Kairi's P.O.V
"CHAMP, oo ang sagot ko."
Hindi ko kinaya ang nakita kong reaction sa mukha ni Drei. Kung matatawa ba ako o matataranta. Matatawa, dahil instead na sa bibig niya sinubo ang kinakain niyang ice cream, natapon ito sa t-shirt niya. Matataranta dahil wala ito sa sarili. Nakatulala lang siya ultimo pagkurap ng mata hindi niya magawa. Hindi ko nga alam kung humihinga pa siya.
"Champ" wika ko. Pero patuloy pa rin siyang walang imik. Kaya naisipan ko tumabi sa kaniya at sinampal sa pisngi. Mahina lang ang pagkasampal ko pero nagdulot ito ng konting tunog, dahilan para lumingon sa amin ang mga kumakain.
"Nag-aaway yata ang mag-jowa."
"Mga kabataan talaga sa panahon ngayon, dito pa nila naisip na mag-away."
Iyan lang ang mga bulungan na narinig ko. Wala na akong mukha na maihaharap sa kanila. My gosh! Drei ang over acting mo masyado. Hindi bagay sayo maging director kung hindi artista tsk. Isang pilit na ngiti ang binigay ko sa mga napalingon sa pwesto namin.
"Champ tama na ang pagkukunwari. Sige ka babawiin ko 'yong sinabi ko sa'yo." Umaarte ako na parang nagtatampo. Pero parang wala siya narinig.
Buhay pa ba ito?
Dahil hindi ko na nagugustuhan ang nangyayari may naisip ako. Jusko Lord! Patawarin niyo po ako sa gagawin ko.
"Gumising ka hudas!" Pasigaw ko sa kaniyang tenga. Nagulat ako dahil bigla siyang napatayo, mabilis pa sa alas kwatro.
"I Love You!" Pasigaw rin na sabi niya. Dahil sa lakas ng pagkasabi niya umecho 'yon sa loob ng ice cream parlor.
Napatakip ako ng bibig dahil pinipigilan ko hindi matawa. Nakita ko rin ang reaction ng mga tao sa loob na may halong pagkagulat at pagtataka.
Lintik na 'yan! Dahil lang sa sinabi ko umabot kami sa ganito, nakakahiya!
Nagulat na lang ako na lahat sila nagpalakpakan. Binabati kaming dalawa ni Drei. Kung kanina puro negative ang naririnig kong bulungan, ngayon puro na lang papuri.
Ano na ba nangyayari sa earth? Zombie apocalypse, end of the world or tapos na ang covid kaya nagdidiwang na ang mga tao?
Kumaway lang ako sa mga tao at nginitian. Hinatik ko paupo si Drei. Nagulat siya ng nakita akong katabi niya.
"Doon ka nakaupo 'di ba, bakit nandiyan ka na?" Nagtatakang tinuro niya 'yong pwesto ko kanina, nung hindi pa siya tulala.
"Hay naku! Tulala ka kasi kaya hindi mo alam kung ano ginawa mo." Pinipigilan kong hindi matawa.
Sayang nakalimutan kong kuhanan ng video, magagamit ko sana pang-blackmail kay Drei kapag inaasar ako tsk.
"Bakit ano ba ginawa ko?" Nagtatakang tumingin siya sa akin. Napatingin din siya sa mga tao na hanggang ngayon sa amin pa rin nakatuon ang kanilang mata.
Shit! Naging center of attention tuloy kami.
"Pagkasabi ko kasi na pinapayagan na kitang ligawan ako naging tulala ka na. Tignan mo 'yan t-shirt mo, hindi mo namalayan na natapunan ng ice cream, na ikaw mismo ang gumawa." Nginuso ko ang madumi niyang t-shirt.
"Really? I'm the one who made it?" Napatango lang ako sa kaniya. "May nakakahiya pa ba akong nagawa?" tanong niya ulit.
Lumapit ako sa kaniya at binulong na lang sa tenga niya. Laking gulat ko dahil ang saya pa niya.
"Hindi ka nahiya sa ginawa mo?" tanong ko. Umiling lang siya at hinawakan ako sa pisngi.
