Third Person.
Hindi parin makapaniwala ang lahat dahil sa paglitaw ng Diyosa ng oras, sa matagal nang panahon ang itinagal ay ngayon na lamang ito nagpakita na may mga seryosong mata habang nakatingin sa bawat mata ng nasa harapan nito.
"Maleah." Bulong ni Genesis, agad namang naging seryoso ang lahat dahil sa biglaan nitong pagsulpot, sa biglaan nitong paglitaw sa kanilang harapan.
"Napabisita ka Diyosa? Matagal na ang nakalipas simula noong nagpakita ka." Tanong ni Olcor sa Diyosa, agad namang napatango si Maleah.
"Narito ako para balaan kayo sa mga susunod na araw, ang mga malalakas na nilalang na nanggaling sa nakaraan ay nandidito na." Turan nito sa lahat.
"Alam na namin 'yan Diyosa, pero ang ipinagtataka namin ay bakit sila nakapasok? Nakapasok ba sila dahil sa hindi agad pagsarado ng mga pinto ng bawat mundo?" Tanong ni Genesis pero napailing lang ito, agad namang nagtaka ang lahat dahil sa pag-iling nito.
"Anong ibig mong sabihin Diyosa? Na may iba pang dahilan kung bakit—"
"Ang mga bata." Agad namang napalingon ang lahat kay Avanza, nagkunot ang mga noo nito pero agad namang naintindihan. Humarap si Avanza kay Maleah at tinignan ito sa mga mata.
"Those twins are the God and Goddess of Time and Space. They are not a real God and Goddess in your world, they have this responsibility here in Gampenun." Agad namang napatango si Maleah sa sinabi nito.
"Paano mo nalaman na sila ang tinutukoy ko?" Tanong ni Maleah.
"Nagkausap na kami no'n pa, at kahit nasa anyong bata sila ay marunong na silang mag-isip ng tama. Nanghingi sila ng kapatawaran sa akin noon na siyang hindi ko kaagad naintindihan. Pero nang dumating sa punto na nabalitaan nalang namin that Executioners are here in present, doon ko nalang naintindihan ang paghingi ng dispensa ng mga bata."
"Tama kayo, ang mga batang 'yon ay may kakayahan ding patigilin ang oras at ang masasabi ko lang, kailangan niyo silang hanapin. Dapat niyong malaman kung nasa kanila pa ba ang responsibilidad na matagal na nilang kinikimkim." Seryoso parin ang mga ekspresiyon ng lahat dahil sa sinabi ni Maleah.
Isang misyon na naman para sa kanila pero hindi naman nila puwedeng iwanan ang larong sinimulan na nila. Nag-isip kaagad ng plano si Genesis, agad siyang napatayo kaya napabaling sa kaniya ang lahat ng mga mata.
"That mission will be our winner's first mission. Kung sino man ang mananalo, siya ang gagawa ng misyon." Agad namang kinabahan si Maleah dahil sa sinabi ni Genesis, hindi niya inaasahan ang sasabihin nito.
Alam ni Maleah sa sarili niya na maipapanalo 'yon ni Alfalla, ang kaniyang anak-anakan dahil may kakayahan ito na kayang patumbahin ang lahat. Isa na do'n ang tumawag ng mga Diyos at Diyosa dahil 'yon ang regalo nila sa bata noon pang nasa tiyan pa lamang ito. Hindi nila hinayaang lumaki si Alfalla na maging mahina, lahat ng kaya nilang gawin ay itinuro sa bata pang si Alfalla hanggang sa lumaki itong malakas, makisig, matalino at walang kinakatakutan.
Pero ang misyon na ito ay mahihirapan si Alfalla kung siya lang ang gagawa, ipapasataas nalang niya ang kakayahan ni Alfalla at kung ano man ang maging resulta, tatanggapin niya iyon dahil hindi niya dapat galawin ang kapalaran ni Alfalla.
"Sino ang tumawag sa'yo Diyosa? Sinabi mo no'n na ang isang bata ang kayang tawagin ang mga katulad niyong mga Diyos at Diyosa. Puwede ba naming malaman kung sino itong batang 'to? I bet she or he is brave and strong." Agad namang napalingon si Maleah kay Athena, bilib na bilib talaga ang Diyosa sa samahan ng mga Specialists na'to dahil kahit gaano pa katagal ang nangyari, tatak na tatak parin sa utak nila ang sitwasiyon. Halos kalimutan na niya nga ang nasabi niya no'n eh, pero she knew that little informations are very important matter for them.
