Kusa din akong napayakap sa kanya at isiniksik ko ang sarili ko sa kanya, alam ko na siya ito ang taong matagal ko nang hinahanap.
Hindi ko na alam kung ilang minuto kaming magkayakap.
Basta ang mahalaga ay naparamdam ko sa kanya na kung gaano ko siya na miss.
Napansin siguro niya medyo nanginginig na yung braso ko kase naman nangangawit na ako.
Dahan-dahan siyang kumalas sa pagkakayakap sa akin at tiningnan akong may ngiti sa kanyang mga labi namula at napayuko na lang ako.
"Pasensya kana kung nangawit ka masarap kasi sa pakiramdam na kayakap ka." Malambing niyang turan na lalo kong ikinapula.
"Kasi ikaw bigla mo nalang akong yinakap tuloy nangawit yung braso ko at leeg."
Nakanguso kong sabi sa kanya napatawa na lang siya sa sinabi ko kaya napangiti na lang ako sa kanya at pinagsalikop ang mga kamay namin.
"Ikaw na ba talaga si Kazami?" Tanong ko sa kanya bigla kaya napatingin siya sa akin, atsaka tumingin sa dagat nakita ko na biglang lumungkot ang mukha niya kaya napayuko na lang ako.
"Ako nga ito pero marami nang nangyari, nalaman ko na hinahanap mo ako kaya ako na ang kusang nagpakita sayo kahit bawal." Mahina niyang turan napasandig na lang ako sa kanya at walang masabi.
"Kazami kailangan ko nang bumalik baka hinahanap na ako nina Nana Sita." Paalam ko na lang sa kanya mayamaya para mabawasan na ng lakas ng tibok ng puso ko.
"Ah ok sige na umuwi ka na.
Ihahatid muna kita tapos maghahanap ako ng matutuluyan dito." Nakangiti na niyang turan bigla na lang nagbago ang buska ng mukha niya at nakangiti na.
"Wala ka pang matutuluyan dito?." Tanong ko sa kanya na bahagya lang tumango.
Napakamot siya nang batok na parang nahihiya kaya napangiti ako dahil ang cute niya may naisip akong paraan may mga guest room sa bahay kaya pwede siya dun tutal mabait naman siya at may tiwala ako sa kanya base na rin sa naikwento sa akin ni Aika at base sa pagkakakilala ko sa kanya noong bata pa ako. Gangster man ang tawag sa kanya ng karamihan sa school super naman daw siyang bait kaya hindi ako naniniwala sa mga negatibong pagkakakilala sa kanya ng mga tao.
"Baka pwede ka sa bahay tutal naman maraming guest room sa amin
Bahay bakasyunan kasi ito kung gusto mo lang doon tumuloy." Nag-aalangan kong wika napayuko ako dahil sa matiim niyang titig.
"Iniimbitahan mo ako?" Mayamaya niyang tanong kaya napatango ako.
"Oo kung ok lang naman sayo." Mahinang kong sagot sa kanya.
"Walang problema ngayon lang kasi na may nag-imbita sa akin pero sige tara para hindi na ako maghanap pa ng hotel dito." Napangiti ako sa kanya at tumango
para pa rin siyang nahihiya nakita ko na bumalik siya sa motor niya kinuha niya yung bagpack niya at helmet.
Pinaandar niya ang motor niyang Harley Davidson ang tatak alam ko mayroon din si Kuya Ryuuki at Kuya Ryuuren nito kaya ngalang ay nakaparada na lang ito sa bahay namin sa Romania hindi na nagamit pa iyon noong pumunta sila ng Japan para doon mag-aral nakaya niyang magbyahe papunta dito ng nakamotor lang kaya siguro masakit ang mga braso niya na kanina pa niya hinihilot.
Sinabayan ko na lang siya sa paglakad habang akay ang motor niya.
"Pwede mo siya i-park sa garage namin sa likod
magpatulong tayo kay Tata Ben." Sabi ko sa kanya matapos naming makarating sa harap ng bahay.
"May garahe kayo?" Tanong niya kaya tumango ako.
"Oo doon pinaparada yung sasakyan namin kapag nandito sina Kuya." Napatanho lang siya sakto naman na bumukas ang gate at si Tata Ben ang tumambad sa amin agad siyang napatingin kay Kazami at tumingin sa akin.
Pinaliwanag ko na kaibigan ko si Kazami at kung pwede ay dito muna siya tumuloy ngayon dahil mag-gagabi na rin at dahil mabait at likas na matulungin si Tata Ben at nakita na mabait na tao si Kazami kaya pumayag na siya.
Pumasok na kami sa loob at pumunta kami sa may likod bahay kung saan ang malawak na garahe na ipinagawa ni ni Kuya Ryuuki nakasunod lang si Kazami sa akin habang akay niya bike niya.
Malaki ang garage namin sa likod ng resthouse lahat ng mga pumupunta ditong kaibigan nina Kuya Ryuuki.
