Sarah's POV
Tahimik na nag-lalayag ang isip ko habang nakatingin sa kisame, nang mag-sawa ay binalingan ko naman ang paikot-ikot na ceiling fan pero nang muling mag-sawa ay nakasimangot akong napataob sa kama.
Ipinikit ko naman ang mga mata ko pero dali daling napaupo ng marinig na mag-ring ang phone ko.
Sana si aiden, sana si aiden. Sana si aiden!
Pero kaagad nanlumo ang katawan ko ng makitang si kiva 'to, pero kaagad naman ding nawala dahil miss na miss ko narin sya.
Psh, ngayon nya lang talaga nagawang tumawag ha.
Sumimangot naman ako at dali daling napahiga sa kama bago sagutin ang tawag.
"BESTIEEEEE!!!" Pakislot kong inilayo ang cellphone sa tenga ko dahil sa lakas ng boses nya. Pakiramdam ko nabasag ng panandalian ang ear drums ko!
"A-ano ba! Ano ba! Ano ba!" Singhal ko ng maka-recover pero ang hintuturo ko sa kaliwang tenga ko. "Kailangan ba talagang naka-sigaw?!"
Aish! Hindi parin talaga sya nag-babago palagi paring gamit ang mala-megaphone nyang boses! Ang sakit nun ah.
"Ang sungit naman ng bestie ko oo! Tsh, meron ka 'no?" Tudyo nya pa dahilan para mapairap ako.
"Shut up and tell me what do you want." Pataray kong sabi dahilan para mapahagikgik sya sa kabilang linya bagay na lalong ikina-simangot ko.
"Ito na nga, nag-confess sakin si roi! Omg!! Kyaaaah!!" Tili nanaman nya dahil para papikit kong mailayo ang cellphone ko sa tenga.
"P-pwede ba?! Wag ka ngang sumigaw ang sakit kaya sa tenga! Para kang biik na kinakatay!" Pasiring ko pang iniwas ang tingin ko sa book shelves na nandito sa kwarto ko.
"Ugh! You're so mean bestie! Okay, okay" Tumikhim pa muna sya bago muling mag-salita. "Si roi omygosh nag-confess saakin! Like omg talaga hindi ko ine-expect yon sarah! Like, what?! Si roi may gusto din pala saakin? Omg talaga! Kyaaah!" Paimpit nya ng tili, yung hindi na masakit sa tenga.
Napabuntong hininga naman ako sabay patagilid na humihaga, iniyakap ko rin ang unan ko.
Si roi francisco, ang ultimate crush ni kiva simula pa high school. At talaga sigurong umaayon ang tadhana kay kiva dahil nag-kataon ding lumipat sa states si roi. Hindi ko na nasundan ang love story nila dahil nasa states nga sila.
Ikinweto naman saakin ni kiva kung paano sila nag-kaaminan. Niyaya daw ni roi si kiva sa isang romantic place sa states at doon nag-confess. Hindi ko maiwasang mainggit dahil ang ultimate crush nya ay nag-confess narin sa kanya.
"Ako kaya..kailan ko kaya mararanasan yan kay aiden.." Wala sa sariling usal ko dahilan para matigilan si kiva kakadada, maging ang pag-impit na kilig nya ay nawala dahilan para mapatikhim ako.
"Ano ka ba naman bestie, wag kang mawalan ng pag-asa 'no. Ako nga na hindi sobra sa kagandahan, matalino lang at mayaman nagustuhan ni roi? Ano ka pa kaya?" Pag-papalakas ng loob nya saakin pero nadagdagan lang ang lungkot ko.
"Alam mo naman diba, natin na hindi naman ganon yung ideal girl ni aiden. Ang gusto non ay yung babaeng babae, yung..matalino, matured mag-isip." Muli akong napabuntong hininga matapos sabihin yun dahilan para matahimik sya.
Sana nga ganun din kadali para magustuhan din ni aiden. Kainis kasi! Kung hindi ba naman kasi 100% manhid si aiden.
