Mag-isa lang ako pumunta sa sakayan ng jeep, dahil masama ang pakiramdam ni Yanna. Mabuti na lang at walang pasok si Kystal ngayon kaya ma-aalagaan niya si Yanna. Nag-alala rin ako sa amin kasi sabi ng nanay ko lagi na daw sinusumpong ang bunso ko na kapatid ng kanyang sakit. Kailangan ko na naman magpadala sa kanila lalo na kalalabas pa naman ng kapatid ko sa hospital, sigurado ako naubusan na naman ng pera 'yon sila dahil mahal ang mga gamot ni Janshien. Simula pagkabata sakitin na talaga 'yong bunso namin.
"Anak ng—" Napasigaw na lang ako ng bigla  ba naman ako natalsikan ng tubig. Umulan kasi kagabi at hindi naman maganda ang daan rito sa amin kaya may tubig na naiwan sa daan. Tapos ang bilis ng takbo ng sasakyan kaya tumalsik ang tubig sa akin.
Huminto ang sasakyan at lumabas ang isang gwapo na nilalang. Napakalas ng kanyang dating, para itong artista dahil sa angkin na ka gwapohan at isang model dahil sa kanyang suot. Erase.. Erase Zachna Leign manahimik ka, huwag kang malandi sabi ko sa aking sarili.
"Miss, I want to say sorry of what happened earlier," agad na sabi niya sa akin habang ako nakatingin lang sa kanya. Naamoy ko na rin ang kanyang pabango kahit malayo kami sa isa't isa. Gusto ko magsalita pero walang lumabas sa aking bibig. Ilang minuto din ay tumalikod na ito at binuksan ang sasakyan. Doon lang ako bumalik sa aking katinuan.
"Hoy.." Sigaw ko sa kanya kaya napalingon ito sa akin.
"May problema ba?" Nagtatakang tanong n'ya sa akin. Ang bilis naman yata nitong magka- amesia sa kanyang nagawa sa akin. Kung tingnan ako ngayon para akong basang sisiw dahil sa nangyari kanina. Tapos aalis lang siya ng ganun lang. Hindi iyon pwede sa akin.
"Problema? Ikaw? Tingnan mo ginawa mo sa akin?" Turo ko sa akin sarili. Hindi porke't gwapo ka hindi ka na makakatikim sa katarayan ko.
"Akala ko, okay ka lang." Seryoso na sabi nito sa akin at tiningnan akong mabuti kaya medyo nakaramdam ako ng pagkailang kung paano siya tumingin.
"May sinabi ba ako sa'yo?" Pagtataray ko sa kanya at hindi pinahalata 'yong ilang na nararamdam ko. Isa pa wala naman akong matandaan na nagsabi ako na okay lang. Sino ba kausap nito.
"Miss, I already say sorry. Hindi ka nagsasalita, so akala ko okay lang sa'yo. At isa pa kailangan ko ng umalis dahil nagmamadali ako." At nagmadali itong pumasok sa kanyang sasakyan. Kaya lumapit ako sa kanyang sasakyan, hindi pwede na aalis lang siya ng ganyan.
"Ganun na lang ba—" Hindi ko matapos ang aking sasabihin ng may inabot ito sa akin at agad-agad na umalis. Naiwan na lang akong nakatulala. Nang mahimasmasan na ako tiningnan ko 'yong binigay niya sa akin at nagulat ako sa jacket na hawak ko. Ano naman gagawin ko dito, hindi ko naman pwede itong masuot dahil sa sobrang laki hanggang tuhod ko yata 'to. Pagtatawanan lang ako.
Tiningnan ko 'yong oras at napatalon ako dahil late na ako. Kaya dali-dali ako pumunta sa sakayan ng jeep at wala na akong oras na umuwi para magpalit ng blouse. Kung minamalas ka ba na man ang haba-haba na ng pila sa sakayan. Ilang minuto din ang hinintay ko bago ako nakasakay. Kaya ng dumating na ako ay tinakbo ko na papasok 'yong school.
Nagtungo ako agad sa classroom ko at pumunta sa may locker para kunin 'yong extra blouse ko at nilagay 'yong jacket ng lalaki kanina sa locker. Pagkatapos ko magbihis ay lumabas na ako para pumunta sa quadrangle dahil nandoon ang mga bata, pero nakita ko na lang na papunta na ang mga bata dito. Nakasalubong ko rin si Ms. Belle.
"May meeting tayo mamaya." Salubong niya sa akin at nagpa-alam ng umalis.
Hinintay ko na lang makapasok lahat ng bata sa room. Nang lahat ay nasa loob na, sinimulan ko na ang aking klase.
Pagkatapos ko sa aking klase ay pumunta kami sa music room para sa susunod na subject. Sa murang edad ng mga bata ay marunong na itong gumamit ng iba't ibang instrument. Ibang-iba ang school na to sa ordinaryong paaralan. Sa kagamitan at sa pamamaraan ng pagtuturo.
Lahat ng nag-aaral dito ay galing sa mayayaman na angkan at sikat na mga tao sa larangan ng showbiz. Pinili nila ito dahil din sa malakas ang security at safe ang mga bata. Maraming gusto makapag-aral dito, pero hindi rin makakapasok dahil bumagsak sa standard ng school. Una kailangan ng malaki na pera para sa tuition ng mga bata, kaya mayayaman lang ang makakapasok rito.
Pagkatapos ko maturuan ang mga bata sa pagtugtug ng piano ay hinatid ko na sila sa kanilang classroom para sa foreign language. Kung saan tinuturaan ang mga bata kung paano magsalita sa ibang lengwahe. Bumalik na ako sa aking classroom, doon ko nalang hihintayin ang mga bata para sa susunod na subject.
