THIRD PERSON'S POINT OF VIEW
Alas singko ng hapon ng dumating sina Ashley at Claudia sa bahay ni Calyx. May dala silang isang plastic ng mga pagkain na lulutuin para sa party na kanilang gaganapin.
"Hey guys!" Energetic at malakas ang boses na bati ni Claudia sa tatlong lalaki na kanilang nadatnan sa kusina.
"Hey---wait I told you not to bring anything. Sinabi kung ako na ang bahala, diba?" Hindi malaman kung matutuwa o madidisappoint na usal ni Calyx ng makita ang dala ni Claudia.
Nagkibit balikat lang naman ang huli bago inilapag ang dala nyang plastic sa sink." That won't work on me. "
Hindi makapaniwalang lumingon si Calyx kay Ashley, para humingi ng statement dahil ito ang kasama ni Clau, pero tanging kibit balikat at mahinang tawa lang din ang isinagot nito. Malinaw na sinabi ni Calyx ng magkaroon sila ng pagpupulong tungkol sa gaganapin nilang small party sa bahay nito na huwag ng magdadala ng kahit ano dahil sya na ang bahala pero heto at hindi nakinig si Clau dahil nagdala pa rin ito. Kilala ni Ashley ang kaibigan na matigas ang ulo at kung anong gustong gawin ay gagawin, kaya hindi na nya ito pinigilan pa. Napa-hilamos na lang sa kanyang mukha si Calyx habang wala namang pakealam si Ryle at Sean na nilalantakan na ang chocolates sa isang tabi.
"Don't worry, my dear Calyx. Ako naman ang magluluto e." Saad ni Clau. Tinapik-tapik pa nito ang balikat ni Calyx. Wala ng nagawa si Calyx kundi ang hayaan si Clau na makialam sa kusina. Mukhang magandang idea rin na nagdala si Clau ng extra foods dahil hindi pa man nagsisimula ang kanilang ganap ay mukhang mauubos na ni Ryle at Sean ang pagkain. Animo'y hindi pinakain ng tatlong araw. Mukhang hindi mahal ng kanilang mga magulang.
Lumabas ng kusina si Calyx upang ayusin ang sala. Dalawa na lang sa kanilang magkakaibigan ang hindi pa dumarating, mukhang nakikipagsapalaran pa sa magulang para lang payagan.
Ng matapos sa pagluluto si Claudia ay kapwa sila umakyat sa ikalawang palapag ng bahay ni Calyx upang magpalit ng damit. Pagkababa nila ay saktong dumating na rin si Ryle na tanging maluwag at manipis na white t-shirt, maluwang na kulay abo-ng pajama at tsinelas ang suot. Malawak ang ngiti at naka-dipa ang dalawang kamay.
"May alak na ba?" Bungad na tanong nito.
"Wala." Walang ganang sagot ni Ryle.
"Sino ka? Bakit dito ka naghahanap ng alak?" Tanong naman ni Sean na ginatungan ang sarkastikong sagot ni Ryle.
Umay na napangiwi si Xyler dahil sa dalawa. Lumakad ito palapit sa dalawa at pabagsak na naupo sa sofa.
"Bakit ganyan mga mukha nyo? Para nyong pinagbagsakan ng inidoro at maitim na kaldero? Kala ko ba party 'to? A party should be fun mga pre, ano 'to party ng mga sadboi?" Mahabang litanya ni Xyler na naiiling pa.
"Aray! Tangina, Ry!" Malutong na mura ni Xyler ng dumapo ang palad ni Ryle sa batok nya.
"Dami mong satsat. Di ka lang nabigyan ng alak." Seryoso pa rin ang boses ni Ryle, as usual. Natawa naman si Ashley dahil sa bardagulan ng tatlo kaya napunta sa dalawang babae ang atensyon ni Xyler.
"Hi, girls!"
Tipid na ngiti at tango lang ang iginanti ni Ashley.
