Chapter Three
HINDI MAITATANGGI NI ELLA ANG kabang nararamdamang niya nang sumama siya kina Myrna at Kakay sa bar na pinagtatrabahuan ng mga ito. Pagpasok pa lang niya sa naturang bar ay pinagtitinginan na sila ng ilang tao roon, lalo na ang mga lalaki. 
First time lang ni Ella na magsuot ng spaghetti style na blouse na tinernuhan ng maong na mini-skirt. Kaya naman, palihim niya iyong binababa dahil pakiramdam niya ay hinuhubaran siya ng tingin ng mga lalaking nasasalubong nila. 
Nilagyan din siya ng make-up ni Kakay kaya lalong lumitaw ang kagandahan niya. 
Dinala siya ni Myrna at Kakay sa isang silid kung saan may isang matabang lalaki roon ang naabutan nila. 
"Boss, nandito na kami! At tulad ng pinangako ko, dinala na namin siya!" pagmamalaki ni Myrna. 
"Siya si Boss Ricky, ang may-ari ng bar," bulong ni Kakay sa kanya. 
Lihim na napalunok ng sariling laway si Ella nang makita niya ang paghagod ng tingin sa kanya ng matabang lalaki. Hindi na rin nawala sa kanyang paningin ang paguhit ng ngiti sa mga labi nito. 
Sa pagkakataong iyon ay lumapit si Myrna sa lalaki, at may binulong ito. 
Nakita ni Ella ang bahagyang pagkinang ng mga mata ng lalaki. Wala siyang ideya kung ano ang binulong ni Myrna, at ganoon na lang ang tuwang sumungaw sa mukha nito. Kaya naman lalo lang siyang kinabahan. 
"Tamang-tama! Nandyan ang galante kong parokyano! I'm sure masisiyahan siya sa dala mong regalo, Myrna!" excited pang tumango ang lalaki. 
Halos hindi makagalaw sa kinatatayuan si Ella nang lumapit ito sa kanya. Parang ngayon palang ay parang pinagsisisihan na niya ang naging pasya niyang sumama siya sa mga kaibigan niya. Pero paano ang mga utang at pampapagamot ng Papa niya? 
"Ready ka na ba, ija?" nakangiting tanong nito, "Wala na 'tong atrasan, ah! Galante at mabait naman ang parokyano kong iyon. I'm sure, mag-eenjoy ka sa kanya!" 
Hindi siya tumango. Hindi rin siya umiling. Napatingin lang siya sa kanyang mga kaibigan. Bente-otso anyos na siya. Oo, wala pa siyang karanasan pero hindi na naman siya inosente sa mga ganitong usapin lalo pa't laking-squatter siya kung saan bulgar magsalita ang mga taong kinalakihan niya. 
"Tara! Gusto ko, ako mismo ang maghahatid sa'yo sa unang costumer mo!" excited na sabi ng lalaki.
Gumuhit na ang ngiti sa mga labi nila Myrna at Kakay. 
Nakaramdaman ng panlalamig si Ella habang sumusunod siya sa matabang lalaki. May bumubulong sa kanya na umatras na at tumakas. Pero alam niyang imposible na. Nandito na siya. Siya mismo ang naglagay sa sarili niya sa isang hawla na puno ng mga uhaw sa laman na mga nilalang. 
Hininto sila tapat ng isang silid. Halos pikit-mata si Ella nang pihintin ni Boss Ricky ang saradura ng pintuan. Pero kasunod niyon ang pagkawala ng matinis na tili nila Myrna at Kakay. 
Napatingin na rin si Ella sa loob. At doon, nakita niya ang nagkalat na mga walang buhay na katawan ng mga ilang lalaki na kapwa naliligo na sa sariling dugo. Natanaw rin niya sa kanyang paningin ang lalaking nakahandusay sa upuan na may tama ng kung anong sandata sa bandang leeg nito. Dilat ang mga mata nito, at halos naliligo rin sa sariling dugo. 
Parang bihusan ng malamig na tubig si Ella sa kanyang nakita. Mabilis niyang naramdaman ang pangangatog ng kanyang mga kalamnan dahil sa tinding pagkagulat. Ngayon lang siya nakakita ng ganoong scenerio sa tanang buhay niya. At talaga namang nakakilabot!
