"Tiana, gising na, huwag pa-importante, naghanda na si Manang kaya bumangon ka na diyan." Bahagya niyang iminulat ang mapupungay niyang mata at lumingon sa wall clock niya, ala-6 pa lang ng umaga kaya inis naman siyang pumikit at nagtalukbong ng kumot.
"Hindi ako papasok!" Sigaw niya pabalik at bumalik na ulit sa pagkakatulog pero bumukas ang pinto at ilinuwa nito si Kalen. Hindi niya ito pinansin at natulog na lang ulit.
Palibhasa si Kalen, noong isang linggo pa grumaduate ng senior high school sa private school nila at nakakapag-chill na lamang sa bahay nila kaya medyo naiingit siya. Nagkaroon na naman siya ng reason kung bakit siya lilipat sa private school kung saan pumapasok iyong Kalen na 'yon.
"Bangon, Tiana baka ma-late ka! Sayang attendance!" Bulalas ni Kalen at inalis ang kumot niya pero agad din niya itong ibinalik ng maalalang sinabi pala ni Tiana na wala siyang damit noong naka-comforter siya.
"Hindi ka babangon o hihilain pa kita pababa diyan sa kama mo?" Mabilis namang bumangon si Tiana at inis na tinignan si Kalen.
"Ano ba Ting-Ting? Sabi ko nga hindi ako papasok!" Imbes na si Tiana ang mainis dahil ginising siya ng asawa niya kahit alam nitong 4 oras lang itong natulog pero hindi, si Kalen ang nainis dahil binanggit na naman niya 'yong lalaking kinaiinisan ng asawa.
"Kapag hindi ka pa bumangon, sisiguraduhin kong bukas sa kalsada ka na matutulog, Tiana," sambit nito bago lumabas na sa kwarto niya, napabalik sa ulirat si Tiana at doon na-realize kung anong nasabi niya
"Ah kaya pala, nabanggit ko na naman 'yong name na 'yon, shocks sino' yon? Wala akong maalala na Ting-Ting na pangalan sa past ko ah, weird, pero sa panaginip meron."Pagkausap niya sa sarili niya at umalis na sa kama at dumiretso na agad sa banyo niya.
Hindi niya maalala pero iyong Ting-Ting na 'yon naging kalaro niya sa bahay-bahayan noon, iyong lalaking nagsabi na boyfriend siya noong nagpakita si Kalen at sumali sa laro nila, and infairness nag-volunteer itong maging Tatay at si Tiana naman ang Nanay pero dahil nga nahuli na sa laro si Kalen, siya nalang ang Tito at iyong ibang kalaro naman nila ang nagsilbing Tita at mga anak. Pero nang tinanong ng may galit pa mismo ni Kalen kung bakit si Ting-Ting ang Tatay, sumagot naman iyong Ting-Ting na boyfriend niya si Tiana at ipinagtaboy pa si Kalen dahil nga sa pandak ito at 'di bagay na maging Tatay-tatayan noon at gumanti naman ito ng payatot at palito kaya ang ending nagrambulan ang dalawa, ang nangyari nagsumbong si Kalen sa Mom and Dad niya at sa kasalukuyan nakatira na doon si Tiana, hindi siya pinagalitan dahil sa nangyari at si Kalen pa mismo ay na-grounded ng almost 3 days kaya doon na nagsimula ang mild kasungitan ni Kalen sa kanya.
Hindi niya maintindihan ang naalala kaya napayuko siya sa sink at pilit inalala kung ano ba ang katayuan ng Ting-Ting na palagi niyang napapaginipan sa buhay niya, napaharap naman siya sa salamin dahil ang tagal na pala noong rambulan ng Ting-Ting at ni Kalen tapos bata rin sila pero bakit ganoon ang naging reaksiyon ni Kalen ng banggitin niya iyong pangalang Ting-Ting? Supposed na magbabangayan pa sila para mapabangon lang siya, si Tiana sa pagkakagising papuntang school pero ang ending nag-walk out ito, dahil saan? Edi sa pangalan. Dagdag pa na Ting-Ting lang ang kilala niyang pangalan at 'di niya pa ito maalala kaya posible bang nagselos ito?
