PUMApalakpak at sumisipol sa tuwa ang mga taong nakapalibot sa kanila. Siya ay nahihiya sa ginagawa ng mga ito habang ang katabi niya ay tuwang-tuwa din sa achievement nilang dalawa.
"Congratulations Mr. Villafor and Ms. Angeles!" ngiting-ngiting puri ng kanilang Head ng Agency.
"Sikat na naman kayo sa social media." tumatawang sabi ng kanilang staff.
"Tara at mag-celebrate." nakangiting sambit pa ng isang staff.
     Siya ay si Gianna Angeles, 23 years old , isang artista, maputi't makinis ang kaniyang kutis, tumingkad pa ang kaniyang kulay dahil sa suot na red dress hanggang taas ng tuhod, nakalugay ang ash blonde nitong buhok hanggang bewang.
"Maraming salamat po sa mga papuri n'yo.....pero hindi po kasi kami p'wedeng mag-celebrate ngayon. Me and Gianna need to rest." nakangiting sagot ng katabi niya.
        Katabi niya si Elvis Villafor, isang ring artista, ang ka-love team nya, 24 years old, ang gwapo nito sa style ng buhok na itim dagdag pa ang matangos nitong ilong. Maraming babae ang nahuhumaling dito lalo na kapag ngumingiti dahil lumalabas ang dimples nito sa magkabilang pisngi.
------
      Pabagsak siyang umupo sa sofa ng office ng kanilang manager dahil sa pagod at hiya sa nangyari. Habang ang katabi niya ay tinatawanan siya.
"Ano bang nangyari Gianna at boung araw ka atang nag-ba-blush? Wala naman sa script yun." natatawang tanong ng kanilang manager.
"Number one trending ang pag ba-blush mo nang kaharap mo si Elvis, sa likod ng set. Iniisip ng mga viewers na kinikilig ka daw pagkatapos ng kissing scene n'yo. At boung araw ka nang nag-blush." dugtong pa ng manager nila.
"Totoong kiss po kasi yung pinagawa sa'min Ate Jami." sagot ni Elvis na pinipigilan ang tawa dahil tiningnan niya ito ng masama.
"Sabagay ito ang unang pagkakataon na tinotohanan n'yo ang kiss scene. Kaya naiintindihan kita Gianna. Pero dahil sa trending tumaas ang rating ng pinagbibidahan n'yo ngayon. Good job!"
"Nakakahiya kaya Ate Jami." inis na sagot niya.
"We did a good job in that scene. At pagbubutihan pa po namin sa mga susunod na eksena." nakangiting sambit ni Elvis.
      Siniko niya si Elvis dahil tumatawa na naman ito. Tingnan niya ito ng masama kaya tumigil ulit ito.
"It's ok Gianna..... Oo nga pala in next three days sa isang condo muna kayo tutuloy. Napapagod ako kakaikot sa inyo, masyadong malayo ang mga condo n'yo." seryoso nang sambit ng manager nila.
      Pareho silang nagulat, si Elvis na nagpipigil ng tawa ay natahimik at napaisip.
"Bakit kami mag-sasama sa isang condo? Ano nalang ang iisipin ng mga tao?" tanong niya.
"Wala naman sigurong masama......nasa tamang edad na kayo at pareho naman kayong single." makahulugang sambit nito.
"Sikat kami, baka kung ano na naman ang makabuluhang news ang hatid nito."
       Ayaw niyang magsama sila sa isang condo lalo na at pinipigilan niya ang bugso ng damdamin para sa binata. Samantalang ang binatang iyon ay tahimik lang na nasa tabi niya.
"Gianna, 15 years na kayong magkakilala, 2 years na ring magkasama sa showbiz.....nagkakailangan parin kayo?" tanong nang kanilang manager.
      Totoong matagal na silang magkakilala ni Elvis, naging kaibigan niya ito noong Elementary pa lamang sila sa isang probinsya. Nagkakilala sila noong mag-transfer ito sa paaralan niya, pareho silang nasa ikatlong baitang, palaging magkasama sa pag-aaral at sa paglalaro kaya masasabing best friends sila. Naputol nga lang ang koneksyon nila nang umalis si Elvis pagkatapos ng kanilang Graduation ceremony ,lumipat ang pamilya nito sa Maynila. Lumuwas siya ng Maynila noong nagtapos siya ng High School sa probinsya, para dito mag College. Nagkita sila sa isang  University , pareho ulit sila ng pinapasokang school, artista na noon si Elvis. Kaya si Elvis ay 10 years na sa showbiz, ito ang nagpasok sa kaniya dito, kaya iisa lang ang naging manager nila, sila ang bagong love team na sumisikat ngayon.
