Diba sabi niya maghihintay siya? Naghihintay nga ba?
Napairap na lang tuloy ako sa kawalan. "Pake ko ba kasi kung hindi niya na ako chinachat?" Nag-a-attitude ako mag-isa habang sinisipa 'yong mga nadadaanan kong bato. I cleared my throat when I saw my friends waiting for me on the gate. "Tara na!"
"Ang tagal naman ng meeting niyo," reklamo ni Kate kaya pinandilatan ko siya ng mata. Makuha ka sa tingin. Baka marinig ka pa nung bakla naming president, dudugo tenga mo 'yan.
Nag-umpisa na kaming maglakad at hindi ko maiwasang mapabuntong hininga.
Para talaga akong tanga. Diba ako naman nagsabi na ayaw ko munang mang-entertain? Eh, ba't ngayong hindi na siya nagpaparamdam eh, parang naiinis ako? Eh, diba 'yon naman ang purpose ng pagsabi ko sa kaniya no'n?!
Pero... diba sabi niya maghihintay siya?! Diba pag naghintay ka dapat consistent ka pa rin sa dati mong ginagawa? Eh, bakit ganon? Bakit bigla siyang naging multo? Minulto ako ni pu-ni puto.
"Ugh!" Nagpapadyak ako sa sobrang gulo.
"Hoy! Ok ka lang Lara?" Naramdaman ko ang kamay ni Ashbelle sa balikat ko at mababasa sa mata niya ang pag-aalala. Sana all concern.
"Oo, ok lang ako," sabi ko at ngumiti.
Kwentuhan lang sila nang kwentuhan habang naglalakad kami pauwi. Nakikitawa lang naman ako, wala ako sa mood makipagdaldalan.
"Lara?" pagtatawag ng pansin ni Ashbelle.
"Hmm?"
"Anong pinag-meetingan niyo kanina?"
"Tungkol sa foundation."
"Foundation? Tagal pa no'n, ah. Aga niyo namang nag-meeting. Akala ko program sa december," singit naman ni Kate
"Meron ba?!" at ni Hannah.
"Malay ko, hindi naman na ata namin problema 'yon, sobra naman na kung kami na naman," sambit ko habang tinutusok nang matindi 'yong kinakain kong kwek-kwek.
"Oo nga...baka ibang club 'yong magho-hold ng program. Sana meron." Tumango na lang ako sa sinabi ni Ashbelle.
Napabuntong hininga na naman tuloy ako. Daming gagawin, nakakapagod. Naging topic pa namin 'to, naalala ko na naman tuloy 'yong mga gagawin. Iniisip ko palang, parang napapagod na ako.
Pagkarating ko sa bahay ay agad akong nagbihis. Pagkatapos ay nahiga agad ako at nag-online. Ang daming messages pero wala man lang kahit isa na galing sa kaniya. Nawalan tuloy ako ng gana mag-seen at agad na nag-offline.
Napabuntong hininga tuloy ako at ngumuso, nilalaro ang medyo humahaba ko na namang kuko.
Kailan lang no'ng lagi akong nakakatanggap ng good morning at good night sa kaniya. Lagi kaming nag-uusap at halos ultimo maliliit lang na detalye sa mga ginagawa namin ay sinasabi namin sa isa't-isa. Laging may ganap na bebe time o late night talk o ano bang tawag nila ro'n sa amin. Pero nitong lunes, hi, hello tapos onting usapan na lang, tapos na. Hahaba lang 'yung convo namin kung may importanteng itatanong sa isa't-isa. Dati-rati, mapapansin mo sa usapan na kahit wala ka ng halos mapigang topic, hahanap siya ng topic para lang makapag-usap pa rin kami. Tapos ngayon... nakakainis talaga. Naghihintay ako sa chat niya kahit na wala naman akong chinat sa kaniya. Ang hirap maging babae, biruin mo, naghihintay ka ng reply kahit sa umpisa pa lang wala ka namang chat sa kaniya para mag-demand ka ng reply. Hahay, the power of pride.
