➡️ **TIARA'S POINT OF VIEW ** 🌷🌷
"KAKAIBA naman pala ang kaibigan mo." Lapit ni Anshe.
"Sabi ko sa iyo eh kakaiba talaga siya. Bukod sa guwapo, eh gentleman pa!"
Natatawang lumingon sa kinaroroonan ni Joed na ngayon ay medyo hindi maipinta ang mukha.
"Talagang kakaiba siya, gusto ko siya." Hindi mapawi ang ngiti sa labi nito nang iwan ako.
"Ano 'yon gusto na kaagad nila ang isa't-isa?" Bulong ko bago tulungan ang mga kasama namin ilabas sa field ang ipininta.
"Tiara, halika nga sandali." Tawag ni Dani na sabay lapit ko, "Ikaw ito 'di ba?" Pinakita ang pinta kung saan ako ang nandoon katabi ng bouquet na puro tulips.
"Mukhang mayroon nagkagusto sa iyon na taga-art club." Komento ni Shine.
"Inferness kahit bukod tanging naiiba eh maganda, hmm...sino kaya?" Bulaslas ni Reina.
"Si Joed may gawa niyan," pare-pareho kami lumingon kay Anshe, "Nakita ko ginawa niya."
"Sure ka?" Paniniguro ko.
She nodded, "Napaka supportive ng bestfriend mo sa iyo."
"Okay, guys and girls lumapit na tayong lahat dito para makita at bigyan ng score ang gawa ng mga artist natin." bigay pukaw ng isang taga-art club.
Mapapansin kaagad gawa ni Joed dahil bukod tanging sa kaniya lamang ang makulay at kakaibang pinta.
"Sandali mukhang may naligaw yata rito?" Silip nito sa ipininta ni Joed, "Kanino ito?"
"Sir, sa akin po." Nakataas ang kanang kamay habang lumalapit si Joed.
"Hindi ka ba nakinig sa guide?"
"Nakinig po ngunit kung bibigyan niyo ng mababang grado ay ayos lang. Gusto ko lamang ipakita sa larawang ito na hindi nakikita ng karamihan." Bulungan ang lahat maliban sa akin. "Kung minsan naka focus tayo sa iisang bagay ngunit hindi natin alam na mas may gaganda pa pala kumpara na nasa gitna. Sana nauunawaan niyo, ang larawan na ito ang pinaka magandang background na nakita ko."
Dinig ko ang pagsang-ayon ng karamihan.
"Sana all," bulong ni Reina na tila kinikilig.
"Sana ako rin ipinta ng taong mahal ko," dagdag ni Dani.
"Sino gagawa, mga babae?" Komento ni Reina.
"Sa palagay mo mga lalake?"
"Sabagay walang magkakagusto sa iyo dahil tomboy ka."
"Ah ganoon?"
"Kapag sinabi ko ba na lalake hindi ka magagalit?" Ngumuso lamang si Dani dahil sa huling sabi ni Reina.
Maganda naman talaga ang larawang ipininta ni Joed. Nandoon pa rin naman ang larawan ni Anshe kasama ng kaniyang bulaklak pero mas agaw pansin sa larawan nasa background nito, at ako iyon nakatabi sa bouquet. Mapapaisip ka pero kung pagtuunan mo ng pansin ay kaagad mauunawaan ang ibig sabihin. Binibigyan lamang nito ng kulay at pansin ang mga bagay na palaging nasa likod lamang.
MATAPOS ang palitan ng opinyon sa gawang pagpipinta ay umalis kaagad ako dahil naalala ko pa pala na klase na namin. Binibigyan lang bawat club department ng 30 mimutes upang isagawa kung ano man ang plano. Hinihingal pa nga akong bumalik sa room pero akalain mong ni isa ay wala pang tao.
"Mukhang napaaga tayo matapos kaysa sa ibang kaklase natin." Wait si Edmar. 
"Oo nga," naupo ako sa puwesto.
"Anong club sinalihan mo?"
"Flower club, ikaw?"
"Malikhain writing club."
