Ang intense ng party kahapon. Buti nalang malakas ang alcohol tolerance ko kaya di ako bumagsak.
Nasa mall nga pala ako ngayon, gumagalang mag-isa dahil wala akong pasok ngayon sa trabaho. Dito lang ako nagpapalipas minsan ng oras kapag wala akong ginagawa. Halos naubos ko na nga lahat ng mga binebenta dito.
Charot lang yun.
Naglalakad ako ngayon papuntang English Resto para kumain. Habang naglalakad ay panay ang tingin ko left and right dahil marami na naman bagong store ang nag-open. Mamaya ko na to iw-window shop. Nyahaha.
Papasok na sana ako sa English Resto ng may biglang humawak sa balikat ko kaya napahinto ako at humarap sa taong nakahawak sa balikat ko.
"Zia? Ikaw na ba yan?" Di ko inaasahan na si Joaqx pala ang taong yun. Bigla naman nag-flashback ang alaala ng kahapon. Ang oa ko.
"Ikaw pala Joaqx, akala ko magnanakaw" Biro ko sa kanya. Niyakap niya ako ng mahigpit kaya sinuklian ko din ang yakap niya hanggang siya bumitaw na siya.
"Tara dun tayo sa loob mag-usap" yaya niya sa akin. Pumayag na ako dahil alam ko na makakalibre ako. Woh, walang mababawas sa pera ko ngayon.
Pagpasok namin ay pinaupo kami ng waiter sa isang mesa na medyo malayo sa ibang tao. Para kaming VIP dito.
Kinuha ko na yung menu at tumingin tingin sa mga pagkain nila. Napansin ko naman na nakatingin lang si Joaqx sa akin pero di ako nagpahalata.
"Mas lalo kang gumanda ngayon Zia." Napatingin ako sa kanya at ngumiti ng slight.
"Haha ano ka ba Joaqx, di naman masyado" pabiro kong sabi sa kanya. Ang seryoso kasi ng mukha niya. Parang ini-examine niya yung mukha ko.
Binalik ko ang atensyon ko sa menu para makakain na at finally may nakita na akong worthy na kainin. Beef Steak na meduim rare at mash potato. Yan lang naman ang kilala ko sa mga nakalagay sa menu.
"Kamusta ka na Zi? Grabe ang tagal na nating di nagkita ah" Pagsasalita niya muli. Hinihintay namin ngayon ang orders namin. Medyo matagal pa daw kasi.
"Eto, stable job and stable life. Ikaw?" matipid lang ang sagot ko dahil di naman kami close na gaya ng dati. Mahigit sampung taon na nung huli kaming nagkita.
"Ako? Kami pa rin ni Trixie kaya lang medyo nagkakalabuan na kami dahil may nabuntis akong babae" Na-shock ako ng slight sa sinabi niya dahil di inexpect na may anak na pala siya. Naalala niyo yung sinabi ko sa inyu na kahalikan niya noong birthday party? Si Trixie yun at ang galing dahil naging sila noong naghiwalay kami.
"Woah. Andaming nangyari sa iyo ha, may gusto ka pa bang ishare?" pag-eenlighten ko sa mukha niya. Malungkot kasi siya.
At yun na nga, kinuwento niya yung buong pangyayari kung bakit siya nakabuntis at kung anong mga nangyari sa kanya noong mga nagdaan na taon. Mag-iisang taon na pala ang baby niya, bunga yun sa kalasingan niya. Nagkaroon daw kasi ng party ang opisina nila at dahil nagkatuwaan ng masyado ay humantong ito sa di magandang pangyayari. May nangyari sa kanila ng katrabaho niyang babae dahil sa kalasingan nilang dalawa at pagkatapos nun ay sinabi niya kay Trixie ang nangyari.
"Hindi nga niya ako hiniwalayan pero di ko naman nararamdaman ang presensya at pagmamahal niya..." naiiyak niyang sabi. Nasa kanya ang anak niya dahil iniwan ito ng kanyang ina. Inaalagan nilang dalawa ni Trixie si baby Louis. Yun ang pangalan ng baby niya.
"Magiging okay din ang lahat Joaqx, tiwala lang. Kakayanin mo yan lahat" binigyan ko siya ng reassuring smile. Nakakapanibago kasi na palagi siyang malungkot. Sa aming dalawa kasi ako yung palaging nakasimangot noon at siya ang palangiti.
"Paano kaya kung hanggang ngayon ay tayo pa rin at anak natin si Louis, magiging masaya kaya tayo?" Natigilan naman ako sa sinabi niya. Dati kasi may mga plano talaga kami, alam niyo na lahat naman tayo may ideal plans in the future pero yun nga dahil nagbreak kami ay di natuloy ang mga plano namin.
"Haha matagal na tayong wala, wag mo ng balikan. Ang importante ngayon ay magkaayos kayo ulit ni Trixie para maalagaan niyo ng maigi si baby. Gusto mo tulungan kita?" Lumiwanag naman ang mukha niya sa sinabi ko. Sabi ko gusto niya lang magpatulong sa akin eh.
"Talaga? Thank you Zi. Tatanawin ko tong malaking utang na loob" Sa wakas ay dumating na din yung order namin at nagsimula na kaming kumain.
Pagkatapos namin kumain ay lumabas na kami sa resto at naglakad lakad muna sa mall ng ilang sandali. Magaan kausap si Joaqx at as usual ay di pa rin nawawala ang kagwapohan niya dahil lahat ng babaeng nadadaanan namin ay napapatingin talaga sa kanya.
"Alam mo Zi, ang swerte ng boyfriend mo ngayon sayo. Wala na siyang hahanapin pa dahil nasayo na ang lahat" Natawa naman ako sa sinabi niya. Kung alam mo lang Joaqx.
"Maswerte talaga siya pero yan ay kung nag-eexist siya..." natatawa kong sabi sa kanya.
"Single ka pa rin hanggang ngayon? Ibig ba sabihin nito ay di ka pa nakakamove-on sa akin? Haha" Hinampas ko siya sa balikat. Napaka-assuming talaga kahit kailan eh.
"Asa ka pa. Matagal na akong naka-move on sayo" Sabay tawa namin habang naglalakad.
Nakakatuwa dahil di ako mag-isa na namamasyal dito sa mall. Ang ironic pa dahil ex ko yung kasama ko.
"Naku, late na pala kailangan ko ng umuwi dahil gabi ang schedule ko kay baby. Thank you sa pagsama sa akin ngayon Zi at salamat din dahil tutulungan mo ako. Paano? Alis na ako." Niyakap niya ako ulit ng mahigpit.
"Wala yun, malakas ka sakin eh. Sabihin mo lang sa akin kung kailan tayo ulit magkikita kasama si Trixie at baby para makapag-usap kami" Bumitaw ako sa yakap niya at nagsimula ng maglakad palayo. Ayoko pa rin kasing umuwi sa condo.
Mag-isa lang ako dun at baka maalala ko na naman ang mga pangyayari ng kahapon ko. Medyo oa pa naman tong ate niyo.
"Zi! Maghanap ka na ng boyfriend!! Sayang ang ganda mo!!" Narinig kong sigaw ni Joaqx kaya lumingon ako sa kanya at sinamaan siya ng tingin. Ang dami kayang tao dito sa mall. Nakakahiya yung ginawa niya pero tinawanan lang niya ako saka tumalikod. Loko talaga.
Pfft. Masaya naman ako ngayon kahit wala akong boyfriend. Pero aaminin ko na namimiss ko din minsan ang pakiramdam na may boyfriend.