"GOOD MORNING, MASTER, ito na po ang mga dokumentong kailangan ninyong pirmahan." Inilapag ng bagong sekretarya ang ilang folder sa ibabaw ng table sa harapan niya.
Nag-igting ang panga ng binata ngunit hindi na ito pinansin pa. Hinintay niya itong umalis ngunit nanatili itong nakatayo sa harapan ng kaniyang mesa.
"Yes, Miss Ebasitas?" puna niya nang hindi pa rin ito tinatapunan ng tingin.
Nagsalubong ang mga kilay ni Jasson nang itukod ng babae ang mga kamay sa mesa at bahagyang yumukod.
"Do you have anything else?"
"You look tired, Master," aniya sa nang-aakit na tinig. Lalo pa itong yumuko dahilan upang bahagyang lumuwa ang pisngi ng dibdib nito sa pulang blusa nitong nakababa ang zipper hanggang gitnang dibdib.
Naiiling na muling itinuon ni Jasson ang paningin sa mga papeles, ngunit hindi nakuntento ang kaniyang sekretarya. Tumayo ito nnag tuwid at may kaartehang naglakad patungo sa likuran ng binata.
Idinantay nito ang mga kamay sa mga balikat niya. Bahagyang yumukod at idinaiti sa likod ng kaniyang ulo ang malulusog nitong dibdib.
"I can do massage, Master." Nag-umpisang pumisil-pisil ang mga kamay nito sa malapad na balikat ni Jasson. Bababa sa mapipintog nitong braso at muling babalik sa balikat.
Gumapang pa ang mga kamay nito paakyat sa leeg ng binata. Ang kanang kamay ay naglakbay sa mukha at huminto sa baba. Ipinaling nito ang mukha ni Jasson at halos magtama na ang mga labi nila.
"Or I can do more than a massage, Master," anas nito sa pagitan ng kanilang mga labi.
Walang reaksiyon ngunit madilim na ang abuhing mga mata ng binata, "I don't mix pleasure in business, Miss Ebasitas." Marahan ngunit mabigat nitong tinanggal ang mga kamay ng dalagang nakakapit sa kaniya. "If you are here for that, then my company doesn't need you. You. Are. Fired," matigas ang mga salitang binitiwan nito na muling itinuon sa mga papeles ang atensiyon. Hindi na muling tiningnan ang empleyado.
"M-Master, I-I'm so sorry. I just thought—"
"One more thing. No one is allowed to call me master."
"S-sir, don't fire me, please," bakas ang panlulumo sa boses nito.
"Leave!" dumagundong sa apat na sulok ng opisina ni Jasson ang baritono nitong tinig na nagbigay takot sa dalaga. Halos takbuhin na nito ang pintuan upang makalabas lamang doon.
Marahas na napabuntong-hininga ang binata at binitiwan ang ballpen na hawak. Isinandal nito ang likod sa backrest ng swivel chair at hinilot ang sintido. Pang-ilang sekretarya na itong tinanggal niya ngayon. Nakailang palit na siya sa loob lamang ng tatlong buwan buhat nang mag-resign ang dati niyang sekretarya. Hindi niya maintindihan kung anong mayroon at ang lalakas ng loob ng mga itong alukin siya ng ganoong bagay.
Isa pang buntong-hininga ang kaniyang pinakawalan bago dinukwang ang kaniyang mesa upang abutin ang kaniyang cellphone.
"Oh?"
"I need a secretary."
"You just hired a new one, ah?"
"I fired her."
"Again?"
"I need him immediately."
"Woah! Bro, security agency ang business ko. May Human Resources ka r'yan para mag-hire ng empleya—"
"I need a male secretary for fuck sake, Mikel! Hired me one and send it to me immediately!" Walang paalam na pinutol niya ang tawag at halos hindi na maipinta ang mukha nito dahil sa dilim niyon.
Hindi pa lumilipas ang isang oras ay muling may kumatok sa pinto ng kaniyang opisina. Salubong ang mga kilay na hinintay niya ang sinumang papasok matapos niyang pindutin ang remote ng pintuan.
"What's wrong with Bheng?" ani Tiffany nang pumasok ito. "She's crying on her desk. Tinanggal mo raw siya?"