"Nagsusulat ka ng mga kuwento??" Excited kong lapit sa puwesto nito.
"Oo, actually matagal ko ng ginagawa ito. Mayroon akong sinalihan na isang platform para doon ko mailagay lahat ng natapos kong story."
"Nakakahanga ka naman. Ako kasi bukod sa tamad magbasa ng mga libro eh tamad din magsulat."
"Nasasabi mo lang 'yan dahil ayaw mong subukan."
"You mean?"
"Ayaw mo kasi subukan magbasa, ako kasi ganyan din noong una palagi kong sinasabi ano ba mapapala ko riyan sa pagbabasa? Eh mapilit ang isang kaibigan ko pinatapos ang isang kuwento sa libro ayon nagustuhan ko. Hindi pala nakakatamad magbasa lalo kung 'yong binabasa mo may exciting part na gusto mong malaman ang totoong nangyari."
"Ahhhh...nakakahanga ka talaga,"
"Mas hahanga ako kung magagawa mo 'yon."
"Siguro kapag nasa mood na ako,"
"Ikaw ang bahala," may inabot na libro bago ko tanggapin, "Basahin mo, nag-self published ako ng kuwento."
"Hindi ba nakakahiya? Baka may bayad ito?"
"Libre ko lang pinababasa sa lahat 'yan basta ba ibabalik after. Nais ko sana humingi ng kaonting komento sa story at pagkakagawa."
I nodded, "Sige, subukan ko bukas."
"Kamusta pala ang kalagayan mo, hindi ka ba nahihirapan?"
"Noong una napakahirap pero dahil sa inyo nagiging kampante na isipan ko kahit wala pa ulit akong maalala."
"Huwag ka lang magmadali dahil darating din ang tamang oras para maalala mo ang lahat."
"Tama ka," nakangiti kong upo sa puwesto.
"Boyfriend mo pala si Jim?"
"Kilala mo siya?"
He nodded, "May common friends kami."
"Talaga?"
He nodded again, "Nalaman ko lang din sa kaniya magkasama kami kagabi."
"Saan kayo nagpunta?"
"Sa birthday ng barkada ng friend ko."
"Ahh, may inuman?"
"Wala..." bigla itong natulala.
"Bakit?"
"Ayoko sana makialam sa relasyon niyo ha pero kagabi may nakita akong babae hinahanap siya pero...imposibleng girlfriend kasi matanda na rin baka tita o kamag-anak."
"Baka nga saka ano ka ba huwag mo nga ako pakabahin."
"Sorry hindi ko intensyon. Huwag mo na lang sana isipin ang bagay na 'yon at lalong huwag mong i-open up sa kaniya."
"Oo naman..."
"Tiara!" Si Joed seryosong pumapasok sa loob ng room. "Bakit umalis ka kaagad? Hindi mo man lang nakita kung sino nanalo."
"Ikaw? Ikaw nanalo??" Tayong diretso ko.
"Hindi pero pang second place ako. Hindi na masama 'yon di ba?" Pasimpleng silip kay Edmar.
"Hindi na masama dahil ang second place ang mas okay para sa akin." Komento ni Edmar.
"Anong ibig mong sabihin?" Usisa ko.
"Parang kuwento lang 'yan mas binibigyan ko ng pansin ang mga second lead."
"Parang second lead to main lead?"
"Ganoon na nga, oh akala ko ba hindi ka nagbabasa ng mga kuwento?"
"Napapanuod ko lang minsan sa internet, hehe."
"Kung sabagay mayroon ng makabagong teknolohiya sa panahon natin. Isang click lang mababasa at mapapanuod na ang mga gawa ng manunulat."
Nag thumbs up ako sa paliwanag nito.
"Bakit wala pa 'yong iba?" Singit ni Joed sa usapan namin.
"Baka marami pa silang ginagawa. Kulang ang thirty minutes para sa club."
"Pabor ako sa sinabi mo Edmar."
"Kumain na muna tayo kaysa maghintay sa wala." Senyas ni Joed para lumabas ng room.
