Third Person.
Lahat nang nasa hapag-kainan ay nagkatinginan dahil sa napakalakas na presensiya at kapangyarihan na kani-kanilang naramdaman. Gulat at pagkamangha ang rumehistro sa kanilang mga mukha dahil sa gano'n ka-grabe na kapangyarihan ang kanilang naramdaman.
"That's holy shit." Mura ni Chester habang nakatingin sa mga mata ni Serafina na nakatingin lang sa hologram.
"Look at her eyes, it's glowing red. Para siyang isang demonyo na nakawala sa impyerno." Sabi ni Serafina habang nakatingin sa mga mata ni Alfalla, mga mata nitong nagliliwanang ng pula na parang mata ng isang demonyo.
They witnessed how Alfalla killed the slave beasts using her bare hands dancing like a swan in the middle of the darkness of river. Nakakamangha ang kaniyang pag-kontrol sa mga katawan ng mga halimaw, na para bang musika para kay Alfalla ang paghiyaw ng bawat isang halimaw na namamatay. Na para bang isang kaginhawaan sa katawan ni Alfalla ang pagkamatay ng mga halimaw na nasa harapan niya.
"Kakaiba nga talaga siyang babae, hindi siya bihira. She is a threat for us." Avanza suddenly said habang seryosong lang na nakikinig sina Satanina, Devonna at Thorna.
"Napanuod natin kung paano umatras ang mga anak ninyo Satro, they are scared of that woman." Natigil silang Satro dahil tama ang sinabi ni Menesis.
"Ngayon lang ako nakaramdam ng ganitong klaseng kapangyarihan, ganito lang ako nangamba ng todo." Levinas said, agad naman siyang inalo ni Demeter at niyakap.
"Bilib ako sa anak ninyo Levinas, hindi siya natatakot kay Alfalla kahit nagwawala na ito. Look, nakatingin lang siya kay Alfalla habang kinikitil ang mga halimaw na umaatake sa kaniya." Tuwang turan ni Athena, napalakpak naman si Venny dahil proud din naman siya sa pamangkin niya.
"Maganda ang regalo mo sa kaniya Genesis, the Dark Power and the braveness. Siguro 'yan ang dahilan kaya wala ding kinakatakutan ang pamangkin ko, well maliban sa atin.", Ngiting sabi ni Venny, natawa naman si Wyeth sa sinabi ng asawa niya.
"Igneous, ano na ang balita sa anak mo? Hindi pa ba siya nakakabalik?" Bulong ni Athena, tinignan naman siya ni Igneous at alanganing binigyan ng ngiti.
"Ewan ko ba sa anak natin Athena, manang-mana sa'yo at ayaw magpatalo. Gusto niyang laging may misyon na hinahawakan, ipasarado mo muna kaya kay Genesis ang mga misyon sa Satharia? Para naman makampante ka?" Alalang turan ni Igneous, napailing naman si Athena at ngumiti nalang.
"Huwag nalang natin pagbawalan, unang pagtapak palang niya sa lupa ay alam kong magiging katulad ko siyang malakas, matalino at walang kinakatakutan."
"Sinasabi mo bang hindi ako malakas? Walang alam? At maraming kinakatakutan? Prinsipe ng Natharia Fire Kingdom no'n? Sinabihan mo lang ng ganiyan? Baka nakakalimutan mong alipin lang kita no'n?" Asar ni Igneous, agad namang napasimangot si Athena at akmang babatuhin siya ng apoy ni Athena nang bigla nalang silang nakarinig pagkabasag sa lamesa kaya agad silang napalingon kung saan nanggaling ang pagkabasag.
"Kapag lumitaw ka Maleah, puwede bang sa baba? Kumakain kami, hindi mo ba nakikita?" Napakamot nalang sa sentido si Genesis dahil sa tinuran ni Menesis, agad namang nanghingi ng paumanhin si Olcor at nginitian lang ito ni Maleah.