"Tsk, alam mo kasi sarah hindi ka naman mahirap gustuhin. I'm sure na palagi kayong mag-kasama, hindi malabong magustuhan ka din nyan. Habang wala pang nagugustuhan si aiden na babae makampante ka pa. Tsh, why don't you try to confess? Habang maaga pa. Hampas lupa ka din kasi napaka-baba ng lakas ng loob kaloka ka bestie" Singhal nya saakin dahilan para matawa ako.
Nag-patuloy lang kami sa pag-kekwentuhan hanggang sa mag-paalam na sa isa't isa dahil may mga kanya kanya pa kaming pasok kinabukasan. Natuwa naman ako lalo dahil sabi ni kiva ay uuwi sya sa birthday ko.
Gosh, i miss her so much.
Sa kalagitnaan ng pag-iisip ay napatingin ako sa gilid ko kung nasaan ang alarm clock. 10:03 pm na pala ng gabi pero hindi ako makatulog.
Nakailang palit narin ako ng posiyon pero hindi parin ako makatulog. Tumayo ako at lumapit sa book shelves kong maraming libro.
"Ang dami ko ngang libro pero ni isa wala man lang akong nabasa." Untag ko sa sarili habang patingin tingin sa libro.
Kagat labi ko namang kinuha ang isang pocket book na nasa pinaka-dulo ng book shelves. Dali dali akong umupo sa kama at nag-simulang mag-basa.
Lalong naantig ang atensyon ko dahil ang babaeng bida sa kwento ay may gusto din sa kaibigan nyang lalaki, gaya ko. Pero hindi ko inaasahan ang magiging ending dahil nang may mag-transfer na lalaki sa kanilang school ay sya namang hulog ng babae dito.
"Aish! Hindi naman ako papayag na may ibang magustuhan bukod kay aiden 'no!" Singhal ko at inis na naibato ang libro, sakto namang tumama ang libro sa book shelves dahilan para may mahulog na isa pang libro.
Masama ang tingin ko sa librong nabagsak pero kaagad nawala 'to dahil sa kakaibang itsyura ng naturang libro. Kaagad akong tumayo at dali dali itong pinulot.
Bakit naman may ganito akong libro?
Kung titingnan mo kasi ang libro na 'yun ay malayong malayo sa itsyura ng isang pocket book o ng librong nag-lalaman ng kaalaman.
Unti unti ko namang binuklat ang libro at agad naamoy ang kalumaan nito. Pinagmasdan ko ang libro mula unahan at likod.
"Tsk, sino naman kaya ang nag-lagay ng ganitong libro sa book shelves ko." bulong ko pa. Gusto ko pang matawa dahil sa nabasa.
"Here's the 10 ways to seduce your Girl/boy best friend." Natatawang basa ko pa. "Kalokohan, hindi ko alam na meron narin palang libro ng kalandian."
Seduce your boy best friend huh?
Mahigit kalahating oras akong nagbasa pero nang dinalaw na ako ng antok ay humiga na ako kama. Bukas ko na siguro ipag-papatuloy ang pagbabasa, dahil hindi ko na talaga kaya, malamang sa malamang ay puyat ako.
Zzzzzzzzz
KINABUKASAN ay hindi nga ako nag-kamali at muntik na akong mahuli ng gising. Ramdam ko parin ang antok, at gustong gusto ko pang matulog pero hindi na pwede dahil mahuhuli na ako sa klase.
Nang matapos mag-ayos para sa eskwela ay agad na akong bumaba para mag-breakfast, naabutan ko sila mommy at daddy na nagkakape kasama si ate shane.
"Good morning baby." Salubong saakin ni mommy. Bumeso ako kay mommy at daddy pati narin kay ate Shane.
"Good morning mom, dad, ate."
Umupo naman na ako at kaagad nag-sandok ng pagkain. Kailangan kong mag-madali dahil kung mag-kikilos pagong ako ay mahuli pa ako sa unang klase.
"How's your sleep, my princess?" Tanong ni dad. Nilunok ko muna ang kinakain ko bago sumagot.
"Ayos naman dad."