"Ang mga bagay-bagay ay hindi dapat minamadali, mga tanong na siyang kayo din ang sumagot. Hindi nakukuha ang mga sagot sa madaling paraan, dapat itong paghirapan." Sa napakalalim na salita, agad naman naintindihan ng lahat. Maleah is fairing the situation, hindi siya dapat mangialam sa kanila tungkol sa nalalaman niya, buhay nila ito at dapat lang silang ginagabay sa tamang sagot.
"Aalis na ako, nandito ako para ipaalam sa inyo na delikado na naman ang inyong mundo." Hanggang sa nawala nalang siyang bigla at may naiwan pang mga maliliit na mga batong nagniningning na kulay ginto na para bang palamuti na nanggaling sa kasuotan ni Maleah.
"Mahirap ang misyon na'to, Genesis, may iba ka pa bang paraan? Hindi naman ata dapat natin iasa lahat sa mananalo sa laro na'to. Magiging tagabantay ang mananalo ni Alisis at ni Zemma gano'n na rin kay Sarionaya. Malaking responsibilidad na 'yon para sa kaniya." Seryosong sambit ni Menesis sa kambal niya, napaisip naman si Genesis sa sinabi nito at may malaking punto nga ito.
"Anong gagawin natin? Dapat na tayong kumilos, ang dami na naman nating problema. We need to protect our world and our allies."
"Tama si Serafina, we need to do the least things para agad nating mahanap ang mga dapat hanapin." Devonna butt in.
"I have a good news, nakita ni Zaporah si Cylechter. But the bad news is, ayaw nitong sumama dahil gusto lang nito manatili sa lugar na 'yon." Agad naman natuwa ang lahat dahil sa sinabi nito.
"Ayos lang! At least malalaman natin kung nasaan ito nagtatago—I mean kung saan siya naninirahan. Your daughter is excellent!" Puri ni Menesis.
Lumingon sila kay Sarionaya na kanina pang malungkot, naiintindihan naman nila ang pagkatalo nito dahil sa mga batang iyon na napakabihira ng kakayahan.
*********
Alfalla.
"Second category, alam naman nating lahat na hanggang tatlo lang ang kategorya. Makikita niyo, the hologram wristwatch ay siya g nagpapakita ng buhay niyo. Babalik ito sa pagiging berde kapag nakatapos kayo ng laro o di kaya natalo niyo na ang inyong kalaro. Ngayon, mga magigiting na kalahok. Magiging mas maganda ang labanan na ito dahil titignan namin kung gaano kalakas ang inyong kapangyarihan. Bawat isa sa inyo ay susukatin ang lakas, kung sinu-sino ang makukuha sa pang-una hanggang sa pangpitong puwesto, ay makakatanggap ng mga puntos."
Nandito kaming lahat sa battlefield habang pinapakinggan ang boses ni Tito Yvino.
Pinapalibutan namin ngayon ang bilog na kasing laki lamang ng bola, but this is still a hologram creation. Susukatin ang lakas namin sa pamamagitan ng pag-atake namin sa bolang 'yan.
"Pumwesto na ang Meretia, kayo ang magiging unang grupo na sasabak and so on, so forth." Boses naman ngayon ni Tita Sonata ang naririnig namin.
Agad namang umabante ang grupo nito, una ay ang lalaking hindi naman gaano kalakas ang dating para sa akin pero alam ko na lahat kami dito ay may kakayahang bihira lang din makita.
Tinignan lang ng lalaki ang bola hanggang sa sumabog ito, namangha ako do'n kahit simple lang ang atake na 'yon. Kilala sila na ang kapangyarihan ay nasa utak, iisipin lang nila kung anong gusto nilang ipalabas na kapangyarihan. They are also dangerous kind of species.
Five-hundred sixty eight ang lakas ng kapangyarihan niya hanggang gano'n din ang lakas ng mga kasamahan nito. Hindi ko alam kung tama ba ang hinala ko na sinadya nilang magkatulad ng strength points para walang maiwan sa kanila. They are still complete, lima parin sila.
