THE word unexpected is written on Kylie's face. Hindi talaga niya inaaasahan na hahalikan siya ni Joshua. Weird ang pakiramdan niya nang oras na iyon sapagkat hindi niya nagawang makapanlaban kay Joshua. Hindi normal para sa kanya ang manigas na lamang habang may umaabuso sa labi niya.
Napapailing na lamang siya kapag naaalala niya ang nangyaring iyon sa pagitan nila ni Joshua. For the first time ay hindi niya nagawang makapanlaban sa isang lalaki. Hindi niya tuloy malaman kung nabisto na ba ng young master niya ang tungkol sa lihim niya. Naihilamos na lang niya ang kamay niya sa kanyang mukha.
"Come on, hindi naman na naghihinala sa akin ang kumag na iyon eh." Ang pabulong na sabi ni Kylie sa kanyang sarili. "Aksidente lang ang namagitan sa amin."
Namula na lamang si Kylie nang naalala na naman niya ang naging marahang paggalaw ng labi ni Joshua sa ibabaw ng labi niya. Kinailangan pa niyang sampalin ang kanyang sarili upang mabura sa isipan niya ang halik na pinagsaluhan nilang dalawa.
Samantala...
Ganoon din ang nangyayari kay Joshua nang oras na iyon. Hindi rin niya maintindihan ang kanyang sarili kung bakit nagawa niyang halikan si Kyle. Hindi niya alam kung ano ang atraksyong nakita niya sa butler niya.
"Wag ka nang umasang mabibigyan ng malisya ang ganoong bagay." Sabi ni Joshua sa kanyang sarili. "Lalaki si Kyle eh. Babae rin ang hanap niya."
Walang kamalay-malay ang binata na may isang pares na ng mata na nakasubabaybay sa kanya nang oras na iyon. Mahahalata kaagad ang isang pilyong ngiti sa labi nito na nagpapatunay lamang na alam nito ang nangyari sa dalawa.
"I guess nababaliw na ako sa mga naiisip ko." Pangungumbinsi ni Joshua sa kanyang sarili.
"You'll never know if it is love or craziness kung hindi mo susubukang alamin, Joshua,” nangingiting sabi ni Don Emilio na nakatanaw sa dalawang kabataan na paalis sa mansyon.
"ARE you sure na okay lang para kay Joshua ang ipinagagawa mo kay Kyle, Emilio?" tanong ni Elisha nang napadaan siya sa bahay ng mga Carriedo. "I mean pinagpapanggap mo siya bilang isang babae?"
"Well, I don't see anything wrong with it." Ang kalmadong sagot ni Don Emilio. "Kailangan ko si Kyle upang masiguro kong madidisiplina nang maayos si Joshua."
"I know that I don't have any right para sabihan ka pero parang sobra naman yata ang pagtitiwalang ibinibigay mo sa butler ninyo." Sabi ni Elisha. "Ni hindi mo pa nga yata siya kilala ng lubusan eh."
"Elisha, Elisha, Elisha. Alam kong nag-aalala ka lang sa pamangkin mo." Sabi ni Don Emilio. "But I assure you that Kyle is a responsible man. Hindi niya pababayaan si Joshua."
"Kahit na alam mong isa rin siyang assassin?" Tanong ulit ni Elisha. "You can't deny that fact dahil alam ko kung sino ang mga kauri ko."
"And so? Lahat naman ay nagbabago at iniiwan ang dati nilang buhay." Sabi ni Don Emilio. "Brutal man si Kyle sa anak ko eh alam kong hindi niya aabusuhin ang kahinaan ng anak ko."
"Paano kung nagpapanggap lang si Kyle?" Tanong ni Elisha..
Nangunot ang noo ni Don Emilio, "Paanong nagpapanggap?"
"Paano kung nagpapanggap lang siya bilang isang lalaki?" Tanong ulit ni Elisha.
Ngumisi na lamang si Don Emilio sa narinig, "At sa tingin mo ba ay hindi ko alam ang bagay na iyan?"
Isang mahinang 'Huh' na lamang ang pinakawalan ni Elisha sa kausap. Hindi pa rin niya maintindihan ang logic ng kapatid niya kahit na nilipasan na sila ng panahon.
"You'll never know kung ano nga ba ang nasa isipan ko kahit na maraming taon na ang lumipas sa ating dalawa." kumbinsidong sabi ni Don Emilio sa babae. "May mga bagay lang na hindi mo mababago sa isang taong tulad ko. You know, craziness runs in our blood as a family."
"Are you okay with the setup na---"
"...as long as Joshua is fine with it, I won't give a damn." Sabi ni Don Emilio.
