Chapter 38
—
Labag man sa loob ni Kaizer, wala siyang nagawa kundi sundin ang utos ko. Nauna siyang lumabas ng kotse at saka niya ako pinagbuksan ng pintuan. Inalalayan niya akong bumaba. Pagkatamis-tamis ko siyang nginitian. "Sige na, mag paalam kana." Nakangiting sabi ko sa kanya at saka ko tinuro ang malaking bahay. Kailangan kong maging mabait sa kanya para madaling mauto. Effective naman 'di ba? Tignan niyo, ipagsusungkit ako ng mangga.
"Dali na!" Hindi naman kasi siya gumagalaw sa kinatatayuan niya.
"Tss."
Mas lumapad ang ngiti ko ng mag umpisang naglakad si Kaizer. Sumunod naman ako sa kanya.
Agad na nag door bell si Kaizer ng makalapit kami sa gate ng bahay. Ilang saglit pa ang hinintay namin bago may lumabas na isang matandang lalaki mula sa bahay.
"May kailangan kayo?" Tanong ng matanda sa amin pagkatapos kaming pagbuksan ng gate.
Siniko ko naman si Kaizer at ng lingunin niya ako ay tinaas-taasan ko siya ng kilay. "Sabihin mo na." Mahinang sabi ko sapat lang para marinig niya.
"Ahmm.."
Sabay kaming napasunod ng tingin ng matanda kay Kaizer ng tignan niya ang puno ng manggang sobrang daming masasarap na bunga.
"Oh, mag hihingi kayo?" Mukhang nakuha na ng matanda ang dahilan kung bakit kami nandito.
"Kung pwede po sana ay bibili kami." Sabi ko. Ako na ang nag salita dahil mukhang wala naman atang balak mag salita si Kaizer.
"Oh siya, hindi ko na pababayaran. Kumuha lang kayo. Teka, ipag-susungkit ko kayo."
"Hindi na po." Sagot ko agad at saka ako umiling-iling. "Siya na po ang manunungkit." Nakangiting dagdag ko at saka ko itinuro si Kaizer.
"Sige. Halika kayo, pasok."
Hinila ko na si Kaizer para makasunod na kami sa loob. Dinala kami sa puno ng mangga at saka inabot kay Kaizer ang sungkit.
"Maiwan ko na muna kayo."
Ngumiti at tumango ako. "Sige po."
Nang makaalis ang matanda, binaling ko ang tingin ko kay Kazier na nakatitig lang sa sungkit na hawak-hawak niya.
I sighed heavily. "Alam mo, hindi ka makakasungkit kung tititigan mo lang 'yan." Sabi ko sa kanya at saka ako nag pameywang sa harapan niya. "Manungkit ka na!"
Naupo muna ako sa isang bench habang nakatingin ako kay Kaizer na mukhang pinag-aaralan pa kung paano gagamitin ang sungkit at kung paano siya makakasungkit ng mga mangga.
Nag papasungkit lang naman ako pero hirap na hirap siya. Eh, mas mahirap pa nga 'yung mga papeles na nasa office table niya.
Napangisi ako ng makitang nag umpisa ng manungkit ng mangga si Kaizer. Hindi nag tagal, marami na rin siyang nasusungkit at ako, ilang minuto na lang pakiramdam ko ay tutulo na ang laway ko. Habang tumatagal kasi, mas nagiging hot si Kaizer sa paningin ko. Parang ang sarap niyang iulam.
"Pwede mo ring tanggalin muna 'yang T-shirt mo habang nanunungkit ka." Napakagat ako sa pang ibabang labi ko ng ma-realized kung ano ang sinabi ko.
Nakangisi si Kaizer ng lingunin ako. Habang ako naman ay pinamulahan na ng mukha.
"Okay."
Nanlaki ang mga mata ko ng bigla na lang tinanggal ni Kaizer ang white v-neck shirt na suot-suot niya.
