“Congratulations, Sayaka dear.” Hinalikan sa pisngi ni Mr. Kim ang dalaga nang ipatawag siya nito para sa samahang mag-agahan sa harap beachfront villa na inookupa nito. Ito ang may-ari ng sa Saranghae Resort sa Boracay kung saan siya nagtatrabaho bilang social media and marketing manager. “We are fully-booked for the Valentine’s week and the whole summer.”
“Really?” tanong niya at nagningning ang mga mata. “T-That is good news.”
“Most of them are your followers who want to experience the resort and its amenities. Not only are we filled with Koreans now but other nationalities as well. We also booked parties with you as the host. It would be a treat to your followers. I don’t regret having you by my side.”
Sinubukan nitong hawakan ang kamay niya pero hinawakan niya ang kutsilyo at hiniwa ang pancake. “Oh! This looks good,” komento niya para iwasan ang advances nito. Fifty years old na ang lalaki. Parang tatay na niya. Kahit pa sabihin na maganda ang pangangatawan nito para sa edad nito at mayaman ito, hindi pa rin ito ang tipo niya.
Gusto niya sa Boracay. Kadalasan nangangati na ang paa niya na lumipat sa ibang lugar kapag nakakaisang linggo na siya sa isang lokasyon. Basta may sapat na ipon na siya at nakapag-withdraw na sa kita niya sa blog saka lilipat ulit sa ibang bar. Hanggang nagsawa na siya sa pagpapalipat-lipat ng trabaho na walang katiyakan at pagpunta sa iba’t ibang lugar nang di tiyak kung saan tutuloy o kung ano ang pagkakakakitaan. Mas stable ang trabaho na pinirmahan niya kay Mr. Kim.
Nasa Korea siya sa imbitasyon ng isang follower at nagpunta sila sa bar na pag-aari ni Mr. Kim. Nagka-interes ito dahil sa dami ng followers niya na dumating para makita lang siya. It became a full-blown party. Nag-alok ito na kunin siyang host para sa isang party kung saan pawang foreigner ang bisita nito. At dahil sa interaction niya sa mga bisita at sa interes na nakuha ng club niyo, kaya naman nagdesisyon ito na kunin siyang social media manager para sa resort nito sa Boracay. Mahigpit ang kompetisyon kaya naman gusto nitong mamayagpag. Nakita nito ang advantage ng pagkuha ng social media personality katulad niya para makahakot ng kliyente di lang sa Pilipinas kundi sa ibang bansa.
“I am happy with the good results, Sir. Me and my team really work hard to get the results. They are really cooperative and their ideas are also great.”
“No, it is you. If only you will agree to date me.”
“I don’t mix business with pleasure,” aniya sa pormal na boses at naging matabang na rin ang ngiti niya.
“I can be very convincing,” anito sa mababang boses at hinuli ang tingin niya.
Kinuha niya ang napkin at pinunasan ang labi niya. Nawalan na siya ng ganang kumain. “Thank you for the breakfast, Sir. My team will work harder. Have a great day.” Walang nagawa ang lalaki nang damputin niya ang iPad at tuluyang umalis.
She liked her job except that lecher Mr. Kim. Di na ito nahiya na may asawa na ito sa Korea at mga anak. Di naman kaila sa kanya na babaero ito kahit sa Korea pa lang. Mga teenager pa nga ang target nito. Pero normal lang yata iyon sa ibang tao na makipag-relasyon sa may asawa. Pasalamat na lang siya na di niya iyon kailangang gawin para mabuhay.
Kaya naman pilit niyang ipinapakita kay Mr. Kim na professional siya at di rin siya pumapatol sa may sabit na. The gig was just too good to pass up. Ganitong klaseng trabaho ang hinahanap niya.
Dumating ang alok ni Mr. Kim sa punto na nagsisimula na siyang maubusan ng pondo. Di siya makakapagpatuloy sa blog niya dahil wala siyang maiaalok na bago. Medyo humina din ang kita sa pagbo-blog sa dami ng bloggers na nagsusulputan at nahahati ang viewers.
Thirty days lang siya pwedeng mamalagi sa Korea at di nag-e-encouarage ang mga ito ng illegal workers at walang work permit. Di rin niya kakayanin ang cost of living. Nauubos na rin ang ipon niya at sweldo sa blog. Kaya naman sinamantala niya ang pagkakataon na makauwi sa Pilipinas nang libre habang nagpaplano ng susunod niyang destinasyon. Boracay was not a bad thing. Tourist destination din naman iyon. Nakakagawa pa rin siya ng blog dahil sa mga activities na sinusubukan niya. At ang maganda pa doon, sagot ng resort niya ang lahat. Mas mapapabilis ang pag-iipon niya lalo na’t may regular income siyang papasok.
Kaya pa naman niyang guwardiyahan ang sarili niya kay Mr. Kim. Tutal hanggang papogi lang naman ito pero di naman ito namumuwersa ng babae. Marami nga naman babaeng nagkaka-interes dito dahil mapera ito. Basta gagawin lang niya ang trabaho niya.