Kinabukasan maaga akong nagising kahit na matagal akong nakatulog kagabi.
Nag-uunat pa ako ng marinig ko na may parang ugong ng motor mula sa baba at marahil ay sa garahe iyon, mula kasi dito sa kwarto ko ay maririnig kung may ugong ng sasakyan sa garahe kung nakabukas ang malaking pintuan sa likod bahay dahil kapag nakabukas ito ay nagiging open area ang buong sala pumapasok sa buong kabahayan ang sariwang hangin na pang umaga. At ang ingay din nang sasakyan sa garahe.
Siguro ay gising na si Kazami at tinitest niya iyong bike niya.
Agad akong tumayo at pumunta ng banyo at naligo.
Pagkatapos kong maligo ay bumaba na rin ako.
Naabutan ko sina Nana Sita na nasa hapagkainan biglang tumayo si Kazami ng makita ako.
"Good morning Rin." Bati niya napakasigla niya ngayong umaga nakakadala tuloy.
"Good morning din pati na rin po sa inyo Nana Lita, Tata Ben." Sabay kong baling sa mag-asawa na kapwa nakangiti at binati din ako.
Nginitian ko sila pinaghila pa ako ng upuan ni Kazami kaya napangiti ako sa kanya.
Nakita ko na lahat ng paborito kong pagkain ay nakahain napangiti ako at nagpasalamat bago kumuha ng sinangag.
"Wow may inihaw na tuyo at piniritong tinapa na miss ko ito Nana Lita." Masaya kong turan sa kanya kaya napangiti si Nana Lita.
"Naku alam ko naman na iyan ang gusto mo kapag-umuuwi ka dito tapos nagluto ako tsokolate at may sariwang gatas ng kalabaw na rin."
Natutuwang sabi ni Nana.
Lahat ay paborito ko kaya lalo lang akong naging maganang kumain.
Kukuha pa sana ako ng sinangag ulit dahil naubos ko na ang naunang kinuha ko  ng makita kong nakatingin lang sa akin si Kazami.
"Hindi ka ba kumakain nito?" Tanong ko sa kanya.
"Hindi naman sa ganon nagulat lang ako kasi ganitong mga pagkain ang paborito mo." Mangha niyang turan at kumuha na rin ng sinangag.
Napatawa na lang ako sa sinabi niya pati sina Nana ay nakitawa na rin at nagsimula na kaming kumain nagkamay na ako dahil gusto kong himayin ang tinapa na hawak ko hindi ako kuntento sa kutsara.
Nagkakamay kasing kumain sina Nana at Tata kaya ginaya ko na lang din sila, pero bago iyon ay naghugas muna ako ng kamay sa lababo at magsimula nang kumain.
Pagkatapos ng masarap namin na agahan ay pumunta kami ni Kazami sa veranda ng bahay para mag-tsa dahil sa dami naming nakain.
"Alam mo hindi ako makapaniwala na iba ka sa lahat ang alam ko lang iyong mga kagaya mo ay spoiled brat alam mo na." Pagkibit balikat niya natawa ako sa sinabi niya.
"Alam mo bago ka kasi tumingin sa pang-labas ay kilalanin mo muna sa loob doon mo makikita ang tunay nilang pag-uugali hindi lang dahil sa nikikita mong estado nila sa buhay." Sabi ko sa kanya ito kasi ang laging sinasabi sa akin ni Mama.
Nakatingin siya sa akin na manghang-mangaha.
"Wow ang lalim nun Sweetheart." Nasabi na lang niya.
"Naman, Mama told me that." Sabay tawa ko.
Mas lalo syang napangiti sa sinabi ko kaya namula nanaman ako kinakabahan ako dahil sa mga tingin niya.
Humarap ako sa dagat at sinamyo ang pang-umagang ihip ng hangin mayamaya pa ay narinig kong may tunog ng sasakyan sa baba tumingin ako kay Kazami na doon din nakatingin.
"Nandyan na sila tara baba tayo." Sabi niya at hinawakan ako sa braso at para puntahan ang kung sino ang sinasabi ni Kazami.
"Sino yung dumating?."
Takang tanong ko sa kanya.
"Basta halika na malalaman mo pagnakalabas na tayo."
Nagpahila naman ako sa kanya palabas ng bahay.
Pagkababa namin ay nagulat ako ng makita ko ang bisita namin.
Si Aika habang tumatakbo papunta sa akin agad niya akong yinakap at naiyak sinalubong ko naman siya nang yakap.
"Bessy sorry miss na misa na kita." Iyak niya kaya lalo ko lang siyang yinakap ng mahigpit.
"Ano kaba ok lang nauunawaan ko." Pangaalo ko sa kanya.
Napatingin siya sa akin habang umiiyak crybaby talaga siya.
Tiningnan ko yung mga tao sa likod niya nakangiting nakatingin sa amin.
"Wow boss ang ganda ng lugar na ito hanep." Ang isa sa kanila na manghang nakatingin sa paligid.
"Tss pwede ba panira ka ng moment." Saway ng isang lalaki na sinita iyong isa sa kanila.
"Pasensya na medyo na late kami Keita ang tagal gumising ng isa dyan."
