"Reign, sure ka bang hindi ka sasama sa'min?," tanong ng kaklase naming si Juliet. Agad akong umiling.
"Kailangan ko kasing umuwi ng maaga eh, sorry," nakangiting sabi ko. Agad naman silang tumango at nagpaalam na aalis na. Katatapos lamang ng mga klase namin at nag-aayos ako ng bag ko.
Luminga-linga rin ako sa loob ng classroom para hanapin ang mga kaibigan kong sina Sky at Harper. Saan naman kaya nagsipagpunta ang dalawang 'yon? Pinagsawalang-bahala ko nalang ito saka nagpatuloy sa pag-aayos ng laman ng aking bag.
"Reeeeeign!," agad kong nabitawan ang libro ko dahil sa gulat nang marinig ang sigaw ng kaibigan kong si Sky. Maya-maya ay nakita ko s'ya sa pintuan ng room at kasunod n'ya ang hinihingal na si Harper. Napatawa naman ako nang mahina dahil mukhang napagod si Harper para makasabay sa pagiging energetic ni Sky.
Nginitian ko sila saka pinulot ang libro kong nahulog. Isisilid ko na sana 'to sa bag ko nang agawin ito ni Sky. "Girl, listen to me, OMG!," napatakip ako sa tenga ko dahil sa nakakabingi n'yang tili.
"May transferee tayo! OMG!," pinagkunutan ko s'ya ng noo. Transferee raw ba? Anong klaseng transferee naman? "And guess what, gwapo! As in! Man of my dreams, my knight in shining armor," pagpapatuloy n'ya with matching actions pa, kahit kailan ay napakakulit.
Agad din naman akong napasimangot, wala rin naman akong pake sa transferee in the first place eh. Magagawa ko namang mag-aral kahit walang gwapo na transferee sa school namin. Narinig ko naman ang pag-ubo ni Harper, tila inaasar si Sky dahil wala man lang akong reaksyon sa kwento n'ya.
"Sis, kaklase natin! Kaklase natin!," she exclaimed in front of me, at talagang inuga-uga pa ako. Sinamaan ko tuloy s'ya ng tingin kaya nag-peace sign siya. Narinig ko naman ang pagtawa ni Harper.
"Sky, kahit pa kaklase natin 'yan o hindi, wala akong pake. May gwapo man o wala, hindi ako mapag-aaral nan, okay?," kalmadong sabi ko pero lalo lang napasimangot si Sky. Napakamot naman ako sa ulo ko dahil napakakulit talaga ng kaibigan naming 'to. Tiningnan ko naman si Harper saka n'ya ako tinanguan para sabihing pakinggan ko na lamang ang kwento ni Sky.
Napabuntong-hininga naman ako. "Fine, what's his name?," I said, napipilitan. I can't even believe myself that I asked for his name. Nakita ko naman ang malaking ngiti sa labi ni Sky.
"Hindi ko masyadong sure pero based sa narinig ko na chismis galing sa kabilang section, Maverick Vegaz daw. Alam mo ba kanina, papunta sana kami sa gym para silipin yung crush ko kaso nakita ko yung Maverick na pumasok sa principal's office. Tapos narinig ko yung mga bulungan ng ibang estudyante," pagkukwento n'ya kung paano n'ya nakita 'yung Maverick na 'yon.
"At paano ka naman nakakasigurado na kaklase natin 'yon?," tanong ko habang nakapamewang. Nagkibit-balikat s'ya sabay sagot na, "Hmm, feeling ko lang"
Napasapo naman ako sa aking noo. Nag-usap pa kaming tatlo tungkol sa mga bagay bagay bago kami nagdesisyon na umuwi. Medyo nakaka-konsensya nga lamang dahil tumanggi ako sa iba naming kaklase nang yayain nila akong gumala pero heto ako, alas-singko ay naglalakad pa lamang pababa ng building ng school.
"Thank you, Mr. Maverick for choosing Southville High as the school where you will study," napatigil ako nang marinig ang isang boses. Akala ko ay wala na halos tao ngunit nagtaka ako nang makarinig ng boses mula sa office ng principal.
Agad akong dumungaw dahil na rin sa curiosity. Doon ko nakita ang isang lalaki na kausap ng principal namin. Baka s'ya 'yung Maverick na tinutukoy ng mga kaibigan ko? Tila sinampal naman ako ng reyalidad nang ma-realize ko ang mga bagay na iniisip ko.