"Nga pala, nasan na yong iba? Wala pa ba?" Tanong na muli ni Xyler.
Nagkibit balikat si Sean dahil hindi nya alam kung nasaan si Josh na kanina lang ay kasama nila. Kalmado itong sumandal sa sofa at pumikit. Bumabakat ang malapad nitong balikat sa suot niyang kulay maroon na printed t-shirt. Iniisip ni Sean kung bakit hindi pa dumadating si Lush. Sya na lang kasi ang bukod tanging hindi pa dumarating. Gusto man niyang sunduin si Lush ay hindi niya magawa dahil baka hindi na naman siya nito pansinin.
Bumaba ng hagdan si Calyx na nakasuot na rin ng kulay pulang pajama at puting head band dahilan para tumaas ang kanyang buhok at ma-expose ang kanyang noo. Habang hinihintay nila ang iba pang kasama ay nag-set up na sila ng table. Inalis ang mga unnecessary na bagay para lumawak ang space sa living room. Naglabas na sila ng pagkain at inumin na nakalalasing dahilan para mapasigaw si Xyler sa tuwa. Walang samaan ng loob pero yon lang talaga ang ipinunta niya sa pa-party ni Calyx.
"Late na ba ako?" Lahat sila ay natigil sa pagkukwentuhan ng biglang may magsalita sa may pinto. Lahat ay napunta ang tingin kay Lush na kinakapos pa ng hininga dahil sa pagod. Mukhang tumakbo pa ito. Makikita sa kanyang buhok na tumataklob sa kanyang mata ang pawis. Gaya ng napag-usapan ay nakasuot din si Lush ng pajama.
"Sakto lang. " Si Sean na ang sumagot. Bahagya namang ngumiti si Lush.
"Anong nangyare? Akala ko hindi ka na makakarating e." Napunta ang atensyon ni Lush kay Calyx. Napakamot naman ito sa kanyang batok.
"Traffic kasi. Inisip ko na baka late na ako kaya tinakbo ko na lang." Nahihiyang pag-amin ni Lush. Iyon pala ang dahilan kaya dumating itong pawisan at humahangos sa pagod.
"Why didn't you text me? Sana nasundo kita, iniwan pa naman ni papa yong motor e." Tinap ni Calyx ang katabi nyang upuan signalling Lush na doon maupo na sinunod naman ng huli.
"Ehem! Ehem!" Nabaling ang tingin ng lahat kay Sean ng mag-peke ito ng ubo at umayos ng upo.
"Okay ka lang?" Puna ni Xyler.
"Yeah. Nasamid lang." Pa-simpleng sinilip ni Sean si Lush pero agad din syang nag-iwas ng tingin ng makitang nakatingin din sa kanya si Lush.
Lumabas naman sa kusina ang dalawa nilang kaibigan na babae hawak ang baso ng juice. Hindi sila pwedeng uminom kaya hanggang juice at pagkain na lang muna sila ngayon.
"Nasan nga pala si Josh?" Pang-uusisa ni Ash ng mapansin na simula ng dumating sila ay hindi pa nya nakikita ni buhok ni Josh.
"Nandito ako." Ani ng isang antok na boses mula sa kanilang likuran. Doon ay nakita nila si Josh na humihikab-hikab pa habang kinukusot ang mata.
"San ka nanggaling?" Nagtatakang tanong ni Calyx sa bata na dumeritso ng upo sa tabi ni Ry na tahimik lang.
"Nakatulog ako sa Cr." Agad na sumama ang timpla ng pagmumukha ni Xyler dahil sa narinig. Nagtataka talaga siya kung paano nagagawang matulog ni Josh sa Cr. Sinasadya man nito o hindi.
