What the talaga... Kasasabi ko lang sa sarili ko na ayaw ko na muna! Ano na naman 'to?
"Bakit naman po ganito..." Nagpapadyak ako sa hindi maintindihang nararamdaman. Hindi ko alam kung anong gagawin ko! "Ano na naman ba kasi—tsk!"
Napatigil ako sa pagsasalita nang bumaliktad si Irene, 'yong kapatid ko at nakayakap na sa akin ngayon. Ayaw na ayaw ko pa naman sa lahat ang niyayakap ako. Ok lang naman sa mga kaibigan ko, pero pagdating dito sa kapatid ko, talagang sinisipa ko pa para lang umalis sa pagkakayakap sa'kin. Nang bumaliktad na ulit siya, ni-chat ko na si Mico.
Lara Mae Chua: Anong klaseng joke 'yan?
Pangit mo naman ka-bonding!
Siyempre, alangan namang maniniwala agad ako. Malaki 'yong topak nito ang alam ko eh, kaya nga gusto ko siyang maging close kasi mukhang masaya siya kasama.
Mico Teranza: HAHAHA. It's a prank!
Mas pangit ka ka-bonding
Hndi mo pa nababasa ung
'It's a prank', alm mo ng jk.
Lara Mae Chua: Hahaha! sabi ko na nga ba, eh.
Binitawan ko muna ang phone ko at napabuntong hininga. "Bakit parang feeling ko, bigla akong na-disappoint? Tsk! Parang tanga." Napailing na lang ako at muling tiningnan ang convo namin. May chat ulit siya.
Mico Teranza: HAHAHAHA!
Lara Mae Chua: Grabeng tawa 'yan.
Happy ka na niyarn?
Mico Teranza: Should I be serious
then?
Just kidding. HAHA!
Lara Mae: Boi, you're confusing
me as hellapad, yeah
Mico Teranza: Sorry, sadya.
Kahit nmn sabihin ko ung
totoo, you're already taken.
Baka magalit pa jowa mo.
Lara Mae: Jowa? Sana all may jowa.
Mico Teranza: Baliw! Sabi mo meron.
Cold pa nga sau eh, dba?
Aba! Grabe talaga 'to magsalita, ah. Mapanakit.
Napaisip tuloy ako kung paano niya nalaman. Itatanong ko na sana sa kaniya pero naalala ko na minsan pala ay nariyan siya sa mga usapan namin dahil lagi siyang kasama nila Ashbelle, so hindi malabong hindi niya alam.
Lara Mae Chua: Wala. Wala na kami nun...
Matutulog na sana ako taz
ginulo mo utak ko. Kainis!
Mico Teranza: HAHAHA!
Lara Mae Chua: ba't ka tumatawa?
linawin mo, hoy!
Mico Teranza: Ang?
"Nanadya ata 'to, ah." Napanguso ako at muling nagtipa.
Lara Mae Chua: Wala. Ge, bye.
Mico Teranza: Kung sakali mang totoo
'tong nararamdaman ko,
WTH? baka magaya ako
sa kaniya, 3 yrs. HAHAHA!
Lara Mae Chua: HUH?
Napakunot ang noo ko at inintindi ang sinasabi niya. Saka ko lang naalala na alam niya pala 'yong about kay Denver at Kevin... but I bet na 'di niya kilala na si Denver 'yong recent ex ko. Taga ibang municipal, eh. Pero friends naman sila sa fb.
Story time...
There was a time na nasa kubo kami, lunch time, magkakasama kami nila Ashbelle, Kate, Hannah at 'yon si Mico, gumagawa kami ng assignment sa math.
Assignment pero sa school ginagawa. Hahaha! Gud gerl.
So ayon nga, siyempre seryoso akong nagso-solve dahil 1st subject namin 'yon sa afternoon class, kaya kailangan ko ng matapos. Habang naka-focus ako sa pag-s-solve, ayon, ang ingay-ingay nila. Tapos biglang parang may dumaang anghel, kaya umangat ako ng tingin sa kanila para malaman ang dahilan. Tapos naabutan ko na lang na nakaturo sa akin si Mico na katabi ko lagi sa kadahilanang hindi ko rin alam, habang nakasulat naman sa papel niya ang—Shh... naka-focus siya.