Hindi ko rin naman nakita 'yung transferee dahil nakatalikod s'ya sa pinto at busy makipag-usap sa principal. Nagpatuloy nalang ako muli sa paglalakad hanggang sa makalabas ako sa Southville High.
Naglakad pa ako hanggang sa makarating ako sa paradahan ng jeep papunta sa amin. Habang naglalakad ay inilabas ko ang cellphone ko. Patuloy lang ako sa pag-scroll nang makaisip ako ng isang ideya. Agad kong sinearch sa facebook ang pangalang "Maverick Vegaz"
Maraming profile ang lumabas ngunit ang pinindot ko ay ang pinaka-unang profile. Agad ko itong tiningnan at nagulat nang makitang friend na agad n'ya si Sky. Napailing na lamang ako dahil sa kaibigan ko.
Nag-scroll pa ako sa profile n'ya at tiningnan ang mga pictures. Tama nga si Sky, gwapo nga s'ya. Sa sobrang gwapo eh hindi mo aakalain na nage-exist s'ya. Tiningnan ko ang mga luma n'yang pictures, noong s'ya ay bata pa.
Natawa ako sa isang picture kung saan may suot s'yang Spongebob costume. "Beeeeeep!," halos mahagis ko ang cellphone ko dahil sa businang aking narinig.
"Hoy ano ba! Magpapakamatay ka ba! Kung oo, huwag ka dito! Dadamay mo pa kami sa'yo!," rinig kong sigaw ng driver ng kotse na bumusina sa akin. Nagulat naman ako nang mapagtanto na nasa kalsada ako at tumatawid na ngunit naka-pula pa ang stop light para sa mga tatawid.
Agad din akong humingi ng tawad sa driver. Badtrip naman! Hindi ko tuloy ginamit ang cellphone ko buong byahe sa jeep dahil sa pagka-inis.
Nang makauwi ako ay nakita kong nasa lagayan na ng sapatos ang sapatos ni Mama, ibig sabihin ay nakauwi na rin s'ya. Hinubad ko na ang aking sapatos saka dumeretso sa kusina. Tama naman ako dahil nandoon si Mama.
Agad n'ya akong binati at inalok na kumain. Nakita ko namang nagluluto pa s'ya ng ibang pagkain. Sinabi ko naman na magbibihis muna bago kumain kaya umakyat ako sa aking kwarto saka humilata sa kama.
Grabe, nakakapagod ang araw na 'to.
Matapos ang ilang minuto ay bumangon na ako saka isinaksak ang cellphone ko, lobat na rin kasi ito. Nang makapagbihis ay agad na rin akong bumaba para sabayan si Mama na kumain.
"Kumusta ang araw mo, anak?" nakangiting tanong ni Mama sa akin. Tinapos ko muna ang pagnguya ng karne na kinakain ko bago nagsalita.
"Ayos naman po, Ma. Medyo nakakapagod nga lang, kasi naman eh ang dami agad na assignments at activities kahit kasisimula lang ng klase noong isang araw," pagrereklamo ko kaya natawa si Mama sa akin.
"Eh kumusta ka naman sa mga kaibigan mo? Kila Sky at Harper?," tanong ni Mama. Naalala ko na naman ang kakulitan ni Sky kanina.
"Ayon, si Sky ay makulit pa din kagaya ng dati. Si Harper naman, mukhang napapagod na rin magkeep up sa kakulitan at kahyper-an ni Sky. Tapos Ma, alam mo ba kanina eh kinukulit akong maigi ni Sky," pagkukwento ko.
"Napakakulit. Pinipilit na ipakilala sa akin yung transferee na sinasabi n'yang gwapo raw. Pero oo gwapo nga, pero kahit pa gwapo s'ya, wala naman akong pake don kaya bakit n'ya ako kukulitin tungkol don sa lalaking hindi ko naman kilala, 'di ba, Ma?" tuloy-tuloy kong paliwanag kaya napatawa sa akin si Mama.
"Hay nako, ang anak ko. Bakit naman wala kang interes na kilalanin s'ya kung kaklase mo naman pala s'ya? Wala namang masama doon, 'di ba?" tanong ni Mama kaya napasimangot ako.
"Maaa, lalaki s'ya. Lalaki. Lahat ng lalaki, nang-iiwan. Lahat ng lalaki, walang ibang gagawin kundi saktan lang ako. At ayoko n'on, Ma. Ayokong masaktan ulit. Ayokong makakilala ulit ng lalaki na iiwan lang din ako sa huli na parang wala lang," pagpapaliwanag ko. Napansin kong medyo naging seryoso rin ang mukha ni Mama.
