It was almost six in the morning nang magising ako at agad na akong naligo bago lumabas ng kwarto, pagkalabas ko hindi ko inaasahang gising na rin pala si Tristan at nagluluto na ito. Umupo ako sa mesa at pinagmasdan lang si Tristan habang nagluluto, nakasuot siya ng puting longsleeve at may suot na apron, bakat na bakat ang kaniyang matipunong braso. He looks so hot!
Tinanong niya ako kung gusto kong uminom ng gatas, kapag nasa apartment ako hindi ako umiinom ng gatas sa umaga, feeling ko kasi mga bata lang ang gumagawa nun, nginitian ko siya sabay iling-iling. Tumango naman siya bilang sagot.
Habang kumakain kami bigla akong nakatanggap ng text galing sa isang kaklase namin na nagsasabing wala raw kaming pasok dahil sa nangyari kay Miss Elizabeth.  
Tamang-tama dahil may lulutasin kaming kaso ngayon. 
Pagkatapos naming kumain ay agad na kaming pumunta sa presinto at dumiretso sa opisina ni Tito. 
"Dad pwede ba naming makita ang mga gamit ni Miss Elizabeth kahit iyong laptop lang?" Tristan asked. 
Nandito kami sa loob ng opisina ni tito. Mayroon siyang ibang kasama rito pero lahat ay may kanya-kanyang ginagawa.
"Son, hindi niyo naman kailangang gawin ito, may mga taong naka assign sa trabahong ito at isa pa delikado itong ginagawa ninyo," seryosong wika ni Tito.
"Tito kasi sobrang bait ni Miss Elizabeth sa amin kaya gusto lang naming gantihan iyon. Sana naman payagan niyo kami," sagot ko naman. Masasayang ang lahat kapag hindi papayag si tito. Ewan ko ba pero mukhang nagustuhan ko na rin ang pagiging college detective, matapos ang nangyari kahapon naisip ko na interesting pala ang mag imbestiga.
Matapos ang ilang minutong pagmamakaawa sa wakas ay pumayag rin ito. Agad niya kaming dinala sa isang kwarto kung saan nandoon ang mga gamit ni Miss Elizabeth.
Pagkapasok namin agad na binuksan ni Tito Stanley ang isang naka lock na drawer at mula doon ay inilapas niya ang mga gamit ng guro. Laptop, cellphone, at ilan pang mga bagay. Kasama rin sa nandoon ang kutsilyong ginamit sa pagpatay kay Miss Elizabeth. 
Nakatayo kaming tatlo sa harap ng isang mesa kung saan nakapatong ang lahat ng gamit.
"Magsuot muna kayo nito." Sabay hagis ni Tito sa amin ng gloves. Isinuot namin ito ni Tristan pagkatapos ay binuksan na namin ang password protected na laptop ni miss Elizabeth. 
"Cheng, tingnan mo may notification, sa tingin ko kahapon pa 'to hindi lang nagawang buksan ni miss Elizabeth," wika ni Tristan.
Bahagya akong yumuko para tingnan ang sinasabi ni Tristan. Ganun rin ang ginawa ni Tito Stanley.
"Buksan mo," tito Stanley said na agad namang sinunod ni Tristan.  
Nang buksan ito ni Tristan ay doon namin napag-alaman na naglalaman pala ito ng listahan kung saan nakalagay dito ang mga pangalan ng maging pasyente ni miss Elizabeth kahapon. At ang mga pangalan na nakasulat dito ay sina. 
Leo Herra
Otto Velazquez
Jane Rio 
"Tito, may kopya ba kayo ng CCTV kahapon?"
Kailangan kong malaman kung sino talaga ang gumawa nu'n at parang alam ko na kung paano. Masyadong mautak ang killer na iyon, kung sino man sya. Nagawa niyang palabasin na suicide ang nangyari ngunit kapag titingnan ng mabuti ang bawat anggulo ay masasabi kong hindi napagplanohan ng killer ang krimen. 
