A j a x
Pagdating ko sa bahay. Narinig ko na may nagtext sa cellphone ko, akala ko si Meagan, kaya dali-dali kong binasa. Pero hindi pala. "Seth ano naman nangyari?." Habol ang hininga ko dahil lakad-takbo ang ginawa ko papunta kay Seth. Nagtext siya nasa plaza siya. At alam kong may problema na naman. Dahil laging ganito ang sitwasyon sa tuwing nakakatanggap ako ng text niya.
"Nag-away na naman ang parents ko." Tuluyan na siyang napahikbi ng umupo ako sa tabi niya. "Ano ba nangyari?."
"Nakita ni mama na may kasama na namang ibang babae si papa, yun lang ang narinig ko tas may narinig na akong nabasag sa loob ng kwarto nila. Nagsisigawan na sila nagmumurahan."
"Shhh tahan na.. Uwi na tayo maggagabi na oh.."  Di sya umimik. Ilang minuto pa kaming nanatili sa upuan na yun.
Bata pa siya talagang lagi nang nag-aaway ang magulang niya. Iba-iba ang dahilan minsan tungkol sa pera pero kadalasan tungkol sa babae ng nakagisnan niyang ama. Buntis daw sa kanya ang mama niya ng sapilitang ipakasal ito sa kinikilalang ama niya. Dahil sa negosyo. Akala ng mama niya ay totoong tanggap siya ng papa niya pero hindi pala. Isang beses niya narinig mula sa bibig ng kinilala niyang ama na hindi siya matatanggap dahil hindi niya naman kadugo. Nalaman pa nila na may anak sa ibang babae ang papa niya na halos kaedad niya. At babae din ito. Kaya halos araw-araw nag- aaway ang mga ito. Hindi naman pwedi maghiwalay dahil masisira ang mga ito sa mga kasosyo nila sa negosyo. Ang kinikilala niyang ama ang naging tagapagmana ng negosyo mula sa angkan ng mama niya. Pero kapalit nito ay tanggapin siya.
"Ayokong umuwi sa amin. Wala naman silang pakialam sa akin. Hindi nga nila ko napapansin na wala lagi sa bahay." Patuloy ang iyak ni Seth  at naawa ako sa kanya. Kaya ang ending yayain ko na sa bahay na muna siya magpalipas ng oras at pagkalma na siya ay saka uuwi sa bahay nila. Walking distance lang naman ang bahay nila kaya mamaya pwedi siyang umuwi. At hindi na pwedi na sa bahay siya matulog kahit okay lang kay mama. Dati pwedi siya sa room ko. Pero ngayong kami na ni Meagan nag-aalinlangan na ako na i-entertain siya. Pakiramdam ko nagkakasala ako kay Meagan. Though wala naman talaga akong ginagawang masama.
"Ajax doon kana sa kapatid mo matulog. Sa kwarto mo na lang si Seth." Kinatok ako ni mama. After ng dinner namin umakyat na ko sa room ko. Naiwan ko si Seth at mama na nagkukwentuhan. Akala ko umuwi na.
"Ma, hindi na siya pwedi pumasok dito at matulog. Hahatid ko na lang siya sa bahay nila." Kahit alam kong nagtataka si mama 'di na siya umimik ng kunin ko ang jacket at sombrero ko. At bumaba ako sa hagdan para ihatid si Seth.
"Tara na,. Hahatid na kita." Nanonood siya ng TV at umangat ng ulo  na parang 'di makapaniwala sa sinabi ko. Tumayo na lang siya kahit ayaw niya. Nakita niya kase na seryuso ako at alam niya na hindi magbabago ang desisyon ko. Unang pagkakataon na pinauwi ko siya. Simula noong elementary pa kami ay lagi kami magkasama, ako lang ang kalaro at kaibigan niya. Lagi siya nasa bahay sa tuwing nag-aaway ang magulang niya. Hindi na mabilang kong ilang beses na siya natulog sa bahay namin especially sa room ko. Nagdistansya lang ko sa kanya ng makilala ko si Meagan simula 2ndyear. At nang mag 4rth year na kami ay lumipat si Seth ng private school sa 'di ko malaman na dahilan. Kaya hindi na kami masyado nagkakasama o nagkakausap ng matagal. Nagulat ako ng magtext si Meagan. "Goodnight Ajax.." Binasa ko ang text sa cellphone ko habang naglalakad kami ni Seth pauwi sa bahay nila. Nakita ko ang pagsimangot ni Seth. Wala siyang imik habang pauwi kami. Ilang minuto ang lumipas ng narating namin ang bahay nila. "Pasok kana." Hindi siya gumagalaw.
"Dahil ba kay Meagan kaya bawal na ko matulog sa kwarto mo.?." Nagulat ako ng sabihin niya iyon. "Bakit nabanggit si Meagan?.Wala siyang alam dito."
"Ayoko umuwi doon muna ako sainyo."
"Hahanapin ka ng parents mo." Sabi ko na lang. "Pero alam mong wala silang pakialam sa akin.!." Tumaas ang boses niya. "Pumasok ka na gabi na."
"Si Meagan nga."
"Please lang pumasok kana. Uuwi na ko." Tumalikod na ko sa kanya at naglakad paalis ngunit nagulat ako ng tumakbo siya palapit at niyakap niya ko mula sa likod. "Please.. Samahan mo ko ngayong gabi." Sambit niya na 'di ko pinansin. Unti-unti kong inalis ang pagkakayakap niya sa akin at naglakad na akong walang lingon. Hindi ko maintindihan ang nararamdaman ko ng banggitin niya si Meagan. Lalo na ng yakapin niya ko. Naawa ako sa kanya, sa kalagayan niya, alam kong kailangan niya ko bilang kaibigan. Dati hindi naman ako nag-aalinlangan na samahan siya kahit magdamag o ilang araw pa.. pero ngayon nag-iba na ang lahat.. nagbago ang focus ng isip ko. Pati na rin ang puso ko. Sinakop ni Meagan ang espasyo nito.
Pero nagiguilty din ako na pinauwi ko si Seth. Tama yung ginawa ko. Babae siya kaya 'di dapat siya nakikitulog sa ibang bahay lalo na lalaki ang kaibigan niya. Pagdating ko sa bahay pumasok agad ako sa kwarto ko at nahiga. 'Di pa rin mawala sa isip ko ang mga nangyari. Magagalit si Meagan pag nalaman niya ang nangyari. Gusto ko sabihin, gusto ko magkwento pero baka iba na naman isipan niya. Bahala na. Pag nagkaro'n ako ng timing.. sasabihin ko lahat.
--I'm sorry. Kailangan ko gawin yun.--
Nagtext na lang ako kay Seth para mabawasan ang sama ng loob na nararamdman niya.