Third Person.
"Paano mo nalaman na isa siyang Executioner at nanggaling siya sa nakaraan?" Tanong ni Alfalla, nando'n parin sila sa kinakatayuan nila nang mawala si Minerva. Agad namang nagbikit-balikat si Avzora dahil kahit siya ay hindi niya alam kung bakit nasabi niya 'yon kanina.
"Ewan ko, para kasing may nagbulong sa akin na isa siyang Executioner at nanggaling sa nakaraan. Hindi ko naman talaga siya kilala." Napabuntong-hininga naman si Alfalla dahil sa sinagot nito, wala siyang makukuhang ensaktong impormasiyon sa babaeng 'to dahil para sa kaniya, wala 'tong pakinabang.
Tumalikod naman si Alfalla at naglakad na papalayo habang si Avzora ay nagtaka naman sa inasal niya.
"Saan ka pupunta?!" Sigaw ni Avzora kay Alfalla pero hindi siya pinansin nito. Napabuntong-hininga nalang din siya dahil sa ugali ng babaeng gusto niyang maging kaibigan.
"Bakit ba ang init-init ng ulo no'n sa akin? Ni hindi ko nga alam kung may nagawa ba akong kasalanan sa kaniya— teka wala nga naman akong kasalanan. Hayst, akala ko naman magiging kaibigan ko na siya pero malabo pa atang mangyari 'yon. Pero ayos lang dahil darating din tayo diyan, magiging kaibigan ko din siya balang-araw." Ngiti nitong kausap sa kaniyang sarili. Agad naman siyang naalerto dahil sa malamig na kamay na humawak sa kaniyang balikat.
"You're talking to yourself? Ayos ka lang ba?" Agad namang lumayo ng kaunti si Avzora sa babaeng ngayon palang niya nakita.
'Magkatulad nga sila ni Alfalla, ni hindi man lang umepekto sa kanilang ang kapangyarihan ko. Ni hindi sumakit ang mga ulo nila.' Sa isipan ni Jaffna at kaagad namang binalik ang glove sa isa niyang kamay.
"Ahmm, kasi—teka sino ka pala? Ginulat mo kasi ako eh. Akala ko kung sino na." Ngiti niyang tanong kay Jaffna, agad namang tumango si Jaffna at seryoso lang nitong tinignan sa mga mata si Avzora.
"Jaffna." Simpleng pagpapakilala nito, tumango lang si Avzora at kaagad ngumiti ng matamis.
"Ako nga pala si Avzora, hmm kakatapos ko lang kasi kausapin si Alfalla eh. Gano'n na ba talaga personalisad niya? 'Yong laging galit at hindi na halos mamansin?" Pormal na tanong ni Avzora kay Jaffna na ngayo'y napahagikhik dahil sa tanong nito.
"Hindi siya ganiyan dati, she can still smirk but until the game ended. Wala na siyang pakialam sa paligid niya, hindi niya ata nakuha ang hiniling niya o baka iba ang kinalabasan." Sagot nito at kaagad naman na-realize ni Jaffna na 'yon na ata ang pinakamahabang nasabi niya sa ibang tao. Napailing nalang siya, iba talaga kapag kaharap nito ang mahinhin na si Avzora, mapapasalita ka talaga ng mahaba.
"I need to go." Hindi na pinansin ni Jaffna ang sinabi ni Avzora at agad itong naglakad papalayo.
"Kilala niya nga si Alfalla, baka isa 'yon sa mga kaibigan niya? Hayst, bakit parang magkatulad din sila ng ugali? Ngingisi sila pero agad namang magiging seryoso ulit." Taka nitong sambit sa sarili. Agad siyang nag-cast ng spell at nag-teleport sa Satharia Kingdom kung saan nagpupulong ang mga nakakataas palagi.
"Anak!" Sigaw ng Ina niya, napangiti naman siya ng matamis dahil parang nakikita niya ang matandang siya na tumatakbo papalapit sa kaniya. Agad naman siyang nakaramdam ng saya no'ng yumakap ito, hinaplos niya ang likuran. Kumalas na ng yakap ito at agad dinala sa lamesa kung saan sila nagpupulong. Pinaupo ito sa upuan kung saan doon umuupo si Brooch noon.
"Kamusta pasok mo do'n?" Tanong ng Ama niyang si Cylechter, ngumiti naman ng pilit si Avzora dahil alam niyang hindi maganda ang simula ng araw niya.
"May nangyari ba?" Segunda naman ng kaniyang Ina.
"Naninibago parin po kasi ako sa maraming Specialist, tapos may Wizard pa akong nakasalamuha. Hindi ko rin alam pero napalaban kaagad ako dahil sa isang Executioner." Agad namang napasinghap ang lahat dahil sa pagsumbong nito, nanlaki ang mga mata nina Genesis at Menesis dahil sa binanggit nitong kalaban.