"Ikaw?"
"Ayos lang may bago akong naiisip na flow ng story eh baka makalimutan ko."
"Sige."
"NAWALAN ka lang ng ala-ala nakikipag-usap ka na sa ibang kaklase natin." Sambit ni Joed patungo kami sa canteen.
"Hindi ba kami nag-uusap dati?"
"Nag-uusap."
"Anong problema roon?"
"Si principal..." hinatak ako nito sa loob ng isang maintainance room.
"Baka makita tayo..."
"Sssh...talagang malilintikan tayo kapag nag-ingay ka pa." Nakasilip ito sa maliit na siwang habang nakahawak pa rin sa magkabilang-balikat ko.
"Huwag na tayo magpunta sa canteen, I'm sure nag-iikot 'yon." Hindi ito kumikibo pero halata ang pag-aalala. "Wala na ba?" Sisilip sana ako pero pinigilan ang balikat ko.
"Tiara,"
"Hmm?"
"Naiinis ako."
"Sa principal ba, kahit sino naman eh magbibigay sila ng 30 minutes para sa club pero kapag lumagpas doon manghuhuli para ipadala sa principal's office."
"Hindi iyon ang ibig kong sabihin...naiinis ako dahil binabalewala mo ako."
"Joed..."
"Kaibigan mo lang kasi ako kaya...si Jim na lang palagi nasa isip mo, eh paano naman ako? Paano naman akong kaibigan mo na palagi kang iniisip?"
"Pasensya na."
"Ayoko sana makialam sa relasyon niyong dalawa pero sana kahit nakalimot ang isip mo sana buksan dapat ang puso. Sana alam mo kung sino totoo o hindi."
"Mauunawaan kita kung sasabihin mo ang ipinupunto mo."
"Makinig ka," humigpit sa pagkakahawak, "Wala ka dapat pagkatiwalaan sa mga taong nasa paligid mo."
"Kahit na ikaw?"
Natigilan ito sandali, "Oo, kahit na ako."
"Bitiwan mo nga ako," inis kong utos, "Babalik na ako sa loob ng room."
"May gusto pa sana akong sabihin, Tiara." Hinatak akong muli palapit ngunit sa sobrang lakas nito ay nagkalapit kami ng mukha.
"A-ano ba sasabihin mo?"
"Ito..." hinalikan niya ako sa labi. "At ito..." hindi lamang smack ang ginawa kundi pilit pinagagalaw ang labi namin dalawa.
"Joed!" Si Kelsey, nakita niya kaming dalawa.
Pareho kami hindi makatingin ng diretso ngunit pinili ko pa rin lumayo at pumasok sa room namin.
"May sakit ka ba, bakit ka namumula?" Usisa ni Hazel.
"M-mainit l-lang kasi..."
"Ha?" Silip sa mukha ko, "Parang hindi naman."
"Ano ka ba Hazel, manhid ka?"
"Uhm, pero nakatapat kasi sa atin ang bentilador kaya nagtataka ako bakit ka namumula."
"Ah basta!"
"Sungit...oh, si Kelsey at Joed bakit sabay yata pumasok?"
Nalingon ako sa dalawa at tila hiyang-hiya.
"Hazel, bumalik ka na sa upuan mo." Utos ni Joed dito kaya nang makaalis si Hazel ay hinawakan nito ang kamay ko. "Sorry for what happened, hindi ko intensyon paglaruan ka. Sana isipin mo ang mga sinabi ko wala ka dapat pagkatiwalaan lalong-lalo na kay Jim at sa kinakasama ng daddy mo."
Ayoko ng kumibo. Sumasakit ang ulo ko dahil sa palaisipang sinabi nito. Kung mayroon siyang gustong sabihin hindi ba dapat sabihin na lang kaysa pahirapan ako?
➡️GREENHOUSE
Natulala na lamang ako matapos kong mabasa ang ilang kabanatang isinusulat ni Edmar.
"Hoy, nagbabasa ka pa ba o may iniisip kang iba?"
"Ikaw ka pala, Reina."
