Skyline Imperial's Mansion
(SIM)
Sky's POV
Maaga pa lang sinundo na ako ni Smith sa apartment ko.
"Ito lang ba ang gamit mo? "
Tanong niya sa'kin. Isang maleta lang kasi ang dala ko.
"Oo, yung iba iniwan ko sa apartment ko"
Tumango-tango naman siya saka nilagay na sa compartment ang maleta ko.
Pumasok na rin ako sa Limousin na dala niya. Yayamanin talaga ang Imperial. Napa-iling na lang ako.
Seryoso lang si Smith habang nagmamaneho.
"Siguro may girlfriend ka na noh? "
Tanong ko sa kanya. Tinignan niya ako panandalian sa rear mirror sa harapan saka muling bumaling sa pagmamaneho.
"Wala pa"
"Seriously? Sa gwapong mong yan wala kang gf? "
Sambit ko sa kanya. Panandalian siyang ngumisi saka umiling iling.
"Pero tapos ka na ng pag-aaral? "
Tanong ko ulit sa kanya. Masyado siyang tahimik at seryoso kaya lubusin ko na ang pagdaldal sa kanya. Palasalita naman ako at nagkakaroon din ng emosyon kapag komportable ako sa isang tao. Si Smith kasi iba siya sa kanila Adam at Genesis di ko alam basta magaan ang loob ko sa kanya para rin kasing nagkita na kami dati at pamilyar siya sa'kin.
"May kilala ka ba sa mga Hunterose at Silvester? "
Tanong ko sa kanya. Pansin kong natigilan siya pero agad ding nakabawi ng postura.
"Pinakasikat na Clan ang Hunterose at Silvester. Tanga na lang ang hindi sila kilala"
Tsk. Hindi naman yun eh.
"Iba I mean, wala ka bang kaibigan sa Hunterose-Silvester's Siblings? "
Natigilan na naman siya pero agad ding nakabawi.
"Wa... Wala"
Bakit siya nauutal?
(Skyline Imperial's Mansion)
Mga ilang minutong byahe lang ay nandito na kami sa SIM.
Mas maganda pala ito sa personal kaysa sa picture na pinakita nila sa'kin kahapon.
"Tatlo lang talaga sila na nakatira dito? "
"Nope, kasama nila ang mga katulong at guards dito. Saka dito rin ako nakatira"
"Ibig sabihin makakasama rin kita dito? "
"Sometimes dahil may mga inaakaso rin ako sa Imperial's Company saka personal assistant ako ni Don Matthew kaya palagi akong nasa tabi niya. "
"Sayang naman gusto pa naman kitang kasama"
Ngumiti lang siya saka ginulo ang buhok ko.
"Hey! Wag ang buhok ko"
Tinapik ko yung kamay niya na nasa ulunan ko.
"Hindi ka pa rin talaga nagbago. You're still the same. "
"Huh? Anong sabi mo Smith? "
Mahina lang kasi ang pagkasabi niya kaya hindi ko narinig.
"Nothing, tara na sa loob"
Siya na ang nagdala ng maleta ko kaya sumunod na lang ako sa kanya.
Masyadong tahimik dito. Wala rin akong nakikitang mga katulong.
Nilibot ko ang paningin ko sa sala. Puro paintings ang nasa pader may Family Portrait din ng Imperial.
Pinagmasdan ko ang portrait.
Si Adam, Genesis, Isaiah at ama yata nila yun lang ang nasa portrait.
"Smith, nasaan ang ina nila? Bakit hindi kasama sa portrait?"
Tinignan din ni Smith ang portrait.
"Hindi ko pala nasabi sayo. Magkapatid ang tatlo sa ama"
"Ohhh, ibig sabihin iba-iba sila ng ina? "
"Yeah"
Napatango na lang ako. Kaya pala.
"Tara na hahatid na kita sa magiging kwarto mo."
Tumango lang ako at sumunod sa kanya. Nasa Second floor ang mga kwarto. At sa totoo lang nakakatamad akyatin ang hagdanan pa-spiral ang style at ang haba pa.