"Anong iyong ginagawa dito Maleah? May sasabihin ka bang importante sa amin?" Magalang na tanong ni Satanina, agad namang napatango ang Diyosa.
"Patawad sa aking biglaang pagbisita at pagsira sa inyong pagkain, may gusto lang akong sabihin. Ang kambal na siyang hinahanap natin na akala nating mga Diyos at Diyosa lamang ng Gampenun ay siyang mga totoong Diyos at Diyosa sa aming mundo. Sila ang bagong Diyos at Diyosa na may kakayahang patigilin din ang oras, paglakbay sa nakaraan at sa hinaharap."
"Ibig mo bang sabihin ay ang mga bata 'yon ay siyang galing din sa inyong mundo? Paano mo naman nalaman Maleah?" Tanong din ni Devonna.
"Sapagkat may nawawala sa aming sakop, anak ng aming pinakaunang Diyosa, the Titan Goddess of Universe. Itinago ng aming Diyosa ang pagkawala ng kaniyang mga anak dahil sa pagkauso ng pagtataksil sa aming sakop. Ako at si Mever lang ang nakaalam dahil kami ang kanan at kaliwang kamay nito sa buhay. Saksi kami sa kaniyang pag-iyak, paghagulhol at pagkadesperadang makuha ulit ang kaniyang mga anak." Maleah explained with her saddest expression, first time nilang makita na ganitong kalungkot si Maleah na pati sila ay ramdam nila ang paghihinagpis ng Diyosa.
"May maitutulong ba kami? Kailangan ba naming hanapin kaagad ang magkambal na inyong tinutukoy?" Sabat ni Genesis.
Ngumiti ng pilit si Maleah, nagtaka naman ang lahat dahil sa ekspresiyon nitong ipinapakita. Si Menesis ay nairita sa mukha ni Maleah at akmang tatayo ay agad siyang hinila pabalik ni Bill. Tinignan siya ng masama ni Bill kaya agad namang napasimangot si Menesis at inis nalang tinignan sa mga mata si Maleah.
"Hindi niyo na kailangan pang hanapin ang kambal, natagpuan na namin sila."
"Eh ano pa ang nilulungkot mo diyan?!" Nabigla naman ang lahat dahil sa biglaang pagsigaw ni Menesis. Awkward smile appeared on Genesis' lips.
"Patay na sila." Doon na nagulat ang lahat, patay na ang magkambal at hindi nila alam kung paano ito nangyari. Si Maleah at Mever lang ang nakakaalam kung paano ito namatay dahil pabalik-balik din sila sa hinaharap at nakaraang panahon.
"Kinitil sila ng mga Executioner, gusto naming tumulong pero huli na ang lahat nang pinagtulungan ang mga bata ng limang Executioner. Naawa kami ni Mever, pati kami ay natakot dahil sa kakaibang lakas na meron sila. Pinagsasaksak nila ang dibdib ng magkambal gamit ang kani-kanilang mga Katana." Napatakip si Genesis sa kaniyang bibig, pati si Athena ay natakot dahil sa sinabi ng Diyosa.
"Pero hindi namin alam kung papaano namin makikita ang kaluluwa ng magkambal, hindi namin mahagilap sa mundo ng mga kaluluwa. Pero naaamoy namin ang katawan nitong naaagnas na sa kamay ng mga demonyo sa ilalim." Pagpapatuloy ni Maleah.
"Isa lang ang dahilan na nasa utak namin ng kambal ko kung bakit hindi namin mahagilap ang kanilang kaluluwa." Natahimik ang lahat dahil sa pagtigil ni Maleah sa pagsasalita na para bang binibitin nito ang lahat.
"Letche talaga 'to eh!" Inis na bulong ni Menesis dahil sa inis, binabantayan na siya ngayon ni Bill na baka sakaling tumayo at sumigaw ito ulit.