Nagugulat sila kase may malaking garage sa likod nitong bahay pinagawa yon nina Kuya Ryuu at Kuya Ren hindi naman kase halatang mayroon ganoon kalawak na parte ng bahay bakasyunan namin.
Favorite ko ang spot na ito ng bahay dahil nakakapagbike ako sa loob at nandito lahat ng collection nina Kuya ng mga laruan nila medyo mahilig sila sa mga sasakyan pero yung maliliit lang mga mini toys na galing pang ibat-ibang bansa, may hilig din sila sa mga Car show.
At makikita din dito yung mini swimming pool na pinagawa din nila.
Nakita ko na inilibot ni Kazami ang paningin sa paligid at napatingin sa akin.
"Ito ang garahe na sinasabi mo?" Tanong niya na halata ang mangha sa mukha. Napatango ako at sinundan siya sa pagparada ng motor niya na katabi ng ilang motor na naka garahe din dito.
"May mga collection ng mga motor ang mga Kuya mo." Kumento niya kaya napatango ako.
Inisa-isa niya ang mga naka garahe na motor dito at sinipat lahat parang wala siyang pinalampas at walang kahit anong kumento.
"Kumain ka na ba?" Mayamaya ay tanong ko sa kanya kaya napatingin siya sa akin at umiling kaya inaya ko na siya na pumasok sa kabahayan para makapaghapunan na siya.
Nakita ko agad si Nana na naghahain na kaya lumapit ako sa kanya.
"Pinaghanda ko na ng pagkain ang kaibigan mo hija baka hindi pa naghahapunan." Sabi ni Nana Sita na nakangiti at tumingin kay Kazami agad naman itong nagmano kay Nana na ikinatuwa ko.
Tahimik lang siyang naghapunan habang ako ay nasa harap niya at pinapanood siya nakangiti lang ako sa kanya at hindi makapaniwala na natagpuan ko na ang taong hinahanap ko.
Masyadong mabilis pero masaya ako na sa wakas ay nandito na siya, maraming nagbago kay Kazami lumaki na siya he really looks handsome and intimidating like the first i saw him.
Wala na ang batang payat at at hindi nagsasalita noon nang iuwi siya ni Papa, ang iyakin at mahiyaing batang lalaki na naaalala ko ay napalitan na nang lalaking nasa harap ko ngayon.
Sa loob ng sampung taon ay walang sawa kong pinangarap na sana ay makita kong muli si Kazami at ngayon nga ay nasa harap ko na siya at hindi ko maipaliwanag ang saya na nararamdaman ko.
"Sweetheart?" Napatigil lang ako ng hawakan niya ako sa kamay kaya medyo nagulat ako.
"Bakit tapos ka na ba?" Taranta kong tanong sa kanya mahina lang siyang napatawa kaya nahihiya akong napayuko.
"Tapos ka na ba hijo?" Pumasok si Nana dito sa kusina buti naman kaya napahinga ako ng malalim.
"Nakahanda na pala ang magiging silid mo Keita kung gusto mo nang magpahinga ay umakyat  kana lang sa taas at ang pinto ng kwarto mo ay siyete." Sabi ni Nana kay Kazami na ikinatango lang nito at nagpasalamat.
"Aakyat na pala ako kailangan ko nang magpahinga." Paalam ko kay Kazami na tumango lang, siya daw ay mayamaya na.
Agad na akong umakyat dahil sa parang hindi na ako makahinga sa lakas ng tibok ng puso ko.
Pero may kumatok sa kwarto ko at sa pag-aakala ko na si Nana ang kumakatok ay binuksan ko ang pinto agad pero si Kazami ang nakita ko.
"Tomorrow i have surprise to you." Turan niya na nakapamulsa at bahagyang ngumiti.
"Ano iyon?" Wala sa sarili kong tanong sa kanya pero napailing at napatawa lang siya ng mahina.
"Basta sige na magpahinga kana." Ginulo niya ang buhok ko at tumawa.
"Good night Sweetheart." Nakangiti lang siya sa akin at nagpaalam na napatingin na lang ako sa kanya.
Nang isasara ko na ang pinto ng kwarto ko ay nagulat na lang ulit ako ng  bigla ay yakap na niya ako kaya napapikit na lang ako at hinalikan niya ako sa noo.
Namula yung buo kong mukha.
At napatingin sa kanya. Muli siyang umalis at naglakad palayo.
Dahil parang ngayon lang nag-sinkin sa isip ko ang ginawa niya ay dali-dali kong isinara ang pinto ng kwarto ko at napasandal sa pinto lalo lang lumakas ang tibok ng puso ko.
Hinalikan niya ako sa noo at yinakap.
Napangiti ako at napapikit ito ba iyong sinasabi nila na love. Kung ito man ito ay masarap sa pakiramdam. At gusto ko ito ang first kiss ko na si Kazami ang gumawa.
Agad akong pumunta sa kama ko at agad na humiga at yinakap ang unan ko at humiyaw sa ilalim ng una ko.