Isang oras din ang lumipas at nakita ko na ang mga bata na pabalik rito. Sinabihan ko mo na sila na kumain ng snack nila dahil oras na. Nagpunta na rin ako sa canteen para kumain at tumabi ako nina Ms. Josie at Ms. Daisy.
"Ano ba nangyari kay Teacher Yanna?" Tanong ni Ms. Josie habang kumakain. Malapit talaga si Yanna sa mga teacher dito.
"Bigla na lang nilagnat. Kahapon pa yata masama pakiramdam n'ya. Lumala pa dahil sa pasaway na mga bata."
Nagulat ako ng may tumabi sa akin. Kasama ito ni Mr. Hanz. Nginitian lang ako at nagsimula ng kumain. Para siyang may lahing Chinese dahil singkit ang kanyang mga bata. Para din itong basketball player sa sobrang tangkad.
"Si Teacher Keifer pala. Bagong math teacher natin. Pero s'ya mo na ang pumalit kay Ma'am Yanna ngayon," pagpakilala ni Hanz sa kanya kaya nagpakilala na rin kami sa kanya.
"Sir Keifer may girlfriend ka na ba?" tanong ni Ms. Daisy nito.
"Wala pa e." Napakamot ito dahil sa tanong. Medyo nahihiya pa siya sa amin.
"Naku, sayang naman sir. Paano na lahi natin n'yan. Hirap pa naman humanap ng babae ngayon," pagbibiro ni Hanz, para hindi din ito mahiya makigpagsabayan.
"Naku sir, wag ka makinig kay sir Hanz. Kasi hanggang ngayon wala pa 'yang girlfriend." Singit ni Ms. Josie kaya natawa na lang kami.
"Grabe naman kayo, mahirap din kasi 'yong sitwasyon ko," pagtatanggol n'ya sa kanyang sarili kaya mas lalo kaming natawa.
"Sayang Sir Keifer madami naman single dito sa school kaya lang may policy na dapat sundin," biglang sabi ni Mrs. Ingrid. Totoo na man kasi na may policy ang school na bawal magkaroon ng relasyon ang bawat teacher dahil kapag nalaman ito ng board ay pwede na matanggal sa trabaho.
Marami pa kaming pinag-usapan hanggang sa bumalik na kami sa aming room upang ipagpatuloy ang klase. Pagkatapos ko sa aking klase ay pumunta na ako sa meeting room, nakita ko lahat ay nandoon na hinihintay na lang si Mrs. Sevilla para makapasimula na.
"Hello Teachers," bati sa amin ni Mrs. Sevilla ng siya ay dumating. Pero bago siya nagsimula sa meeting ay pinakilala muna niya si Sir Keifer sa lahat. Pagkatapos pinaliwanag na niya ang dapat gawin sa gaganapin na Family Day ng school namin. Sinabi rin n'ya na pupunta ang mga kasama sa board upang matunghayan ang gaganapin na event kaya dapat talaga namin paghandaan ito ng maigi.
"Ang naka-assign sa decorations ay sina Ms. Daisy, Mr. Hanz at Ms. Yanna. Sa program at invitation letter pata sa parents ay sina Ms. Belle at Ms. Josie. Kayo naman sa games Mr. Keifer at Ms. Leign at 'yong iba ay tumulong na lang kayo para mapadali tayo."
May sinabi pa si Mrs. Sevilla bago siya umalis. Nang matapos na ang meeting ay kinuha ko ang aking gamit para makauwi na ako. Pagdating ko sa bahay naabutan ko si Yanna na nanood ng TV. Sinabi ko sa kanya ang tungkol sa meeting namin para may alam din siya. Mabuti na lang at magaling na s'ya.
"Nasaan si Kystal?" tanong ko sa kanya ng nakababa na ako galing nagbihis. Hindi ko kasi nakita sa kwarto.
"Bibili lang ng makakain. Nagsawa na kasi siya sa ulam natin. Magluluto raw siya."
"Umuwi na pa la 'yong ex mo. Nakita ko sa facebook kanina," sabi sa akin ni Yanna at tumayo ito para kumuha ng tubig.
"Mabuti naman, wag na natin 'yon pag-usapan."
Matagal na rin wala akong balita sa kanya, simula ng maghiwalay kami dahil may iba na pala siyang kinakasama sa Dubaii. Kung hindi pa siya nakita ng pinsan ko doon ay hindi ko malalaman ang mga kalokohan niya. Nagpasya na rin ako na putulin 'yong lahat ng kominikasyon namin at kalimutan na siya.  Masaya na rin ako ngayon pero wala pa akong balak pumasok sa isang relasyon. Siguro pagod na rin ako masaktan at maloko.
"Naka-move on ka na ba talaga?" Umupo ito sa tabi ko at gusto makasigurado sa isasagot ko.
"Oo naman, tatlong taon na rin 'yon," nakangiting sabi ko sa kanya. Mabuti na lang at dumating na si Kystal kaya hindi na niya ako kinukulit pa. Ayaw ko na rin kasi na pag-usapan pa 'yon.
Tinulungan ko si Kystal na magluto at ng matapos ay kumain na kami. Nagtulungan din kaming linisin ang pinagkainan namin. Nanood mo na kami ng movie dahil hindi pa kami dinalaw ng antok.
Matapos namin manood ay umakyat na kami sa taas ng makita ko 'yong jacket ng lalaki kanina. Kaya tiningnan ko ito at may nakaburda na maliit sa gilid na A.L.C., iniligay ko na lang ito sa cabinet dahil hindi ko naman ito nagamit o nadumihan man lang. Saka ako nagpasya na matulog na.