"May problema ba?" Naupo ito sa katapat kong puwesto.
"Reina, halimbawa may kaibigan kang nagsabi na huwag basta magtitiwala sa ibang tao ano ba mararamdaman mo?"
"Syempre mapapaisip ako kung bakit siya nagsasabi ng ganoon at palagay ko may nalalaman siyang hindi ko magugustuhan."
"Anong gagawin mo?" 
"Mag-a-ala spy ako."
"Spy?"
She nodded, "Oo, susundan ko ng palihim ang taong sinabi ng kaibigan kong hindi dapat pagkatiwalaan."
"Eh paano kung walang kahina-hinala?"
"Dapat kausapin mo ang kaibigan mo baka may intensyon siyang manira ng tao."
"What if kabaliktaran? What if may nalaman ako?"
"Depende kung anong klaseng malalaman mo. Kapag tungkol sa iyo eh dapat nga iwasan mo sila baka ito kasi ang dahilan para masira ka lalo o other term maging delikado ang buhay mo."
"Hindi naman siguro..." bulong ko.
"May nagsabi ba sa iyo na mag-iingat ka?"
"Parang ganoon na nga."
"Kung ayaw mong mag-isip ng sobra gawin mo kung ano ang tama, mag-spy ka."
MATAPOS ang pag-uusap namin ni Reina ay lalong lumalim ang iniisip ko. Hanggang sa sinundo ako ni Jim, nakapagtataka lang tahimik na nga ako pero hindi man lang nagtatanong kung bakit ganoon inaasal ko. Pag-uwi sa bahay nagsabi ito na sasabay sa amin mag-dinner kaya pinapasok ko.
"Ako ang magluluto ng hapunan natin. Jim, doon ka na muna sa sala manuod ka na muna sa smart tv."
"Sige po tita salamat."
"Aakyat muna ako sa itaas para magshower tawagin mo ako kapag dumating na si dad." Paalam ko kay Jim.
Matapos kong magshower ay kaagad kong ginawa ang assignment. Nag-chat sa akin si Joed kung maaari ay magkita kami pero sinabi kong marami akong gagawin. Hindi na rin nangulit baka naniwala kaagad sa sinabi ko.
"Nasaan ang flash drive ko?" Kausap ko sa sarili. "Baka nasa ibaba." Nagsuot ako ng tsinelas.
Naratnan kong nakabukas lamang ang tv ngunit wala si Jim. Hinanap ko sa drawer kung saan nakatapat ang tv ang flash drive ngunit wala roon. Naalala kong humiram si dad baka siguro alam ni tita kung saan ito itinago.
"Tita..." nakangiti itong naghihiwa ng kung ano. Nagulat pa nga dahil sa biglang pagsulpot ko.
"O-oh...bakit?"
"Nakita mo---"
"Nasa labas yata si Jim,"
"Ah, hindi po, 'yong flash drive alam ko kasi hiniram ni dad sa akin."
"Ah, iyon ba? Uhm, nasa kuwarto namin."
"Sige po hahanapin ko na lang."
"Oh, sige, sige."
Lumabas ako nang kusina at dahil gusto kong makita si Jim ay nagtungo ako ng labas pero wala ito ngunit bago makapasok nakita ng dalawang mata ko kung paano tila nagmamadali si Jim lumabas galing ng kusina. Parang may hinahanap ito na ayaw magpahuli.
"Tiara."
Paglingon si daddy pala may bitbit itong bulaklak na tiyak ibibigay kay tita.
"Nandiyan na po pala kayo dad."
"Anong ginagawa mo rito sa labas?"
"May tiningnan lang po."
"Sige, mauna na ako sa loob papasukin mo na lang si Joed."
"Po?"
"Inaayos ang bisikleta sa labas mukhang nasiraan papasukin mo na para makasabay sa hapunan natin."
Hindi pa ito nakapapasok sa loob ng bahay ay pinuntahan ko kaagad si Joed. Tama ang sinabi ni dad abala si Joed sa bisikleta. Lumapit ako para tingnan ang deperensya.