Trixie POV
"Bilis Raja!" Sigaw ni Jae.
"Ang aga mong natulog tapos kulang pa?" Natatawa kong saad.
"Oo na" sagot niya.
Sa katunayan ay hindi naman kami male-late. Excited lang si Jae dahil ka klase nga namin si Lucas, ang naka-indirect kiss ko. Halos gusto ko na ngang huwag munang pumasok ngayon dahil sa dorm palang, grabe na ang hiyang nararamdaman ko. Kung hindi lang ako hinihila ni Jae ay tiyak hindi ko magawang humakbang man lang.
Sa bawat nadaraanan naming classrooms ay sobra na ang mga ingay. Mayroon na ngang naghahabulan sa labas.
Asan ang mga teachers? Parang mga kinder students na naglalaro sa labas ng room.
"Masanay kana Trixie. Welcome sa mundo ng Shimjang. Wala pa kasing mga teachers, pero… sabagay kahit may teachers ganyan 'yan" Paliwanag ni Acyl. "Wag ka nang maguhulat pagdating sa room, hahaha!"
Na unang pumasok si Jae at Raja, huli kami ni Acyl. Eksaktong pagpihit ko ng pinto ay may lumipad na notebook, saktong tumama sa mukha ko.
"Aray!" Napahawak ako sa bandang mata ko. Hindi naman gaanong masakit, pero masakit pa rin!
"Hala ka Niki!!" panunukso sa kanya ng kaklase naming lalake.
"Omg! Naku miss sorry!" lumapit siya sa akin.
"Hindi, ok lang" medyo nawala na rin naman ang sakit, panadalian lang. Nilingon ko ang tatlo, nakatingin lang sila sa akin.
Normal ba 'yun dito?
Nilingon ni Niki ang mukhang kaaway niya. "Ikaw kasi! First day na first daw nagsisimula ka na naman!"
"Hoy! Hindi lang naman ako ah! Pati 'tong unggoy na kasama ko, oh" kinuha nito ang earphones na nakasalampak sa tenga ng katabi niya.
"Dinadamay mo pa ako sa kalokohan mo!" inagaw niya ang earphones at sinuot ulit.
"Sorry talaga miss—aray!" natamaan siya ng eraser. "Sino 'yun?"
"Asan na ang eraser ko!?"
"Ewan, baka nahulog mo lang?"
"Ibalik mo!"
"Halika na" hinablot ako ni Jae. "Tatahimik din 'yan mamaya, hehehe"
Anim ang rows horizontal and vertical. Ang linya namin ay ika apat. Si Raja ay nasa bintana, sumunod ako, si Acyl at Jae. Si Acyl at Jae ang nasa gitna ng buong klase. Grabe ang gulo ng room. Walang kalat sa sahig, pero nagkalat ang upuan at lamesa. Wala sa ayos ang mga iyon dahil sa rambulang nang kahit na sino. Marahil ay ganito talaga ang mga estudyante dito. Hindi ganito ang pagkaka-alam nang lahat sa labas. Sinasabi na masyadong disiplinado ang mga estudyante dito, malilinis tignan at mukhang mga mayayaman. Kabaliktaran lahat nang iyon.
Nabigla na lang ako ng mga mahinang tumapik ng braso ko. Nilingon ko kung sino iyon.
"Kaklase ka pala namin"
Grabe hindi ako makatingin sa kanya. Nakakahiya, si Jae naman kasi!
Nilingon ko si Jae na ngayon ay may nanunuksong tingin.
"O, Lucas, d'yan ka na lang sa likod" ani Raja.
"Upuan ko 'to" tinuro niya ang upuan ko.
"Wag na, d'yan ka na lang sa likod, shoo" Ani Acyl. "D'yan ka na" kinuha ni Acyl ang bag nito at inilagay sa upuan.
Nakaupo siya sa likuran ko!
Sinubukan kong ikalma ang sarili ko at pinagmasdan na lang ang paligid. Nakakatawa lang na kaming apat lang dito ang nananahimik. Para kaming may ibang mundo. Ilang sandali pa ay nag-ring na ang bell. Saktong pumasok na rin ang unang teacher.
"Goodmorning ma'am!"
