Nakarating kami sa bahay ni Karl makalipas ng 30 minutes dahil na rin sa traffic. Marami pa lang inimbita itong si Karl dahil marami ring estudyante ang nasa bakuran nila. Ang iba sa mga ito ay mga kaklase namin at ang iba naman ay hindi ko na mga kilala. 
Malaki ang bahay nila Karl. May sarili silang swimming pool, dalawang garahe, isa sa harap at isa sa likod. Maaari mo na itong matawag na mansyon sa laki nito. Iba talaga kapag maraming pera. Balita ko ay nagmamay-ari ng malaking kompanya ng mga mamahaling sapatos ang mga magulang ni Karl kaya gan'to ang nakagisnan niyang buhay. 
Hindi naman kami masyadong close, kung hindi ako gustong isama ni Darwin ay hindi na lang dapat ako pupunta. Nagkakausap lamang kami paminsan-minsan pero mabait naman si Karl kaya marami siyang nagiging kaibigan.
Dumiretso kami ni Darwin sa loob ng bahay nila Karl at mas lalo akong namangha sa loob nito. Don't judge a book by it's cover huh? Napakalaki ng chandelier nilang kulay white and gold, ang kanilang spiral staircase ay kulay white na may mix din ng gold. 
Malaki ang living room at mula sa pinto papasok ng bahay ay kitang kita mo ang lahat, ang kitchen, ang dining, at ang mga kwarto sa second floor. Mas marami ang tao sa loob kaysa sa labas. Pati mga seniors ay inimbitahan din.
Madaming pagkain ang nakahain sa dalawang malaking lamesa. Akala mo ay may fiesta at napakaraming tao at pagkain. Sa kabilang banda, mayroon naman akong hinahanap na ang hirap makita. Ang bagay na hindi dapat nawawala sa isang handaan o kahit sa anong klaseng party. 
"P're, alam mo kung saan nila nilagay yung shanghai?" tanong ko kay Darwin habang nagmamasid pa rin sa mga pagkain. Binatukan ako ni Darwin at bahagyang natawa sa sinabi ko. 
'Di porket isang taon ang tanda niya sa akin ay papayag akong batukan niya no! Kaya binatukan ko rin at parehas kaming natawa. Pinagtitinginan na kami kasi kami lang ang maingay.
"Sino ba ulit ang may birthday?" tanong kong muli kay Darwin habang nagpaplastik ng mga shanghai para ilagay sa dala kong bag. Si Darwin naman ay kinukuha 'yung mga chocolate para ilagay rin sa dala niyang bag. 
'Ang tindi niya rin eh no? Hindi man lang nahiya sa may-ari.'
"Yung kambal ni Karl," sagot ni Darwin habang inaayos ang mga chocolate sa kanyang dalang bag. Hindi man lang tinatago baka may makakita sa kaniya at baka palabasin kami rito. Kakaltukan ko 'to mamaya eh. 
'Pero wait.... May kambal si Karl?'
"May kambal si Karl? Ngayon ko lang nalaman iyon ah," sabi ko habang nginunguya ang fried chicken na hawak ko.
"Teka nga... Pa'no mo nalamang may kambal si Karl?" nagtatakang tanong ko sa kaniya pero hindi niya ako magawang tingnan at namumula siya. Hindi niya ako sinagot sa tanong ko at kumuha na lang siya ng juice. Siguro ito 'yung pinagkakaabalahan niya these past few weeks kaya pala hindi ko na nakikita kapag end ng class.
'Hanep. Bros before hoes tapos may kinikita pala kaya hindi nakakasama sa'kin. Taksil.'
Kukulitin ko sana ulit siya pero tumigil ang lahat sa kani-kanilang ginagawa nang biglang may nagsalitang babae sa unang baitang ng spiral staircase na may kasamang isang hindi gaano katandang lalaki na sa tingin ko ay asawa nito.
"Hello everyone! How are you enjoying this party?" Nagsigawan ang lahat kaya muling umingay. Nainis ako dahil hindi naman sinabing sumigaw.
"I hope you like it. For this event we will be celebrating my daughter's birthday and her marriage to the son of Eduardo and Eleanor Cuevista! But of course, the marriage will be after my daughter's studies however, we still have to celebrate! May I introduce to you the heiress of Fuego Company, Carissa Fuego!" Nagsipalakpakan ang mga tao pagkatapos ng pagsasalita ng babae na mommy pala ni Karl.
Nilingon ko si Darwin at nakita ko siyang nakayuko habang iniikot ang wine glass na may lamang red wine at nakaigting ang kaniyang panga. 
Hindi ko na lamang siya pinansin at tinuon na lamang ang aking atensyon sa pababang si Carissa kasama ang lalaking nasabing pakakasalan nito. Tulad nga ng inaasahan ay maganda nga ito. Maputi at makinis ang kanyang balat at lalo pa itong nakita dahil sa silver gown na suot nito. 
Parehas sila ng kaniyang kapatid na mayroong hitsura kaya hindi na bago kung maraming nagkakandarapa rito. Parehas nilang nakuha ang kanilang hitsura sa kanilang ama na may lahing espanyol dahil sa apelyido pa lamang at sa hitsura rin nito ay mahahalata mo na.
