Third Person.
Lahat ng mga Mahaharlika kasama ang iba pang mga kasamahan nito ay nagtipon-tipon sa Cluestia Kingdom. Pumorma sila ng malaking bilog kung saan nando'n sina Avanza, Satanina, Devonna at si Thorna na may edad na. Magkahawak ng kamay sina Menesis, Bill, si Genesis at Olcor pati na din ang iba pang Apostoles na sina Chester at Serafina na katabi si Wyeth. Gano'n din si Athena, si Igneous, si Yvino at si Sonata. Seryoso namang napatango sina Satro at Zhavia at si Gemartha pati si Daneel. Si Enzyme at si Sarionaya, gano'n na din si Demeter, Cylechter at Specter habang hawak din nito ang kamay ni Senny.
Nasa gitna naman ng malaking bilog sina Levinas at Venny na ngayoy magkahawak ng kamay.
"Simulan na natin ang proseso, bibigyan namin kayo ng lakas na nanggaling sa kapangyarihan namin at inyong isasarado ang lahat ng pintuan." Napatango sina Levinas at Venny sa sinabi ni Genesis.
Matapos nilang ibalita sa bawat mundo ang kinakaharap ng Avalon ngayon ay sumang-ayon lahat na hindi masali sa gulo. Sumang-ayon sila na isarado muli ang pintuan at ulit itong bubuksan kapag maayos na ang lahat. Hindi naman sila nahirapan sa pagbigay ng mga mensahe dahil sa tulong ng mga hologram.
Napapikit si Genesis gano'n din ang katabi niya na si Olcor dahil sa lakas na lumalabas sa kanilang katawan. Lumiliwanag na ang kanilang katawan, patunay na nilalaanan nila ng lakas ang magkapatid. Gano'n din ang nangyari sa iba pa, nagliwanag ang kani-kanilang mga katawan ng iba't-ibang kulay hango sa kani-kanilang mga kapangyarihan. Ang mga liwanag na nanggaling sa bilog ay kaagad binalot ang magkapatid na ngayo'y nakangiti habang nakatanaw sa itaas ng maliwanag na langit.
"Isasara ang nagbukas at muling bubukas kapag babalik ang tunay na lakas." Bulong ni Venny, agad naman nagliwanag ang buo niyang katawan at may nararamdaman siyang parang may humihigop sa buo niyang lakas pero agad namang nilalabanan ang kahinaan nito gamit ang ibang lakas na nanggaling sa kaniyang mga kasamahan. Habang nakapikit ay naaalala niya ang nagawa ni Brooch sa lahat, na nagawa niyang kunin ang mga alaala nito. Sa sarili niya, gusto niyang tanungin kung bakit niya nagawa ang bagay na 'yon, kung bakit hindi siya sapat para kay Brooch bilang maging magulang?
Bigla nalang may luhang lumabas galing sa mga mata ni Venny, habang si Brooch naman ay nakatanaw mula sa malayo at nanunuod sa ginagawa ng kaniyang mga nakakataas.
"Patawarin niyo ako sa kasalanan ko, aalis muna ako at hindi muna magpapakita. Tiyaka na kapag napatawad niyo na ako, tiyaka na kapag napatawad ko na sarili ko." Lungkot nitong sabi, bigla nalang siyang naglaho naiwan ang ibang butil ng kaniyang luha sa lupa.
"Tulungan kaming maisarado lahat ng pintuan para maprotektahan ang bawat mundo sa kasamaan." Bulong ni Levinas at bigla naring nagliwanag ang buo nitong katawan kasabay ang kaniyang luha dahil sa alaalang nagpakita.
Magbabago din si Venedict, sa isipan niya ay magbabago pa si Venedict dahil alam ni Levinas na kaya nito. Na babalik ang tunay nitong pagkatao, na babalik ang dating masiyahin na kaniyang anak at pagiging makulit na bata.