"Tse, nagselos ata ang gago haha!" sambit na naman niya sa sarili at doon na humarap sa salamin para maghilamos.
Imposible kasi ang iniisip niyang nagseselos, kasi kahit kailan, puro ka-sungitan at ka-walang hiyaan lang ang ipinapakita ni Kalen. Napaisip siya na ayaw mapahiya at bossy rin ang batang Kalen noon at idagdag rin ng palagi itong lonely na ayaw may kahati sa laruan niya kaya baka ganoon rin ang tingin sa kanya ni Kalen ngayon, isang laruan rin na ayaw ipamigay.
Napailing-iling na lamang siya sa mga naiisip niya at itinuon ang atensiyon sa pagmasid sa mukha niya.
"Yetang eyebrows 'yan, ang itim tuloy, 'di pala ako nakapaghilamos dahil sa mokong na 'yon." Sinuri niya ang buong mukha niya at kinuskos lahat ng itim doon at nang ma-satisfied siya ay dumiretso na siya sa shower at doon naligo.
Naalala niya na wala pala siyang uniform at undies. Monday na monday magsi-sibilyan siya, paniguradong magagalit ang striktong teacher niya.
Walang gana siyang lumabas sa banyo niya at dumiretso agad sa closet niya, hoping na may damit doon. Pagbukas niya may damit agad na bumungad doon pero walang uniform, napatingin naman siya sa isang closet niya at andoon naman ang mga shorts, skirts at pantalon niya pero wala pa ring uniform. Napadako naman ang atensiyon niya doon sa katabi ng dalawang closet niya, maliit ito kumpara sa una at pangalawa kaya napagdesisyonan niyang buksan at agad bumungad sa kanya ang baguhang underwears niya kaya agad siyang pinamulahan ng mukha.
'S-Sinong nag-ayos nito? Shocks, huwag naman sanang----jusko sino naman kaya ang bumili rin nito?'
"Ija." Napatalon siya ng may nagsalita sa likod niya, ang Nanny niya.
"Nanna! Omg, andito ka!" Napayakap na lamang siya rito dahil sa sobrang tuwa, 'di na niya namalayan na naka-tuwalya pa rin siya kaya agad siyang napabitaw at pinagpagan ang konting basa sa balikat ng Nanny niya.
"Sorry Nanna, na-miss lang kita!" sambit niya kaya napatawa na lamang ang Nanny niya.
"Ako din naman Ija, oo nga pala kumain ka na, kaninang madaling araw lang ako dumating dito, minsan-minsan bibisitahin ko kayo, utos na rin ng Mommy at Daddy niyo." Paliwanag ng Nanny niya at sakto namang pumasok si Kalen sa nakabukas na pintuan.
"Manang, didn't I tell you na huwag mo na 'yang dalhan ng pagkain sa kwarto niya? Nasasanay lang 'yan eh, ang tanda na pinagsisilbihan pa rin." May lambing na sambit ni Kalen sa Nanny ni Tiana pero matalim na liningon naman ni Kalen si Tiana, inirapan niya lang 'to at naglakad na patungo doon sa nakapatong na pagkain sa study table niya.
"Tss, palibhasa walang nagca-care sayo, inggit ka ngayon, nye-nye." Pagpaparinig niya kaya napa-tsk na lamang si Kalen at lumabas na sa kwarto niya, halatang naasar dahil sa sinabi niya.
'Luh, bilis naman maasar ni Kuyang mapang-asar ngayon? Nag-iba ata ugali, tss. Wala pala akong pakialam kaya bahala siya, kahit buong taon kaming huwag magpansinan, mas okay sa akin.'