"Alam kong maraming may gusto sa inyo na may program para sa december, and thanks to english club, nag-volunteer sila na sila ang magho-hold ng program. And the principal agreed," our adviser announced and my classmates getting excited.
Napairap tuloy ako ng palihim. English club nga ang magho-hold, kami namang mga SSG ang kawawa. Tsk!
"Dahil biglaan lang at mukhang 2 weeks na lang ang natitirang panahon at bakasyon niyo na, hindi pa sure kung magkakaroon ba ng God and Goddesses."
My classmates complaint with it. Hindi kumpleto at masaya ang program kung walang pageant na magaganap.
"Pero ito ang sure na ganap sa program. May radio broadcasting and jingle contest. Sa radio broadcasting ay may pipiliin silang tig dalawa sa bawat grade section at igugrupo kayo sa apat. Sa jingle naman ay by grade, and you." Baling niya sa akin, "Lara, ikaw na ang bahala sa jingle, huh? I trust you," and she gave me a genuine smile.
Hahay... ako na naman. "Yes, ma'am."
"Ok, thank you Lara. For the other activities on the upcoming program, surprise na raw."
Nakanguso ako habang sinusuklayan ang buhok gamit ang mga daliri. Naglalakad ulit kami pauwi. Wala kaming meeting na SSG officers, so I'm assuming na hindi kami ginulo para sa darating na program. Buti na lang. Kaso may problema pa rin. Nasali ako sa broadcasting tapos ako pa ang in-assign na mamroblema sa jingle naming grade-10.
"Ilang members daw ang kailangan?" tanong ni Kate.
"10-20," tinatamad kong sagot.
"Anong theme?" si Hannah naman ngayon ang nagtanong.
Napanganga naman ako. "Ahy! Oo pala! Vovo, nakalimutan kong tanungin. Wala naman kasing sinabi, so baka ganoon na lang 'yon, about sa christmas," sabi ko at nag-uumpisa ng mag-isip ng pwedeng kanta. "Isasali ko kayong tatlo ah, kung ayaw niyong masabunutan 'yang mahahaba niyong buhok. Kayo na bahala maghanap ng ibang members, 'yong matitino ah, 'wag niyo 'kong stressin," utos ko sa kanila.
"Yes, madam," they responded in unison.
Nakahinga naman ako ng maluwang nang walang tumutol sa kanila. My bestfriends are really the best.
Ang Fangit Mo💅
Ashbilbil: Hoy, ok na ung mga
members.
Sinabihan na nmn clang
may practice bkas ng 8 sa
amphi dto sa brgy namin.
Nag-agree clang lahat.
ChaHannahk: Problem solved, madam.
Napamura tuloy ako ng wala sa oras sa mga nababasa kong chat nila sa GC.
Tinutulungan ba talaga nila ako?
Madam Lara: Ang bastos niyo.
Nakakahiya naman.
Masyado namang
nakakaiyak 'yong
pagtulong niyo🤧
Hindi niyo ba naisip na
hindi pa ako nakakaisip
ng kakantahin? 🙂.
Hoy!
Baka nakakalimutan niyo
na kasasabi lang ni ma'am
ang tungkol dito makalipas
ang 4 na oras. Ano ba ako?
Robot? at makakaisip agad
ng idea?
Ashbilbil: Hihi. Puyat is the key.
Madam Lara: Cancel niyo 'yan.
Ang papangit niyo.
Kate rupok: Hahahahaha!
High blood ka
nmn dzai. Chill.
Ashbilbil: Enhale, exhale.
ChaHannahk: Hinga malalim.
Then, 'wag ng huminga at
magpakamatay ka na.
Less stress.
Napasapo na lang ako sa noo at nanggigigil na pinindot ng ilang beses ang like. Wala talagang matino sa mga 'to. Azar!
Wala akong choice kung hindi gawin na ang jingle. Buti sana kung may mga ideas 'yong mga 'yon na matino, para hingan ko sana sila. Pero alam kong walang patutunguhan 'yong mga sasabihin nila kaya 'wag na lang.