Sabay sumigaw sina Levinas at Venny dahil sa puwersa at bigla nalang lumitaw ang liwanag galing sa bilog at agad umangat papunta sa kalangitan.
Sa kabilang dako ay ang mga pintuan ay unti-unting sumisirado dahil sa liwanag na kanilang nasasaksihan, ang mga hayop ay nagkakagulo, ang mga halimaw ay naghihiyawan at mga kapangyarihan na nagwawala dahil sa puwersang nagsasara sa bawat pintuan ng bawat mundo. Sa pagkasira ng lahat ng mga pintuan ay bumalik sa dati ang takbo ng buhay ng mga hayop at halimaw. Matagumpay nilang naisarado ang mga pintuan gamit ang kani-kanilang mga lakas.
Napaluhod ang lahat at napahinga ng malalim dahil sa lakas na nagamit nila. Hinihingal ang lahat dahil sa prosesong ginawa nila, pinagpawisan dahil sa bigat ng pakiramdam nila ngayon.
"Mabuti na ang sigurado, kailangan nating isa-isahin ang mga pintuan papunta sa bawat mundo." Tumango ang lahat sa sinabi ni Thorna na masiyado ng nanghihina. Agad naman siyang inalo ni Genesis at hinawakan ang magkabilang palad nito at nagliwanag iyon. Guminhawa ang pakiramdam ni Thorna dahil sa ginawa ng kaniyang apo.
"Lola, magpalakas pa kayo." Agad naman itong tumango sa sinabi ni Genesis, tumingin naman si Genesis sa mga mata sa kaniyang Ina na si Satanina na ngayo'y nakangiti lang din na nakatanaw sa kaniya.
"Panahon na para magpalakas at mag-ensayo, sabihin sa mga estudyante sa buong Avalon na mag-ensayo sa darating na laban." Deklara ni Olcor, tumango ang lahat sa sinabi nito.
"Para sa Avalon!" Sigaw ng mga Apostoles, sumigaw din ang lahat at agad silang naglaho ng sabay-sabay.
**********
Alfalla.
Nakayuko ang ulo ko sa lamesa at hindi pinakinggan ang mga pinagsasabi ng mga kaklase ko. Wala akong pakialam kung kinokonggratuleyt nila ako, wala naman din akong nakuha sa palaro na 'yon. Maliban nalang sa isa, 'yong kabayong maliit na may pakpak. Isa daw 'yong pinagmamalaking hayop ng mga tunay na Diyos sa mundo nila, they called it Phenoserous. Kabayong kayang i-adopt ang kapangyarihan ng amo, at paglaki nito ay may sungay na lilitaw sa gitna ng kaniyang noo at magiging makulay ang pakpak nito. Hindi katulad ngayon, maliit, walang sungay at ang pakpak ay puti pa ang kulay at hindi pa nakakalipad.
"Narinig kong isinirado na ang bawat pintuan ng bawat mundo dahil nandito daw ang mga kalaban. They called it Executioner, kailangan na daw nating mag-ensayo." Aksidente kong narinig ang sinabi ng isa kong kaklaseng madaldal sa lahat ng madaldal. Tignan mo? May balak sana akong unalis ng Avalon pero paano ko gagawin 'yon? Gusto ko pa namang pumunta sa mundo ng mga tao para makapag-relax sa mga problema.
"Class, may bago kayong kaklase sa room na'to and by the way, hindi muna makakabalik si Headmaster Brooch dahil sa pagliban nito ng matagal. May importante daw na haharapin ang Headmaster." Tsk! Importante my ass! Sabihin niya, tumatakas na siya ngayon sa malaking problemang dinulot niya hindi lang sa nakakataas, kundi pati na din sa akin.
"Magandang umaga, ako nga pala si Avzora." Agad akong napaangat ng tingin dahil sa boses na 'yon at sa minamalas ka nga naman, dito pa siya napunta. Napailing nalang ako at yumuko ulit sa lamesa dahil mas nawalan ako ng gana.
