"Luna! Nandyan na sa closet mo 'yung uniporme na galing sa West University," rinig kong sigaw ni Tita sa baba.
"At 'yung ID mo rin nasa bag mo na!" dagdag pa nito kaya naman binuksan ko ang bag ko at nilabas ito.
"Salamat Tita!" pabalik kong sigaw at pumunta na malapit sa closet ko.
Binuksan ko ito at bumungad sa 'kin ang isang long sleeve at may necktie na pula.
Ang palda ay above the knee sana pero pinasadya kong lumagpas ng kaunti sa tuhod para magmukha talaga akong isang nerd. In short, manang. Nag-comment pa si Tita sa style ng uniporme ko at tangimg ngiwi lamang ang naging ekspresyon niya ng sabihin ko na ito ang gusto kong style.
"Ang pangit naman ng fashion taste mo, Luna," ngiwi nito pero nginitian ko na lang siya. Hindi na rin naman niya ako kinulit at bahala na raw ako dahil ako naman ang mag-susuot nito kaya okay lang.
Pagkatapos kong maligo ay umupo na ako sa tapat ng salamin ng kwarto ko at in-eksamin ang mukha ko. Kumuha ako ng black marker at nilagyan ang kilay ko. Sinadya kong kapalan ito hanggang sa nagmukha ng makapal at itim na itim ang kulay.
Sunod kong nilagyan ng black marker ang pisngi ko upang mag silbing pekas. Tinadtad ko ng itim na mga dots ang mukha ko pero sinikap kong hindi nila mahalata na matker lang ito at pinagmukha talaga itong totoong pekas o bako-bako sa mukha ko. Ibinaba ko na ang black marker at kinuha ang itim at malaking salamin na binili ko kahapon sa mall bago pa man kami makarating sa bahay galing sa resort.
Nilagay ko na ito at nanlaki ang mga mata ko dahil sa kinalabasan ng itsura ko ngayon.
A-Ako ba talaga ito?
Napakalayo sa dati kong itsura. Nilugay ko lang ang lagpas balikat kong buhok at sinuklayan ito. Hindi ko na nilagyan ng brace ang ngipin ko at hinayaan na lamang ito sa normal nitong itsura dahil baka masira lang ang ngipin ko.
Kinuha ko na ang bag ko at isinukbit ito sa mga balikat ko pagkatapos ay sinabit ko rin sa leeg ko ang ID na nasa mesa at bumaba na.
"Tita. Aalis na po ako!" sigaw ko pagkababa ko pa lang at patakbo ng tinungo ang pinto pero agad akong bumalik at pumunta sa kinaroroonan ni Tita.
Naghahanda pa lang si Tita sa hapag-kainan kaya lumapit ako sa kanya dahil nakalimutan ko pala ang baon ko.
Agad na lumingon si Tita pagkalingon niya sa direksyon ko at nanlaki ang mga mata nito pagkatapos ay nabitawan ang hawak niyang siyansi."Ay! Impakta! Nasaan si Luna!? Sino ka!?" gulat na sigaw ni Tita at nakita ko siyang umatras kaya napatawa na lamang ako.
"Tita! Ako 'to!" asik ko. Habang inaalis ang salamin ko at inipit sa tenga ang mga hibla ng buhok ko na kanina lamg ay nakatakip sa mukha ko.
Nilapitan ko ang mesa at na-upo para kumain pero nakita kong lumapit si Tita sa akin tsaka umupo rin siya sa upuan na nasa tapat ko at tiningnan ako nang maigi. Maaga pa naman kaya dito na lang siguro ako mag-aagahan, sayang din naman ang niluto ni Titang agahan.
Kunot noo pa rin niyang pinagmamasdan ang kabuuan ko at tumayo habang nag-aalangang lumapit sa akin,"L-Luna!? Ikaw ba talaga 'yan!?" tanong ni Tita.
Magkasalubong na ang mga kilay niya at nagpasya siyang mas lalo pang lumapit sa akin at ineksamin ang buong mukha ko.
Tumango ako bilang sagot sa tanong niya," Tita, kahit naman nagbago ang anyo ko hindi naman magbabago ang boses ko noh. Ako pa rin po 'to," saad ko at alanganin siyang yumango-tango.
Napangisi naman ako at kumuha na ng kanin at ulam na nakalapag sa mesa 'tsaka kumuha ng kaunti para nilagay ito sa plato ko.
"Ano bang trip mong bata ka? Nagmukha ng coloring book ang mukha mo! Hindi mo naman sinabi na gusto mag drawing binilhan na lang sana kita nang drawing book hindi 'yung dyan ka pa sa mukha mo nag-kalat ng ink," asik nito sa akin pero natawa naman ako at subo na ng pagkain. Bumalik siya sa upuan niya kaya napangiti na ako sa kanya.