"D-Did you kill the E-Ex—"
"Huminahon ka nga Genesis, mukha kang tanga sa ekspresiyon mong 'yan." Napanguso naman si Genesis dahil sa pambabara ng kambal niya, pero hindi nagawang tumawa ng iba dahil sa seryosong sitwasiyon na'to.
"Anong ginawa mo? Paano naman ito nakapasok sa Natharia Academia na may malakas naman itong barrier na nakapalibot sa buong Academia?" Takang tanong ni Bill na siya mismo ang gumawa ng liwanag na barrier na ito.
"Narinig kong sabi niya ay kaya niyang lagpasan ang barrier na 'yon na hindi nahihirapan. Nakita ko ngang kinabahan din si Alfalla sa—"
"Kasama mo si Alfalla?" Takang tanong ni Menesis, tumango naman sa kaniya si Avzora.
"Lagi ko siyang sinusundan dahil naku-curiuos ako kung bakit magkatulad kami ng presensiya, napapansin kong iba ang nararamdaman ko kapag nasa malapit ko siya. At tiyaka, pinipilit ko siyang maging kaibigan pero ayaw niya akong lumapit sa kaniya. Do'n na lumitaw ang babaeng Executioner, kilala siya ni Alfalla. Doon na kami nakipaglaban pero kaagad naman itong naglaho." Agad namang napahinga ng malalim ang lahat.
"Kailangan na nating mag-iingat, nakakapasok na pala ang katulad niya kahit may malakas na barrier." Sabat ni Specter, napatango naman sina Levinas at Demeter.
"Paano ang mga estudyante do'n, Avzora? Nalaman nila? Nagkagulo ba ang Academia?" Tarantang tanong ni Genesis pero napailing lang si Avzora.
"Nag-cast ng spell si Alfalla para hindi makita ng iba, napapansin ko nga rin na magkapareho kami lagi ng atake sa babaeng iyon. Na para bang iisa lang ang naiisip namin." Agad namang napaisip si Thorna dahil sa sinabi nito, sa katandaan na nito ay marami na itong nalalaman tungkol sa iba't ibang lahi. Kung titignan ang sitwasiyon ni Alfalla at itong si Avzora, parang may mali sa kanilang pagkatao. Na may inililihim ang kanilang nakaraan na hindi nila malaman dahil sa bigat na kanilang nararamdaman. Si Avzora na ibinandona kaya hindi agad namulat ito sa kaniyang sariling katauhan, ang misteryoso ay si Alfalla kung bakit gano'n nalang ito kagalit kay Brooch noong humiling itong sagutin ang kaniyang tanong?
"Kung magkatulad kayo ng presensiya ni Alfalla? Paano 'yon nangyari? Anak ka ng isang Devil Lord at ng isang Enchantress kaya gano'n nalang din ang presensiya mo Iha, gano'n ka din kalakas. Pero kung ilalagay natin sa sitwasiyon na ito, baka anak din ng isang Enchantress at Devil Lord si Alfalla." Agad namang napaisip si Genesis dahil sa sinabi ni Athena, may punto siya pero tila may nakalimutan ito.
"Hindi dapat sila magkatulad ng presensiya, Athena. We all know na isang Holy Goddess of Time si Alfalla, kung magkatulad sila ng presensiya ni Avzora ay ibig-sabihin na isa—"
"Na isa din siyang Holy Goddess gano'n?" Napatango ang lahat sa pagsabat ni Venny habang nakatingin kay Avzora.
Agad namang nagtaka si Avzora dahil sa sinasabi nilang Holy Goddess. Hindi niya maintindihan kung anong klaseng pangalan ang sinasabi ng mga nakakataas.
"Sasabihin natin ito kay Maleah kapag nagpakita ito ulit, mas magiging maganda kung sigurado tayo at mas maganda kung si Maleah nga ang makakaalam. Alam niya ang presensiya ng mga batang Diyos at Diyosa dahil nakasama na nila ito noon." Tumango ang lahat sa sinabi ni Devonna.
"Tama si Devonna, kung tama ang hinala natin ay wala na tayong problema dahil hawak na natin sila. And they can help us to defeat the darkness." Ngiting sabi ni Sarionaya pero agad namang naging seryoso si Senny.
"We can't just sacrifice theirselves sa labanan na ito, hindi lang sila dapat lumaban. Nandito din tayo kaya tutulong at tutulong tayo." Sabat ni Senny habang nakatingin sa anak niyang nalilito.
"Tama si Senny, kung sila ang natatangi ay dapat nating ingatan ang dalawang Holy Goddess dahil puwede ring sila ang puntirya. See? Sila ang inatake sa Academia ng Natharia." Sabat ni Olcor.
"Teka-teka, ano bang Holy Goddess ang sinasabi niyo?" Takang tanong ni Cylechter.
"Nakikilala mo pa si Maleah at Mever diba? Ang nagparusa sa mapagpanggap na Diyosa noon? Sa kanilang mundo ay may dalawang bata na parehong Diyos at Diyosa ng oras but they we're killed by the Executioners from the past dahil nga sa mahilig ang mga batang 'to na pakialaman ang oras. Ang kaluluwa nila ay makakapili kung gusto pa ba nilang mabuhay o mapunta na sa kaluluwa ng mga patay, but they chose to live but in another bodies. Sa mga katawan na pinasukan nila, magkakaroon ng kakaibang lakas at kapangyarihan." Agad namang naintindihan ni Cylechter at ni Avzora na kanina pa nalilito.