"Mga Kwarto lang lahat dito sa second floor? "
Mahigit sampo yata ang silid dito.
"Yes, yung iba kasi ay pang guest room at saka minsan dito rin kasi tumatambay ang mga kaibigan ng tatlo"
"Hmm...hmm"
Huminto kami sa pinakadulo.
"Dito ang magiging silid mo, itong kaharap mong silid ay kay Adam at itong katabi mo naman ay kay Genesis. Yung kay Isaiah ay iyong nasa pinakauna. "
"Ok"
Binuksan niya na ang pinto sa silid ko. Kaya pumasok na ako sa loob. Siya naman ay nag stay lang sa labas.
"Bakit ayaw mong pumasok? "
Tanong ko sa kanya.
"Hindi ako pumapasok sa silid ng babae"
"Lul. Gentleman lang ang peg? "
Tumawa naman siya saka umiling iling. May kinuha siyang calling card sa wallet niya.
"Sige na mauna na ako sayo. Ito ang number ko tawagan mo na lang kung may kailangan ka o may problema dito"
Kinuha ko yung calling card na inabot niya sa'kin.
Nag-paalam ulit siya sa'kin saka tuluyan na siyang umalis.
Sinarado ko na ang pinto.
Umupo ako sa kama saka pinagmasdan itong silid ko. Parang kasing laki na ito ng apartment ko. Maganda, malawak at hindi naman masyadong girly ang dating nito kaya ok na ito sa'kin.
Pumunta ako sa terrace nitong silid ko. May duyan dito na gawa sa buli. Magandang mag relax dito bukod sa mahangin, maganda rin kasi ang view na makikita mo sa ibaba. Isang harden at may puno pa ng mangga na nasa tapat ng terrace nitong kwarto ko.
Umalis na ako sa terrace.
Inayos ko na rin ang mga damit ko sa closet. Pagkatapos ay humiga muna ako sa kama saka tumitig sa kisame.
Ang iniiwasan kong karangyaan pero ngayon ito na naman. Haist.
Knight's POV
Walang gang fight ngayon kaya nandito muna kami sa Convenient store nila Caesar.
"Hindi na daw magtratrabaho dito si Sky-noona sabi ni mommy sa'kin "
Nakasimangot na ani ni Caesar sa'min.
"Si Genesis kasi inaway"
Pangsisisi sa'kin ni Astrid. Suminghal lang ako.
"Tsk. Hindi na talaga magtratrabaho yun dahil may pera na siyang nakuha kay Adam"
Bakit kasi siya pa ang naging fiancee ni Adam? Nakakainis!
"Grabe ka naman Pards, malay mo hindi naman talaga siya binayaran ni Adam. Dahil sila talaga. "
Tinignan ko ng masama si Kiwi dahil hindi tanggap ng pandinig ko ang sinabi niya.
"Easy... Baka lang naman eh. "
"Tsk. "
Akala ko pa naman iba siya sa mga babae jan. Yun pala isang Adam lang wala rin. Kainis! Gusto kong sapakin si Adam sa dami dami ng babae niya Bakit si Sky pa? Damn it!
Nag-ring ang phone ko. Hindi ko sana papansinin pero ring pa rin ng ring kaya sinagot ko na lang. Si Smith pala.
"What? "
Tamad kong sagot.
"Skyline Imperial's Mansion, now urgent"
"May gang fight pa kami"
Pagsisinungaling ko. Tsk. Ano naman kayang meron ngayon sa SIM? Ayaw ko munang umuwi dun dahil sigurado akong nandon si Adam.
"Ok, unahin mo ang gang fight pero wala ka ng makukuhang mana ayan ang sabi ni Don Matthew "
"Tsk. Oo na pupunta na ako jan! "
Ako na ang nagpatay ng tawag. Isa rin si Tanda pumwerso sa buhay ko. Tsk.
