Third Person.
Kitang-kita sa mga mata ng mga mamamayan ng Gampenun kung paano nawasak ang bola na gawa sa hologram. Kung paano ito nawasak ni Alfalla gamit lamang ng kaniyang suntok, hindi makapaniwala ang lahat na pati ang mga maharlika na nanunuod lang ngayon sa palasiyo ng Satharia.
"Kakaibang babae, hindi ko alam kung saan siya nanggaling. Hindi ko alam na may ilalakas pa pala sa kapangyarihan ng anak mo Genesis." Pangunguna ni Athena, napatango naman si Devonna sa sinabi nito.
"Hindi mapagkakailang may malakas nga talaga siyang kakayahan, kaya malakas ang loob niya na labanan ang mga katulad ninyo Olcor, pati na ang mga anak niyo. Wala siyang takot, wala siyang sinasamba." Segunda ni Devonna.
"Mga Tita, Tito, anong gagawin natin sa kaniya? Pinababantayan ko na siya sa mga kawal, pati mga mata ko ay hindi ko hinihiwalay sa kaniya." Sabat naman ni Brooch na ngayo'y may mga matang nagtatanong. Hindi parin kasi niya maiwasan na hindi mangamba sa sinabi noon ni Alfalla sa kaniya, na paparusahan siya ng mga Diyos at Diyosa dahil sa nagawa niyang kasalanan na hindi pa niya matukoy kung ano.
"Hayaan muna nating matapos ang laro, sigurado akong isa siya sa mga mananalo. Hintayin muna nating matapos ito, at gagawa tayo ng paraan kung paano siya mapapaamin kung saan siya nanggaling." Tugon ni Genesis.
"Tama si Genesis, baka kasi hindi naman talaga siya kalaban at isa lang siyang pinadala kung saan man siya galing. Taga dito lang 'yan, isa siyang Enchantress at sa mundo lang natin makikita ang mga lahi nila. Dalawa nalang silang natitira, siya at si Senny." Menesis butt in.
"Malakas ang kaniyang presensiya, malakas ang kaniyang kapangyarihan na para bang ang daming nagbabantay sa kaniya kung saan siya pupunta. Hindi tayo dapat maging kumpiyansa, dapat din tayong mag-ingat." Napatango naman ang lahat sa sinabi ni Satanina, na kumukulubot na din ang noo dahil sa tanda nito. Si Thorna naman ay nakaupo lang at masiyado na ding matanda dahil matapos niyang ipasa ang kaniyang responsibilidad sa anak ni Genesis, nanghina na siya at hindi na siya makagalaw ng maayos at hindi na din siya gano'n kalakas.
"Hindi pa natatapos ang laban, sa pangalawang kategorya ay may tatlong misyon. Natapos na ang una, palakasan ng kapangyarihan. Pangalawang misyon, mag-uunahan sila sa pagpatay ng isang nilalang na alam kong mahirap patayin." Agad naman nagtaka ang lahat dahil sa sinabi ni Genesis, hindi nila alam lahat ang planong ito ni Genesis na pati si Olcor ay walang alam.
"Anong ibig mong sabihin Genesis? Na may tinatago kang isang halimaw at dapat nila iyong kitilin?" Kunot-noong tanong ni Sarionaya, napatango naman sa kaniya si Genesis.
"Halimaw na siyang tumatawag din ng kauri niya, sa labas ng Cluestia Kingdom ay may mga mababangis na nilalang na siyang hindi natin alam. Simula no'ng tinayo natin ang kingdom na'to, may mas nauna pa pala sa atin na mababangis na hayop. They naturally lived here, hindi ko sila tinago." Napatango naman ang lahat, napalingon si Genesis sa hologram kung saan makikita ang mukha ni Alfalla na natutulog na ngayon.
"Paano ang mga anak natin?" Pangambang tanong ni Sarionaya.
Tinignan naman ni Menesis si Sarionaya.
"Nasa tiyan palang namin ang mga anak namin, nangako kami na tuturuan namin sila kung paano maging malakas at hindi nagbabase sa iba. They need to be independent, they need to be brave dahil hindi sa lahat ng oras ay nasa tabi nila tayo. I trust my daughter, she may be a brat pero kasing-tapang ko ang anak ko. Paano sila matututo kung lagi silang binabantayan diba?" Sabi ni Menesis, gano'n din sina Serafina at Genesis dahil confident sila sa mga anak nila.
"At tiyaka laro ito, kapag namatay sila sa laro ay babalik sa normal ang mga buhay nila pero ang sakit ay mananatili. That's one of the consequences kapag matatalo ka. Kaya nga maraming ayaw sa kanila magpatalo." Segunda ni Menesis.
"Hindi magpapatalo ang anak kong si Danoa, gano'n din ang mga kasama niyang Apostoles na si Sallino at Zharo." Turan naman ni Daneel, napangisi nalang si Satro dahil gano'n din siya sa anak niya. Nagkatinginan naman si Sonata at si Yvino dahil mas confident sila sa anak nila na lider ng mga Apostoles.
*********
Alfalla.