"Ano? Bakit hindi nakita ang mga kaluluwa nila? May nangyari ba sa mga kaluluwa nila?" Alalang tanong ni Sarionaya, agad namang kinabahan din si Senny dahil sa anak niyang si Brooch na ngayo'y nasa Natharia mag-isang nagbabantay sa mga kilos ni Alfalla gamit ang hologram.
"Sumanib sila sa mga katawan na kanilang pinili at piniling mamuhay doon habang-buhay." Napasinghap naman ang iba dahil sa sinabi nito.
"What do you mean?" Takang tanong ni Enzyme.
"Kakaibang lakas ang matatanggap ng isang katawan kapag nasaniban ito ng kaluluwa ng Diyos na galing sa mundo namin. Pinipili namin ang kapalaran namin kapag kami ay namatay, mapupunta ba sa mundo ng mga kaluluwa o manatili sa isang katawan na aming napili habang-buhay." Eksplenasiyon nito, namangha naman ang ibang lalaki.
"And they both chose to stay in, pinili nilang mabuhay sa katawan na pinili nila." Napatango naman si Maleah sa sinabi ni Specter, agad namang napatingin si Specter kay Senny na seryoso lang na nakatingin kay Alfalla sa hologram. Kakaiba ang nararamdaman ni Specter kapag tumitingin siya sa imahe ni Senny, ngayon niya lang ito naramdaman, kakaibang pakiramdam.
"Tatawagin silang Holy God o Holy Goddess kapag nasa kanila ang kaluluwa ng Titan God and Titan Goddess galing sa mundo namin. Sila ay lalakas, bibiyayaan ng kakaibang kapangyarihan at lakas sa pisikal. Pero malilito tayo dahil napakarami nilang malalakas dito sa Gampenun na siyang may malakas din na kapangyarihan at lakas sa pisikal." Napatango ang lahat dahil may punto si Maleah sa sinabi nito.
Napayuko si Maleah at kaagad ngumiti ng pilit sa lahat.
"Kailangan ko ng umalis, hanggang sa muli nating pagkikita at sana matuklasan ninyo kung sino ang dalawang nilalang na sinaniban ng magkambal." At kaagad itong nawala sa harapan nila.
"May kutob na ako kung sino ang isa sa kanila pero ayokong pangunahan ang nasa utak ko dahil baka magkamali ako." Turan kaagad ni Genesis, napatingin siya sa hologram at ipinakita do'n si Alfalla.
"Hindi pa tayo sigurado kung sino at kung tama man ang nilalang na nasa utak ni Genesis, dapat na natin itong bigyang aksiyon." Menesis butt in.
"Hindi pa puwede, dapat muna nating mag-obserba dahil may ibang kutob pa ako sa mga kasamahan ni Venedict. Kakaiba din ang mga babaeng kasama nito." Napatangin naman si Genesis sa sinabi ni Venny habang nakatingin kay Jaffna at Leera.
"Malapit nang matapos ang pangalawang misyon sa pangalawang kategorya, pero hindi pa natin nakikita ang tunay na lakas ng Alfalla na 'yan." Sonata said.
"Maghintay nalang muna tayo." Sabat ni Gemartha na ikinatango ni Zhavia.
"We need to wait until the game ends."
*********
Maleah.
"May kutob ako na nasa katawan ni Alfalla ang isang kaluluwa ng anak ni Diyosa Benefiyar, ang ikinakatakot ko lang ay kung ano ang magiging epekto nito sa katawan niya kapag nalaman niya 'yon. Masiyado ng malakas si Alfalla, Mever, may kakayahan siyang burahin ang iba't-ibang mundo, kung gugustuhin niya." Alalang turan ko sa kambal ko habang nasa hapag-kainan kami. Hindi ko maiwasang mangamba sa aking naiisip, nag-aalala ako kay Alfalla at sa mga mamamayan ng bawat mundo.
"Nasaksihan ko kung paano nagalit si Alfalla kanina, kahat ng puno ay nagawa niyang abo dahil lang sa pagliwanag ng kaniyang katawan." Dagdag ko pa.