Tatawagin ko sana si Darwin para lumapit pa pero wala na siya sa tabi ko. Luminga-linga ako para hanapin siya pero hindi ko talaga siya makita. Nakapagtataka ang kikinikilos ngayon ni Darwin simula nang banggitin ko ang tungkol sa kapatid ni Karl. Ako na lamang mag-isa ang lumapit para mas lalong makita ang kapatid ni Karl. Baka nagpahangin lang si Darwin.
Mahahalata mo sa mga mata ng mga tao ang paghanga sa pagbaba ng tila isang diwata. Bagay silang dalawa ng kahawak kamay niyang lalaki dahil diwata si Carissa... 'yung lalaki naman ang duwende.
"And Elladan Cuevista!" Nagpalakpakan muli ang mga tao at muling umingay ang paligid.
Nang matapos ang pagpapakilala sa diwata at duwende ay nagsimula na ulit sa kwentuhan ang mga tao. Kumuha ako ng lechon at chicken dahil minsan lang ako makakain ng ganito kaya dapat sulitin na. Nagbalot na rin ako para sa aking kapatid pag-uwi.
Habang kumukuha ako ng pagkain ay lumapit sa akin si Karl na may kasamang dalawang babae sa magkabilang gilid nito at nakaakbay pa siya rito. 
'Super-friendly pala talaga si kuya mo Karl.'
"Hello, Hades! Kanina ka pa ba rito? Bakit hindi mo ako sinabihan?" sunod-sunod na tanong nito sa akin. Kinausap niya ang dalawang babae at biglaang umalis ang mga ito.
"Hindi naman na kailangan at mukhang... busy ka naman," pagpilosopo ko sa kaniya na agad niyang ikinatawa.
"Bro, I'm not like that! Nasaan nga pala si Darwin, hindi ba siya nakapunta?" tanong niyang muli sa akin habang lumilinga-linga.
"Hindi ko nga alam eh, bigla na lang umalis nang hindi nagpapaalam, tampururot," sagot ko sa kaniya habang sumusubo ng mga pagkain ko. 
"Ganoon ba? Sige, pakisabi na lang na mag-enjoy siya rito. Sabihan mo lang ako kapag meron kang kailangan ah? Sige," sabi niya bago umalis at bumalik sa mga chicks niya. Hindi niya na ako hinintay pa na sumagot. 
Habang naglilibot ako at naghahanap ng mga desserts ay may nakasalubong akong dalawang babae na sa tingin ko ay kasing edad ko lang din at gusto siguro nilang makipagkaibigan sa akin.
"Hello, handsome! You look good!" nakangiting sabi ng babaeng morena sa akin. Naka simple white shirt lamang ako at pair ng maong jeans. Hindi ko alam kung anong sasabihin ko dahil hindi naman akomahilig makihalubilo.
"You look wonder—" hindi ko na naituloy ang sasabihin ko dahil pinutol ako ng isa sa kanila.
"Ful? Thank you, and I'm aware of that! See you later then, cutie!" Kinindatan niya pa ako bago sila umalis sa aking harapan. Umiling na lamang ako sa kanila.
'Not wonderful. Wonder Pets.'
Kumuha pa ako ng last batch ng pagkain at pagkatapos ay nagpahinga. Nakipag-usap din ako sa iilang lumalapit sa aking mga kaklase ko kahit pilit. Lumipas na ang 30 minutes pero wala pa rin talaga si Darwin kaya napagpasiyahan ko na siyang hanapin. Pagabi na at kailangan na naming umuwi dahil naghihintay sa akin si Princess.
Nilibot ko ang buong loob ng bahay pero hindi ko siya makita roon kaya lumabas ako at doon naghanap. Mas lalong dumami ang mga tao sa labas siguro dahil maggagabi na at magandang oras ito para mag-party at ito na ang oras para magliwaliw nang sobra.
"Niko, nakita mo si Darwin?" tanong ko sa kaklase ko na naglalaro ng bilyar sa likod ng bahay nila Karl.
"Hindi bro, sorry." pagsagot niya sa akin. 
"Sige, salamat." Nagmamadali na ako sa paghahanap sa kaniya dahil palubog na ang araw at hindi pa ako nakakauwi. 
'Siya 'yung mas matanda pero ako yung nas-stress eh.'
Magagalit na sana ako nang bigla ko siyang makita sa likod ng bahay na nakaupo sa isang puno at may babaeng kinakausap.
'Carissa?'
Nang saktong palapit na ako ay tumayo na si Carissa at umalis. Siguro ay papasok na ulit siya sa kanilang bahay. Dali-dali kong pinuntahan si Darwin para tanungin kung ano ang nangyari at bakit sila nag-uusap dalawa.
"Darwin anong ginagawa mo rito? Kanina pa kita hinahanap!" Pagsugod ko na nagpagulat sa kaniya. Ano kaya ang pinag-usapan nila? Bakit parang anlaki ng problema niya? May kinalaman ba rito si Carissa? Marami akong gustong itanong kay Darwin ngayon.
"Sorry 'tol may iniisip lang," malungkot na sabi niya sa akin at tumingin sa mga ulap. Palubog na ang araw kaya magandang pagmasdan ang kalangitan. Umupo ako sa tabi niya at tumingin din sa napakagandang alapaap.
"P'wede mong sabihin sa akin yan 'tol kung gusto mo, hindi ko man maiintindihan pero handa akong makinig," seryosong sambit ko sa kaniya. 
We're best friends and I don't want my best friend to be hurt like this. I will stay and listen. Just like how best friends are supposed to be.