Pero kahit kulang ang tulog ko ay maganda parin ang gising ko hehehe. Sino ba kasing hindi gaganda ang gising gayung makikita ko nanaman ang pinaka-mamahal kong lalaki.
"How's your study hija?" Muli nanamang tanong ni daddy.
"Okay naman po dad, matataas parin naman po ang mga grades ko." Sagot ko sabay ngiti sa kanya dahilan para gantihan nya ako ng pag-kaganda gandang ngiti.
"Good, dahil pagdating ng araw, kayo ang mag-hahandle ng company natin." Masiglang sabi ni mom, napatingin naman kami sa isat isa ni ate shane at napailing nalang dahil paulit ulit sinasabi ni mom yang line nayan.
"Seriously mom? Kabisado nanamin yang line mo dahil lagi mong sinasabi yan." Pagtataray ni ate shane, napanguso naman si mom.
Tama.
"Oo nga naman hon, for now hayaan mo muna silang mag-enjoy, wag muna natin silang i-pressure dahil darating din sila dyan." Sermon ni dad kay mom, lalong humaba ang nguso ni mom, natawa naman kami dahil parang bata kung umasta si mommy.
"Okay..sorry na. I just, excited lang naman, you know."
Muli kaming nag-patuloy sa pag-kain. Panay naman ang sulyap ko sa relo ko dahil bente minutes nalang male-late na ako.
"Oo nga pala sarah, diba birthday na ni aiden next, next week? So what's your plan?" Natigilan ako sa pag-subo ng mag-salita si ate, maging sa sinabi nya ay natigilan ako.
Sumama ang tingin ko sa kanya nang makita ang nanunukso nyang tingin. Sya lang kasi bukod kay kiva ang may alam tungkol sa feelings ko para kay aiden.
Tumikhim muna ako bago magsalita. "M-malayo pa kaya. Pero, s-siguro bibigyan ko nalang n-ng regalo kasi.. paniguradong engrande ang birthday party nya."
Tumango tango naman sila dad and mom na para bang kumbinsido na sa sinabi ko. Muli akong tumingin kay ate shane ng masama pero bumungisngis lang sya.
"Ah! Una na po ako sa school, ma-le-late na po ako." Sabi ko at tumayo na nang matapos. Bumeso ako kay mom and dad bilang paalam, ganun na rin kay ate shane kahit naaasar ako sa pagiging matuksuhin nya.
Umakyat muna ako sa kwarto ko para kuhanin ang mga gamit ko. Agad kong kinuha ang bag at ilang mga libro ko ng makapasok na ako sa kwarto ko. Papalabas na sana ako dala ang gamit ko nang mahagip ng paningin ko ang librong binasa ko kagabi.
Agad ko itong kinuha at lumabas na sa kwarto.
"Bye mom, dad, ate." Paalam ko at kumaway na sa kanila.
"Ingat baby!" Si mom.
"Bye hija, mag-aral ng mabuti." si dad.
Napatingin ako kay ate Shane na nakangisi lang. Sinimangutan ko sya at lumabas na ng bahay. Naabutan ko si mang kaloy na inihahanda na ang kotse.
Kainis! Kapag talaga may napansin sila mom sa pagiging matuksuhin nya kapag si aiden na ang usapan lagot talaga sya sakin kahit ate ko pa sya.
Nang makita ako ay agad nya na akong pinag-buksan ng pinto ng kotse. Nang makasakay na sa kotse ay agad kong chineck ang phone ko. Agad naman akong napangiti ng may makitang message galing kay aiden.
Naramdaman ko nalang na unti unti nang umandar ang kotse paalis pero tutok ang paningin ko sa cellphone.
From: aiden<3:
hey, good morning. Don't forget to eat your breakfast. Take care!
Napangiti ako sa tinext nya na agad ko ding syang ni-replyan.
To: sarah;
Good morning too. Ingat ka sa pag-dadrive! Kitakits nalang sa school!
Malaki ang ngiti ko nang isend ang reply. Itinago ko naman na agad ang phone ko habang matamis na nakangiti sa kawalan. Buong buo na ang araw ko dahil sa message na yon.