"Maleah, huwag muna nating pangunahan ang lahat. Kung kutob mo ay nasa kay Alfalla ang isang kaluluwa, dapat ang problemahin mo ay ang isa pang kaluluwa na hindi natin alam kung saan sumanib. May kutob din akong nasa katawan ni Alfalla ang isa, hindi na nakakayanan ng kalkulasiyon ko kung gaano kalakas ang kapangyarihan ni Alfalla ngayon." Agad naman akong napatango sa sinabi ng kambal ko.
"Ang kailangan natin gawin ay bantayan ang katawan ni Alfalla, matagal na siyang hindi nakakatawag ng mga Diyos at Diyosa kasi alam niyang may ginagawa din tayo. Matalino si Alfalla, kaya niyang gumawa ng plano na walang napapahamak. Napalaki natin siya ng maayos, kaya lalaki siyang maayos. Naiintindihan mo ba 'yon Maleah?" Sa pangalawang pagkakataon ay napatango ulit ako dahil tama nga naman siya.
"Maleah, Mever, hinahanap kayo ng Diyosa Benefiyar." Agad naman akong nagtaka at ang kambal ko sa sinabi ni Hwarat. Hindi kasi kami tinatawag ng Diyosa kapag sumisikat ang araw. Sa gabi lamang kami pinapatawag.
Tumayo na si Mever at agad inabot ang aking kamay, napatayo na lamang ako at kaagad kinuha ang kamay ng aking kambal.
Naglakad kami ng sabay-sabay nina Hwarat at ni Mever habang napapatingin sa paligid, sa aming sakop. Napakalinis, presko at magaan ang atmospera pero sa kabila ng lahat ng ito ay nangangamba parin ako dahil sa mga kataksilang nagaganap.
Pagkapasok pa lang namin sa kaniyang kastilyo ay bumungad kaagad sa amin ang iba't-ibang kawal, may iba pang Diyosa na siyang nakangiti sa aming pagpasok. Kita mula sa aming kinakatayuan ang trono ng pinakamalakas na Diyosa, habang seryoso itong nakatingin sa aming mga mata.
Lalakad na sana ako nang lumapit sa akin ang isang Diyosa.
"Kamusta ang aking anak, Maleah? Ayos lang ba siya?" Agad naman akong napangiti at hinawakan ang magandang mukha ng aking matalik na kaibigan.
"Magandang lahi ang iminana mo sa kaniya Serina, pati ang anak ng anak mo ay maganda din. Ayos lang sila at kasalukuyang may palaro ang mundo nila." Ngiti kong sabi, agad naman siyang ngumiti ng matamis at agad akong hinalikan sa pisngi at umalis.
Nagpatuloy kami sa paglalakad hanggang nasa malapitan namin ang kaanyuhan ng Diyosa Benefiyar. Si Hwarat ay kaagad yumuko at umalis na.
"Kami ay nagtaka dahil hindi sa ganitong oras niyo kami pinapatawag. May problema po ba mahal na Diyosa?" Magalang na tanong ni Mever at yumuko, yumuko din ako para sa pagrespeto at agad tumindig ng maayos.
"Ako ay desperada na at gusto makita ang kaluluwa ng aking mga anak, gusto ko na silang kunin." Agad naman nanlaki ang mga mata ko sa sinabi nito.
"Pero paano kung sumanib sila sa dalawang katawan mahal na Diyosa? Kami na hindi mahagilap ang kaluluwa ng iyong mga anak kaya sigurado kaming sumanib ito sa dalawang katawan na siyang tinutukoy pa namin." Agad kong eksplenasiyon.
"Alam ko na ang posibilidad na 'yan, Maleah. Ako na mismo ang hahanap sa kanila kapag nagkaroon na ako ng oras, ako ay paparoon sa mundong ginagalawan ng mga Specialists."