Hindi na lang nila pinansin iyon. Kompleto na sila kaya wala na silang inaksayang panahon at sinimulan na ang nasabing party. Nagmamaktol pa si Josh ng hindi sya payagan ni Sean na uminom. Wala pa kasi ito sa tamang edad at baka sya ang malagot sa magulang nito kapag nalamang umiinom na ang anak nila samantalang sya lang naman ang palaging kasama nito. Binigyan ni Sean si Josh ng lollipop at sinabing galing iyon sa kanyang kapatid na si Eli para lang tumigil ito sa kakareklamo. Tumahimik naman ang bata at nakipag-usap na lang sa dalawang babae.
"Wait a minute!" Nagtaas si Xyler ng kamay dahilan upang mahinto ang kanilang kasiyahan, "I just realized something, mas naunang dumating sakin si Sean?"
Kumunot ang noo ni Calyx, napalingon naman si Josh ng marinig ang sinabi ni Xyler, tumaas ang kilay ni Ryle habang may pagtataka naman sa mukha ni Sean. Mukhang ngayon lang din nila naisip ang tungkol sa bagay na iyon.
"Waaah! Binata na ang Astre namin!"
"Huhuhu!"
"Kumakain na sya ng tatlong beses sa isang araw!"
"I love you, pre!"
Kanya-kanya nilang sigaw habang dinudumog ng yakap si Sean. May paghalik pa ang mga ito sa kanyang pisngi na ikina-inis naman ng huli.
" Hindi ka na late ngayon. Nagbabagong buhay na po sya. " Ngawa ni Xyler habang nakataas ang dalawang kamay at nakatingala. May pag-talon talon naman si Calyx dahilan para matapon ang alak na nasa basong kanyang hawak. Masyado silang na-overwhelmed ng ma-realize na hindi na-late si Sean sa kanilang usapan at naniniwala sila na nagbabagong buhay na ito.
"Shot paaa! Punooo!" Sigaw ni Xyler, hawak ang bote ng alak na parang doon na gustong uminom.
At dahil hanggang juice lang ang pwedeng inumin ni Clau, Ashley at Josh ay nagpatugtog na lang sila at sumayaw kahit sa kung papaanong paraan hanggang sa nakisali na rin sina Calyx, Xyler, Ryle, Sean, at Lush na mukhang nakalimutan na ang pagiging dancer dahil nagmistulang penguin na pagod ang mga ito kung sumayaw.
Alas dos ng umaga ng matapos ang kanilang kasiyahan. Nauna ng matulog sa taas ang dalawang babae at si Josh. Bukod ang kwarto ng dalawa. Bagsak si Ryle kaya binuhat pa ito ni Sean at Calyx papunta sa kwarto. Si Xyler naman ay iniwan nila sa sala na nagpapagulong-gulong sa sahig at hindi maka-get over sa pagiging maaga ni Sean sa kanilang usapan.
Samantalang dumeritso ng banyo si Lush. Nangangasim ang kanyang sikmura. Hindi maalis ang pagkakapit niya sa pader dahil pakiramdam niya ay umuuga ang paligid. Iyon ang pinakaunang beses na uminom siya sa tanang buhay niya kaya naninibago siya sa ganung pakiramdam. Matapos maisuka ang laman ng kanyang tyan ay naghilamos siya at tinitigan ang namumula niyang mukha sa salamin. Hindi na niya nakita si Calyx kaya pinakialaman na lang nya ang ref at kumuha ng malamig na tubig saka uminom. Pakiramdam ni Lush ay nahimasmasan siya kahit kunti. Mainit ang singaw ng alak sa kanyang katawan kaya walang pagdadalawang isip na hinubad niya ang suot na damit habang naglalakad palabas ng kusina. Nabigla pa siya ng muntik na niyang mabangga si Sean na naglalakad din patungo sa direksyon niya.
"Lush.." may bahid ng pagkagulat sa boses ni Sean. Ang buong akala niya ay natutulog na ito kanina pa.
"Where's Calyx?" Natigilan si Sean at waring may umipit sa kanyang puso ng marinig mula sa bibig ni Lush ang pangalan ng isa pang kaibigan.