"Lara. Gumising ka na riyan. Nandito mga kaklase mo."
Napabangon agad ako at tumingin kay mama. "Ano?!"
"Hi dzai."
Napatulala na lang ako sa nakikita ko ngayon. Kung panaginip man ito, gisingin niyo na ako please lang.
Nasa harapan ko ngayon 'yong tatlong pangit at ang fresh na nila, mga bagong ligo, naka-lip tint pa.
Ok lang naman sana kahit maabutan nila akong ganito, pero kasi, may nakatayo rin sa harapan ko na medyo chubby na matangkad at kinabog pa ang freshness ng tatlong pangit. Si Mico. Oo, nasa harapan ko si Mico habang nakangisi!
"Bakit kayo narito? May sinabi ba akong sunduin niyo na ako?" Naiiyak na ako sa sobrang hiya.
"Alam naman naming magpapasundo ka na naman, kaya narito na kami ngayon," sagot ni Kate at bored na kinakamot ang ulo niya.
"Mama, maligo lang ako. Ikaw na bahala sa kanila," bulong ko at tumango naman siya kaya agad akong kumaripas ng takbo. "Aray naman," daing ko. Ang tanga ko naman, nakalimutan kong hindi nga pala ako naka-bra.
"Tara na." Pag-aaya ko sa kanila nang matapos akong mag-ayos at nauna ng pumunta sa kalsada. Narinig ko pa silang nagpaalam kay mama.
"Hmmm... ang bango ng Lara namin ah." Amoy ni Ashbelle sa akin at umakbay.
"Huwag mo 'kong inaakbayan. Lumayo ka sa akin. Badtrip ako," inis na sabi ko pero mas lalo lang siyang dumikit at napa-irap na lang ako. Nakita ko si Mico na ngingiti-ngiti sa amin kaya inirapan ko rin siya na mas ikinangiti niya lang. Crazy.
"Ang aga niyong pumunta sa bahay eh, alam niyo namang napuyat ako sa kamamadali niyo. Buti sana kung maaga rin 'yong mga tinawag niyo. Tingnan niyo oh, tayo palang lima," nakakunot noong sabi ko habang inililibot ang mata sa amphi nang makarating kami.
"Chill. Isang linggo ka ng badtrip ah," pang-aasar ni Kate.
"Tsk!" Siguro dahil malapit na ang period ko?
"Hi mga beshie~"
Biglang kumulo dugo ko sa narinig. Napairap na lang ako at diretsong pumunta sa upuan. Badtrip.
Mag-isa ko ngayong narito sa stage habang 'yong mga kaibigan ko ay nakikipagplastikan sa mga kasama ni Dhine. Bakit ba kasi nila tinawag 'yong feelingerang bakla at si attitude girl? Nakakapagod makipagplastikan sa kanila.
Nang makumpleto na kami ay pinalapit ko sila sa harapan. "Alam niyo naman na siguro kung ba't kayo narito, ano?" Tumango naman sila at nag-umpisa na akong magbigay ng copies nung kakantahin.
"Mixed christmas songs 'to, ah. Pakinggan niyo muna 'yong tugtog, ako muna ang kakanta, ah? Wala munang sasabay," sabi ko at ginawa naman nila.
"Alla! Bet! Ang galing mo besh!" Hindi ko alam kung matutuwa ba ako o maiinis sa baklang 'to. Nagpalakpakan naman sila at kita sa mga mata nila na nagustuhan nila ang ginawa ko. Hay, buti naman at nagustuhan nila.
"Gagawa pa ako ng step, memorize niyo na muna 'yang kanta. Sa mga gustong tumulong, bukas ng 1 punta kayo rito," sabi ko nang matapos kong ituro sa kanila ang kanta.
"Linggo bukas, busy," sagot ng isa.
"Oo, alam ko. Kaya nga diba sabi ko kung 'sino lang' naman ang may gusto? Pinipilit ba kita?" Napairap ako bago umalis sa harapan nila.