Malaki talaga ang epekto saakin ni aiden.
Inayos ko naman na ang sarili ko nang makitang papalapit na kami sa parking lot ng school. Nang huminto ang sasakyan ay sya namang baba ko sa kotse.
"Ingat po kayo mang kaloy, salamat sa pag-hatid." Hindi ko na hinintay na makasagot si mang kaloy at dali dali nang tumakbo papasok sa university.
"Good morning po." bati ko sa guard, ngumiti naman sya sakin at bumati rin.
Maganda ang gising ko ngayon kaya sana naman ay walang sumira. At sana lang ay wag kong makasalamuha ang baklitang sha-sha na mortal enemy ko.
Nang makarating sa classroom ay dali dali naman akong naupo at nag-hintay nalang sa prof na darating, hindi naman nag-tagal ay dumating narin ito at nag-simulang mag-turo.
"Okay class, try to feel your heartbeat. Ipikit nyo ang mga mata nyo, isipin nyo ang taong gustong gusto nyo..at kapag nag-simula itong tumibok ng sooobrang bilis, doon nyo malalaman na inlove na inlove kayo sa taong 'yun!" Napangiwi naman ako ng palihim dahil sa ka-kornihan na sinabi ni prof castro.
Seryoso?
Unti unti ko namang inilibot ang paningin ko, ganun ang ginawa ng mga kaklase ko. Nakapikit pa ang mga loko't loka habang nakalagay ang kanang kamay sa tapat ng dibdib at parang asong ulul na napapangiti pa.
Napailing nalang ako at ginawa ang sinabi ni prof. Inilagay ko ang kanang kamay ko sa tapat ng dibdib ko at unti unting ipinikit ang mata, unti unti ring rumihistro ang gwapong mukha ni aiden sa isip ko dahilan para kumabog ng paunti unti ang dibdib ko.
Lunok!
S-seryoso ba 'to?! Bakit ang bilis naman yata ng heart beat ko habang iniisip ko ang mukha nya? Inlove na nga ba ako sa kanya?
Sunod sunod ang naging pag-lunok ko at itinigil ang ginagawa. Muli akong lumingon sa mga kaklase ko, pawang kinikilig ang mga siraulo.
"Ano class? Gumana ba?" Nakangising tanong samin ni prof. Nagitla naman ako ng mapatingin sya sakin dahilan para mag-iwas ako ng tingin.
Wag nyang sabihin may nalaman sya? Sus, kalokohan yan.
"Yes prof!" Kinikilig pa nilang sagot pero nanatili akong nakayuko at tikom.
"My gosh! I knew it!"
"Should i confess to him?"
"Kyaaah i'm inlove!"
"I knew that he loves me too."
"My heart!"
Palihim naman akong napasinghal sa kanya kanya nilang komento. Hindi na ako mag-tataka dahil boses pa lang nila halatang inlove na inlove nga sila.
Nag-kanya kanya pa silang tili at palitan ng komento dahil sa nangyari.
Psh, masyadong mga oa.
"Is there something bothering you, ms. silvestre?" Napaangat naman ako ng tingin ng biglang lumapit si prof castro saakin na nakahalukipkip pa.
Mabilis akong umiling sabay lunok bago sumagot. "Of course none prof."
"Hmm i see." Tumatango tango nyang sagot pero nakangisi parin bago ako talikuran at muling pumunta sa harap para muling mag-turo tungkol sa puso.
Tahimik lang akong nakinig, mabilis na pumatak ang oras at narinig na namin ang bell.
"Okay class, we don't have time to end this discussion. Maybe we will continue this tomorrow. Thank you for listening and see you tomorrow." Paalam ni prof castro na mabilis na nakalabas. Napabuntong hininga naman ako at napag-desisyunang lumabas narin bitbit ang gamit.
Dumiretsyo naman ako sa locker ko para ilagay ang iilang gamit ko, kinuha ko naman ang iba na gagamitin ko sa susunod na subject pero natigilan ako ng makita ang libro na binasa ko kagabi, muli akong napabuntong hininga at wala sa sariling ipinasok 'to sa locker bago mag-simulang mag-lakad paalis.