"N-nasa taas." Itinuro ni Sean ang likuran gamit ang hinlalaki.
" Sige. " Akmang lalampasan na ni Lush si Sean pero agad din syang nahinto ng pigilan sya ni Sean sa braso. Nanatiling nakayuko si Lush.
"Pwede ba tayong mag-usap?" Malumanay na tanong ni Sean. Pinipilit niyang hulihin ang mga mata ni Lush ngunit waring mailap ang mga iyon.
"Inaantok na ako. Bukas na lang."
"Can we do it now? I have something to say---ask uhm.." naputol ang sasabihin ni Sean ng marahas na inalis ni Lush ang pagkakahawak ng kanyang kamay sa braso nito.
Antok ang matang tiningnan niya si Sean. "I'll give you 10 seconds to say what you want to say. 10..."
"Ahh..." Parang instant na nagkaroon ng panic attack si Sean dahil sa ibinigay na oras ni Lush sa kanya upang itanong kung ano ang gusto nyang itanong.
"9... 8... 7... 6..."
"Shit.." bulong ni Sean. Hindi nya masabi. Parang may pumipigil sa kanya. Nagdadalawang isip kung itatanong ba nya. Wala naman syang karapatan.
"5... 4... 3... 2... nonsense." Padabog na nilampasan ni Lush si Sean. Hinawi nito ang buhok na parang na-sstress sa kanyang buhay.
Bahagyang napanganga si Sean dahil sa nangyare, pagkuwan ay napapayukong kinagat ang sariling labi. Parang iniipit ang kanyang puso dahil sa mga inaakto ni Lush pag sya ang kaharap nito. Waring wala lamang dito ang kanilang mga pinagdaanan at pinagsamahan. Oo nga pala. Bigla nyang naalala. No feelings involved nga pala. Deal is deal. Sa kanya naman nagsimula ang lahat ng ito. Alam naman niyang ni minsan ay hindi sumagi sa isip ni Lush ang maging kaibigan siya. Kahit yun lang sana. Natawa na lamang siya sa kanyang sarili bago nagdesisyon na balikan si Xyler sa salas.
Mag-aalas tres na ng umaga ngunit hindi pa rin makatulog si Lush. Heto nga't nahihilo siya pero waring tinakasan naman siya ng antok. Pakiramdam niya ay hindi alak ang ininom niya kundi kape. Mas lalo tuloy sumasakit ang kanyang ulo dahil sa puyat. Nagdesisyon na lamang siya na magpahangin sa teresa ng bahay nina Calyx. Maingat siyang bumangon sa kama dahil baka magising si Josh na siyang kasama niya sa kwarto.
Hindi pa man siya nakararating sa Teresa ay pumapasok na sa kanyang ilong ang mabahong amoy ng sigarilyo. Naisip niyang may tao doon kaya dumeritso na siya. Si Calyx ang nadatnan niya. Nakasandal ang braso nito sa railing habang nakatanaw sa malayo. Nakaipit sa daliri nito ang mukhang kasisindi pa lang na sigarilyo.
Naramdaman naman ni Calyx ang pagdating niya kaya agad siyang lumingon at tinanong si Lush. "Bakit gising ka pa?"
"Nag-sisigarilyo ka pala?" Balik na tanong ni Lush kay Calyx, hindi pinansin ang tanong nito.
"Ah oo pero hindi naman madalas kapag may gumugulo lang sa isip ko."
"Anong gumugulo sa isip mo?" Ginaya ni Lush si Calyx. Ipinatong niya ang kanyang braso sa railings at pinagmasdan ang mga ilaw na blurry na sa kanyang paningin.
" Wala naman. "
" Can I try it? " Humarap si Lush kay Calyx at akmang kukunin na ang sigarilyo pero agad iyong nailayo ni Calyx.