Napatingin ako sa lalaking naka-salamin at naka bullcap napaka seryoso niya habang yung isang lalaki ay masayahin at natutuwang pagmasdan ang lugar at yung isa ay magandang babae na tahimik lang din.
"Sila pala mga kaibigan ko." Turan ni Kazami sa akin kaya napatango lang ako at ngumiti sa mga kaibigan niya.
"Si Irham, si Nia at si Shin." Turo niya sa lalaking nakasalamin. Napatingin ako sa kanya at bigla siyang napatingin kay Aika, base sa itsura niya kahit nakasalamin ay masama ang tinging ipinukol niya sa kaibigan ko.
Biglang pumunta si Aika sa likod ni Kazami at nagtago.
"Kuya tingnan mo aawayin nanaman ako niyan kanina pa niya ako binubully."
Sumbong ni Aika kay Kazami na napailing lang at sinuway si Shin. Ang cute ni Aika habang nasa likod ni Kazami para siyang bata.
"Kayo talaga para pa rin kayong mga bata." Napailing na lang si Kazami.
"Sisihin mo yang pinsan mo siya nagsisimula." Napayuko naman si Aika ng yukuin din siya ni Kazami.
Napatingin sa akin yung lalaki at inilahad yung kamay sa harap ko at nagpakilala.
Tatanggapin ko sana yung kamay niya pero may kumuha sa kamay ko napatingin ako kay Kazami na masama tingin kay Shin.
"Tsk! possessive boss seriously." Natatawa nitong turan kay Kazami.
"Pwede ka naman magpakilala na hindi hinahawakan kamay niya." Inis na sagot dito ni Kazami.
"Nakakatawa kayong dalawa." Sabi nung magandang babae lumapit siya sa akin nang nakangiti pasimple kong binawi yung kamay kong hawak pa rin ni Kazami. Kaya napatingin siya sa akin.
"Ako si Keira Nia."
Bigla niya akong yinakap.
"Alam mo lagi kang kinikwento nitong si Aika sa akin at totoo nga para kang human doll ang ganda mo at ang cute lalo na pag namumula ang mukha mo."
Nahiya naman ako sa sinabi niya napatingin ako kay Aika na nakangiti.
"At ito naman si Ari Irham my boyfriend."
Pagpapakilala niya sa lalaking makulit lalapit sana siya sa akin pero tumikhim si Kazami kaya hindi siya natuloy at napakamot lang ng ulo at parang batang kumaway lang sa akin.
"Okay i get it boss, hello na lang sa iyo cutie at hindi pa kita sinasagot Nia kaya hindi mo pa ako boyfriend."
Nakangiti niyang sabi ang cute din niya may singkit siyang mga mata at kasing tangkad ni Kazami at Shin halatang hindi siya Pilipino pati sina Shin at Nia dahil may mga accent ang boses nila.
Nakita ko na lang na naghaharutan sina Nia at Irham napangiti na lang ako ang cute nilang tingnan.
Yayayain ko na sana sila paakyat ng bigla kaming nakarinig ng paparating na sasakyan at hindi lang isa kundi nasa apat yata sila.
Naramdaman kong naging alerto sila at sa isang iglap lang nakita ko silang naka-posisyon.
May hawak na agad silang baril narinig kong nagmura si Kazami na may hawak din na baril.
Si Aika ay biglang nasa likod ni Shin, sina Nia at Irham ay ganoon din at bigla akong hinila ni Kazami sa kanya at hinalikan ako sa noo at itinago sa likod niya.
Biglang may lumabas na mga lalaki sa kotse at namukhaan ko agad sila
sina Kuya Ryuuki at Kuya Ryuuren.
Bakit sila nandito ang aga nilang dumating at may hawak din silang baril na nakatutok sa gawi namin kaya namutla ako sa nakita ko.
"Asakura! Bitiwan mo ang kapatid namin kung ayaw niyong mamatay sa lugar na ito." Sigaw ni Kuya Ryuuren. Humigpit ang hawak sa akin ni Kazami kasabay ng pagmumura niya.
"Kuya anong nangyayari?" Nagtataka kong tanong sa kanila.
Bigla akong umalis sa likod ni Kazami at naglakad papunta kina Kuya pero bigla na lang sumigaw sina Kuya at Kazami.
"Rin!"
"Princess!"
Bigla akong napahinto at nagtatakang tumingin sa kanila napagtanto ang kinalalagyan ko. Nasa gitna ako kung saan may mga nakakatutok na baril sa magkabilang panig bigla akong namutla ng mapagtanto ko kung ano ang kinalalagyan ko bigla ko nalang naalala yung masama kong panaginip at ang nakaraan puro putok nang baril at hiyaw ko pati ang iyak ng aking ina. Natakot ako at nanginig hindi ayoko nito natatakot ako sa sobra kong takot ay bigla na lang nagdilim paningin ko at bumagsak ako sa isang mainit na bisig at bago ako mawalan ng malay ay nakita ko si Kazami na nag-aalalang nakatingin sa akin.
"Sweetheart!" Sigaw niya at tuluyan na akong nawalan ng malay...