"Mauna na ako sa inyo kailangan kong umuwi ngayon sa SIM"
Saad ko sa mga kaibigan ko tumango naman sila kaya naglakad na ako palabas sa convenient store. Hindi ko man lang nakita si Sky. Saan kaya siya ngayon nagtatrabaho?
'Magkasama na sila ngayon ni Adam.'
Damn it! Bwesit na utak.
Sumakay na ako sa Ducati ko saka pinaharurot patungo sa SIM.
Adam's POV
"Wala na si Sky-noona sa Pizza Parlor sabi ni mom sa'kin "
Saad ni Eros sa'min. Halatang malungkot siya.
"Malay mo umabsent lang"
Ani ko. Pero umiling lang siya.
"Hindi ugali ni Sky-noona na umabsent sa trabaho niya"
Hindi naman na siguro siya ginugulo ng media.
"Himala wala kang babae ngayon, Pards? "
Ani sa'kin ni Kisser. Nandito kami sa Liberty Bar wala naman na kaming pasok kaya dito muna kami.
"Wala pa akong gana"
Tamad kong sagot. Anong ginawa sa'kin ni Sky? simula kasi nong makilala ko siya parang ayaw ko ng mambabae kasi pakiramdam ko nagtataksil ako sa kanya. Fuck!
Hindi ko naman siya tunay na fiancee.
Nag-ring ang phone ko. Si Smith.
"Hello bro"
Sagot ko.
"Skyline Imperial's Mansion now, urgent"
"Anong meron? "
"Pumunta ka na lang doon kung ayaw mo say goodbye to your mana sabi ni Don Matthew "
Saka niya pinatay ang tawag. Tsk ano na naman kayang meron sa SIM. Tumayo na ako sa kinaupuan ko tumingin naman sa'kin ang mga kumag.
"I have to go kailangan ako sa SIM"
Ani ko sa kanila. Nagsitanguan naman sila kaya umalis na ako.
Isaiah's POV
"Grabe talaga ang ugali ni Genesis pati si Ate Sky inaway niya"
Saad ni Range.
Nandito kami ngayon sa The Rockstar Music Room. Ito ang tambayan naming tatlo kapag walang klase. Ito ang private place namin dito sa Imperose University. Malapit lang din ito sa tambayan nila Kuya Genesis at Kuya Adam.
"Hindi lang kasi alam ni Kuya Genesis na hindi talaga fiancee ni Kuya Adam si Sky"
Ani ko. Nakwento ko kasi sa kanila na kinidnap o pinilit lang ni Kuya Adam si Ate Sky na maging fiancee.
"Hmm, akala niya siguro na binayaran lang ni Adam si Sky-noona"
Tumango ako sa sinabi ni Cronix. Ayaw kasi sa lahat ni Kuya Genesis ay yung mga babaeng mukhang pera. Gold digger. Dahil naalala niya lang yung babaeng pinagpalit siya sa pera.
"Kaso mali pa rin yung ginawa ni Knight. Ikaw ba naman hagisan ka ng pera sa mukha. Tsk. Nakaka-offend yun"
Iling iling na saad ni Range. Tama rin naman siya. Bakit naman kasi ginawa pa ni kuya Genesis yun kay Ate Sky?
Mag-i-strum na sana ako sa kalong kong gitara ng mag ring ang phone ko. Si Kuya Smith.
"Hello Kuya? "
"Skyline Imperial's Mansion now, urgent"
"May rehearsal pa kami"
Saad ko. Tutugtog kami mamaya sa isang event.
"Ok, asahan mong wala ka ng mana at ipapasabog pa ang Music Room niyo sabi ni Don Matthew"
"Tsk. Fine pupunta na ako. "
Ako na ang nagpatay ng tawag. Tumayo na rin ako kaya tumingin sa'kin ang dalawa.
"I-cancel niyo na lang ang concerto natin mamaya. Hindi ako makasama dahil kailangan kong umuwi sa SIM"
"Ok"
Nag-paalam na ako sa kanila at umalis na.
Ano naman kayang meron ngayon sa SIM?