"Nope. You can't. Sakin lang to. Bawal ka pa." Inilagay ni Calyx ang stick sa pagitan ng kanyang labi at nagpalabas ng usok.
"Wala namang makakaalam e."
Umiling si Calyx matapos ay pinatay na niya ang sigarilyo gamit ang suot na tsinelas at itinapon sa labas ng Teresa. Sinundan iyon ng tingin ni Lush. Ilang segundo rin siyang nakatitig sa ibaba bago inangat ang tingin kay Calyx.
"May gusto ka ba sakin?" Seryoso ang tono ng boses ni Lush ng itanong nya iyon. Hindi niya inalis ang titig kay Calyx na ngayon ay natigilan dahil sa itinanong niya. Walang reaksyon si Calyx dahil madali nya iyong naitago kahit pa hindi niya inaasahan ang tanong na iyon ni Lush sa kanya.
"W-what?" Kabadong napatawa si Calyx matapos salubungin ang mga mata ni Lush. Inaalam kung nagbibiro lang ba ito.
"It's just a yes or no."
Bahagyang napabuka ang bibig ni Calyx. Hindi nya maunawaan kung anong meron kay Lush ngayon. Nagkibit balikat siya bago nagsalita.
" Maybe. "
" It's still a yes. " Tuluyan ng humarap si Lush kay Calyx. Hindi naman natinag ang isa.
"But it's still can be no." Ngumisi si Calyx. Waring gusto lamang makipagtalo sa huli.
"What if I kiss you right now?" Humakbang si Lush dahilan para mapa-urong si Calyx.
"Lush, come on. This isn't the right time to joke around."
"What if I'm serious, Calyx? I badly want to kiss you right now."
Napaiwas na lang ng tingin si Calyx ng maramdaman niya ang pagbangga ng kanyang likod sa malamig na pader. Halos magkasing-taas lang silang dalawa kaya madali lang para kay Lush na harangan ang magkabila niyang gilid. Naramdaman niya ang index finger ni Lush sa kanyang baba, making him look at his eyes. Hindi niya mawarian kung anong meron sa mga tingin ni Calyx kahit siya'y walang idea kung anong naglalaro sa kanyang isipan.
"Lush, stop it. You're drunk." Mahinahon na saway ni Calyx kay Lush. Naisip niyang marahil ay wala lamang ito sa tamang katinuan kaya nasasabi niya ang ganung mga bagay.
"Maybe, I'm feeling a little bit dizzy right now, but I'm not drunk." Usal nito. "Hindi ako lasing." Ulit pa nito.
Napabuga na lang siya ng hangin. Pinipigilan ang sarili na huwag madala sa mga pinag-gagagawa ni Lush dahil baka sa oras na magpadala siya ay parehas silang magsisi bukas ng umaga. Marahan niyang itinulak si Lush pero nagmatigas ang huli.
"Why?"
"Look Lush.. ugh.." hinilot niya ang sumasakit na sintido. Hindi na nya maalala kung pano nga ba sila napunta sa ganitong sitwasyon. "Sige, aamin na ako. I like you, but it doesn't mean na papayag ako sa gusto mo." Huminto siya sa pagsasalita bago muling sinalubong ang mata ni Lush. "I respect you just like how I respect everyone in this house."
Nabalot sila ng katahimikan hanggang sa napayuko si Lush at marinig niya ang mahina nitong pagtawa. Lumayo na rin ito sa kanya at muling bumalik sa pagtanaw sa labas ng Teresa. Sabay din silang pumasok sa loob at naghiwalay ng kwarto upang matulog.
Lumabas naman si Sean mula sa kanyang pinagtataguan at tiningnan ang tahimik na hallway kung saan dumaan ang dalawa. Parang gustong tumakas ng hangin sa kanyang katawan. Narinig niya ng maayos at malinaw ang usapan ng dalawa. He's getting suffocated. His hands were trembling in anger. He's hurting. All he want to do is to leave that house. But he didn't. He can't.