NAPAHAWAK si Ahrin sa ulo niya. Bigla siyang napaupo saka inilibot ang tingin sa kinaroroonan niya. Lihim siyang nagpasalamat ng makitang nasa loob siya ng apartment ni Morisse. Hay! Salamat naman. Akala niya nasa ibang bahay o planeta na siya.
Bumangon siya saka nakapikit na humarap sa salamin. Nang buksan niya ang mga mata niya ay nagulat pa siya ng makitang sobrang gulo ng buhok niya.
“Aray ko po!” Napahawak si Ahrin sa ulo niya ng biglang sumakit iyon. Hang over.
Medyo naparami ang nainom niya kagabi. Pagkatapos kasi ng trabaho nila ay niyaya pa siya ni Morisse na mag-boy hunting sa isang sikat na bar sa Laguna.
Hindi naman dapat siya sasama kung hindi lang siya nito pinilit ng pinilit. Kaya naman wala siyang nagawa kundi ang sumama nalang sa kaibigan.
Kaya naman ngayon, nagsa-suffer siya sa hang-over na 'yan.
Napalingon siya sa pinto ng bumukas iyon. Pumasok mula sa labas si Morisse. Nakatapis lang ito ng tuwalya at halatang bagong ligo pa lamang.
Nang tingnan siya nito ay napanguso pa siya. “Saan ka pupunta?”
Nakita niyang napaarko ang kilay ni Morisse dahil sa tanong niya. “Nabagok na ba ulo mo, teh? Sa tingin mo, saan ako pupunta?” Nameywang pa talaga ito.
Napangiti naman siya. “Date mo?”
“Date?! Anong date ang sinasabi mo? Hoy, ateng! Hindi ka naman nabagok kagabi di ba? Bakit nakalimutan mong may trabaho pa tayo ngayong araw?” Tinaasan siya nito ng kilay. “Aba'y kilos na! Magbibihis lang ako.”
Mapamulagat ng mata si Ahrin. Shocks! Ba't nakalimutan niyang may trabaho pa pala silang dapat asikasuhin. Naman oh!
Mabilis siyang kumilos. Naligo muna siya bago kumain ng agahan. Kailangan niya palang tawagan si Pektra upang makausap niya ang kanyang ama.
Nakalimutan niya kasing tumawag kagabi dahil sa labis na kalasingan. Baka nag-aalala na sa kanya ang ama at si Aivan.
Pagkatapos niyang maligo ay nagbihis na siya. Hinanap niya ang bag niya saka dinial  ang number ni Pektra. Kakamustahin niya lang si Aivan. Buti nalang at Sabado ngayon kaya wala itong pasok.
“Hello, Ate Rin?”
“Hello, Pektra. Pasensiya na kung napatawag ako. Kakamustahin ko lang si Aivan. Ayos lang ba siya?”
Nakarinig siya ng tawanan sa kabilang linya. “Opo, Ate. Nandito po si Aivan sa bahay ngayon. Nanonood sila ni Peter ng cartoons.”
Lihim siyang nagpasalamat. Pagkuwan ay naalala niya ang ama. “Si Itay? Nandiyan ba siya?”
“Nasa bahay niyo po, Ate Rin. Gusto mo pong makausap?” Ani nito sa kanya.
“Hindi na, Pektra. Pakisabi nalang na tumawag ako sayo. Mamayang hapon pa ako makakauwi diyan. Salamat...” Nang tumango ito ay pinatay niya na ang tawag.
Pagharap niya ay saktong lumabas naman si Morisse mula sa silid nito. Naka-croptop ang loka! Pinarisan pa nito ng maong pants na medyo kupas ang kulay.
“Buti tapos ka ng maligo. Sino pala ang tinawagan mo?” tanong nito sa kanya.
Pinulot niya ang suklay na nasa itaas ng mini table saka humarap sa salamin. “Si Pektra. Yung kapitbahay namin. Kinumusta  ko lang sina Aivan at Itay. By the way, anong oras tayong umuwi kagabi?”
Tumabi si Morisse sa kanya. “Hindi ko na din matandaan.” Tumayo na ito saka naglagay ng lipstick. “Alis na tayo. Baka masabon tayo ni Madam ng wala sa oras.”
Pagdating sa Yhumz, agad silang nagbihis ng uniporme nila. Naghilamos na din siya upang mas mahimasmasan pa.
Pakiramdam kasi ni Ahrin ay medyo lasing pa din siya ng mga sandaling iyon. Hindi talaga siya sanay uminom ng mga hard drinks.
Kung di lang siya pinilit ni Morisse, hindi naman talaga siya sasama.
“Ahrin...”
Napahinto siya saka lumingon sa taong nasa likuran niya. Si Tanya.
“Bakit?” Agarang tanong niya dito. Nang pasadahan siya nito ng tingin mula ulo hanggang paa ay napairap nalang siya.
“Madam wants you in her office. ASAP.” Ani nito sabay talikod at lakad palayo.
Napabuntong-hininga siya ng malalim. Kahapon pinatawag din siya ng manager nila. Tapos ngayon pinatawag na naman siya?