"Para ka kasing tanga kanina," mahina kong bulong. Akala ko hindi niya narinig confident pa naman ako.
"Bakit naman ako mahihiya, proud pa nga ako. Gusto mo ipagsigawan ko ulit na I love you at kung gaano kita kamahal?" Hindi ko inaasahan na sasabihin niya ang katagang 'yan sa akin. Lumakas ang kabog ng dibdib ko kaya pasimple akong napahawak.
"Heartbeat, hindi katangahan ang tawag do'n sa ginawa ko. Sige kung katangahan man 'yon handa ako magpakatanga para sa'yo." Hinawakan niya magkabilang pisngi ko at hinalikan ako sa noo.
"Bakit kasi tulala ka bigla?" Katanungan na lumabas na lang bigla sa aking bibig.
"Gusto mo malaman?"
"Oo"
"Pagkasabi mo sa akin biglang nag-fast forward. Nakita ko future natin na kinakasal tayo."
"Kasal agad, hindi pa nga tayo magkasintahan. Ano ba mayron diyan sa utak mo at ganyan ka mag-isip?"
"Nagtaka ka pa heartbeat, puro ikaw ang laman ng utak ko dahil walang tigil kakaisip sa'yo." Inusod niya ang kaniyang upuan para magkalapit kami.
"Umatake na naman 'yan makata mong bibig. Naku! Champ tigil-tigilan mo na." Napainom ako ng tubig dahil bigla ako nakaramdam ng pagkauhaw. Nakakauhaw kasi mga pinagsasabi niya.
"Ngayon pa ba ako titigil kung kailan malapit na ako finish line." Tumingin siya sa akin. 'Yong tingin na nakakapanghina ng tuhod. Alam kong g'wapo siya pero huwag naman siya tumingin sa akin ng ganyan dahil nanlamlambot ako.
"Kumain ka na nga, nakakapanghina ka." Sinubo ko sa kaniya ang kutsara na may laman na ice cream. Sa tagal ng kalandian namin este pag-uusap namin nalusaw na.
Pagkababa niya ng kutsara napatingin siya na nakangisi at nakangiti. Nakita ko tuloy ang dalawa niyang dimples.
My gosh! Para tuloy akong ice cream na nalusaw. Ano na naman kaya tumatakbo sa isip nito?
"Pero tama ba 'yong narinig ko kanina na pumapayag ka na ligawan kita?" Pinagsaklop niya ang aming kamay.
"Kakasabi ko lang kanina 'di ba?" Balik na tanong ko. Pero hindi na lang niya 'yon pinansin. Pinaglalaruan niya bawat daliri ko sa kamay.
"Ang ganda ng daliri mo heartbeat, pero mas maganda 'to kung may suot na engagement ring." Sinisipat niya ring finger ko. Parang sinusukat niya ang size. Bigla ko tinanggal ang aking kamay sa pagkahawak niya.
Grabe! Mas mabilis pa yata siya kay flash.
"Tumigil ka na Champ, baka himatayin na ako rito," mahinhin kong sabi.
"Eh di himatayin ka na, nandito naman ako para salohin ka." Kinuha niya ulit kamay ko at hinalikan ito.
Hindi na lang ako sumagot. Nakatingin lang ako sa g'wapo niyang mukha. Napansin niya ang pagiging tahimik ko, kaya napatingin din ito. Dahil sa pagtitigan namin dahan-dahan na pala niyang nilalapit ang kaniyang labi sa akin. Nang malapit na, agad ko hinarang ang kaniyang labi gamit ang aking hintuturo.
"Oops! Not so fast Mr. Capistrano, nanliligaw ka pa lang may pahalik-halik ka na." Binigyan ko siya ng isang nakakalokong tingin.
"Naisip ko lang naman, baka makalusot," halata sa mukha niya ang pagkahiya.
"Ang isipin mo, kung paano ka makakalusot sa parents mo. Kapag nakita nila 'yan mantsa sa t-shirt mo." Nginuso ko 'yong kaniyang t-shirt.
"Ok lang 'yan, para ka rin naman mantsa na mahirap tanggalin sa puso ko." Napatakip na lang ako sa aking mukha.