"Pinasok tayo ng kalaban! Magmadali kayo hanapin ninyo ang salarin!" utos ni Boss Ricky at nagsimulang magsipagkilos ang ilang kalalakihan sa paligid. 
Nagsimulang maalarma ang ibang costumer na naroroon. Nagsimulang nagkanya-kanya ng takbo kung papaano makakaalis sa lugar na iyon.
Napaatras si Ella. 
Nangangatog ang kanyang mga paa pero alam niya ito na ang pagkakataon niya para makatakas sa lugar iyon.
Tumakbo siya. Sa dami ng tao sa paligid, halos hindi na niya mahanap ang tamang daan papalabas. Nahahalo na siya sa mga taong natataranta nang biglang humila sa kanya.
Gulat siyang napatingin rito. 
"Jinuel?!" Nanlaki ang mga mata niya nang makilala ito. 
"Talagang ginawa mo noh?" galit na sabi nito.
"Ha?" gulat niya. Pero nagawa niyang iiwas ang tingin rito nang simulan nitong tignan ang damit niya. Hindi rin niyang magawang sagutin ito dahil sa pagkapahiya. Pero nagulat siya nang hubarin ni Jhinuel ang suot nitong coat, at ipinatong ito sa balikat niya. 
"Isuot mo iyan!" utos nito. 
Nagmamadaling tumalima naman siya.
"Ilalabas kita rito!" sabi nito saka muling hinawakan ang kamay niya. 
Nagawa nang sumunod ni Ella sa lalaki. Hindi niya maiwasan ang magtaka dahil bakit parang alam na alam ni Jinuel ang pasikut-sikot sa bar na iyon. Madalas ba itong naroroon? Isa ba ito sa mga parokyano ng matandang Ricky na iyon? Pero imposible, dito nagtatrabaho sila Myrna at Kakay, eh. Kaya dapat nakikita rin ito ng mga kaibigan niya. 
Nagawa na nilang makalabas ni Jinuel sa lugar na iyon ng ganoon kabilis. May sumalubong sa kanilang isang lalaki. Pero bigla itong natigilan nang makita siya.
Napakunot ang noo ni Ella dahil kung hindi siya nagkakamali, parang nakita na niya ang lalaking itong kasa-kasama ni Jinuel sa hospital. 
"Umalis na tayo sa lugar na ito!" utos ni Jinuel saka may inabot ito sa lalaking na isang mahabang bagay. 
"Copy, Boss!" magalang na tugon na lalaki saka dali-dali itong sumakay sa driver's seat. 
"Sakay!" baling sa kanya ni Jinuel. 
Ewan ni Ella pero nagawa niyang sumunod rito. Sumakay siya sa backseat kung saan katabi niya ito. 
Lihim na namangha si Ella sa ganda ng sasakyan ni Jinuel. Wala siyang alam tungkol sa mga sasakyan pero natitiyak niyang hindi biro ang presyo nito. 
"Opo, nakita ko na po siya! Ako na po ang bahalang magsabi sa kanya ng mga napagkasunduan natin. Huwag po kayong mag-alala. Opo. Sige, po." ani Jinuel.
Walang ideya si Ella kung sino ang kausap ni Jinuel sa cellphone nito. Nakatuon na lang niya ang kanyang paningin sa kalsada. Ilang saglit pa, napansin niyang iba na ang rotang dinadaanan nila.
"Saan mo ako dadalhin? Mali ang daan natin!" sita ni Ella kay Jinuel. 
"Hindi ka na babalik sa bahay ninyo," sagot nito. 
"Ano'ng hindi?" napakunot ang noo niya. 
"Nagpirmahan na kami ng kontrata ng mga magulang mo," tugon muli nito.
"Teka, ano'ng kontrata iyon?" usisa niya dahil wala siyang alam kung ano na ang napag-usapan ng mga ito. 
"Kontrata na pumapayag silang maging agent ko, kapalit ng tulong na hinihingi nila sa akin!" ngumiting tumingin sa kanya si Jinuel.
"Agent?" napakunot muli ang noo ni Ella, "Call Center Agent ba? Walang problema! Magaling kaya akong mag-english!" pagmamalaki niya rito. 
Bahagya naman natawa si Jinuel sa sinabi niya. Ganoon rin ang lalaking nagmamaneho ng sasakyan.