"Ija, Tiana. Kasal na kayo pero nag-aaway pa rin kayo?" Alalang tanong ng matanda habang si Tiana kumakagat na ng sandwich niya.
"Eh Nanna, nang-iinis kasi siya ih! Kaya pinapatulan ko nalang tapos boom, doon mag-aaway na naman kami. Huwag kayong mag-alala asaran lang naman 'yon Nanna." Paliwanag ni Tiana at doon na naman kumagat ng sandwich niya.
"Ija, asaran pero parang nasaktan 'yong asawa mo." Napatigil siya sa pagkain at liningon ang Nanna niya.
"Ija, minsan bago mo sabihin ang isang salita sa isang tao, pag-isipan mo muna kung makakasakit ba ito o hindi, dahil pagdating ng panahon baka bumalik rin sayo ang masasakit na salita na sinasabi mo ngayon." Pangaral ng matanda kaya naiwan siyang nakatunganga.
'Ang shunga din naman pala ng bibig na 'to! Pinahamak ako, pero oo nga naman mapanakit din ako minsan pero linulugar ko ito. Lugar kung saan may Kalen Agustin sa paligid. Haha.'
Napailing-iling si Tiana at napasampal pa sa pisngi niya para makabalik sa ulirat, 'di niya namalayan na umalis na pala 'yong matanda kaya napatayo na siya at ininom niya na iyong gatas niya.
"Hay, yari na naman ako kay Ms. Chavez nito." Tukoy niya sa subject teacher niya at sa essay na hindi niya nagawa.
"Bahala na!" Pinulot niya na ang bag niya at sinuot ang sneakers niya at doon na lumabas, bago 'yon kinuha niya muna iyong tray na pinagkainan niya at bumaba na.
"Nanna alis na po ako." Pagpapaalam niya at lalabas na sana ng mapalingon siya kay Kalen na tahimik kumakain sa mahabaang hapag-kainan niya.
"What?" Tanong nito habang humihigop ng soup, ngising lumapit sa kanya si Tiana.
"Mr. Lonely~I got nobody~" Kanta nito at patakbo ng lumabas nang marinig niyang nag-start na 'yong makina ng service niya.
"Bye Nanna!" Paalam niya sa Nanny niyang nasa pinto ng bahay kasama ang asawa niyang nakakibit-balikat na pala siyang tinignan at doon na ulit pumasok sa bahay at ini-snob ang pag-alis niya.
Nag-stay muna ang matanda sa bahay para na rin makapaglinis at maya-maya aalis na rin ito.
Kasalukuyang nasa kotse si Tiana at napabuntong hininga na lamang ng maaalala na puro ka-plastikan na naman pala ang madadatnan niya sa school, idagdag ulit na pinagbawalan siya ni Kalen na makisalamuha sa mga estudyante doon dahil mukha daw mga chismoso at chismosa, in short madaldal, parang shotgun ang mga bunganga at baka mahawa daw si Tiana, madulas pa kasi daw si Tiana at baka masabi na may asawa siya kung nagkataon dahil nga sa madaldal na ito mas lalo pang dadaldal dahil sa mga tao sa paligid niya minsan na kasi itong napadalaw sa school ni Tiana dahil inutosan siya ng mga magulang niya na ihatid din kung minsan si Tiana, pero 'yon na rin ang una at pinakahuli dahil nga hate nila ang isa't-isa buti na lang at doon din nag-aaral ang mga pinsan niya kaya minsan ay may nakakausap siya.
Ihinanda na niya ang sarili niya sa sermon na matatanggap niya sa teacher niya dahil na rin sa naka-sibilyan siya.
Ilang minuto lang ay nakarating na siya at doon lang naalala na wala pala siyang essay kaya napapikit na naman siya at huminga ng malalim at ihinanda na naman ang sarili para sa level 2 na ratatatatat na sermon ng subject teacher naman niya.