Hindi ko na kaya, pulang pula na mukha ko!
"Tama na, Champ," mahina kong sabi. Tinakpan ko pa rin mukha ko para itago ang pamumula. Bigla ko na lang naramdaman na niyakap niya ako at tumatawa ng mahina. Humiwalay siya sa pagkayakap at inalis ang kamay ko nakatakip sa aking mukha. Pinagmasdan niya ng maigi ito. Ngumiti siya ng bahagya at hinalikan ako sa noo.
Pinagpatuloy na lang namin ang aming kinakain. After no'n napagkasunduan na ihatid na sa bahay. Hinintay ko siya sa may parking lot ng ice cream parlor, dahil kinuha pa niya 'yong kotse kung saan niya iniwan. Hindi naman ako matagal na naghintay, dahil makalipas ang ilang minuto dumating na siya. Sinenyasan ko na huwag ng bumaba, pero lumabas pa ito para pagbuksan lang ako.
.........
"Champ, pumasok ka muna sa loob para makapagpalit ng damit," sabi ko. Nasa loob pa kami ng sasakyan niya, kararating lang namin sa bahay.
"Oo ba! Hindi ko kayang tanggihan ang heartbeat ko." Kinuha niya kamay ko at hinalikan ito.
"Stay here, I'll open the door for you." Akmang lalabas na siya ng hawakan siya sa kamay para pigilan.
"No need Champ, I can do it." Nginitian lang niya ako. Sabay pa kaming bumaba.
Pagpasok namin sa bahay as usual tahimik. Pinaupo ko muna siya sa sofa para kuhanan ng t-shirt.
"Magpalit ka muna." Inabot ko sa kaniya 'yong t-shirt ni papa.
Mabuti na lang nag-iwan ng damit si papa may silbi rin naman pala.
Pagkabigay ko bigla siyang naghubad sa harapan ko. My goodness! Hindi ako handa sa aking nakita. Umaapaw sa kakisigan at batak na batak ang muscles. Pinasadaan ko nang tingin, magmula dibdib hanggang sa tiyan. Pakiramdam ko biglang uminit ang paligid.
"Ahem" Narinig kong tumikhim siya, kaya bigla akong napatalikod.
"S-sabihin mo kung tapos ka ng magbihis." Nauutal na sabi ko. Tinapik niya ako hudyat na tapos na siya.
"M-mabuti at magkasize kayo ni papa. Halika do'n tayo sa dining area para makainom ng malamig na tubig. Bigla kasing uminit ang paligid." Kunwari kong pinapaypayan ang sarili. Sumunod naman siya sa akin.
Pagdating namin binigyan ko siya ng malamig na tubig. Napainom din ako, grabe! Nakakauhaw 'yon ah!
"Heartbeat are you ok?" Napilitan siyang tumayo para tignan ako. Sinipat niya buong katawan ko, over acting lang.
"I'm fine, Champ." Hinawakan ko magkabila niyang pisngi.
"What do you want to eat? Ipagluluto kita." Hindi ko na hinintay ang sagot niya. Hahakbang na sana ako para maghagilap sa ref ng hilain niya ako.
"Just sit, ako ang magluluto," ani niya.
"No, bisita ka-" tumigil ako sa pagsasalita ng bigla na lang siya humalik sa aking pisngi.
Mabilis pa kay flash ng magsimula na siyang humakbang. Pinapanood ko lang siya habang nagluluto. Minsan napapatingin sa pwesto ko na nakanguso kiss ko raw siya. Oh my gosh!
Niluto niya ang favorite ulam ko, which is adobo na naging favorite na rin niya. After niya magluto, siya pa ang naghain, naglagay ng kanin at ulam sa plato ko.
"Champ, umupo ka na at kumain na rin." Utos ko na agad naman niya sinunod. Nagpray muna kami then kinain ang niluto niya.
"How's the taste?" Napatigil ako dahil sa tanong niya.
"Hmm pwede na, pwede ka ng mag-asawa." Pareho kaming nakangiti lalong-lalo na siya.