"Magsisimula na ang pangalawang kategorya sa pangalawa nitong misyon."
Agad ko namang iminulat ang mga mata ko dahil sa boses ni Tito Ivino.
"Teka akala ko ba nasa pangatlo na?" Takang tanong ni Venedict na siyang ikinairap ko kaagad.
"Pangalawang kategorya sa pangalawang misyon nga diba? Unang misyon ang kahapon, makinig ka nga. Ang dami mo na sigurong tutuli sa tenga mo." Inis na turan ko sa kaniya, ang ingay-ingay niya. Akala niya naman malakas na siya sa pagiging maingay niya.
Pero may parte pa pala ang pangalawang kategorya? Ilan pa bang misyon sa kategoryang ito?
"Hintayin nalang natin ang susunod, baka mas mahirap ito sa unang misyon." Napatango nalang ako sa sinabi ni Leera.
"Ang larong 'to ay puno ng surpresa, ni hindi ko nga alam na makakalaban natin ang tatlo sa mga mahaharlika. May makakalaban pa kaya tayo sa kanila?" May punto si Pauros, ni hindi ko nalaman na makakalaban namin ang mga Apostoles noon na may responsibilidad na ngayon bilang mga Hari, pati si Tita Sarionaya na isa ng Reyna.
"Basta nandito ako, siguradong panalo tayo." Napairap ako sa sinabi ni Venedict, pati si Leera at Jaffna ay gano'n din ang ginawa. Tsk! Ang lalaking 'to talaga kahit kailan, parating mayabang eh wala pa naman sa kalingkingan ko. Masiyadong nagmamayabang ang mahinang 'to, kaya gustong-gusto ko siyang mamatay sa larong 'to para wala na kaming pinoproblema na kasama. Nakakainis ang bunganga niya.
"Hindi ka ba nauubusan ng hangin sa katawan mo?" Malamig na tanong ni Jaffna, nagulat si Venedict dahil ngayon lang kumausap sa kaniya si Jaffna. Pero agad naman napalitan ng pagkamangha at ngumisi pa ang animal!
"Naguwa-guwapuhan ka na ba sa akin kaya mo ako kinakausap? At tiyaka, may hangin pa naman ang katawan ko dahil kung wala, patay na ako ngayon." Wala talagang silbi itong lalaking 'to.
"Sana nga namatay ka nalang." Agad akong napahagikhik sa sinabi ni Jaffna, tumalikod si Jaffna at umupo sa katabing kama ko.
"Opo Ama, ayos lang naman po ako. Sige, mag-iingat din kayo ni Ina diyan. Ikamusta niyo ako kay Lolo Hari, baka nami-miss niya na ako.. ah okay po.. sige po." Tinignan ko naman si Pauros habang nakadikit ang hintuturo niyang daliri sa sentido niya at may kinakausap. Napalingon sa akin si Pauros at ngumiti.
"You can talk anyone through mind?" Tanong ko sa kaniya, napailing naman siya sa tanong ko kaya nagtaka naman ako.
"My father called me, siya ang may kakayahang makipag-usap sa lahat gamit ang isipan. My Father, Wilvam can also cure a curse." Agad naman akong napamangha sa kakayahan ng Ama niya. 
"Maghanda, ang pangalawang misyon ay kitilin ang natatagong halimaw sa labas ng Cluestia Kingdom. Naghahalaga ito ng malaking puntos, at ang mga nasa Top Ten ay aasahan naming mananatili ang inyong posisiyon. Mag-iingat kayo, hindi bihira ang halimaw na ito. Ilang segundo ay tutunog na ang trumpeta, maghanda!" Napaka-hyper naman ni Tita Sonata do'n, ano kayang nakain no'n?
"Wala bang mas ikakadali sa misyon na'to? Halimaw? Seriously?"
"Ang ingay mo Venedict, para kang bakla." Turan ko, agad naman naging seryoso ang ekspresiyon ko dahil sa labas ng pintuan na 'yan ay ibang misyon na naman ang kakaharapin. And I need to win this game, para sa sarili ko at sa mga tanong na siyang dapat masagot ng mga mahaharlika.
Sinipa ko ang bagong pintuan na siyang ikinasira naman nito kaagad. Bumungad naman kaagad sa amin ang mga nagtatakbuhang kalahok papalabas. Napapatingin pa sa amin ang iba, hindi ko sila pinansin at agad akong lumabas. Sumunod naman ang mga kasamahan ko.
"Kapag sinabi nila na ang halimaw ay kakaiba, kakaiba talaga. Hindi agad mapapatay ang halimaw na'to, kaya hindi natin kailangan makipag-unahan sa kanila." Turan ko, naririnig ko ang mga yapak na nasa likuran ko at alam kong nakatingin lang sila sa akin.
"Feeling leader." Dinig kong bulong ni Venedict o baka talagang sinasadiya niya?
"Kahit feeling leader ako Venedict, at least mahahalaga ang nga salitang lumalabas galing sa akin. Hindi katulad mo na ang mga salitang
lumalabas diyan sa bunganga mo ay parang ikaw, walang kakuwenta-kuwenta." Natawa nalang ang iba kong kasamahan.