"Tita naman, its a nerd look," saad ko rito pero hindi pa rin naalis ang lukot sa noo nito.
"A nerd?" tanong niya pa at napatango naman ako sa kanya.
Yes! A nerd, indeed. Magpa-panggap ako bilang isang nerd para mahanap ko ang taong pumatay sa kapatid ko. Kapag naging nerd ako, I can attract bullies attention and siguro 'dun malalaman ko kung sino ang nambully sa kapatid ko o taong nag-udyok sa kapatid kong magpakamatay.
"Wala Tita. Ganito na ang magiging itsura ko simula ngayon," wika ko at sumubo ng pagkain.
"Bagong trend ba 'yan ngayon?" tanong niya at kumuha na rin ng kanin.
"A-Ah oo naman po!" utal kong tugon at napayuko na lamang.
Hindi pwedeng malaman ni Tita na may sadya ako sa unibersidad na iyon. Dahil kung hindi, baka hindi siya sumang-ayon at ilipat ako sa ibang unibersidad.
Pagkatapos namin kumain ay tinulungan ko na siyang mag-ligpit ng kinainan namin.
"Sabay ka na sa 'kin pamangkin. Ihahatid na kita," wika niya.
"Sige po, Tita," tugon ko rito.
Kinuha na niya ang bag niya at susi na nasa couch.
Lumabas na ako ng bahay at sumakay na sa kotse. Umupo ako sa passenger's seat at inilagay na ang seatbelt.
Hardinero lamang ang naiwan sa bahay namin at isang yaya.
Matagal na rin naman sila na nagsisilbi sa bahay namin at mas matagal ay si Yaya Tere na anim na taon ng nagsisilbi sa amin pero hindi siya stay in dahil pag-gabi naman ay nandito na kaming dalawa pero kapag wala siya dahil sa trabaho o kaya mga events sa kompanya ay si Yaya Tere ang nakakasama ko sa bahay.
"Yaya Tere iiwan ko na sa 'yo itong bahay ah, make sure na huwag po kayo magpapapasok ng ibang tao dahil mahirap na ho. Mamayang gabi ay baka si Luna rin ang mauna sa akin kaya paki-asikaso na lang po siya, okay?" sunod sunod na saad ni Tita at tanging tango lang ang naitutugon ni Yaya Tere. Pagkatapos ay mabilis siyang pumunta sa dirver's seat kaya kumaway na ako kay Yaya Tere na nag-aabang sa may gate namin.
"Tara na!" masayang saad niya at ini-start na ang makina.
Napahinto siya sa pag-lagay ng seatbelt at tila may naalala siyang sasabihin sa 'kin kaya kunot-noo niya akong tiningnan.
"Luna," mahinang tawag nito sa 'kin.
"Po?" Tanong ko at kunot-noong nilingon siya.
"Bakit nga pala gusto mong palitan ang apelyido at pangalan mo dun sa transfer papers mo?" kunot-noong tanong niya.
Natigilan naman ako sa sinabi niya at sandaling nag-isip ng idadahilan dito pero nakita ko ang pagtaas ng isang kilay niya kaya agad akong kinabahan kaya sinagot ko na lang siya,"A-Ah kasi Tita i-ikaw na lang ang natitira kong pamilya t-tsaka mas lalo lang akong nalu-lungkot dahil ako na lang ang guma-gamit sa apelyido namin."
Wala na akong ibang mairarason. I don't have to say na dahil sa paghihiganti kaya ko gaga.itin ang apelyido niya, baka mabatukan niya lang ako at ipatapon.
"Nai-intindihan ko," saad niya at nagmaneho na palabas ng gate namin.
"Ti-Tita," Tawag ko kay Tita.
"Hmm? Bakit?" tanong niya at nanatili pa rin na nakatingin sa daan.
"Pwede ho ba na kapag nasa school ako tawagin mo akong anak o Miley?" tanong ko kay Tita.
Palihim ko namang pinag-krus ang dalawang daliri ko dahil sa takot na baka hindi siya pumayag.
"Ah yung nasa transfer papers mo na pangalan? Bakit naman?" nagtatakang tanong ni Tita.
"Wala lang po. Gusto ko lang ulit na may matawag na mama at tumawag sa akin na anak," kibit balikat na tugon ko.
Rinig ko naman ang pag buntong hininga niya at tumango-tango.
Sa sobrang tuwa ko ay napa-palakpak ako at ngumiti ng napakalawak.
"Salamat Tita! You're the best!" masayang saad ko at iponakita sa kamya ang naka thumbs up ko na hinlalaki. Napangiti naman ito at napa-iling-ilimg dahil sa inakto ko.
