumabi ito sa akin at hinarap ang babae.
"You can tame beasts and also talk to them, isa kang Diyosa noon diba?" Tanong ko rin na ikinagulat niya. Pumitik ako sa ere at agad namang naayos ang loob ng dorm, ang kaninang nasira ay naging maayos na at bumalik na sa dati ang punit na punit na kisame.
"I can smell the strong power within you at oo, tama ka. I am a Goddess before of Gampenun. The Goddess of all Living Beasts, just call me Seyvana." Agad naman akong tumango.
"Matagal kang nawala, saan ka nagpunta? Hindi ko napansin na hinahanap ka nila Tita Genesis?" Tanong ko sa kaniya.
"Wait, I am very curious about you. Kilala mo sila? And how did you know na matagal na akong nawawala?" Gusto kong sabihin sa kaniya na ako ang anak ni Senny, na ako ang tunay na anak ni Senny pero nanatili nalang akong tahimik.
"Hmm, this is not the right time to tell you and to tell them what happened to me. Malayo ang nilakbay ko kasama ang mga halimaw at bawat sumbong nila ay nalalaman ko ang katotohanan, mula sa mga halimaw sa himpapawid at lupa, hanggang sa karagatan. Malaki ang pakinabang ng mga halimaw sa akin kaya minsan ay nalulungkot ako kapag may kumikitil sa kanilang buhay. At dahil sa mga halimaw na nakasalamuha ko nang mapunta ako sa Eastheria? Nakilala ko kung sino talaga siya, kung ano ang tunay niyang pagkatao." Agad naman akong nagtaka dahil sa inasal niya, agad niya namang tinabon ang hood sa mukha niya.
"Huwag mo munang ibalita sa kanila na nagkatagpo tayo, hindi pa ako handa sa nalaman ko. Lalo na nang lumilitaw na ang presensiya ng mga Executioner na matagal nang kinakatakutan ng lahat ng mga mamamayan noon." Akmang aalis na siya pero agad kong hinawakan ang kaniyang braso na siyang ikinatigil niya at napatingin sa mga mata ko.
"Sino ang tinutukoy mo sa sinabi mo? Kung ano ang tunay niyang pagkatao? Tell mo who is it?" Sunod-sunod kong tanong, agad naman siyang napangisi na siyang nagpatayo ng balahibo ko. This is the first time that a smirk shivers me.
"Cylechter."