Agad akong napahinto kaya naramdaman kong napahinto din ang mga kasamahan ko.
"They are ambushing us." Sabi ko sa kanila, nararamdaman ko ang mga presensiya nila sa labas ng malaking pintuan na 'yan papalabas ng Cluestia Kingdom.
"They are all Wolves, lagi tayo ang pinupuntirya ng mga 'yan." Agad akong napatango sa sinabi ni Pauros.
"Ready your ice, Pauros." Lumingon ako kay Pauros at tumango naman siya, nagsilabasan ang mga yelo sa likuran niya na nanggaling sa mga palad nito na umuusok dahil sa lamig.
"Power increase." Cast ko ng spell at biglang nagliwanag ang mga yelo ni Pauros at lumaki.
"Apat na Lobo, sigurado akong ubos 'yan." Bulong ko.
Agad kong itinapat ang kamay ko sa pintuan na siyang ikinabukas nito, kasabay ng pag-atake ng mga kalaban naming Lobo pero agad naman silang nagulat dahil sa mga yelo na nasa likuran namin.
"Bye puppies." Turan ni Pauros, at bago pa magsitakbuhan ang mga Lobo, natamaan na sila sa rumaragasang mga yelo at agad silang natamaan sa iba't-ibang parte ng kani-kanilang katawan. Naglaho ang mga ito na para bang hologram creations lamang sila, napatingin kami sa itaas dahil nadagdagan ang puntos namin sa atakeng 'yon.
"Hmm, nadadagdagan pala puntos natin kapag pumapatay tayo. Bakit hindi nalang natin sila patayin?" Turan ni Venedict.
"Congrats, sa lahat ng sinabi mo, ngayon lang ang may laman. But no, we need to stick to the mission. Papatay lang tayo kapag kinakailangan at kung may humaharang."
Mula dito sa Cluestia Kingdom, nakikita na namin ang mga naglalakihang usok sa labas dahil sa pakikipaglaban. Ang dami-dami, sa iba't-ibang lokasiyon ang mga may pagsabog.
"Oh, hindi lang isa ang halimaw. Pero iisa lang ang may natatanging lakas sa kanila." Napalingon kami kay Venedict na may nagtatakang ekspresiyon.
"What?"
"How did you know?" Takang tanong ni Jaffna.
"Of course I'm a beast." Natawa nalang ako sa sagot niya, oo nga naman. Naaamoy niya ang kauri niyang mga halimaw.
"Oo nga pala, halimaw ka nga din pala kahit sa anong anggulo." Natatawa kong sabi at agad naglakad papalayo sa kanila.
Lumingon ako sa likuran kung sumusunod ba sila pero hindi ko na sila makita, naglihis ata sila ng daan pero wala naman akong pakialam.
Agad akong nakaramdam ng tatlong pamilyar na presensiya, ngayon ba ay pinapabantayan parin ako ng prinsesang sinasabi nila?
I heard strikes of lightning at nag-e-espadahan na mga metal, even rhythm of a music ay naririnig ko.
"Ipakita mo sa amin kung sino ka talaga, at ano ang tunay mong pagkatao. Tunay na presensiya at tunay na kapangyarihan." Agad kong nakita si Danoa habang seryosong nakatingin sa akin.
"Hindi ba kayo naiinis diyan sa prinsesa niyo? At lagi kayong inuutusan na bantayan ako? Nakakatuwa naman pala kayo, ang suwerte kasi ng prinsesa niyo dahil may mga laruan siyang pinaglalaruan." Pang-iinis ko, agad ko namang naramdaman na may paparating sa akin mula sa likuran kaya agad akong tumalon ng mataas at nakita ko ang pagdaan ng isang lightning bolt. Pagkatapak ulit ng mga paa ko sa lupa, lumabas naman si Zharo na may seryoso ding ekspresiyon.
"Alam niyo na pangalan ko, pati ba naman kapangyarihan ko ay dapat niyo pang malaman?" Ngisi kong sabi sa kanila.
"Bakit hindi mo nalang sabihin sa amin Alfalla para wala ng gulo?" Agad ko namang nilingon ang lalaking nakangisi ngayong nakatingin sa akin. Hindi ba sila natatakot sa akin? Dahil sa ipinakita kong lakas kahapon?
"Seryoso? Utos pa ba 'yan o gusto niyo lang talaga akong makita? May gusto ba kayo sa akin?" Ngisi kong tanong, agad ko naman silang tinawanan dahil mukha silang tanga na nagulat.
"Enchantress, pero hindi lang 'yon ang tinatago mo. You just casted a spell para ma-decrease ang power level ng hologram creation kahapon." Agad naman akong namangha dahil sa sinabi niya, mautak ang isang 'to. Sallino is his name, anak nina Tita Sonata at Tito Yvino.
"Grabe, ang dami niyo namang naghahabol sa akin. Sorry, I'm not available. Taken na ako eh." Asar kong sabi, aatake na sana si Danoa nang bigla nalang pumaharap sa akin si Venedict.
"Yeah, she's taken so back off dudes. She's only mine."
What the fuck?