"Really? Thank you wife." Nasamid ako dahil sa pagkasabi niya. Agad niya akong inabutan ng tubig. Hindi na lang ako sumagot baka mabulunan  na naman ako.
After namin kumain ako na ang naghugas habang siya ay nagpapahinga. Mga ilang oras din ang lumipas ng naisipan niyang umuwi na. Pagkaalis niya umakyat ako sa aking kwarto at natulog.
..........
Naalimpungatan ako ng marinig ko boses ni mama. Pagtingin ko sa oras seven pm na pala, ang haba ng tinulog ko. Pagkababa ko, nakita ko si mama na hinihilot ang kaniyang hita at paa.
"Ma, ako na po." Minasahe ko ng dahan-dahan. Napagod siguro kakatayo maghapon.
"Kumusta anak?" pangungumusta niya sa akin. Nakakatuwa lang kasi hindi siya nakakalimot na kumustahin ako.
"Ok lang po," mahina kong sabi.
"May gusto kang sabihin anak?" Binabasa niya ang reaction ng aking mukha. Talagang kilala ako ni mama, alam niya kung may dapat akong sabihin o wala.
"Ma, pinayagan ko na po si Drei na ligawan ako," mahinhin na sabi ko.
Ngumiti lang si mama sa sinabi ko. "Malaki ka na anak, may sarili ka ng pag-iisip. Pero hindi lahat ng bagay ay alam mo, kaya nandito lang si mama." Hinaplos ni mama ang aking buhok. Hindi ko alam, pero bigla ko na lang siya niyakap at hindi namalayan naluluha na pala ako.
"Oh, ba't ka umiiyak?" Pinunasan niya ng dahan-dahan ang mga luha ko.
"Wala po, masaya lang Ma," masaya ako kahit kami lang dalawa, minsan iniisip ko rin ang kumpletong pamilya pero kailangan tanggapin. Kaya pinangako ko sa sarili ko, kung magkakaroon ako ng sariling pamilya balang araw, titiyakin kong may ama sila dahil mahirap ang broken family.
"Masaya rin ako para sa inyo ni Drei. Kilalanin mo pa siyang mabuti habang nililigawan ka niya. At kung papaiyakin ka magsumbong ka kay mama." Natawa ako ng bahagya sa sinabi niya. Napuno lang ng kwentuhan at tawanan ang buong gabi naming dalawa.
.........
Kinaumagahan, nagising ako dahil nakarinig ako ng mga yapak. Kahit antok pa nagpunta ako sa banyo para maghilamos at magtoothbrush. Inayos ko muna sarili ko bago lumabas baka mamaya pagkamalan nila akong multo.
May mga bisita ba si mama?
Pagbaba ko nagulat ako dahil may isang lalaki na hindi ko kilala. Nakatingin lang din si mama do'n sa lalaki.
"Good morning po, kayo po ba si Miss Kairi Caringal?" tanong niya.
"Good morning din, opo ako po 'yon." Nakakunot noo ko siyang sinagot.
"Pakipirmahan na lang po rito." Tinuro niya kung saan ako pipirma.
"Salamat po, Miss Caringal," ani niya. Lumabas siya at may sinenyasan.
Nagulat na lang kami ni mama dahil sunod-sunod na pagpasok sa loob ng aming bahay. Nang natapos na umalis na rin ang mga lalaki. Lumapit si mama sa akin at binigyan niya ako ng nakakalokong tingin.
"Grabe anak! Palitan na lang natin ang pangalan mo, Rapunzel na." Pangaasar sa akin.
Ginala ko ang aking paningin sa buong bahay. Napangiti ako dahil naging flower shop lang naman ang bahay namin. Puno 'yon ng tulips na paborito kong bulaklak. Kinuha ko ang card na nakaipit sa isang bouquet of red tulips at binasa ko ang nakasulat.
Red tulips to express that I'm deeply in love with you. - Your boyfriend to the present.
May isa pang card na nakita ko. Nakaipit naman 'yon sa isang yellow tulips. Kinuha ko ulit at binasa.
Ikaw ang aking bulaklak, kasi ako 'yong paro-paro na lagi kang binabalik-balikan. - Your husband to the future.