"Tungkol parin ba ito sa Papa mo, anak?" tanong n'ya na hindi ko naman sinagot. Alam kong alam n'ya na sagot ko roon. "Anak.. Hindi lahat ng lalaki ay katulad ng Papa mo, okay? Hindi lahat ng lalaki na makikilala mo ay sasaktan ka lang. Alam kong mahirap tanggapin dahil yung lalaking una mong minahal eh iniwan tayo na parang wala lang. Pero hindi mo kailangang lahatin sila. Hindi porket ginawa ng isa ay gagawin ng lahat 'yon," pagpapaliwanag ni Mama.
Naiintindihan ko naman ang mga point nila doon pero hindi ko alam kung bakit pero hindi ko parin magawang intindihin na hindi ko dapat lahatin ang mga lalaki. Ayoko nang magtake ng risk na kumilala ng panibagong lalaki dahil paano kung ang makikilala ko ay katulad lang din ni Papa?
Pero para hindi na humaba ang usapan, tumango nalang ako saka nginitian si Mama. Ayoko na rin na pag-usapan pa namin ang tungkol sa Papa ko dahil alam kong nasasaktan lang din si Mama.
"Ikaw Ma, kumusta ka po?" tanong ko kay Mama. Agad naman din s'yang nagkwento tungkol sa maghapon n'ya na pinakinggan ko rin nang mabuti. Nang matapos naman kami magkwentuhan at kumain ay tumulong ako sa paghuhugas ng mga plato bago nagpaalam na aakyat na ako sa aking kwarto para gumawa ng assignments at magpahinga.
Hindi ko muna ginalaw ang cellphone ko dahil naalala ko na naman ang near to death experience ko kanina dahil sa cellphone na 'yon. Ginawa ko na lamang ang mga assignments na ibinigay sa amin.
Bandang alas-10 na ng gabi nang ako ay matapos. Hinugot ko na ang cellphone ko saka ito dinala patungo sa aking kama. Humiga ako dahil pagod na pagod ako. Saka ako nagbukas ng cellphone para magpaantok.
Pero imbis na antukin, tila nagising ang buong diwa ko nang matanggap ang mga notifications galing sa texts ni Sky at Harper. Agad kong binuksan ang chats nila sa group chat namin.
Sky:
Ohmygod!!!!! Reign, stalker ka na?!!?!?!
Harper:
Hahaha, Reign, kita namin 'yon ha
Sky:
Ikaw ha, Reign, hindi mo naman sinabi na bet mo pala ang mga boys na nakasuot ng spongebob costume. Hahaha!
Harper:
Hoy, Sky! Hahaha!
Nanlaki ang mga mata ko, as in literal, sa mga nabasa ko. Anong ibig sabihin n'on?! Para akong binuhusan ng malamig na tubig nang maalala ko na ini-stalk ko nga pala ang profile ni Maverick kanina! Omg!
Agad akong nagtungo sa facebook para tingnan ito pero nagulat ako sa isang notification na natanggap ko.
Maverick Vegaz sent you a friend request.
"AAAAH!!," agad akong napatili. Nooo, hindi ito pwede. Agad ko ring tiningnan ang profile ni Maverick saka hinanap ang picture na aksidente kong na-like. Nakita ko rin naman ito matapos ang ilang minuto. Napasapo na lang ako sa aking noo nang makita na ni-like ko nga ang picture na 'yon.
"Lupa, kainin mo na ako, please," bulong ko sa sarili ko. Natulog nalang din ako para takasan ang kahihiyan ko. Dinelete ko rin ang friend request nung Maverick na 'yon sa akin. Huhuhu, good luck nalang talaga sa akin bukas.
Kinabukasan ay nagising nalang ako sa alarm ng cellphone ko. Muli ko na namang inaalala ang mga kahihiyan ko kahapon.
Kahit labag sa kalooban ko, nag-ayos na ako at naligo para hindi ma-late sa klase. Hindi ko na rin nireply-an kagabi sina Sky at Harper at in-uninstall ko na rin ang facebook ko.
Nang makarating sa school ay nakatungo lamang akong naglalakad, iniisip na baka may iba pang nakakita ng pagiging stalker ko bukod sa dalawa kong kaibigan.
"Hoy, nabalitaan nyo ba yung transferee d'on sa 3A? Sobrang gwapo raw!," rinig ko sa usapan ng mga taga-ibang year level.
So totoo nga, kaklase namin yung transferee na 'yon. Hindi ko na lamang sila pinansin saka nagpatuloy sa paglalakad papunta sa classroom.