MABILIS na lumipas ang mga araw at dumating na ang okasyong ayaw puntahan ni Kylie bilang isang babae. Iniisip pa lang niya ang magiging hitsura niya ay kinikilabutan na siya lalo na at mas sanay siyang kumilos bilang isang lalaki. Oo, she is a lady, but she was not born to personify that characteristic. Nasanay siya sa isang mundo kung saan ang nakikita niya ay puro brutal na patayan.
Kaya naman nang may nakita siyang makeup artist ay naging mabilis ang pagtatago niya na parang isang ninja. Siniguro niya na hindi makikita kahit ang anino niya sa loob ng mansyon. Muntik na nga lang siyang mapamura nang naramdaman niya ang vibration ng phone niya. Nakahinga lang siya nang maluwag nang nakita niyang may nagtext sa kanya.
"Oi Kyle! Asan k? Hnap k n d2."
Napairap na lamang si Kylie sa nabasa niya, "Android na nga ang phone pero ang jeje pa ring magtext. Wala ba siyang load o nagtitipid?"
Imbes na sagutin ang text na iyon ay itinago na lang niya ulit ang phone niya sa loob ng bulsa. Hindi naman siya sigurado kung si Joshua nga ba ang nagtext nang oras na iyon o hindi. Sa palagay niya ay mabuti na rin para sa kanya kung pagdududahan niya ang binata lalo na at alam nito na gagawin siyang babae nang oras na iyon. Umikot na lang ang mata niya nang naramdaman na niya ang sunud-sunod na vibrations ng phone niya. Tulad nang inaasahan ay tinatawagan na siya ni Joshua. She has no other choice kundi ang sagutin iyon.
"Nasaan ka?" Ang pambungad na tanong ni Joshua sa kanya.
"Sa labas."
"Labas? You mean, pinagtataguan mo ang makeup artist mo?" tanong na naman ni Joshua.
"Hindi, may binili lang ako." Pagsisinungaling ni Kylie. "Babalik din ako agad."
"Dapat lang na bumalik ka. Ikaw pa naman ang isasama ko ngayong gabi."
"Oo. Wag mo nang ipaalala at babalik din ako kaagad." Pagsisinungaling na naman ni Kylie.
Walang kamalay-malay si Kylie na ginagamit lang pala ni Joshua ang tawag na iyon upang matrace ang location niya. Well, hindi niya alam kung bakit para siyang excited na makita si Kyle na magbagong anyo bilang isang babae. Nang nasiguro niyang hindi naman talaga lumabas ng mansyon ang butler niya ay sumenyas na siya sa kasama niya na pasukin na ang kwarto ni Kylie.
Gulat na gulat si Kylie nang biglang bumukas ang pintuan ng kwarto niya. Ni hindi na niya nagawang makatakas pa dahil naunahan kaagad ang mga galaw niya. Hindi gumana ang instincts niya bilang isang assassin nang oras na iyon. Nakita na lamang niya ang isang pang-asar na ngisi ni Joshua bago pa man siya nawalan ng malay.
PAGKALIPAS ng ilang oras...
Nagising si Kylie nang may naramdaman siyang malambot sa mukha niya.
"Ay buti naman at gising na si Ateng!" Sambit ng makeup artist. "In fairness, hindi ka mahirap lagyan ng makeup kapag tulog!"
"Lalaki ako." sambit naman ni Kylie. “Hindi mo ba halata?” tanong pa niya na pinalalaki ang boses nang sandaling iyon.
"Gurl, kahit na anong tago ang gawin mo ay lalabas pa rin ang sekreto mo. Babae ka namang tunay eh," sabi ng makeup artist sa dalaga. "Maswerte ka na lang kasi hindi ko idadaldal ang sekreto mo."
"Ano naman ang kapalit sa gagawin mong pagtatago ng lihim ko?" Tanong naman ni Kylie.
"Walang kapalit. Sus, sanay na ako sa ganyan." Sagot ng makeup artist sabay kindat sa kanya. "Just make sure na mahuhulog ka sa amo mo dahil bagay kayo. Bagay na bagay."
Napairap na lamang si Kylie sa makeup artist bago pa man siya napatitig sa salamin. Nagulat pa siya nang hindi niya nakilala ang sarili niyang repleksyon. Pakiramdam niya ay may ibang babae na nasa harapan niya nang oras na iyon.
"Ikaw iyan gurl. Ganda mo talaga promise."
Huminga na lamang nang malalim si Kylie bago pa man siya nagsalita, "Makakaalis ka na."
"Sure. Enjoy the night, gurl."