Yapak na lang ng paa ko ang naririnig matapos kong sabihin iyon. Bigla tuloy akong na-guilty. Naging masyado na ata ako.
Tsk! Nakakainis ka self.
I just shrugged and sighed tiredly. Naupo na lang ulit ako sa dulo ng upuan dito sa amphi at nag-headset. Nagbasa na lang ako ng wattpad para baka matahimik na ako. Masyado na akong sumusobra.
"Lara?" Tapik sa akin ni Ashbelle.
"Hmm..?"
"Bili lang kami pananghalian."
"Hmm." Tango ko sa kanila.
Nang umalis silang tatlo ay nagbasa na lang ulit ako.
Makalipas ang sampung minuto ay nilibot ko ang paningin at ang dalawang pinsan ko na lang, si Kevin at Mico ang naiwan. Nakahinga ako ng maluwang, at least, alam kong may kasama pa ako.
Lumipas pa ang mga ilang minuto ay 'di pa rin dumarating sila Ashbelle. Naiinip na ako. Sinubukan kong mag-online at i-chat sana sila kaso wala man lang online sa kanila. Hinayaan ko na lang muna at muling nagbasa.
Ilang minuto ulit ang lumipas. Hindi ko na napigilan ang inip ko at napatulala na.
Ba't wala pa rin sila? Namamanhid na 'yong pwet ko rito, oh.
Hinihintay ko pa rin sila dahil alam kong babalik sila rito. Hindi nila ako pwedeng hindi balikan. Isa pa, narito pa lahat ng mga gamit, speaker, extension, baso at jug.
Alam kong isang oras na ang lumipas kaya hindi ko na maiwasang mag-alala, sa sarili ko siyempre. Nilibot ko ang tingin at para akong nabuhusan ng napakalamig na tubig. Wala na akong kasama. Iniwan nila ako!
'Hahahahaha!'
Nagsitaasan ang mga balahibo ko sa kaba nang marinig ko ang tawanan ng mga lalaki roon sa isang abandonadong bahay malapit lang dito sa amphi. Kitang-kita ko ang mga trabahador na nagtatawanan at ang ilan sa kanila ay nakatingin dito.
Hindi ko na maintindihan 'yong puso ko sa sobrang bilis ng pagtibok nito. Huminga ako ng malalim at isinalampak ulit ang headset ko at nakinig sa tugtog. Nagbasa ako nang nagbasa kahit wala na akong maintindihan. Ang dami ko ng chat kila Ashbelle pero wala pa rin silang reply.
Halla... nasaan na ba kayo? Bakit niyo ako iniwan mag-isa rito?
Halos maubos ko na ang tubig na nasa jug sa sobrang kaba, ngunit parang wala ring silbi dahil tulo nang tulo ang pawis ko at mas lalo lang akong kinakabahan.
Mas lalo akong pinagpawisan nang nag-power off na ang cellphone ko. Patay.
Nag-iinit na ang sulok ng mga mata ko sa takot. Nag-umpisa na akong manginig habang isinusuksok ko ang sarili sa tagong gilid. Napansin ko na lang na nag-uumpisa na akong magkamot sa pisngi ko pababa sa leeg, kamay at hita. Lalong dumidiin ang pagkamot ko tuwing naririnig ko ang mga tawanan nila.
Nahihirapan na akong huminga sa takot. Ang paningin ko, nanlalabo na sa luhang nagbabadyang tumulo. Nararamdaman ko na ang paghapdi ng mga kinakamot ko. At hindi mahintong panginginig ng kamay at tuhod ko.
Nasaan na ba kayo? Please... I'm sorry for being rude guys... please, samahan niyo na ako rito.
Nang hindi ko na nakayanan ang takot ay pumikit na lang ako at naramdaman ko na lang ang mainit na luhang tuluyan ng nagsihulog sa mukha ko. Napakagat na lang ako sa ibabang labi at nagkamot nang nagkamot.
Ang sama niyo sa akin. Bakit niyo ako iniwan...?
"Lara!"