Nang makarating ako ay dama ko na agad ang mapang-asar na tingin nila Sky at Harper sa akin. Sinamaan ko sila ng tingin kaya nagtawanan silang dalawa.
Inilibot ko ang paningin ko sa classroom para tingnan kung may hindi ba pamilyar na mukha. Matapos masiguradong wala s'ya dito ay napahinga ako nang maluwag.
Nakipagkwentuhan pa ako sa iba naming mga kaklase hanggang sa dumating ang teacher namin sa first subject.
Muli akong lumingon sa paligid para tignan kung nandito na ba s'ya pero mukhang wala pa. Ano ba naman 'yan, late na nga sa pag-enroll tapos late pa rin sa klase.
Nasa kalagitnaan kami ng discussion nang may kumatok sa pintuan ng room. "Omg!! Aaah!," rinig kong tili ng mga kaklase naming babae.
Napatakip ako ng tenga gayundin si Harper na katabi ko. Si Sky? Ayon, pandi-tili habang nakasilip sa bintana.
"Mr. Maverick? Come in, come in," nakangiting sabi ng teacher namin. Sumunod din naman si Maverick at pumunta sa unahan dahil magpapakilala raw s'ya.
"Good morning everyone. I'm sorry for being late, Ma'am. Inintay ko po kasi ang ID ko," sabi n'ya habang nakangiti kaya hindi magkanda-mayaw ang mga kaklase ko sa pagsigaw.
"I'm Maverick Andrei Vegaz and I am excited to be a part of this class for this school year," nagpalak-pakan naman ang mga kaklase ko. Naramdaman kong sinisiko ako ni Harper na ngayon ay nakangiti sa akin na parang nang-aasar.
"Ayan na si Maverick oh, Reign. Kaibiganin mo na," pang-aasar pa n'ya at talagang inemphasize ang pangalan ko.
"Shh! 'Wag kang maingay nga!," suway ko sa kan'ya pero tinawanan lang n'ya ako.
"Thank you, Mr. Vegaz. You may take a seat. By the way, Ms. Reign Funtanilla, is that seat next to you available?," dahan-dahan akong napalingon sa unahan nang tawagin ako ni Ma'am.
"Yes, Ma'am," kinakabahan kong tugon tsaka nagdedisyon na itago ang mukha sa bag ko. Badtrip talaga, agang-aga!
Hindi ako nagtangkang lumingon sa bago naming kaklase, na ngayon ay katabi ko ng upuan. Pinag-iisipan kong mabuti ang mga desisyon ko sa buhay dahil naalala ko na naman ang mga ginawa kong kahihiyan kahapon. Kapag naiisip ko 'yon, parang gusto ko nalang suntukin ang sarili ko.
"Hi," mahinang sabi n'ya sa akin, nag-iingat na hindi makagawa ng distraction.
"Shuta ka, please lang, 'wag mo akong kausapin," nasabi ko na lamang sa isip ko, hinihiling na sana ay kaya ko ngang sabihin 'yon.
"My name is Maverick. Maverick Andrei. My friends call me Andrei," nilingon ko s'ya para siguraduhing ako nga ang kausap n'ya. Aba, mahirap mag-assume, 'no!
"And I'm... not interested," mataray ngunit mahina kong sagot sa kan'ya. Alam kong mahina lang 'yon pero narinig ko ang hagikhik ni Harper, alam kong narinig n'ya.
Hindi na rin kami muling nagkibuan matapos 'yon. Nang matapos ang first subject namin ay lumapit sa amin si Sky para makichismis. Rinig kong pinag-uusapan ako nung dalawa kaya sinasamaan ko lamang sila ng tingin dahilan para magtawanan sila.
"Punta lang akong CR," paalam ko sa kanilang dalawa pero parang wala naman silang narinig dahil tuloy lamang sila sa pagkukwentuhan.
Nagpunta muna ako sa CR para ikalma ang sarili ko, hindi ko kayang mapalapit sa lalaki. Bukod sa kumukulo ang dugo ko sa kanila ay pakiramdam kong naso-suffocate ako.
Nang makalabas ako sa CR ay may naramdaman akong humila sa akin. Nanlaki ang mata ko nang makita ang transferee. "Mr. Vegaz, anong ginagawa mo dito? Hehe," nauutal at nahihiyang sabi ko sa kan'ya. Ni hindi nga ako makatingin nang deretso!
"It's you, right?," tanong n'ya. Anong it's me? Ang alin? Pinagkunutan ko naman s'ya ng noo. "My stalker"