Gusto kong maniwalang panaginip lang ang lahat ng ito. Na magigising din ako sa bangungot na ito.
Kung di man ako magising kahit si Justice nalang.
Hawak ko ngayon ang mga sulat na iniwan niya sa kwarto ko.
"Monday,
Tada! Surprise baby. Di mo siguro ako namalayan pero kasama mo akong mag-jogging sa village. Diba nga pinipilit mo si Ash pero di ka niya sinamahan? Totoo nyan sinabihan ko siya na wag kang samahan dahil gusto kong tayo ang magkasama, di ko nga lang sinabi sayo kasi ayaw mo pa kaming makita at baka sabihin ng dalawa na ang unfair ko kasi di ko sila sinama. Pwee, la akong paki sa kanila haha. Anyways, matapos natin mag-jogging ay nagsiuwian tayo pareho sa mga bahay natin. Pagkatapos nun ay wala na akong ibang ginawa kundi isipin ka buong araw. Alam mo kahit araw-araw, bawat minuto at bawat segundo ay hindi talaga ako nagsasawang isipin ka. Ikaw yata ang drugs ko kasi addict ako sayo. Wag kang mag-alala, poging addict to kaya di ka dapat matakot haha. Masyado na bang mahaba? Teka, putulin ko na nga lang to.
Okay lang ako, I mean kami. Dito kasi tumatambay sa condo sina Clark at Teen pati yung dalawa, hinihintay ka namin lahat na bumalik dito. Balik ka na please? Hehe. Sana wag kang macornyhan sa mga susunod ko pang isusulat. Take care of yourself, sabihin mo kay Ash na ipagluto ka niya masasarap na pagkain. I miss you na, at mahal na mahal na mahal kita baby. I love you Shane 😘
x, Justice"
"Atseh okay ka lang ba?" di ko namalayan na katabi ko na pala si Teen at nababasa na ng luha ko ang sulat.
Agad ko itong itinupi at ibinalik sa envelope. Tiningnan ko si Teen at pinilit ngumiti.
Kaya pala pakiramdam ko nun ay parang may nakasunod sa akin pero kapag lumilingon ako ay wala naman akong nakikita. Bakit di mo sinabing ikaw yun Justice? Edi sana nagkasama pa tayo nung panahong yun.
"H-Hindi ba talaga ako n-nanaginip Teen?" saka bumuhos ang mga luha ko.
Hanggang ngayon hindi ko pa rin matanggap na wala na siya. Gisingin niyo ako sa bangungot kong to.
Ang sama sama na ng panaginip kong ito kaya please wake me up inside.
"Teka lang atseh, kukuha kita ng tubig. Bawal ka mastress" sabi niya at tumayo na papuntang despenser.
Binuksan ko ulit ang envelope at kinuha ang isang letter.
"Wednesday,
Nagmumukha na akong stalker mo kakasunod kahit saan ka pumunta. Hulaan ko kung saan ka nagpunta? Edi sa favorite mall natin noon. Nagtungo ka sa isang botique kung saan sumukat ka ng iba't ibang damit and damn baby, you look really hot sa fitted blue dress na huli mong sinukat. Sana binili mo yun kasi bagay na bagay sayo, lalo akong nahuhulog sayo. Ayun na nga, pagkatapos mo dun sa botique ay patungo ka sa arcade pero may biglang lalaking bumungga sayo, tsumatsansing pa ang gagong unggoy dahil hinawakan niya ang kamay mo. Gusto ko na sana siyang puntahan at pagsusuntukin pero pinigilan ko ang sarili dahil alam kong magagalit ka. But I did something really embarassing to him, after niyang hawakan ang kamay mo at naglakad ulit palayo ay tinisud ko siya dahilan para bumagsak ang mukha niya sa sahig hahaha. What?! I didnt do anything, siya kaya yung tatanga-tanga. 😎
Anyways, namimiss na kita. Kailan ka ba uuwi dito sa condo? Nakakasawa na yung mga mukha nina Clark dito. Ikaw ang gusto kong makita bago sumikat ang araw at lumubog ulit ito kaya please, uwi ka na baby? Nakakabakla man sabihin pero parang hindi ko na yata kakayanin pa na hindi ka malapitan at mahalikan ulit. Wag kang magalit sa akin dahil sinusundan kita ha? Gusto ko lang makasiguradong okay ka at walang mananakit sayo. Ganyan kita ka mahal. Te quiero mucho my baby Shane, oh spanish yan ah. Akala mo si boy Kpop lang ang marunong ng ibang language, ako din kaya haha. Love love, matulog ka ng mahimbing. See you in my dreams, and wag kalimutan mag-pray. Okay?
x, Justice"
Nagmumukha na akong baliw dito, umiiyak pero nakangisi. Argh! Nababaliw ako sayo Justice.
"Yun pala yung pinagts-tsismisan ng mga tao dun sa mall..." mahinang sabi ko sabay tawa habang bumubuhos pa rin ang luha.
"Pinagtsismisan ang alin atseh?" pag-upo ulit ni Teen sabay bigay sa akin ng tubig. Kinuha ko nama ito at ininum bago siya sinagot.
"Naalala ko kasi nung nagpunta akong mall mag-isa tas may bumanggang lalaking sa akin pero wala lang sakin yun, after nun di ko alam na may nangyari pala sa kanya. Loko loko talaga tong si Justice eh" natawa kami pareho sa sinabi ko.
Natahimik lang kami pareho ng biglang may dumating na mga pulis. Nagtaka kami kung bakit sila nagpunta dito. Lumapit naman agad sina tita at parang may kinakausap. Sino kaya yun?
Sa paglapit nila ay unti unti kaming tumayo ni Teen para sana batiin sila pero may nagpapigil sa akin. Isang lalaking kinasusuklaman ko ngayon. May gana pa talaga siyang magpakita sa harapan ko pagkatapos ng nagawa niya at mga kasamahan niya kay Justice. Tangna.
"S-Shane im sor--*Pak* SORRY?! MAY MAGAGAWA BA ANG SORRY MO DAMON?!! HA? ANO?! HINDI SANA MANGYAYARI TO KUNG HINDI KAYO SUMUGOD SA KANILA! HAYOP KA! SARILI MONG PINSAN NA KAYA MONG PATAYIN. ANONG KLASENG TAO KA?! TAO KA BA? *pak*"
Inalalayan ako ni Teen mula sa likuran dahil nanghihina ako pagkatapos harapin si Damon.
"Atseh relax lang, baka mahimatay ka na naman muli. Mag-aalala si Kuya J nyan." sa sinabi ni Teen ay parang kumalma ako ng slight.
Umupo kaming muli at naglakad naman sina Damon kay Justice. Huminga akong ng malalim at pumikit.
Hindi ko alam kung kailan o kung mapapatawad ko pa ba siya sa kasalanan niya kay Justice. Masyado pang presko ang sugat sa mga puso namin.
Di pa ito basta-bastang naghihilom. Ang sakit sakit pa. Sobrang sakit mawalan.