"Ang hinhin niya."
"Magkatulad sila ni Alfalla ng presensiya, ramdam niyo?"
"Yeah, pero mas mabait lang 'yang si Avzora. Nanalo lang sa palaro, naging maldita at snobber na 'yang isa diyan. Hindi niya naman ikinaganda."
Naparolyo nalang ang mga mata ko dahil sa mga sinasabi nila, ni hindi ko nga feel na ako ang nanalo dahil sa napakadaling paligsahan naman 'yon.
"Congrats nga pala Alfalla sa pagkakapanalo mo, sorry ngayon ko lang nalaman." At lintik! Sa tabi ko pa nga pala tumabi. Agad akong napaayos at hinay-hinay na nilingon ang tabi ko na ngayo'y nakangiti na sa aking harapan.
"Huwag mo nga akong kinakausap, I'm tired and I don't have time to talk with you." Irita kong turan, napahagikhik naman siya sa sinabi ko na ikinanuot lang ng noo ko.
"Wala kang oras pero nakausap mo ako harap-harapan?" Pang-aasar niya sa akin, nakaramdam naman ako kaagad ng panggigil pero kinontrol ko lang dahil baka kung anong magawa ko at maging abo ang buong room na'to.
"Tsk!" Agad akong nag-cast ng spell at nag-teleport ako sa lugar kung saan ako lagi nagtatambay. Napabuntong-hininga ako ng malalim dahil sa kakulitan ng babaeng 'yon, bakit ba siya dikit ng dikit sa akin? Ayokong dumidikit siya sa akin even a little closer dahil nag-iiba ang pakiramdam ko.
"Bakit mo ba ako tinatakbuhan? Umalis ka pa ng klase?" Muntikan na akong mahulog dahil sa gulat sa babaeng nakalutang ngayon sa ere habang naka-level ang mukha niya sa mukha ko.
"Bullshit, Avzora! Ano bang kailangan mo at lapit ka ng lapit sa akin?!" Sigaw ko sa kaniya at buwiset dahil hindi man lang nasindak sa sigaw ko at ngumiti pa nga ang tanga.
"Bakit naman ayaw mo akong maging malapit sa'yo? Gusto ko lang naman kitang maging kaibigan, puwede ba?" Agad akong napairap dahil sa kagustuhan niya. Really? Ang impostorang anak ay gustong makipagkaibigan sa tunay na anak? Ang tindi!
"Sorry pero hindi ako tumatanggap, may kaibigan na ako at ayoko ng madagdagan pa." Sabi ko sa kaniya at nagkunyaring pumikit.
"Bakit nga ba ako nagpapaalam? Basta ah? Kaibigan na kita at wala kang magagawa dahil nasa tabi mo ako palagi sa ayaw at sa gusto mo!" Napadilat ako sa sinabi niya at tinignan siya ng masama, ang kulit-kulit talaga ng kalamnan niya.
"Hmmm." Agad akong natigilan dahil sa pamilyar na presensiya, ang presensiya na siyang magpapayanig sa buo mong kalamnan. Magpapanginig sa'yong mga binti at labi.
Unti-unti naming nilingon ang babaeng prenteng nakaupo sa damuhan habang nakatanaw sa mga estudyante ng Natharia Academia na naglalakad lang at walang alam na nandidito ang isa sa mga Executioner.
"M-Minerva, paano ka nakapasok sa eskwelahan na may malaking barrier?"  Utal na tanong ko, ngumisi siya habang unti-unti niyang nililingon ang ulo niya sa kinapupuwestuhan namin ni Avzora.
"Akala ko ba na kilala mo ako bata? Bakit hindi mo alam na simpleng barrier ay kaya kong lagpasan?" Turan nito, agad akong tumalon mula sa puno at sa gilid ng mga mata ko ay unti-unting tumatapak ang mga paa ni Avzora sa lupa.