"She's no good in my company." Muling isinandal ni Jasson ang likod sa backrest at kalmado nang pinagmasdan ang dumating na kapatid. "What brought you here?" Nakita niya ang pag-iwas nito ng tingin at ang pagngiwi ng manipis nitong mga labi.
"Teranus is in the office," bumuntong-hininga ito matapos umupo sa mahabang sofa na naroon. "I don't wanna see him."
"Tss…" mahinang palatak niya. Tiffany or Infinity is on her fourth month of pregnancy on their third child, and according to Teranusjulio ito ang napaglilihian nito.
Hindi na nagsalita ang binata. Pinagmasdan na lamang niya ang kapatid na muling tumayo at kumuha ng magazine sa rack at prenteng naupo.
"How's Calla and Lily?" kapagdaka'y naalala ang mga pamangkin.
"They are good. We are having a trip to Disneyland this coming weekends. Reward for them."
"Hmmm, yah, Calla told me that they are both on top," aniya sa pagitan ng pagpirma.
Muling natahimik ang opisina. Ngunit muling umingay nang may kumatok. The office has its intercom connected to her secretary. Ngunit mukhang kahit ang gamitin iyon at makausap siya ay kinatakutan na ng tinanggal niyang sekretarya. Pinindot niya ang button at kusa nang bumukas ang pinto't iniluwa niyon ang kapatid na si Martin, dahilan ng muling pagkunot ng kaniyang noo.
"What's with a male secretary, kuya? Hey there, sweety," bungad na tanong nito at kagyat na binati ang babaeng kapatid pagkakita rito. Lumapit pa ito kay Infinity na tumayo naman upang salubungin siya.
"Hey," aniya na humalik sa pisngi ng bagong dating.
"H'wag mong sabihing nag-away kayo ni Lucy kaya nandito ka?" balewalang tanong ni Jasson na nakatutok pa rin sa mga pinipirmahan ang atensiyon.
"Tsss, asa!" nakangising asik dito ni Martin at naupo malapit sa tabi ni Infinity. "Baka nakakalimutan mong nasa building din na ito ang opisina ko?" aniya habang nagda-dial sa telepono nito.
"Oh, yah. And you are not paying a rent for your space. Singilin na kaya kita nang kumikita naman ako sa`yo?"
Tinawanan lang ito ni Martin na sinabayan ng pag-iling habang nakikipag-usap sa kabilang linya. Nang matapos ay muli nitong sinita ang panganay na kapatid.
"Anong mayroon at nagpapahanap ka kay Mikel ng lalaking sekretarya? New preferences? Kauri na pala natin ang tipo mo?" pang-aasar nito dahilan upang matalim itong tiningnan ni Jasson.
Magsasalita pa sana si Martin nang sunod-sunod na tumunog ang cellphone ng kapatid na nasa harapan nito. Dinampot iyon ni Jasson at pabagot iyong sinagot.
"Stacy."
"K-kuya…"
Napatuwid ng upo ang binata at nagkaroon na ng gatla ang noo nito pagkarinig sa garalgal na tinig ng kapatid.
"What happened?" tanong niya na nagpalingon sa dalawa niyang kasama.
"K-kuya, s-si Papa. I need you here, kuya."
"Anong nangyari kay Papa? Nasaan ka?" kalmado man ay bakas na ang pag-aalala sa tinig nito dahilan upang mapatayo na ang dalawa at lumapit sa mesa niya.
"Ti-tinambangan sina Papa at Tita O-Olivia. Kuya, ki-kritikal si Papa. Hindi ko na alam ang gagawin ko. I need you here, please."
"We will be there." Agad na ibinulsa ni Jasson ang tawagan at kinuha ang coat na nakasukbit sa headrest ng swivel chair. Walang tanong-tanong na sumunod dito ang dalawa dahil dinig nila ang usapan nang i-loudspeak iyon ng kapatid.
"Paanong tinambangan? May kagalit ba si Papa?" usyoso ni Infinity habang tinutungo nila ang parking lot sa basement.
"Careful, Any." Inalalayan ito ni Martin.
"They are in Salazar Hospital. Any, kay Martin ka na sumabay."