“Hay!” Saka siya naglakad patungo sa office ng manager nila.
“SORRY I'M LATE.”
Nakita niya ang pagsimangot ni Aemy dahil sa sinabi niya. Humila ng upuan si Rhum at tumabi ng upo dito.
“Where have you been, son? Kanina pa tawag ng tawag si Aemy sayo pero hindi mo man lang sinasagot. Nagka-problema ba sa company?” Tanong ng mommy niya. Si Mrs. Reika Fontabelli.
“Wala naman. May appointment lang akong tinapos kaya natagalan ako. Traffic din kasi. Sorry.”
Tumango lang ang mommy niya. Muling binalingan ni Rhum si Aemy. Wala kasi itong imik na nakatitig lamang sa pagkaing nasa harapan nito.
“Are you okay?” He asked. Doon lamang ito tumingala sa kanya.
“H-huh?” Wala sa sariling sagot nito. Napailing si Rhum at hinawakan ang kamay nitong nakapatong sa mesa.
“I'm sorry, babe. Masyado akong naging busy sa office this past few days. I'm really sorry...”
Nakita niyang nangilid ang luha sa mga mata nito. Pagkuwan ay yumakap sa kanya. “I'm sorry din...”
Hindi niya pinansin ang paghingi nito ng sorry at muling humarap sa mommy niya.
“I'm sorry, Mom. By the way, how's Dad?” Tanong niya sa mommy niya. Inilapag nito ang kubyertos sa plato saka nagpunas ng tissue sa bibig.
“Don't worry about him, son. Your dad is doing okay. Hindi nga lang siya sumama sa lunch date natin ngayon kasi marami din siyang inaasikaso.”
He nodded.
“When is your wedding nga pala? Wala pa ba kayong balak na magpakasal?” Pagkuwan ay natanong ng mommy niya. Bumaling ito kay Aemy.
“Aemy, hija?”
Napatingin sa kanya ang kasintahan. Tila humihingi ng tulong. He sighed. Honestly, hindi pa nila ito napag-usapan. Kung siya lang ang masusunod, siguro noon pa ay nag-propose na siya kay Aemy. Pero ayaw niyang pangunahan ang kasintahan niya.
Gusto ni Rhum na sabay nilang pagdesisyunan ang bagay na iyon.
“Ahmm...”
“Actually, hindi pa po namin 'yan napag-usapan ni Aemy, Mom. Lalo na ngayong may pinermahan pa siyang kontrata sa Paris.” Sagot niya sa ina.
Hindi ito sumagot. Tipid lamang tumango at muling nagpatuloy sa pagkain.
Napabuntong-hininga siya ng malalim. He knows how much his mother dreamed to have a grandchild. But he can't give her a grandchild as easy as he wants. Lalo na't nagtatrabaho sa isang sikat na modelling industry si Aemy.  She needs to maintain her body figure.
Katahimikan. Walang nagsalita sa kanila. Tanging tunog lamang ng kutsara't tinidor ang maririnig.
Napahinto siya sa pagkain at siya na mismo ang bumasag ng katahimikan. “Ahermm!”
“Are you okay, Rhum?” Baling sa kanya ni Aemy. Ngumiti siya dito at tiningnan ang mommy niya.
“I'm going home tomorrow pala, Mom. I'm going to visit Lolo Grandpa. Na-miss ko na po kasi siya...” Ani niya sa ina.
Napangiti ito sa sinabi niya. “I'm happy to know na uuwi ka nang mansion bukas. I'm sure that your Lolo Grandpa misses you so much.”
Bumaling ang mommy niya kay Aemy. “You can come with him, hija. I will be glad to see you there tomorrow.”
Nagpunas ito ng tissue sa bibig saka tumayo. “By the way, maiwan ko na kayo. Pupuntahan ko pa yung amiga ko sa Larzon. May importante kaming pag-uusapan.”
Lumapit ito sa kanya sabay halik sa pisngi niya. “Goodbye, son. See you there tomorrow. And you too, hija. Please take care of my son. Bye!”
Sinundan nila ng tingin ang mommy niya hanggang sa makalabas ito ng Yhumz restaurant.
Napangiti siya at binalingan si Aemy.
“So, what now? May importante ka bang pupuntahan ngayon?” Bigla niyang naitanong sa kasintahan.
Bahagyang kumunot ang noo nito. “Why? Don't you want me here?” Tanong nito sa kanya.
“No! It's not like that, babe. Baka kasi may importante ka pang dapat gawin. Ayoko lang na maging sagabal ako sa mga gawain mo. I know just like me, you're always busy on your career.” Paliwanag niya kay Aemy.
She smiled at him. “You're so sweet to me, babe. And yes, I have something important to do after lunch but it can wait. Let's spend our free time together for now.”
Tumango siya sa kasintahan saka kinuha ang kamay nito sabay halik dito.
“I love you...” He said to her.
“I love you, too.” She answered.
Napahagikhik pa ito bago binawi ang kamay.
“I really want to eat their pizza here. I'm craving for it!” Ani nito habang binabasa ang menu ng Yhumz.
“Order tayo?”
“Okay! One box of pizza is enough.”