Oh my gosh! Six freaking abs!
Tila nag init ang paligid ng tuluyang maalis ni Kaizer ang damit niya at saka ng makita ko ang abs niya. Napakagat ako sa pang ibabang labi ko habang ang mga mata ko ay binubusog ko dahil na sa abs lang ni Kaizer ang tingin ko.
"Like it?" Napaangat ako ng tingin kay Kaizer ng mag salita siya. Ngunit hindi rin naman nag tagal ang tingin ko sa kanya dahil muling bumalik ang tingin ko sa abs niyang hindi nakakasawang tignan. Kung 'yan lang din naman ang makikita ko pag gising ko, hindi na ako babangon.
Napangisi ako ng may maisip. "Mas magugustuhan ko kung sasayawan mo pa ako para mas worth it naman titigan."
Agad na nabura ang ngisi sa kanyang labi dahil sa sinabi ko. "Sige na! Isa lang." Nakangiting sabi ko sa kanya. "Please, baby?"
"No way!"
Malakas akong natawa ng talikuran ako ni Kaizer at saka na siya muling nag sungkit ng mangga. Hindi na niya ako pinansin kaya natatawa pa rin ako. Kung kanina ang panunungkit ni Kaizer ang tinitingnan ko, ngayon iba na. Ang abs na niya.
Ilang saglit pa ay natapos na rin kami. Nag paalam at nag pasalamat kami ni Kaizer sa matanda.
"Walang anuman. Mahirap kasing hindi ibigay ang gusto ng mga buntis."
Nanlaki ang mga mata ko sa sinabi ng matanda. Nakangiti pa ito sa aming dalawa ni Kazier.
"H-Hindi po ako buntis."
Hindi ko alam kung bakit bigla na lang akong kinabahan sa sinabi ng matanda.
Kaya naman, tahimik lang ako habang nasa byahe kami. Hindi ko alam kung bakit bigla akong napaisip.
"H-Hindi naman siguro." Mahinang usal ko at saka ako umiling-iling.
"May sinasabi ka?"
Napalingon ako kay Kaizer. Umiling din naman agad ako. "W-Wala."
Tumango lang naman si Kaizer at saka na muling ibinaling ang tingin sa daan.
Kung ano-ano na naman ang iniisip ko! Para mawala ang iniisip ko, binaling ko nalang ang atensyon sa mga manggang nakuha namin.
"Gusto mo nito?" Tanong ko kay Kaizer. Umiling naman siya.
"Okay." Kibit balikat na sabi ko sa kanya.
Mabuti nga 'yon. Para sa akin lang 'to.
Ilang sandali pa ay nakarating na kami sa Mansion, hindi ko na siya hinayaang sumama pa sa akin sa loob ng bahay. Hindi naman siya nag pumilit. Ngunit hinayaan niya muna ako makapasok bago ko narinig ang papaalis na sasakyan niya.
Bitbit ang mga shinopping ko at ang mga mangga, nakangiti akong pumasok sa loob. Ngunit agad din nawala ang ngiti sa labi ko ng mukha ni Azure ang bumungad sa akin.
Nakakunot ang noo niya. Lalo pang napakunot ng bumaba ang tingin niya sa mga bitbit ko.
"Sinong nag hatid sa'yo?" She asked coldly.
Imbis na sagutin ang kanyang tanong, nilampasan ko siya. "May dala akong mangga, gusto niyo?" Tanong ko sa kanila at saka ko saglit na sinulyapan si Azure na nakakunot pa rin ang noo.
Si Fritz ang kumuha sa lahat ng bitbit ko. "Bagong sungkit?" Tanong ni Fritz ng makita ang mga mangga.
Tumango naman ako.
"Sinong nanungkit?"
Nag kibit balikat ako bago nag simulang mag lakad. "Balatan mo na lahat 'yan. Mag bibihis lang ako."
"Bye!"