Bumaba na siya sa sasakyan at nakayukong pumasok sa school nila.
Naka-pantalon at blouse lang naman siya dahil wala siyang choice kasi naiwan ng Nanna niya ang uniform niya noong siya mismo ang nagimpake ng mga damit niya.
"Tiana!" Napalingon siya sa likod niya at doon nadatnan ang mga pinsan niyang dalawang bakla at isang mukhang bakla dahil babae ito, nahawa kasi sa ka-baklaan ng dalawang bakla kaya nagmukha na ring bakla.
"Musta honeymoon." Agad na nanlaki ang mata niya at napatakip sa bibig ng pinsan niyang si Fiona, ang mukhang bakla.
"Shh, ingay mo!" May kalakasang bulong ni Tiana kaya napahagikhik si Fiona.
"So may nangyari nga sainyo? Yiee haha dalaga na si Tiana." Pang-aasar ni Fiona sa kanya at sinundot-sundot ang tagiliran niya kaya kunwari'y napa-irap na lamang siya at doon na nagsimulang maglakad, pagod at inaantok pa kasi siya kaya hindi niya magawang makipag-bangayan sa mga pinsan niya.
"Gaga may asawa na 'yan, dalaga?" Kontra naman ni Bernie, isa sa mga pinsan niyang bakla na nagmukha ng teddy bear dahil sa laki ng katawan.
"Ay oo nga pala hehe." Kamot ulong sang-ayon ni Fiona at sumunod na kay Tiana na kasalukuyang kasama si Luca.
"Oh day, bakit ka nakasibilyan? Bawal 'yan!" Simula ni Luca kaya napalingon na lamang siya sa kanya. Si Luca ang pinaka-close ni Tiana sa magpipinsan, siya rin ang nakakatanda.
"Nakalimutan kasi ng Nanna ko na dalhin kahapon, 'di niyo ba naabutan siya sa appartment?" Pagtatanong ni Tiana kaya napadiretso ng tingin si Luca at inaalala kung meron nga ba.
"Naku day, nag-ayos pa kami sa simbahan kahapon, medyo ginabi pa nga kami pero keri lang, basta sa sweet pinsan namin." Napangiti na lamang si Tiana at kahit papaano nawala ang antok niya sa sinabi ng pinsan niya.
"Salamat Luca ah, andami niyo ng naitulong sa akin. Hayaan niyo next time babawi ako." Giit ni Tiana pero napailing-iling lang si Luca.
"Day 'wag na! 'Yong stalker mo pala, nakatingin sayo ngayon oh." May itinuro si Luca sa likod niya kaya nakita na naman niya iyong lalaking palaging naka-hoodie na nakamasid sa kanya lagi dito sa school. Dahil nga bawal siyang makipag-usap sa kung sino, utos na nga ng asawa niya, ini-snob niya lang ito dahil kung masamang tao man 'yon marami namang security guard diyan kaya kampante si Tiana.
"Bakla! Lika nga dito! Andito klase natin 'di diyan!" Tawag nila Bernie kay Luca.
"Day, bye-bye na may klase pa kami. Alam mo namang huling araw na natin 'to magka-klase diba? Graduation na sa isang araw kaya galingan mo, okay? Dapat may top ka." Bilin ni Luca bago tumakbo na papunta sa isang building, sila kasi ang nagpaaral kay Tiana kaya gano'n na lang ang ka-concern nila sa grade nito.
Kahit wala na ang mga bakla bahagya siyang napatango at napatawa na lamang ng maisip ang mataas na grado.
"Top? Sorry mga pinsan, 'di ko nagawa assignment ko, paniguradong bagsak ako sa isang subject nito." Pagkausap niya sa sarili at napabuntong hininga na lamang at pumasok na sa classroom niya.
May napalingon sa kanyang classmates niya pero 'yong iba snob lang kaya nagpatuloy na siya sa paglalakad at umupo sa pinakadulo kung saan bukas ang bintana do'n. Saktong nag-ring na kaya nagpasukan na lahat ng estudyante.