Napangiti ako ro'n kahit na nagtatakha. "Ang lamig," tanging nasabi ko.
"Parang hindi nasanay sa pagiging cold ng jowa, ah?" pang-aasar ni Kate na ikinatawa naman namin.
Alam ko naman ang totoo na cold na itong si Denver kaya 'di na ako gaanong nasasaktan, tinatawa ko na nga, eh. Pinipigilan ko ang sarili na huwag ng mahulog ng malalim sa kaniya at para mapigilan 'yon ay sinasanay ko na maging cold sa kaniya. Isa pa, ilang beses na rin akong nagbalak na makipag-break sa kaniya pero dahil sa kaloadingan niya, hindi ko naitutuloy. Ito pa pala, siguro dahil na rin sa alam ko namang crush ko lang talaga siya, lalalim pa sana, buti na lang at tulad nga ng sinabi ko, napigilan ko at napagod na rin kasi akong umintindi sa kaniya. Binibigyan ko naman siya ng chance para magbago siya sa pakikitungo sa akin pero, ewan.
"Madali talagang lamigin si Lara, kaya ayon, nanlamig noon kay Kevin kaya brineak," dugtong naman ni Hannah.
Tsk! Malamig naman talaga ang panahon, ba't napunta sa kanila? And also, 'di niyo lang kasi alam ang dahilan noong about sa'min ni Kevin. Mapipilit ko ba 'yong puso kong bumalik 'yong nararamdaman sa kaniya? Kung pwede lang, edi sana ginawa ko na noon pa para sana natupad ko 'yong pangako ko sa sarili ko at pati na rin sa kaniya. Ang hirap kaya turuan ng puso.
Nginingitian ko na lang sila kahit kanina pa salita nang salita 'yong utak ko. Natigil lang 'yon nang nagtanong si Mico.
"Gaano ba siya katagal nangligaw?"
Inangatan ko siya ng tingin na agad niya rin namang iniwasan. "3 years? 'Di ko sure." I shrugged. "Paano eh, putol-putol naman kasi."
"3?!"
Agad siyang napatingin sa akin habang nanlalaki ang mata at nakabukas pa ng bahagya ang mapupula niyang labi. Tinaasan ko lang siya ng kilay sa pagtatakha sa naging reaksyon niya ngunit tumango rin para kumpirmahin na tama ang narinig niya.
"Ikaw nga 7 years mo ng crush si—" Nabaling agad ang tingin niya kay Kate at agad na tinakpan agad na tinakpan ang bibig nito bago nangingiting tumingin sa akin.
Natatawa tuloy 'yong utak ko at sinabing, 'Ba't mo pa tatakpan 'yong bibig niya? Sa sobrang daldal niyan, alam ko na kung sinong tinutukoy niya, walang iba kundi si ate Jewelle.' 1 year ahead siya sa amin.
"Hindi naman na ngayon," pagdedepensa niya. Hinayaan ko na lang silang mag-ingay at muling bumalik sa ginagawa.
Mico Teranza: Si Kevin, 3 yrs dba siyang
nangligaw sau?
Lara Mae Chua: Oh, tapos?
Mico Teranza : Wla. Nvm.
Oo pla, totoo un.
Ideal, ganon. 50/50.
Lara Mae Chua: Seryoso? Hahaha!
50/50 ka riyan🙄
Btw, kailan pa?
Mico Teranza: Ewan.
Lara Mae Chua: Anong ewan ka riyan?
Hmm... bago lang, noh?
Mico Teranza: Siguro.
Lara Mae Chua: Ganon ba? So, ano na?
Mico Teranza: Wdym?
Hindi ko rin alam! Halla gagi! Ano ba 'tong pinagsasabi ko! Kaka-break ko lang doon sa isa tapos... Bakit ba kasi crush ako nito!? Tapos ngayon pa umamin. Wow! Just, WOW! What a great night!