"Hayst, paano ko na haharapin nito si aiden. Nakakahiya! Inlove na nga talaga ako sa mokong na 'yun. Tsk, akala ko nasa gustuhan stage palang ako."
Napahinto naman ako sa pag-lalakad ng may makitang apat na pares ng paa sa lupa. Unti unti ko namang inangat ang tingin ko at kaagad nag-salubong ang paningin namin ni sha-sha.
"Ano sarah? Natuluyan ka na ba? Geez, you're creeping me out! Nag-sasalita mag-isa?! Omygosh creyzey!" Kunwaring natatakot nyang tili dahilan para mag-tawanan sila ng mga kasama nya.
"Ano nanaman ba 'to ha baklita? Oo kausap ko sarili ko, pinag-iisipan ko kung paano ko kukulamin ang intrimatidang baklang gaya mo!" Singhal ko dahilan para mag-simula nanamang mangu-sok ang ilong nya.
Siraulo, lalapit lapit tapos puputok sa galit kapag napikon. Wala naman sigurong gusto sakin 'to 'no?
Napangiwi naman ako sa pandidiri dahil sa naisip.
Yak noh! Kahit lalaki sya tingnan walang wala sya sa kalingkingan ni aiden, baka nga libag lang 'tong isang 'to.
"Tell me, where's aiden?" Tanong nya dahilan para muli akong mapabaling sa kanya. Kitang kita ko ang sobrang taray nyang kilay.
"Aba ewan ko. Bakit mo sakin hinahanap? Mukha bang hanapan ako ng mga taong gwapo?" Singhal ko.
Mag-sasalita na sana sya pero nagulat ako ng may umakbay saakin. Amoy palang nya, nag-sisimula nang mag-hurumentado ang dibdib ko.
"Nandyan ka pala sarah kanina pa kita hinahanap." Namamaos nyang sabi saakin dahilan para mapalingon ako sa kanya. Ganon nalang ang naging pag-lunok ko ng makitang halos dalawang dipa nalang ang layo at mag-dadampian na ang labi namin kaya dali dali akong nag-iwas ng tingin sabay lunok muli.
K-kalma heart..
"Oh, hi there. Nandyan pala kayo gavin." Rinig kong baling ni aiden sa kanila. Bahagya pa akong natawa dahil sa tawag ni aiden kay sha-sha.
Gavin? Pfft lalaking lalaki ah.
Nakahinga naman ako ng maluwag nang maramdamang lumayo na sakin si aiden kaya muli akong sumulyap kila gavin na ngayon ay masama na ang tingin saakin, pasiring pang inalis ang paningin sakin bago bumaling kay aiden.
Nabigla naman ako ng bigla syang pumagitna saamin ni aiden dahilan para mapaatras ako at muntikan pang mawalan ng balanse.
"Ano ka ba aiden, it's sha-sha, hmm? Not gavin, ugh!" Maarte nyang saad habang nakalingkis pa sa braso ni aiden. Napairap naman ako sa kawalan sabay iling.
"Ah..hahahaha s-sure sha-sha." Pilit na sabi ni aiden sabay bawi ng braso nya at lapit sakin.
Napangisi naman ako kay sha-sha na ngayon ay masama na ang tingin saakin.
Ano ka ngayon? Nasa akin parin ang huling halakhak! hahahaha!
"If you don't mind, mauna na kami. S-see you later." Paalam ni aiden sa kanila sabay hatak saakin paalis sa harap nila. Wala naman akong nagawa kundi ang mag-patianod sa hatak nya.
Wala naman kaming imik na pumunta sa cafeteria. Palihim ang sulyap ko sa kanya pero sya ay nakatingin lang sa kawalan habang nasa kabilang bulsa ang kamay. Ang gwapo gwapo!
"Sarah.." napahinto naman ako sa pag-lalakad nang tawagin nya ako, kunot noo ko pa syang tiningnan dahil masyado syang seryoso. Maging sya ay napahinto sabay lingon saakin.