Doon na kumabog bigla ang dibdib niya kaya kinandong niya muna iyong bag niya para matakpan 'yong damit niya.
"Jusko, sermon din abot ko nito." Bulong niya sa sarili ng hindi pala 'yong teacher nila ang dumating kundi ang subject teacher nila.
"Okay Attendance!" Parang mikroponong sigaw ng teacher nila, hindi man lang nagbigay ng rason kung bakit wala ang adviser nila.
Nakahinga ng maluwag si Tiana at ibinaba na ang bag niya dahil wala namang pakialam itong subject teacher nila sa kung nagsusuot ba ng uniform ang estudyante niya o hindi.
"Tiana Dolores."
"Present ma'am." Tinaas niya pa ang kamay niya at napalingon naman sa kanya 'yong teacher niya, pinanliitan siya ng mata nito pero napailing-iling at bumalik na lang ulit ito sa pagtingin sa attendance.
Doon siya napabuga ng hangin at napasandal na lamang sa upuan.
"Assignment naman. Students this is your last day as senior high school, bukas pumunta na lang ang gustong tumulong sa pag-aayos ng hall. And make sure naipasa niyo na lahat ng ipapasa dahil paniguradong blanko o bagsak ang ibibigay namin sa inyo okay...." Paliwanag ng teacher at tinawag na ang mga pangalan para sa pag-submit ng essay sa kanya. Napaayos na siya ng upo ng marinig ang word na assignment, medyo nag-panic siya kaya hindi siya mapakali sa kinauupuan niya.
"Idagdag ko lang pala na, half day lang kayo today, monday. Nai-move ang date ng graduation dahil may gaganapin sa hall this Thursday to Friday." Dagdag ng teacher pero nanatiling nasa panic mode si Tiana dahil nag-iisip siya kung anong idadahilan niya sa teacher niya.
"Ako lang ang magiging teacher niyo ngayon dahil sa subject ko lang kayo may kulang lahat, and that's the essay that I have given to you last week." Paliwanag ulit ng teacher na mas lalong ikinakaba ni Tiana, nagsimula ng magtawag ulit ang teacher nila at nagsisitayuan naman ang mga natatawag at ibinibigay ang mga assignments nila na naka-compile at may design-design pa. Sign na may creativity dapat ang ginawang sankatutak na essay na 'yon.
"Oh no, ano namang idadahilan ko eh, halos lahat sila makakapasa ata," dismayadong kausap ni Tiana sa sarili niya at tumigil na sa panginginig at nagpasubsob na lamang ng mukha sa mesa.
"Tiana Dolores." Tawag ng teacher sa kanya pero nanatili siyang nakasubsob at nakapikit, hinihintay kung anong sasabihin ng teacher nila na kung ano-ano na namang pagsesermon kung bakit niya hindi ginawa ang assignment niya.
"Ms. Dolores!" Sigaw na ng teacher nila kaya napapikit na lamang si Tiana at doon tumayo.
'Pwede na lang kaya maging Mrs. Agustin? Ayaw ko ng marinig ang Ms. Dolores na 'yan na palagi lang natatawag dahil sa kabobohan o kung hindi naman sa katangahan, huhu! Bakit ba nagpa-kampante at hindi ginawa agad iyong essay? Bwisit, huhu! Makakalimutin rin pala ako kaya mas lalong nakaka-imbyerna tuloy huhu.'
"Ma'am sorry------" Hindi na niya naituloy ang sasabihin niya ng may biglang pumasok sa pintuan nila.
"Sorry to interrupt your class ma'am, may ibibigay lang po ako sa isa sa mga estudyante niyo."
"Who is it ijo?"
"Tiana Dolores po." Napamulat siya at nakita kung sino ang lalaking tumawag rin sa pangalan niya.