"Kaya ang kupunan natin ay malakas na dahil sa hawak na natin silang pareho." Seryosong sabat ni Enzyme.
"Hindi pa tayo sigurado, hindi pa natin hawak ang tiwala ni Alfalla dahil sabi niya, hindi siya kakampi pero hindi din siya kalaban. At hindi pa tayo sigurado kay Avzora." Napatango naman iba sa sinabi ni Satro.
"We need to move, kailangan mapasa-atin ang tiwala ni Alfalla." Zhavia butt in.
"Hindi 'yon madali para sa atin, binabaliwala nga niya ang presensiya ni Avzora, sa atin pa kaya?" Gemartha said.
"But we can do anything, gumawa tayo ng plano bago pa tayo maunahan ng mga kalaban." Tarantang sabi ni Sonata, agad naman siyang inalo ni Yvino.
"Alisis!" Sigaw ni Genesis sa kaniyang anak na papalapit, nasa likuran nito ang ibang prinsipe at prinsesa.
Agad namang natigilan si Alisis dahil sa pamilyar na presensiya at agad naman nitong hinanap ang nagmamay-ari nito. Pero hindi niya nakita si Alfalla sapagkat bumagsak ang mga mata niya sa babaeng hindi pamilyar sa kaniya, pero katulad na katulad nang kay Alfalla ang presensiya nito.
"Who's that?" Turo ni Alisis kay Avzora na nakatingin na din sa kaniya na may pagtataka.
"She is Tita Senny's long lost daughter, anak." Sagot naman sa kaniya ng Ina niya.
"And why her presence is the same with Alfalla's?" Seryoso nitong tanong habang nakatingin parin kay Avzora.
"Mahabang istorya anak, bakit nga pala kayo naparito?" Tanong ng kaniyang Ina, umirap naman si Mebill kay Avzora na ikinayuko lang nito dahil sa panliliit dahil ganda ng mga damit nito.
"We are just here to check on our parents, nag-eensayo na pala kaming lahat para sa parating na mga kalaban. Handang-handa na ang lahat." Napangiti naman ang lahat dahil sa sinabi nito, napaangat naman ang tingin ni Avzora at nadako ito sa mga mata ni Alisis.
"Handang-handa? Bakit hindi ninyo nalaman na ang kalaban ay nakapasok na pala sa Academia?" Agad namang nagulat si Alisis dahil sa sinabi nito, kasabay no'n ay ang inis dahil sa magkakatulad sila ni Alfalla kung paano sumagot-sagot.
"And who are you to talk to Ate Alisis like that?" Taas na kilay na tanong ni Mebill.
"Mebill!" Suway ng mga magulang niyang sina Bill at Menesis pero hindi ito nagpatinag.
"Eh kayo? Sino ba kayo para sabihing handang-handa kayo pero ni hindi niyo man lang alam na may sumugod na pala? Ganiyan ba ang handa? Mabuti pa kami hindi handa, pero alam na may sumugod na kalaban." Agad nang-init ang katauhan ni Bill, habang ang mga lalaking prinsipe naman ay namamangha dahil sa kakaibang ugali nito.
"Hmmm, another Alfalla enter the Natharia? Interesting!" Bulong ni Venom, natuwa naman si Alkar. Namamangha nalang talaga ito kapag may sumasagot-sagot sa kaniyang Ate.
"Sino ka ba para magsalita ng ganiyan sa harapan ko? You don't know me?" Inis na turan nito, hindi makapagsalita ang nakakataas dahil sa intense na away nila. Si Athena na napapangiti nalang dahil din sa ugali ni Avzora na ipinapakita, gano'n din si Serafina at Zhavia. Natutuwa sila dahil this is the first time na nasaksihan nilang may sumagot-sagot kay Alisis sa personal.
"Sino ako? Kung hindi dahil sa akin—sa amin ni Alfalla ay ubos na lahat ang mga estudyante sa Natharia Academia. Pasalamat ka, nando—"
"And why Alfalla involves here?" Putol sa kaniya ni Mebill.
"Bakit? Takot ka sa kaniya?" Agad namang nainis si Mebill at agad nitong binato ng liwanag si Avzora pero bago pa ito tumama sa mukha niya, agad na itong naglaho.
"Pinapanigan mo ang walang-modo na 'yon, oh well. Magkatulad nga naman kayo ng bitch na 'yon na walang-modo." Turan ni Alisis at bigla nalang tumalikod. Maglalakad na sana siya pero nagsalita pa si Avzora.
"Wala akong pakialam kung anong sabihin niyo sa akin, pero ibang usapan na kapag si Alfalla ang dinadamay niyo. Bitch? Hmm, tignan natin."