"Nasa laptop ko." Lumabas si Tito sa kwarto na kinaroroonan namin ngayon upang kunin ang laptop nito na nakalagay sa kanyang opisina. Hindi nagtagal ay bumalik rin ito agad. 
"Yan iyong kopya ng CCTV na nakalagay sa harap ng Opisina ng gurong pinatay. Makikita diyan ang mga pumasok sa opisina niya kahapon," Paliwanag ni tito sabay abot sa akin ng isang usb. Ibinigay ko ang usb kay Tristan. Gamit ang laptop ni tito ay tiningnan namin ang mga taong pumasok sa opisina niya kahapon simula umaga hanggang matuklasan ang krimen. Tiningnan namin ito ng mabuti. 
Around eight in the morning may isang lalaking pumasok sa opisina ni Miss Elizabeth at base sa imbestigasyon ng mga pulis na kasama ni Tito, ang unang taong pumasok ay nagngangalang Leo Herra, labing walong taong gulang.
Napag-alaman ng mga pulis na ang lalaking ito ay nanggaling sa hindi maayos na pamilya. Palagi raw niyang nakikita ang kanyang mga magulang na nag-aaway kaya dahil sa sobrang lungkot ay napabarkada ito hanggang naging basagulero. Pabalik-balik ito sa Guidance Office hanggang sa isang araw bigla niyang napag desisyonan na baguhin ang sarili kaya naging regular na itong pasyente ni Miss Elizabeth. 
Ang sumunod ay pumasok ng alas dyes ng umaga at lumabas ito ng around twelve noon. Nagngangalan itong Jane Rio, nasa hustong edad at Second Year College. Base sa nakalap na impormasyon ng mga pulis ang babaeng ito ay nakakaranas ng depresiyon dahil sa pagkamatay ng kanyang Ina. Humingi ito ng tulong sa guro at tinulungan naman ito. Naka schedule itong pumunta sa opisina every monday alas dyes ng umaga. 
Ang pangatlong pumasok ay nagngangalang Otto Velazquez, pumasok ito ng ala una ng hapun at agad ring lumabas makalipas ang tatlumpung minuto. Ayon sa kanya nakipagkita lamang siya sa guro at tagapayo upang magtanong ng ilang mahahalagang tanong tungkol sa kanyang sarili at sa nararamdaman nito. Napansin niya raw kasi na biglang nag-iba ang mga kilos niya pati narin ang mga interest niya kaya komunsulta siya sa guro. 
Ang tatlong taong pumasok sa opisina ay tugma sa nakasulat sa listahan na nakita namin sa laptop ni Miss Elizabeth at basi sa kanilang mga salaysay parang wala akong napansin na kahina-hinala kaya sa tingin ko mas mahihirapan kaming tukuyin ang salarin. 
Isasara ko na sana ang laptop ni Tito nang may bigla akong napansin sa video na lubos naming ipinagtataka. 
"Tingnan niyo may isa pang pumasok," aniya ni Tristan. Isang lalaki ang pumasok ng alas dos ng hapon at pamilyar siya sa paningin ko, parang nakita ko na siya somewhere. Nakasuot ito ng puting t-shirt na sinapawan ng puting polo at may dalang backpack. Lumabas ito makalipas ang tatlumpung minuto ngunit paglabas nito ay nakasuot na lamang ito ng puting t-shirt. 
"Bakit ganun? Nasaan na ang polo niya?" Tristan asked. Parang alam ko na kung ano ang nangyari. Sinabihan ko kaagad si Tito na tawagan niya ang mga kasamahan niyang pulis at agad na ipadampot ang lalaki para sa pagtatanong.
"Cheng, saan ka pupunta?" Nagtatakang tanong ni Tristan, pumunta kasi ako malapit sa bintana upang makasagap ng malakas na signal. 
"May tatawagan lang ako," he nodded. Pagkatapos ay nagdayal na ako nang number. 
"Hello? Can you do me a favor?"