Ang mga Lobo naman ang sumunod, tatlo nalang silang natitira pero kaagad namang umatake ang isa sa kanila sa hologram ball. Lumabas ro'n ang strength points nito, four-hundred ninety at gano'n din ang mga kasama nito. Hanggang sa sumunod na ang iba.
Nangunguna ngayon ang Eastheria, sumunod naman ang Satharia, Westheria at ang mga Wizards. Magkakatulad sila ng mga strength points, nasa pang-lima naman ang Meterian at pang-anim ang mga bampira. Susunod na ang mga mahaharlika na siyang pumwesto kaagad.
Nasa unahan si Mebill, siya ang aatake. Ang arte-arte niya kung kumilos at ngumingiwi pang nakatingin sa mga kasamahan nito na parang nandidiri sa mga nasa paligid nito. A spoiled bratty girl, dapat tinuturuan 'yan ng leksiyon para tumino.
Itinapat ni Mebill ang palad niya sa hologram ball at biglang lumiwanag ito ng puti. Hanggang sa naramdaman ko nalang na may namumuong lakas do'n, agad namang napaatras ang iba dahil sa lakas nito. Hanggang sa pagsabog ng bola, namamangha parin nakatingin ang iba sa kaniya.
"Ang laki ng strength points niya." Turan ng katabi kong Meterian, hindi ko siya pinansin dahil sa irita.
"Isa kasi siyang maharlika, kaya hindi na imposibleng malakas talaga kakayahan nila." Sagot naman ng katabi nito.
Mas malaki pa ang strength points ni Mebill sa nangunguna na mga grupo na ikinagulat ng lahat. Sumunod naman si Zemma na lumiliwanag ang palad ng berde at gano'n din ang kinalabasan. Mas malaki ang strength points ni Zemma kaysa kay Mebill na ngayo'y naka-pout na sa kaniya. Sumunod naman si Venom at si Alkar. Nangunguna parin si Zemma, sumunod naman si Mebill, Alkar at Venom. Agad namang natahimik ang lahat dahil si Alisis na ang susunod.
Hindi makahinga ang iba dahil sa lakas ng presensiya nito, seryoso lang na nakatingin si Alisis sa bola.
"Grabe talaga presensiya ni Alisis, nakakatakot." Agad kong sinamaan ng tingin si Pauros, agad namang siya natahimik at lumingon sa ibang direksiyon. Ang ayoko sa lahat, sinasamba ang mga katulad ni Alisis sa harapan ko na alam ko naman na mas malakas ako.
We witnessed how Alisis touched the hologram ball like she cares too much for that thing. Dahan-dahan niyang hinahaplos hanggang sa umiilaw na ang dalawa nitong palad. Walang pagsabog na nangyari o ano mang ingay na narinig, bigla nalang lumabas ang strength points sa ibabaw ng bola at agad naman napamangha, ang iba naman ay napanganga dahil sa puntos nito.
"Tsk, ang liit." Bulong ko, isang-libo sarado ang lakas nito.
Huminga ng malalim si Venedict, siya ang sumunod na imbis na ako na dapat ang aabante. Hayst! Ang lalaking 'to talaga kahit kailan papansin at pabida, hindi naman siya malakas sa inaakala niya.
Agad namang naghanda si Venedict, umatras pa ang kaliwa nitong binti na para bang nag-aadjust sa lugar at lakas. Bigla nalang may namuong itim na liwanag sa paanan niya—wait! Are he going to kick the hologram ball?
At 'yon nga ang ginawa niya, hindi man sumabog ang bola pero may namuo do'ng usok. Wala namang rules na sinabi na bawal ang pisikal, well he's not that smart.
Biglang lumabas ang strength points, isang puntos lang ang lamang ni Alisis. Napakita ko pa kung paano napangiti ng maliit si Alisis, halatang may gusto sa kababata niyang pabida. Ano kayang nakita niya sa lalaking 'yan? Psh!
Sumunod naman kaagad si Pauros, okay ako nalang ang magpapahuli. Biglang nagpalabas ng yelo si Pauros na nag-anyong kutsilyo, tumakbo siya ng mabilis at tumalon ng ilang metro mula sa bola. Kaagad nitong sinaksak sa ibabaw na bahagi ng bola na siyang dahilan ng pag-usok din nito.