Sabay-sabay na nagsitayuan ang lahat ng estudyante, sumabay na rin ako, para bang walang gulong nagaganap dito kanina. Mabilis din nilang naayos ang mga upuan at desks nila.
Ang bibilis kumilos.
Ang teacher namin ngayon ay iyong babaeng nasa registrar.
"Goodmorning" sabay-sabay na nagsi-upuan kaming lahat. "So, may new classmate tayo ngayon. Where is she?"
Tumayo ako. Kasabay noon ang kanya-kanyang reaksyon ng mga kaklase ko. Ang iba ay hindi raw ako napansin.
"Oh, there she is, introduce yourself kahit d'yan na lang sa seat mo"
Hinarap ko ang mga kaklase ko."I'm Trixie Avilla, 18 years old. Nice to meet you all" nagbow ko.
"Hi Trixie!"
"Trixie sorry kanina sa notebook!"
"Sorry din sa eraser"
"Ayan, inamin mo din na ikaw ang kumuha ng eraser ko!—"
"Students! Mahiya naman kayo sa bago niyong kaklase" tumahimik naman ang mga ito. "Sit down Trixie"
"Ok, since first day of classes, same routine, introductions tayo. Kaso kilala ko naman ang mga pagmumukha niyo kaya wag na lang. For Trixie, kayo na ang bahalang magpakilala sa kanya. This whole day ay wala naman masyadong gagawin, attendance niyo lang sa lahat ng klase ang kailangan. Kaya naman!" pumalakpak siya ng isang beses. "Ikaw Trixie ang magbibigay ng attendance. Kayong lahat, isulat niyo ang names niyo lahat sa isang pad paper at ibigay kay Trixie. Make a copy for your whole subject teachers. Ikaw Trixie ang magbibigay para makilala kanila since transferee ka ok? See 'ya guys may aasikasuhin pa ako sa registrar, maraming first year students ngayon. Kapag nagtanong ang mga subject teachers niyo about that, just state my beautiful name guys. Bye!" Tuluyan na itong umalis.
Ano name mo ma'am?
Gaya nang sinabi niya ay sa akin nga ibinigay ng mga kaklase ko. Hindi naman sila mga snobber at nagpapakilala naman sa akin. Natatawa na lang ako dahil kapag dumadating na ang mga subject teachers ay awtomatikong natatahimik sila, at babalik sa dating ingay pagka-nakaalis na. Para silang mga bata na nagkukulitan sa isang maliit na bagay. Hindi katulad sa AIS na ako palagi ang dahilan ng ingay.
Nabigla ako nang may makasagi ng upuan ko. Palagay ko ay nasipa iyon. Alam ko na kung sino.
"Sorry Trixie" pagpapaumanhin ni Lucas.
"O-ok lang" sabi ko nang hindi siya nililingon.
"Iniisip mo pa rin ang indirect na sinasabi ni Jae?" Ani Raja nang pabulong.
Napakamot ako ng ulo. "Kasi naman…nakakahiya kasi"
"Hindi naman totoo 'yun"
"Huh?"
"Iinom palang sana si Lucas ng tubig kaso bigla kang umubo. Akala siguro ni Jae nakainom na—"
"Ba't ngayon mo lang sinabi!?"
"Hindi ko naman alam na iisipin mo pa 'yun hanggang ngayon"
Magsasalita na sana ako ng bigla ay naunahan ako ni Lucas.
"Ano 'yun? Ba't narinig ko pangalan ko?" ramdam kong sumanday siya sa likod ng upuan ko.
"Chismoso" sagot ni Raja.
Andrie Scott POV
Pangalawang araw ng pasukan, lumipas muna ang ilang days para sa paghahanda ngayon. Sariwa pa rin ang mga nangyare sa lahat. Lumipat muna ng ibang building ang mga fourth year sa third floor building. Paminsan-minsan ay sa gym kami nagkaklase. Dahil 2nd day of school palang naman ay nagkakalat ang mga estudyante, marahil ay nag-a-adjust parin ang lahat, lalo na kami. Iniwan ko muna si Jason Guivarra at AJ sa gym. Tumambay ako dito sa mini bench sa malaking garden ng AIS.