Kanina ko pa gustong sumigaw kaso tulog na kasi ang mga tao. Ayaw kong mambulabog kaya pilit kong pinipigilan ang pagsigaw.
Napabuntong-hininga ako at umiling bago muling nagtipa.
Lara Mae Chua: Oh, nothing. Ge, tulog na 'ko.
Mico Teranza: Ur gradually confusing
me, Lara.
Lara Mae Chua: Itulog mo na lang
'yan, hahahahaha
In-off ko na ang data dahil alam kong hindi 'to matatapos hangga't sa walang unang titigil sa amin. Tiningnan ko ang oras at 9:20 pm na.
"Grabe, mahigit 30 minutes pala 'yong pag-uusap namin."
Ni-set ko na ang sleep mode ng music para mag-stop na palang mamaya pagkatapos ng 100 minutes. Nag-umpisa na akong nag-ayos sa pagkakahiga. Nang nahanapan ko na ang pwesto ko, napatulala ako habang tinitingnan ang liwanag na tanging makikita sa madilim na naming kwarto.
Habang nakatulala ay nararamdaman kong nag-c-connect ang dalawa kong natitirang brain cells. May na-realized lang ako.
Diba, dahil nga sa kaibigan siya nila Ashbelle at Kate, nakakasama ko na siya minsan, pero bago lang 'yon, ngayong grade-10 lang, kaya hindi pa kami ganoon ka-close. Kay Kate lang naman kasi siya nakikipagkulitan, the rest, binabara-bara niya na. Sarap batukan.
Lagi ko siyang napapansin. Paano ba naman kasi, lagi kaming magkatabi sa upuan, sa paglalakad, basta lagi kaming magkatabi. Lahat ng naririnig niyang gusto ko, bigla na lang ganoon na rin sa kaniya. Kunwari, 'yong mga pinapatugtog ko, nasa playlist niya na rin, 'yong favorite food ko, ganoon na rin kinakain niya, like that.
Bigla akong nanghinala noon pero hinayaan ko na lang. Pero, you knowz? Sino ba namang lalaki ang gagawin lahat ng mga pinagsasabi mo. Ewan ko kung masyado lang akong naging-OA pero mas lumala 'yong hinala ko na crush niya ako sa mga oras na I feel like nasa akin 'yong atensyon niya lagi.
Everytime na magkwekwentuhan kami, kapag nagkasabay kaming nagsalita, titigil siya at ipatutuloy niya 'yong kwento ko then as in nakikinig siya. Lagi ko pang napapansin na sa akin naka-point 'yong paa niya, seems like he's really interested on me.
There was also a time na habang naglalakad kami, nasa likuran namin siya, then bigla niyang isinigaw 'yong pangalan ko. Nilingon namin siya at agad namang nag-react 'yong katawan kong gumilid dahil muntikan na akong natagis na ikinatawa ko pa. "Muntikan ka na 'ron." Narinig kong sabi niya sa likod kaya natigil ako sa pagtawa. Sa tono ng boses niya ay para siyang nag-aalala na galit.
"Alla?!" I exclaimed when the song stop. That's when I realized na mahigit isang oras na pala akong nag-r-reminisce. But, it didn't stop there, may naalala na naman ako. Marami-rami pala akong ala-ala kasama siya.
Siyempre, dahil BER months ay malamig ang panahon. Umuwi kami noon sa bahay at magpapaalam akong matutulog kami kila Ashbelle. Nagdala ako ng white hoodie dahil madali akong lamigin. Pagbalik namin sa bahay nila Ashbelle, naroon pa rin si Mico, tinutulungan 'yong tatay ni Ashbelle sa pagluluto.
"Narito na pala kayo, uwi muna ako." Paalam niya at um-oo naman kaming apat nila Hannah.
Everytime na may projects or whatever na school works ay rito namin ginagawa kila Ashbelle. Kapit-barangay ko lang naman sila at magkaparehong barangay lang itong apat kaya halos magkakalapit lang ang pinupuntahan namin kaya pinapayagan kami, and our parents have trust on us.