"He didn't make it, mas malakas pa si Venom sa kaniya." Napatango naman ako sa sinabi ni Jaffna, iritang bumalik si Pauros sa aming puwesto.
"Sana pala hindi pisikal na atake ang ginamit ko." Bulong niya, napahagikhik nalang ako pero kaagad akong natahimik dahil sa masamang titig niya.
"What the fuck Jaffna?" Agad naman akong napalingon kay Venedict dahil sa sigaw niya. Napansin kong malamig lang ang ekspresiyon ni Jaffna, napalingon ako sa bola at namangha sa strength points niya. Nakatingin ang ibang kalahok sa amin na nakangisi at natatawa.
"Psh, fifty? Seriously?"
"Ano bang pakialam mo Venedict?" Irita kong tanong sa kaniya. Oo fifty lang ang puntos pero alam kong may dahilan si Jaffna do'n.
Napatingin ako kay Jaffna na seryoso lang na nakatingin sa bola.
"Ako na ang susunod." Tumingin ako sa likuran ni Leera habang naglalakad ito papalayo sa amin. Agad nitong tinanggal ang gloves na siyang ikinasinghap ng kahat, narinig ko pa si Mebill na binanggit ang 'eww'.
Leera touched the ball, may lumabas na usok sa mata na nasa likuran ng palad niya. Binalot ng usok ang buong bola at nakarinig kami ng malalakas na sigaw ng mga kaluluwa na para bang nanghihingi ng tulong. 'Yong iba ay napapaatras dahil sa takot, pero ako? Mas lalo akong namamangha sa kakayahan ni Leera, para siyang babaeng hindi alam na malakas ang kakayahan niya. Inosenteng-inosente ang ekspresiyon niya na siyang gusto ko sa personalidad niya.
Napatingin ako sa puntos, at natawa ako dahil magkatulad ng lakas si Alisis at si Leera. I knew it, hindi lang si Alisis ang malakas. Tinignan ko si Pauros na ngayo'y nakanganga ang bunganga.
"Kay Leera ka matakot Pauros, baka kunin niya kaluluwa mo." Natawa naman ako sa ekspresiyon niyang parang natatae.
Agad ko namang tinanguan si Leera nang makabalik siya sa puwesto.
Ako naman ang susunod ngayon.
"Good luck Alfalla." Agad naman akong nainis dahil sa boses ni Venedict. Agad ko naman siyang nilingon at nakangisi lang ang gago sa akin na para bang inaasar niya ako. No! Inaasar niya talaga ako!
Tignan natin.
Pumwesto ako malapit na malapit sa bola, nilingon ko pa si Alisis na seryoso lang na nakatingin sa akin habang nakangisi lang si Mebill sa akin. Ang iba naman nitong kasama ay seryoso at naghihintay sa kakayahan ko o anong kakayahan na meron ako.
Ibinalik ko ang tingin ko sa bola. The silence makes me more boastful dahil sa katotohanang, itong magandang dilag na nasa harapan nila ay hindi lang malaks, kundi malakas na malakas.
"Power Decrease." Bulong ko at agad ko namang naramdaman ang paghina ng kapangyarihan ng bola, ang hologram ball na'to ay binubuo din ng puwersa kaya nababalanse nito ang lakas ng umaatake. I casted that spell para ma-decrease ang kapangyarihan na bumabalot dito.
Agad naman akong umatras at agad sinuntok ng malakas ang bola, agad naman akong nakarinig ng pag-crack hanggang sa nawasak ng tuluyan ang bola. Lumitaw sa ere ang puntos ko na siyang ikinangisi ko.
"F-Five thousand?!" Sigaw ng karamihan, tinignan ko si Alisis na ngayo'y seryoso paring nakatingin sa akin, si Mebill na gulat na gulat na ngayon na siyang ikinangisi ko sa kaniya. Beat that bitch!
Bumalik na ako sa puwesto, dumaan pa ako sa harapan ni Venedict na ngayo'y hindi makapaniwala. Agad kong nilapit ang bibig ko sa tenga niya.
"Suntok palang 'yon Venedict, paano pa kaya kung buong lakas ko na?"