"Minerva? Ang isa sa mga Executioner sa nakaraan?" Napalingon ako kay Avzora dahil hindi ko alam na alam niya din ang nakaraan at kilala niya ang babaeng nasa harapan namin ngayon.
"Matatalinong bata dahil may alam kayo sa aking nakaraan." Agad akong napaiwas dahil sa biglang pagwasiwas ni Minerva ng Katana niya, lumabas ang ubeng usok do'n pero kaagad akong tumalon ng mataas.
"Illusionary!" Sigaw ko, napansin kong hindi kami napapansin ng ibang estudyante dahil sa kanila lang umeektibo ang Illusionary. Kung naglalaban kami, sa mga mata nila ay nag-uusap lang kami.
Napansin kong tumalon din ng mataas si Avzora at agad itinapat ang mga palad niya sa puwesto ni Minerva.
"Blazing fire!" Agad akong napatingin sa palad niya dahil sa Magic Circle na lumitaw bago lumabas ang napakalaking apoy. Agad akong natigilan dahil katulad na katulad ng Magic Circle niya ang akin, Magic Circle siyang nagpapatunay na isa kang Enchantress.
Nagdulot 'yon ng malakas na pagsabog at malaking usok, nagulat nalang kami dahil sa paglitaw ni Minerva sa gitna ng usok at agad kaming sinugod. Naghanda ako at kaagad lumabas ang espada sa palad ko na gawa sa metal, gano'n din kay Avzora. She is immitating my move!
Sabay kaming sumugod at agad namang nasangga ni Minerva ang mga espada namin, agad naming binitawan ni Avzora ang mga espada dahil unti-unti itong natutunaw.
Kailangan kong espada ay 'yong hindi isang matigas na bagay.
Biglang lumitaw ang espada na gawa sa hangin, espada na para bang ang istraktura nito ay umiikot na hangin na pahaba. Agad ko itong kinontrol at ibinato kay Minerva, umilag naman ito at napansin kong hindi lang isang espada na lumilipad ngayon sa ere dahil dalawa na. At expected ko ng kay Avzora 'yon.
"Bakit mo ba ginagaya ang mga galaw ko?!" Sigaw ko sa kaniya, ngumiti lang siya sa akin pero hindi niya ako nilingon.
"Magkatulad lang tayo ng naiisip, huwag kang masiyadong mainit diyan." Umirap ako at kaagad kinontrol ang hanging espada, sumasayaw ito sa ere at pilit na pinapatamaan si Minerva gano'n din ang espada ni Avzora. Sinasangga lang ito ng Katana ni Minerva, pero hindi ito natutunaw dahil gawa ito sa hangin.
"Hindi niyo ako matatalo, mapapatay ko muna kayo bag—" Bigla nalang naglaho si Minerva na siyang ipinagtaka ko. Wala na ang presensiya niya dito sa Academia.
"What happen?"
**********
Third Person.
"Diba sabi ko sa'yo huwag kang susugod lang bigla? Hindi bihira ang mga batang 'yon, mas mauuna pa silang patayin ka kapag padalos-dalos ka!" Agad namang napayuko si Minerva dahil sa sigaw ng mas nakakataas na Executioner.
"Patawad Milady, hindi na po mauulit." Paumanhin ni Minerva habang nakaluhod ang isang tuhod at nakayuko ang ulo.
Tumango naman ang tinawag nitong Milady. Napahagikhik naman ang iba pamg Executioner habang nakatanaw kay Minerva.
"Huminahon ka lang Minerva, bibigyan kita ng pagkakataon na pumatay at hindi na 'yon magtatagal. Gusto ko lang iparamdam sa kanila na narito na tayo sa mundo natin, sa mundo ng Avalon kung saan namuhay tayo noon. Gusto kong maramdaman ng kapatid kong nagbalik na ako, nagbalik na ang kinakatakutan niya noon pa man."