"Tara bili ng pang midnight snack."
Pera lang ni Ashbelle ang meron kaya hindi na kasiya ang pera, so apat na lang na milo ang nabili. Pagbalik namin, biglang nagpaalam si Kate na babalik daw sa bahay nila. Sinamahan naman nila si Kate pero 'di na ako sumama dahil tinatamad na ako at mabilis sumakit 'yong paa ko, malamig na rin sa labas.
Sakto namang pag-alis nila, maya-maya lang ay dumating na si Mico. "Nasaan sila?" bungad niya.
"Umuwi si Kate, sinamahan nila."
"Ba't 'di ka sumama?" tanong niya ulit at tuluyan nang pumasok.
"Tinatamad ako." Naka-pout na sagot ko nang matapos isuot ang hoodie.
"Pft!"
Rinig kong pagpipigil niya ng tawa kaya nagtatakha ko siyang tiningnan, nakita ko tuloy 'yong dimple niya.
"Luh? ba't kayo lang may ganito?" takhang tanong niya habang hawak 'yong milo na ikinatawa ko. "Bili nga ako," sabi niya at nagsuot ng white rin na hoodie at lumabas.
"Hoy! Wait, samahan na kita." Habol ko sa kaniya at hinintay niya naman ako.
Nang makarating kami sa tindahan, bumili siya ng milo at iba pang makakain.
"Anong gusto mo?"
Tinaasan ko siya ng kilay sa gulat sa tanong niya pero agad ding naghanap ng gusto ko. Nakangiti kong tinuro 'yong cloud-9 at bumili siya ng lima.
Paalis na sana kami nang biglang umambon. Isinuot namin pareho 'yong sumbrelo ng hoodie namin at nag-umpisang maglakad. Habang naglalakad ay lumilingon ako paminsan-minsan sa likod, baka kasi nariyan na sila Hannah, at tulad nga ng inaasahan ay nakita ko na rin sila kaya huminto ako at huminto rin siya.
Ibinigay niya sa akin 'yong isang cloud-9 at napaangat ang tingin ko sa kaniya, doon ko lang napansin na hanggang dibdib niya lang pala ako.
'This is so unfair.' Nasabi ko sa isip.
"Luh? Akala namin magjowa kayo!"
Bigla kong narinig ang boses ni Kate kaya napalingon agad ako. "Huh? Hahahaha! Tanga," sabi ko at hindi ko naiwasang paluin siya sa sobrang tawa. Joker ampraning.
"Oo nga, akala namin magjowa kayo, lalo na at pareho kayong naka-white na hoodie," sabi naman ni Hannah. Natatawa kong kinuha kay Mico 'yong tatlong cloud-9 at ibinigay sa kanila para mahinto na sila sa kalokohan.
Nahinto ako sa pag-aalala nang biglang ang ingay na ng mga aso. For sure, 12 na.
Agad akong napatakip sa mukha at nagpapadyak. "Alla, tama na utak, please... maaga pa ako bukas, maawa ka sa akin. Kainis kasing confession 'yan." Naluluha na ako sa sobrang inis. 'Di ako makatulog!
Napatulala ulit ako nang may naisip. "Pero, wow? Ang dami na palang nangyaring ganoon. Tinatawanan ko lang 'yong tungkol sa sinabi nila Kate at Hannah na para kaming mag-jowa, tapos... Gosh! Baka palihim na kinilig do'n si Mico! Hahaha!—" Napatigil ako sa pagtawa nang nag-ingay na naman 'yong mga aso, awuu nang awuu, kakilabot.
Ipinikit ko na lang ang mata at wala sa sariling nasabi na... "After all, hindi na ako nagmukhang assuming dahil hindi naman pala mali ang hinala kong crush mo ako. Kung maaga mo lang sanang sinabi, edi sana hindi ko pinigilan 'yong sarili kong kiligin man lang kahit papaano. Oh, diba? may kasama ka rin sanang kiligin, pft! If only I knew... it would've been nice."