"We're here!" masayang saad niya nang ihinto niya na ang kamyang sasakyan.
Napatingin naman ako sa labas ng bintana at natatanaw ko galing dito ang isang napakalaking itim na gate.
"Dito na lang po tayo, Tita. Papasok ka pa po sa trabaho niyo baka ma late ka pa," nakangiting saad ko.
Lumapit naman ako sa kanya at humalik sa pisngi niya. Hinalikan niya rin ako sa pisngi at kumaway sa akin
Bumaba na ako at tiningala ang mataas na gate sa harapan ko. Hindi ako makapaniwala na nandito ako hindi para mag-aral kung hindi ay para maghiganti. Napahinga na lang ako nang malalim at nagsimula nang humakbang papasok.
This is d-day.
Napatingin ako pabalik kay Tita na ikinatigil ko sa pagpasok sa entrance nang marinig kong tumawag ito sa akin.
"Pamangkin!" sigaw nito sa di kalayuan.
Kunot-noo naman akong nakatingin sa kanya at hinihintay ang sasabihin niya pero hindi ko narinig nang mabuti kaya patakbo akong lumapit sa kotse nito ar tinanong siya, "Bakit po, Tita?"
"Ang sabi ko 'wag kang kakabahan. Kapag may problema tawagan mo lang ako!" nakangiting wika niya.
Tumango naman ako at nginitian siya.
"Makaka-asa ka po, Tita. Babalitaan na lang kita sa first day ko mamaya," nakangiting saad ko at tumango naman siya.
Napansin ko ang unti-unting pagkawala ng ngiti niya at napalitan ito nang pag-ngiwi habang sinusuri niya ang itsura ko.
"Sigurado ka na ba talaga diyan sa itsura mo?" takang-tanong ni Tita na hindi pa talaga kumbinsido sa pisikal na anyo ko ngayon.
Ngumiti naman ako sa kanya at nag-thumbs up na lamang ako sa kanya pero kita ko ang pag-aalangan niya pero napatango na lang din.
Malakas naman siyang naoabuga ng hangin tanda ng pagsuko at nagwika,"Oh, siya! Aalis na ako huh? Hintayin mo ako mamayang 6 pm sa gate. Susunduin kita," nakangiting saad niya kaya naman tumango ako at lumayo na sa kotse.
Tiningnan ko ang papalayo niyang kotse at kinawayan ito hanggang sa makalayo na sa akin.
Pumihit ulit ako paharap sa gate tsaka napahigpit ang kapit sa strap ng bag ko.
Binati ako ng guard nang isang malawak na ngiti kaya ginantihan ko naman ito nang ngiti.
Sa mga sandaling nakatapak na ang mga paa ko sa loob ng West U ay namangha ako sa napakalawak na unibersidad na ito at napansin kong mas maaliwalas ito kaysa East University.
Nadaanan ko ang isang napakalaking field na maraming mga estudyate na ka-edad ko at meron ding mga bata pa habang sa kabila naman na bench ay may mga babaeng nagsisigiwan at pati... pati bakla.
Tinatahak ko na ang daanan papunta sa isang building kung saan naroroon ang head ng school na ito. Kailangan ko muna kasing pumunta raw dito bago sa adviser ko.
Mas kompleto at mas maganda ang pamamalakad rito dahil na rin sa ito ang main campus. East University is just one of its branch.
Lumiko ako at habang naglalakad ay para akong naglalakad sa isang aisle pero mga puno ang nakahilera sa daraanan ko hindi mga gwardya.
Nalalanghap ko rin ang sariwang hangin habang nag-si-sway ang mga dahon ng mva puno na nagsisilbing lilim sa mga taong dumaraan dito. Sa kabuuan ng West U ay parang isang park na sobrang modern na ang dating.
Hindi lang rin dito sa dinaraanan ko ang maganda kundi sa iba't-ibang parte pa ng campus na ito na mas lalong nagpa-ganda ng paligid. Kaya siguro ito ang pinili ni Yas na pasukan.
Sana pala dito na lang ako pumasok noon, baka nabantayan ko pa ang kapatid ko.
Kung isang ordinaryo lang akong studyante na pangarap ang makapasok dito oara mag-aral siguro makakapaglibot pa ako rito at maeenjoy ko pa lalo ang paligid. Pero hindi ito ang pinunta ko sa unibersidad na ito.
Bigla akong napilig ng ulo ko at bumuntong-hininga na lamang dahil sa pagkadismaya, nsandaling nawala kasi ang purpose ko dito aa paaralan dahil sa kaaya-ayang paligid ng school na ito.
Dumiretso na ako sa building kung saan naroroon ang school head ng West University at hinanda ang aking sarili.