May hinihintay akong dumaan.
"Sige Ara, Mich, may pupuntahan muna ako saglit"
"Where? I think…I smell something fishy?" maarteng tanong ni Mich
"Jus-"
"Gosh Mich, sige na Yvette, sunod ka na lang samin"
"The heck Ara, I'm practicing my lines para sa audition"
Sinigurado muna ni Yvette na wala na nang ibang tao bago tumungo sa lugar kung nasaan ako. Lumingon ito sa akin, dahilan para magtama ang paningin naming dalawa. Saka ito tumakbo palapit sa akin.
"Ano ba problema mo?" Agad niyang tanong.
"Alam kong may kinalaman kayo sa nangyare kay Trixie" direkta kong sabi.
"What!? You're making assumptions Andrie Scott. Wala kang evidence na kami nga-"
"Kasi lagi niyo namang sinasabutahe, 'di ba? 'Dun kayo magaling. Malakas ang kutob kong kayo ang may pakana nang lahat ng 'to!" she rolled her eyes.
" Andrie Scott ! I…I'm sorry, sa pagkawala ni Trixie I'm sorry! Ok? Pero hindi kami ang dahilan ng sunog na 'yan! You think gagawin ni Ara 'yun? Her father's own school, really? Malaking gulo 'yun 'pag nagkataon, dahil hindi makikipagsosyo ang mga board members sa isang president na may saltik ang anak"
"Hindi sunog ang tinutukoy ko Yvette. May ginawa kayo kay Trixie kaya hindi siya nakababa agad sa 3rd floor tama!?" natigilan siya. Nagiwas ito ng tingin. "Tama nga ako. Spill it out Yvette!"
"Ano naman ang mapapala mo kung meron nga?" Kumunot ang noo ko. "Before mangyare ang sunog, ikinulong namin si Trixie sa cr. I'm sure of that, but look, Andrie Scott sekretong pumunta ako doon sa cr sa taas. Sandali lang ako doon, and I think Trixie is not dead-" gulat akong napatitig sa kanya.
"WHAT!? THIS IS NOT THE RIGHT TIME TO MAKE FUN OF ME—"
"Shh! Lower your voice idiot! I'm not making fun of you! Totoo ang sinasabi ko. Naghesitate ako kung tutulungan ko ba si Trixie o hindi that time. Kaso… kasama namin si Ara, you know her" tumalikod ako at tinanggal ang salamin ko at pinunasan iyon. "Look, Andrie Scott . Hindi ko sinasabing umasa ka. Pero ngayon sasabihin ko lang kung ano ang nakita ko. Delikado pa ang sitwasyon 'nun, hindi pa pwedeng pumasok sa loob pwera lang sa mga responde. Pumuslit lang ako kasi naalala ko si Trixie… Andrie Scott " humarap ako sa kanya.
"W-what? Yvette, ano ba ang sinasabi mo!? Nasisiraan ka na ba? Tahimik na si Trixie. Barkada ka nga talaga ng Ara na 'yan!"
" Andrie Scott maniwala ka sa 'kin. Bukas ang cr, sira ang doorknob. Maybe she escaped, alam ko para akong sira dahil malaki ang pinsala ng cr pero—"
"Tumigil ka na Yvette! Tama na! Sa tingin mo ba maniniwala ako sa 'yo ng basta-basta!? Hindi ko alam kung ano na naman ang binabalak niyo—"
"Ikaw lang ang sinabihan ko! At hindi ako tanga Andrie Scott ! Kung ayaw mong maniwala, I respect your desisyon. Sana pag-isipan mo. May pulis at detectives Andrie Scott , why don't you ask!?" tumalikod na ito at umalis.
Naiwan akong naguguluhan sa mga sinabi niya. Nagtataka ako kung bakit niya nasabi iyon, halata namang hindi iyon kapani-paniwala pero, gusto ko ang narinig ko.
Nakabuntong-hininga na lang akong naglakad. Iginala ko ang mata ko sa taas dito sa likod ng building, ngayon ko lang napansin na may hagdan pala doon.
Kung ga'nun, sila nga ang may dahilan kung bakit hindi nakaalis si Trixie ng 3rd floor.