Nang nakaalis na ang makeup artist ay kinuha na ni Kylie ang isang baril na nasa loob lang ng drawer niya at inilagay iyon sa isang thigh strap na ikakabit niya sa hita niya.
"Mabuti na ang sigurado." Bulong ng isipan niya habang ikinakabit iyon sa hita niya.
Nang nasiguro niyang nakaayos na siya ay lumabas na agad siya upang puntahan si Joshua. Hindi naman na niya kailangang hanapin pa ang young master niya dahil nakita naman niya ito kaagad.
As expected, muntik nang mapanganga si Joshua nang nasilayan niya si Kylie sa pambabaeng anyo nito. Masyadong sexy ang butler niya sa suot nitong evening gown. Napalunok na lamang siya nang napatapat ang paningin niya sa dibdib nito.
"Alis na ba tayo?" Tanong kaagad ni Kylie sa kanya.
Hindi kaagad nakasagot si Joshua at sa halip ay hinawakan niya ang dibdib ng butler niya.
"Ayos ah. Parang totoo ang dibdib mo ah!" Komento kaagad ni Joshua na ginantihan naman ni Kylie ng isang malakas na batok.
"Manahimik ka na nga lang diyan at pumunta na tayo sa dapat nating puntahan." sabi naman ni Kylie habang tinatakpan ng pagiging stoic niya ang inis na nararamdaman dahil walang pasintabing hinawakan siya ni Joshua sa isang parte ng katawan niya na hindi nito dapat hawakan.
Nagchuckle na lamang si Joshua sa naging reaksyon ni Kylie nang oras na iyon sa pag-aakalang naging sensitive lang ang 'binata' sa ginawa niya.
"Relax, wala namang malisya ang ginawa ko sa iyo." Sabi ni Joshua. "Pareho naman tayong lalaki, hindi ba?"
"Ewan ko sa iyo,”mahinang sagot ni Kylie bago pa man siya nauuna sa paglalakad.
Since na hindi pa rin niya gamay ang paggamit ng heels at gown ay nahihirapan pa rin si Kylie sa paglalakad. Kailangan pa rin siyang alalayan ng binata upang masiguro na hindi siya matutumba nang oras na iyon.
Nagbalik lang ang instincts ni Kylie bilang isang assassin nang dumating na sila sa venue na pagdadausan ng formal party. Sa dami ng nakita niyang mga pamilyar na mukha ay sigurado siyang lagpas kalahati sa mga taong iyon ang pumunta sa kanya upang ihire siya bilang assassin nito. Mas lalo pang lumakas ang instincts niya nang may nakita siyang assassin na nakabantay na sa galaw nilang dalawa ni Joshua.
"Okay ka lang?" Tanong kaagad ni Joshua sa kasama niya.
"Yeah. Hindi lang ako sanay sa maraming tao na ganito ang suot,” palusot na sagot ni Kylie. “Mas prefer ko pa ang butler uniform ko.”
Ngumiti na lamang si Joshua at inalalayan na lang niya ang dalaga papunta sa dance floor, "This is the only way para matanggal ang pagiging uneasy mo sa suot mo."
Bago pa man makapagsalita si Kylie ay isinayaw na siya ni Joshua. Every step seems magical for her lalo na at mas naging gentle si Joshua sa pag-lead sa kanya sa sayaw. Nawala na sa utak niya ang uneasiness niya dahil hinayaan lamang niya ang binata na dalhin siya sa daloy ng musikang naririnig niya.
"Ano ang gagawin mo kung sakaling may aminin ako sa iyo?" Tanong kaagad ni Joshua sa kanya.
"Depende sa ipagtatapat mo." Ang pabulong na sagot ni Kylie. "Ano ba ang ipagtatapat mo kung sakali?"
"Hindi ko alam. Medyo clueless pa ako sa ngayon eh."
"Huh?! Ayos ka rin ah." Sabi ni Kylie. "Magulo ka palang kausap eh."
"Hindi naman sa ganoon, I just want to confirm something first bago pa man mangyari iyon."
Bago pa man makapagtanong si Kylie ay inangat na ni Joshua ang mukha niya. Naramdaman na lamang niya ang mainit na hininga ng binata sa tapat ng mukha niya. Ilang segundo pa ang lumipas at naramdaman na niya ang pagsayad ng labi nito sa labi niya. Tulad nang nangyari sa nakaraan ay nanigas lamang si Kylie dahil sa halik na iyon.
"Now I am sure of it,” sabi ni Joshua nang pinutol niya ang paghalik sa dalaga. "Gusto na nga kita and I don't give a damn kung maging bakla man ako sa paningin mo."