Nang dumating kami sa clinic ay agad kami sinalubong ng school nurse. Pero mas kinagulat ko, makita 'yong lalaki na ayaw ko makita. Ano ginagawa niya dito. May sakit ba siya. Pinaupo ako ni Keifer sa bed at nag-usap sila ng school nurse. Bumalik si Keifer upang magpaalam sa akin pero sinabihan naman niya ako na babalik siya kaagad. May gagawin lang siya.
Bigla lumapit sa akin 'yong lalaki na may dalang medicine kit. Siya ba 'yong gagamot sa akin. Kung ganoon ay isa siyang doktor. Umupo siya sa harap ko at kinuha 'yong braso ko. Nilinis niya 'yong natutuyo na dugo sa sugat ko.
Medyo nakaramdam ako ng kaunting kirot pero hindi ko pinahalata. Ginamot niya 'yong mga galos ko at nilagyan ng gamot. Sinuri din niya 'yong paa ko, medyo napadaing ako ng hawakan niya ito. 
"Huwag ka lang masyado gumalaw pa. Kailangan mo ipahinga ang paa mo upang hindi mamaga." Seryoso sabi niya sa akin. Kaya napatingin ako sa kanya. Akalain mo 'yon, ang tao tinatarayan at kinakainisan ko ay ang tumulong sa akin ngayon. Bigla tuloy ako nakaramdam ng hiya. Lumapit sa amin 'yong school nurse para iligpit 'yong mga gamit. 
"Thank you," agad na sabi ko ng makita na paalis na ito. Bigla na lang siyang huminto at lumingon sa aking kinaroroonan. Napayuko ako dahil na rin sa hiya. Narinig ko na lang ang yapak niya na paalis hanggang sa nakalayo na ito. Sinabi sa akin ng school nurse na may ginamot dito kanina siya dahil umalis 'yong school doctor. Paalis na sana siya kanina pero nakiusap si Keifer na suriin mo na ako bago umalis.
Pumunta na rin si Mrs. Sevilla rito at sinabihan ako na magpahinga mo na at sila na raw ang bahala sa event. Hindi na ako dapat mabahala dahil may iba na man na teacher ang papalit sa trabaho ko. Kaya naiwan na lang ako mag-isa dito sa clinic at tanging naririnig ay ang sigawan sa labas. 
"Teacher Leign," tawag sa akin kaya napalingon ako. Nakita ko 'yong dalawang bata kanina na nag-aaway. Lumapit sila sa akin.
"Sorry po at nasaktan kayo kanina," sinsero na sabi nila sa akin.
"Wala 'yon, sana maisip na ninyo na hindi maganda 'yong nag-aaway. Sana malaman ninyo ang mga mali na nagawa ninyo. H'wag na sana ito maulit pa," wika ko sa kanila. Nakita ko sa kanilang mga mata na nagsisi na sila sa kanilang nagawa. At alam ko na nabigyan na din sila ng disiplinary action ni Mrs. Sevilla. 
Hindi na rin sila nagtagal rito at nagpaalam na rin sila sa akin kaya naiwan na lang akong mag-isa rito. Hindi ko namalayan na nakatulog na pala ako at nagising lang ako ng makarinig ng ingay.
"Mabuti naman at gising ka na. Akala ko tuloy dito na rin ako matutulog," bungad sa akin ni Yanna. Tumingin ako sa paligid at nakita ko si Keifer na nakaupo sa dulo kasama si Hanz. Tiningnan ko rin kung anong oras na at nakita ko na malapit na palang gumabi.
"Bakit hindi mo ako ginising?" tanong ko sa kanya agad. 
"Wow, ganda ng tulog mo nakakahiya naman na gambalain ka pa namin," sagot ni Yanna sa akin. Inalayan niya ako tumayo. Mabilis naman tumayo ang dalawang lalaki at sila na ang umalalay sa akin. Kinuha na pala ni Yanna 'yong gamit ko at siya na ang nagdala ng aking gamit. Sinabihan din kami ni Keifer na ihahatid na lang niya kami upang hindi na mahirapan pa. Lalo't malapit ng gabi at mahirap na makasay ngayon sa sakayan ng jeep dahil sa kalagayan ko.
Paglabas namin sa clinic ay medyo madilim na. Wala na rin makikita na tao maliban sa mga naglilinis ng kalat dahil sa event. Pagdating namin sa parking lot ay binuksan ni Keifer ang pinto at inalayan naman ako ni Hanz na makapasok. Nagpasalamat na lang ako dahil sa tulong nila. Sigurado kasi ako na mahihirapan kami ni Yanna kung kami lang lalo na sa kalagayan ko.
Pagdating namin sa apartment ay inalayan pa ako ng dalawa na makapasok kahit tumanggi na ako, kasi nahihiya naman masyado ko na silang na abala. Nagulat din si Kystal ng nakita niya kami at labis ito nag-alala sa akin kalagayan.
" Dito na kayo kumain. Madami din kasi itong naluto ko," sabi ni Kystal sa dalawa namin bisita. Tumanggi pa ito, mabuti na lang at napilit ni Yanna. Pasasalamat na rin dahil sa pagtulong nila sa amin.
Masaya namin pinagsaluhan ang pagkain na niluto ni Kystal. Pagkatapos noon ay nagpaalam na ang dalawa. Si Yanna naman ang nagligpit ng pinagkainan kasi ayaw nila ako pagalawin baka raw mamaga pa 'tong paa ko. Nakaupo lang ako habang nakatingin sa kanila na naghuhugas ng pinggan.