Nangingiting tinawag niya ang isa sa mga waitress ng Yhumz para umorder ng pizza.
“NAPAGALITAN ka ba?” 'Yun ang unang pambungad ni Morisse sa kanya pagkalabas niya ng office ng manager nila.
Ngumiti siya ng tipid sa kaibigan. “Hindi. Tinanong lang ako kung bakit palagi akong late kung dumating last week. Eh, hindi ko naman maiwasang ma-late. Mahirap mag-abang  ng sasakyan sa liwasan. At hindi ko din naman pwedeng pabayaan na lamang si Itay at si Aivan di ba? Hay!”
Sabay silang naglakad pabalik sa main area ng Yhumz. Marami silang customers ngayon kasi weekend. At dahil isa sa mga sikat na restaurant, kadalasang bigatin ang mga kumakain nilang customers.
Nakita nila ang papalapit na si Kaila. May dala itong tray ng pagkain.
“Ahrin, pwede bang ikaw nalang ang umasikaso doon sa table 12. At doon naman sa table 34 si Morisse.” Sabi nito bago tuluyang magtungo sa kitchen ng restaurant. Dali-dali siyang nagtungo sa table 12 para asikasuhin ang order nito.
“Waiter!”
Lumapit siya sa lamesa ng mga ito. “What's your order Ma'am and Sir?”
“Ahmm... One box of pizza please and two  lemon juice. Thank you!” Masiglang sabi nung matandang babae. Ngumiti muna siya sa dalawang matanda bago tumalikod upang kunin ang pagkaing inorder nito.
Pagkatapos maihatid ang order ng mga ito ay marami pa siyang inasikaso.
Order dito, order doon.
Kaya naman pagkatapos ng trabaho ay sobrang pagod siya. Pakiramdam ni Ahrin ay lalagnatin siya sa sobrang pagod. Pero hindi niya ito inantala. Hindi lagnat o sakit sa ulo ang magpapatumba sa isang Ahrin Santanino. Malakas siyang tao.
“Ayos ka lang, girl?” Tanong sa kanya ni Morisse. Nasa tinig nito ang pag-aalala. Tumango siya sa kaibigan.
“Ayos lang ako, Risse. Kailangan ko nang umuwi sa bahay. Walang ibang gagawa ng mga gawain kundi ako din mismo. Hindi pwedeng si Itay kasi may sakit siya. Mas lalong hindi si Aivan.”
Nagbeso-beso sila ni Morisse bago siya pumara ng taxi. ”Ingat ka, girl... Babye!”
“Mauna na ako sayo. Mag-iingat ka din. Bye!” Kumaway pa siya sa kaibigan bago tuluyang pumasok sa loob ng taxi.
Pagod na isinandal niya ang likod sa kinauupuan. Pagod na pagod talaga siya. Dumagsa ang customers nila kanina ng malapit nang mag 12 am. Lunch time kasi.
Ipipikit niya sana ng panandalian ang mga mata ng magsalita ang driver.
“Saan po kayo, Miss?”
“Sa Maaliwalas Street po, manong. Salamat.”
Pagkasabi niya nun ay ipinikit niya na ang mga mata. Iidlip muna siya sandali. Kailangan na kailangan na niya talaga.
Napadilat siya ng maramdamang huminto ang taxi. Umayos ng upo si Ahrin bago sumilip sa labas ng bintana. Unang bumungad sa kanya ang posteng may nakasulat na 'Maaliwalas Street'.
Nagbayad siya sa driver at bumaba na ng taxi. Napatingin siya sa suot niyang relong pambisig. Malapit nang mag- alas onse ng gabi. Siguradong tulog na ang ama at ang kapatid niya.
Di bale. Babawi nalang siya sa mga ito bukas. Day-off nila every Sunday kaya maghapon niyang makakasama ang tatay niya at si Aivan.
Nang marating ang bahay nila ay kumatok siya ng tatlong beses. Sarado na ang ilaw sa loob kaya alam niyang tulog na ang mga ito.
Kumatok siyang muli. “Tay?”
Ilang katok pa ang ginawa niya bago bumukas ang pinto. Si Aivan ang bumungad sa kanya.
“Ate!” Niyakap siya nito. Kaya naman gumanti din siya ng yakap at hinalikan ang ulo nito.
“Bakit gising ka pa? Si Itay?” Tanong niya kay Aivan habang papasok sila sa loob. Ini-lock niya muna ang pinto saka iginiya ang kapatid pabalik sa kwarto nito.
“Kanina pa po tulog si Itay, Ate. Tulog na din ako kanina. Kaya lang nagising ako ng marinig ang katok sa pinto kaya ako nalang ang nagbukas...” Ani ng kapatid.
Napangiti naman siya. “Sige. Tulog ka na ulit. Goodnight, beh...”
“Goodnight, ate. Love you po.” Sagot nito at umayos ng higa. Lumabas na siya ng silid nito saka nagtungo sa kwarto niya. Pabagsak na nahiga siya sa kama at tumitig sa kisameng may maliliit na butas.
“Nakakapagod!” 'Yun lang at ipinikit niya na ang mga mata.