"Hindi naman po sa ganoon Ate Jami, ang sa akin lang gusto kong makaiwas sa mga chismis." Dinadalangin niyang magbago ang isip ng manager.
"Tapos na ang meeting na ito, pwede na kayong magpahinga.....Ms. Ann, Miss Thea umuwi na kayo." Tawag ng manager nila sa kanilang mga P.A. (personal assistant)
      Huminga siya ng malalim bago tumayo at umalis kasunod ng P.A. niya na si Ms. Ann. Nauna na siyang umalis dahil tinawag pa si Elvis ng manager nila at hindi na narinig ang pinag-uusapan ng mga ito.
"Miss Gianna, full po ang schedule n'yo bukas. Pagkatapos po dal'wang araw ang binigay na pahinga sa inyo." paliwanag ng kanyang P.A.
      Nakangiting tumango siya dito, ang ngiting hindi na maalis sa kaniya hanggang makasakay ng kotse. Na-e-excite na siya sa dalawang araw niyang pahinga.
******
     NAKayuko siyang lumapit sa manager nila nang tawagin siya nito kaya hindi na siya nakasunod kay Gianna.
"Is that ok for you Elvis?" Tanong ng kanilang manager.
    Tumingin siya dito at nakangiting tumango.
"Well, wala naman akong nakikitang mali doon. At may tiwala naman ako sa inyong dalawa." nakangising tugon nito.
"For business naman po yun at magkaibigan kami. Hindi po kami lalagpas sa pagkakaibigan Ate Jami." nakangiti niyang sagot dito.
"Sabi nga nila, huwag kang magsasalita ng tapos........Matagal na kayong magkaibigan, hindi mo ba siya nakikita as a woman?"
       Matagal siyang nakasagot sa manager dahil bigla siyang napaisip na naman at bumalik ang pagbilis ng tibok ng kanyang puso katulad kanina kaya siya napatahimik.
"Kailangan ko na pong magpahinga Ate Jami." nakangiti niyang sabi.
       Hindi na niya inintay ang sasabihin pa ng manager, umalis na agad siya ng office. Mula sa Agency pag-uwi niya ng kanyang condo ay hindi mawala sa isipan niya ang imahe ni Gianna na nag-ba-blush. Sadyang mas gumanda ito dahil sa pamumula ng pisngi. Hindi niya rin maiwasang isipin ang nangyari kanina sa set ang totoong kissing scene nila. Nagulat pa sila dahil ni-request ng Direktor na kung pwedeng totohanin para maganda ang kuha ng camera.
"Oh sh*t!" nagulat siya sa hindi inaasahang puno na pala ang basong sinasalinan niya ng tubig.
"What is happening to you Elvis?" tanong niya sa kaniyang sarili.
      Napahiga siya sa kaniyang sofa at tinakpan ang mukha ng kanyang mga kamay.
"D*mn! She is your best friend!" bulong niya sa kaniya sarili.
     Napatigil ang pag-iisip niya nang may nag-doorbell. Lumapit siya sa pinto at sinilip kung sino ang tao sa labas ng condo niya. Isa itong staff ng building na tinatayuan ng kaniyang condo. Pinagbuksan niya ito, nakangiting inabot ang sobre sa kaniya. Nagpasalamat siya dito at sinara na ang pinto. Umupo siya sa sofa habang tinitingnan ang sobre. Palagi siyang nakakatanggap nito at may tatak letter 'D' sa likod. Hindi niya talaga alam kung bakit may natatanggap siyang ganito at kung kanino galing. Puro paalala lamang ang nilalaman nito na hindi niya maintindihan ang ibig sabihin. Binuksan niya ang sobre at isang picture ang nakita niya. Litrato ng dalawang bata na mukhang one year old or months old. Magkatabi sa upuan, isang nakangiti at isang walang emosyon, hindi niya alam kung babae o lalaki ito, magkamukha ang dalwang batang nasa litrato. Nagsalubong ang kilay niya, hindi kilala ang mga ito. Binaliktad niya ito at binasa ang nasa likod.
"Mag-ingat ka.......
.
.
.
kay BELLA." mahinang basa niya.