Nandito na kami sa sala nila Bryan, hinihintay na lang namin siya para makakain na. Naka ready na rin kasi sa hapag kainan 'yung niluto ng maid nila.
"Marami namang pwedeng utusan ba't siya pa ang bumili?" Tanong ko sa kanila.
Busy sila sa panonood ng wrestling. Tinignan lang nila ako saglit at binalik naman nila agad 'yong pokus nila sa panonood. Aba aba.
Biglang bumukas ang main door sabay pasok ni Bryan nang nakabusangot.
Wala man lang may tumayo para tulungan si Bryan sa mga dala nito.
Kung kaya't ay ako nalang ang tumayo sabay lapit dito.
"Ako na magbibitbit ng isang supot Bry."
"Hindi ako na, ayos ka na ba?" Pagtatanong nito. Habang naglalakad patungo sa pwesto ng mga ulupong. Kaya ay sinabayan ko rin ito.
"Oo, at saka ba't ikaw ang bumili niyan? Pwede ka namang mag-utos sa driver mo o kaya sa mga maid nyo."
"Tanong mo sa mga siraulong iyan." Sabay nguso nito papunta sa pwesto nila Jordan.
Tinignan ko naman sila at sabay pa talaga silang nag iwas nang tingin ha. Pero nakikita naman sa mga labi nila 'yong pigil na pag-ngiti.
"Tinanong ko naman sila pero hindi naman nila sinagot." Saad ko.
"Tsk, mga tarantado. Nag bato bato pick kasi kami tapos 'yung talo siya 'yong bibili. Obvious naman kung sinong talo." Ismid pa nito.
"Seriously? HAHAHAHA at sino namang may pasimuno niyan ha?" Tanong ko.
"Ako." Nilapag nito sa gitnang mesa ng living room ang binili niya. Sabay batok sa'kin.
"Luh?! Kasalanan ko? Ba't mo ako binatukan? Ikaw naman pala ang may pasimuno eh." Taena naman oh.
"Si George sana 'yung talo, kaso nagreklamo ang sira ulo unfair daw kasi hindi ka kasama sa pag bato bato pick. Kaya dahil sa amin naman daw ang bahay na ito ako ang mag babato bato pick para sa'yo. Ayon talo, kaya rapat ikaw ang bibili eh." Saad nito.
"Wtf? Hinimatay nadamay pa? At kasalanan mo na 'yon noe, ikaw nakaisip niyan eh." Mga gague talaga.
"Nyenye." Oh tamo parang bata.
"Oh siya kumain na tayo mga gunggong." Ani ni Bryan.
At ang mga gague nag-unahan pa sa hapag kainan.
"Pre hindi ka na namin minsan matyempuhan. 'Pag recess naman umaalis ka kaagad, naiintindihan naman namin na 'pag vacant mo may duty ka. Pero hanggang uwian nauuna ka pa sa amin hindi ka na sumasabay. Hindi ka naman ganyan noon." Ani ni Jordan.
"Oo nga! Nakakatampo ka na ah." Parang bata namang segunda ni Mike.
"Ha? Ah eh, kasama ko kasi si Darcy." Ani ko.
"Darcy? Hala! Lumalablayp ka na?!" Sigaw ni George sabay palakpak. Sinaway naman siya ni Jordan dahil dito.
"Kung hindi pa pala nagreklamo si Jordan, hindi pa namin malalaman na may lovelife ka na pala. Ikaw ha, nagbibinata na." Asar pa ni Bryan.
"Heh! Hindi kami noe, at saka magkaibigan lang kami. Plus no'ng nagkakilala kami wala kayo noe. At saka naging busy rin kayo. At sorry kung hindi ko napapansin na ako na naman pala 'yung nagiging busy." Paliwanag ko.
"Ayos lang pre, pakilala mo nalang siya next time sa amin." Ani pa ni Mike sabay subo ng kanin.
"Pag matyempuhan." Tinignan pa ko nila na parang nang-aasar.
Hindi ko nalang sila pinansin at itinuon ang sarili ko sa pagkain.
Nang matapos kumain ay bumalik kami sa may sala.
"Magkantahan tayo ah. May mic naman sila Bryan dito." Saad agad ni Mike.
"Basagan ba ng eardrums 'to?" Segunda ni Jordan.
"Ito naman ang kj, makalait ha. Maganda kaya boses ko, unlike naman kay George at Michael ang si-sintunado." Dinamay pa talaga yung dalawa. Ayan tuloy binatukan siya.
"Aray." Pagdaing niya.
"Ulols, sa ating anim mas sintunado si Chasky. Kahit itaya ko pa nanay at tatay ko. Sa contest ng mga sintunado tiyak panalo 'yan HAHAHAHA." Pang-asar pa ni Bryan.
Ayan na nga ba nadamay pa ako. Aminado naman ako roon, hindi talaga ako blessed sa pagkanta.
"Alam niyo…"
"Hindi!" Sabay pa nilang sabi.
"Taena nyo!" Ayon nagsitawanan ang mga siraulo.
"Huwag na nga lang tayong kumanta, baka umiyak pa ang langit eh. Kawawa naman. Uminom nalang tayo, tapos kwentuhan. Matira matibay." Ani ni Michael.
Nagsisang-ayon naman ang lahat.
"Pero pababain muna natin 'yung kinain natin." Ani ko.
"At saka natatae ako, wait lang HAHAHAHA." Sabay tayo ko at deretso punta sa may Cr dito sa baba.
"Yuck Chasky HAHAHAHA." Dinig ko pang asar ni Mike.
Ewan ko ba kasi, pagkatapos kong kumain lagi na lang akong natatae. Mabilis mag digest.
Pumasok na ako sa cr at tumingin pa sa salamin. Ang gwapo talaga.
Binaba ko na ang short ko at nilabas na ang tinatawag ng kalikasan HAHAHAHA.
Nang matapos ay naghugas ako ng kamay sabay tingin uli sa salamin. Pero nagtaka ako kasi may nakasulat na sa salamin na mga numero. Kulay pula pa ang ginamit.
Kinabahan ako dahil doon, parang dugo. Maliit lang naman siya.
Saan nanggaling ito? At sino ang nagsulat?
Kanina wala pa 'yan diyan ah.
9 20 15
Anong ibig sabihin niyan? Tinignan ko pa nang maigi. May nakita akong sulat doon sa loob ng zero sa may bente na numero.
Latin Alphabet
Ano kayang ibig sabihin niyan?
"Chasky! Yuhoo! Tagal mo riyan ah, naiihi na ako." Ani ni Mike. Based palang sa boses, sabay kalampag nito sa pinto ng cr.
Binuksan ko naman ang pinto at pumasok naman siya.
Tinignan pa ako nito na parang nagtataka, "Ano pang ginagawa mo? Hindi ka lalabas? Sasamahan mo akong umihi? Ikaw ha."
Hindi ko pinansin iyong sinabi niya.
"Kita mo 'yan?" Sabay turo sa salamin.
Tumango naman ito, "Oo."
"Anong nakikita mo?" Pagtatanong ko.
"Salamin?" Tinignan pa ako nito na parang nagpapahiwatig na 'tanga ka ba? Hindi mo alam 'yung salamin'.
"Nvm." Sabay labas ko sa Cr.
Ilusyon ko na naman siguro 'yon.