A-ano bang nangyayari sa kanya?
Masyado talaga syang seryoso, ang daming sinasabi ng mga mata nya habang nakatingin saakin.
"B-b-bakit?" Utal utal kong tanong.
Huminga muna sya ng malalim habang matiim ang tingin saakin bagay na lalong nag-pakaba sa dibdib ko. "May gusto ka ba sakin?"
Anooo?!
Literal na napanganga ako dahil sa tanong nya. Kung may mas inganga pa 'tong bunganga ko ay ginawa ko na sa sobrang gulat! Maging ang dalawang mata ko ay nanlaki maski sa gulat!
Nag-uunahan pa sa bilis ng tibok ang puso ko dahil sa tanong nya!
Natauhan lang ako ng bigla nyang isarado ang bunganga kong nakabukas parin dahil sa gulat. Tumikhim pa sya at muling tumitig sakin ng deretsyo.
"May gusto ka ba kako sakin?"
Wala sa sariling naibuka ko nanaman ang bunganga ko. "B-bakit.."
Dali dali akong natauhan sa nasabi ko at dali daling tumawa ng pilit kaya nag-mukhang tawa ng isang mang-kukulam.
"A-ano?! H-hahahahaha! Ano bang sinasabi m-mo dyan bro! Syempre w-wala hehe!" Pilit na tawag ko, bahagya ko din syang pinalo sa braso pero nanatili parin syang seryoso bagay na mas lalong nag-pakaba sakin.
Patay! Masyado ba akong obvious? B-bakit ang bilis naman yata nyang makahalata?
"H-hoy, ano ba kasing sinasabi mo dyan. Syempre w-wala." Mahinahon ko nang sinabi habang nag-kakamot pa sa sentido.
Rinig ko ang pag-tikhim nya. "Talaga? Bakit?"
Nangunot naman ang noo ko dahil sa sinabi nya. Anong bakit?
"Huh? B-bakit?" Tanong ko dahilan para matigilan sya. Nag-iwas naman kaagad sya ng tingin sakin, halatang napahiya.
"I-i mean, kung hindi k-kita best friend mag-kakagusto ka ba sakin?" Muli syang nag-iwas ng tingin. Naibaba ko naman ang paningin ko at napatingin sa paa nyang sumisipa sipa sa lupa.
Ano ba kasing sinasabi nya dyan? Hindi kaya..hinuhuli nya lang ako? Whaaa!! Hinuhuli nya ako panigurado! Hindi pwede!
"S-syempre hindi 'no! H-hahahaha!" Natatawang kunwaring sagot ko, rinig ko ang pag-buntong hininga nya. "Ang gara ng mga mata mo, para kang mananakit!" Sabi ko habang nakatingin sa mata nyang sobrang lalim. Napalunok naman ako ng mag-tama ang paningin namin. "Hindi ko gusto yung labi mo masyadong manipis! Yung ilong mo sobrang tangos, gusto ko yung katamtaman lang! T-tsaka yung mukha mo sobrang g-gwapo, gusto ko yung n-normal lang. Y-yung amoy mo sobrang bango, gusto ko y-yung katamtaman lang din 'no. Kaya sa madaling salita, gusto ko nang simple ayoko ng hayop sa gwapo!"
Hinihingal hingal pa akong huminto sa pag-sasalita. Kita ko ang unti unting pag-sama ng mukha nya habang nakatingin saakin.
"Napaka-mapanlait mo talaga!" Inis nyang singhal saakin. "Tara na nga!"
Nakahinga naman ako ng maluwag at tatawa tawang sumunod sa kanya na diretso diretsyong nag-lalakad papuntang cafeteria.
"Hintayin mo 'ko hahahaha!" Habol ko pa pero hindi nya ako pinansin. "Lait ba yun? Eh pinuri na ngat lahat lahat! Baliw!" Bulong ko pa habang nakangising nakatingin sa malapad nyang likod.
Hay..akala ko katapusan ko na. Hanggat wala kang napapansin, hindi ako aamin sa nararamdaman ko aiden. never and never.
---------