"Ano ba kasi nangyari sayo?" tanong ni Kystal sa akin. At umupo ito sa tabi ko. Sinabi ko sa kanya 'yong nangyari kanina. 
"Mag-iingat ka na lang sa susunod. Lapitin ka talaga sa aksidente."
"Yes mom," biro ko sa kanya at natawa na lang kami. Tinulungan naman nila ako ng umakyat na kami sa taas. Nagpalit na ako ng damit at nahiga. Medyo hindi na rin masakit 'yong paa ko. 
Bigla ko naisip 'yong lalaki na gumamot sa akin kanina. Hanggang ngayon hindi ko pa nasauli 'yong jacket niya. Nahihiya din kasi ako na kausapin o lapitan man lang siya. Sa tuwing makikita ko siya ay nauubusan ako ng sasabihin. Iba kasi 'yong aura niya. Bahala na, hindi na ako dapat mag-isip tungkol sa kanya dahil hindi na kami magkikita pa ulit.
Kinabusan maaga ako nagising. Hindi na gaano masakit 'yong paa ko at kaya ko ng maglakad mag-isa. Naisapan ko na magluto ng umagahan para sa amin. Wala naman kaming pasok kaya hindi na ako nag-abala na gisingin pa 'yong dalawa.
Ilang oras lang natapos na ako sa pagluluto. Hihintayin ko na lang 'yong dalawa na magising.
"Bakit nagluto ka? Hindi mo ako ginising para ako na gumawa n'yan. Alam mo naman kalagayan ng paa mo," nag-alalang sabi ni Yanna. Hindi ko man lang namalayan na bumaba na pala ito. Para talaga itong nanay makaasta.
"Okay lang ako. H'wag kang mag-alala. "
"Maupo ka na d'yan. Tatawagin ko mo na si Kystal para makakain na tayo." Bumalik ito sa taas at pagbaba niya kasama na si Kystal. Masaya namin kinain 'yong niluto ko. Pagkatapos sila na ang nagligpit dahil hanggang ngayon nag-alala pa rin sila sa akin. Para tuloy akong lumpo dahil sa ginagawa nila.
Dahil wala kaming trabaho ngayon at hindi kami makapasyal dahil sa nangyari sa akin. Kaya naisipan na lang nila na manood ng movie. Tinawagan din ni Yanna sila Keifer at Hanz para marami kami at mas masaya raw. Lakas talaga ng trip ni Yanna.
Ilang oras lang ay sabay na nagdatingan ang dalawa at may kanya-kanyang dala na pagkain. Kaya tuwang-tuwa itong dalawa. Pero nagtalo din sina Yanna at Hanz sa dapat namin panuorin na movie. Hindi kasi magkasundo itong dalawa. Gusto kasi ni Yanna 'yong love story habang ito si Hanz ay action. Pero nauwi kami sa panunuod ng horror. Ayaw ko sana dahil matatakutin ako pero ano ba naman ang laban ko sa apat at ako lang 'yong may ayaw sa palabas.
"Bakit ka nakapikit?" bulong sa akin ni Keifer. Siya kasi 'yong katabi ko.
"Hindi ako mahilig sa ganyan," sagot ko sa kanya. Nakapikit at natatakpan kasi 'yong mukha ko ng unan. Narinig ko na lang na natawa itong si Keifer pero hindi ko na lang pinansin. Napapatalon rin ako paminsan-minsan kapag sumisigaw si Yanna dahil nagugulat ako sa kanya kahit hindi ako nanunuod.
"Manahimik ka, ang ingay mo," irita na sabi ni Hanz kay Yanna. 
"Ano ba pakialam mo?" pagtataray ni Yanna. Nagsisimula na naman 'tong dalawa. Kailan din kasi matapos itong palabas na 'to. Pinagpawisan na rin ako.
"Ang sakit kaya sa tenga. Ginusto mo rin naman 'tong palabas na ito pero kanina ka pa tili ng tili. Hindi ko na maintindihan pinapanood ko," wika ni Hanz. Hinampas naman ni Yanna si Hanz ng unan, hindi din pinalampas ni Hanz at gumanti ito. Natigil lang ang dalawa ng iniwat na sila ni Kystal. Naiingayan na rin siguro ito sa dalawa.
"Okay na ba ang paa mo?" tanong ni Keifer sa akin.
"Oo, hindi na gaano masakit. Hindi naman masyado malala 'yong nangyari sa akin," sagot ko sa kanya.
"Mag-ingat ka sa susunod. Nag-alala ako sayo."
"Salamat," iyon na lang ang nasabi ko sa kanya dahil hindi ko alam ang sasabihin ko. Siguro ganyan lang takaga siya sa mga tao na malapit sa kanya.
Buong palabas ay nag-uusap lang kami ni Keifer. Mabuti na rin at hindi na ako naging bored dahil abala ako sa pag-uusap namin. Maganda din kasi kausap itong si Keifer. Mapapangiti ka na lang dahil dito.
Pagkatapos ng palabas ay nagpasya na manood pa kami ng isang movie dahil maaga pa naman at wala naman lakad itong dalawa. Mabuti na lang at hindi horror dahil nag-suggest din ito si Keifer. Kaya nakapanood na rin ako at hindi na nagtatago sa may unan. Maganda din kasi 'yong napili na palabas ni Keifer nakakatawa. Kaya napuno kami ng tawanan.
"Oo, hindi na masyado masakit,"sagot ko.