Naghiwalay ang tatlo nang tunguhin ng mga ito ang kani-kanilang sasakyan. At tulad ng bilin ni Jasson, kay Martin sumabay si Infinity.
Tumagal ng halos isang oras ang naging biyahe ng mga ito dahil sa bigat ng trapiko.
"Bakit, Hannah? Anong kasalanan sa`yo ni Papa para pagtangkaan mo siya?! He's been good to you when he met you, remember? Kaya bakit?!" Ang galit na galit na tinig ni Anastacia ang naririnig ng tatlo habang patungo sa operating room.
Naabutan na nila roon sina Stacy, Hannah, Mikel at Arriannah. Luhaan ang una at naroon sa mukha nito ang galit, habang ang ikalawa ay tulala at tila wala sa sarili. Nasa labas ng O.R ang mga ito.
"Damn you! Magsalita ka! Anong kasalanan ni Papa sa`yo para pagtangkaan ninyo ang buhay niya!"
"I-I'm so— I'm so—sorry. Hi-hindi ko— hindi ko alam…" Lumagapak ang palad ni Stacy sa pisngi nito dahilan upang mapahagulgol ito.
"Stop it, Stacy."
Hindi nito pinakinggan si Jasson. Luhaan ang mga matang dinuro nito ang dalaga. "Kapag may nangyaring hindi maganda kay Papa, I swear, hin— hindi kita matatanggap bilang kapatid!" Lumayo ito sa iba pa at tinungo ang kabilang bahagi ng pasilyo.
Sinulyapan ni Jasson si Hannah na nakasandal na sa pader at luhaang nakatitig sa pintuan ng operating room. "Anong nangyari?" baling nito kay Mikel na bakas din ang pag-aalala sa mukha.
Isang malalim na buntong-hininga ang pinakawalan nito bago tinitigan ang nakatatandang kapatid, "Sinubukan niyang pigilan ang pananambang, pero mukhang desididong patayin si Papa ng nag-utos sa kaniya," anito na sinulyapan ang dalaga.
"Sino?"
"Ayaw pa niyang magsalita. Kahapon lang lumabas ang result ng DNA test niya, and it's postive. Hannah is one of the Luther.
"Alam na niya?" singit ni Infinity.
Tumango si Mikel. "Just this morning."
Napapitlag ang apat nang walang paalam na tumakbo si Hannah palayo roon.
"Ako na," ani Arriannah at sinundan ito.
Balisa namang nagpalakad-lakad si Infinity. Paparoo't paparito, hihinto at titig sa pinto at muling magpapalakad-lakad. "S-si Tita Olivia?" kapagdaka'y tanong nito.
"She's fine. Nasa recovery room na siya. Si Papa ang malubha dahil nasa front seat siya"
"Saan pala sila papunta?"
"Kay Hannah. They want to break the news. Kaso hindi pa sila nakararating may humarang ng van sa kanila."
"Fuck!" pagmumura ni Jasson. Namaywang ito at mariing ipinikit ang mga mata nang tumingala.
Tatlong oras na ang lumipas ngunit ni isang doktor ay wala pa ring lumalabas. Ang mag-asawang Peter Ross at Patricia kasama ang senior doctor ang siyang namamahala ng operasiyon. Naroon na rin sina Norman at asawa nitong si Sunshine. Maging si Lucy at Teranusjulio ay napasugod na rin upang damayan ang kani-kanilang asawa.
Kapwa balisang naghihintay ang mga ito ng taong lalabas mula sa operating room nang may tumunog na cellphone.
"Baby?" ani Norman nang sagutin nito ang tawag.
"K-kuya Norman, sabi ni Papa nasa ospital ang senyor at senyora. Kumusta sila?"
Marahang bumuntong-hininga si Norman at sinulyapan si Jasson na nakatingin na rin dito. "Tita Olivia is in the recovery room now, but Papa's still in the operating room, Ara."
"He will be fine, right? He will survive."
"Ofcourse, he will."
"O-okay po. Magdadasal po kami rito para sa senyor, Kuya."
"Much better, baby. Tatawagan kita kapag may balita na, for now I need to cut the call. The senior doctor is here."
"Bye, Kuya."
"She's worried," ani Norman na na kay Jasson ang paningin. Madilim ang mukhang napailing-iling na lamang ang huli.