O anak nariyan ka na pala, halika na umupo ka na rito at kumain ka na, ” yaya sa akin ni mama.
Kakarating ko lang galing school at naabutan ko silang naghahapunan, umupo naman ako at sinandukan ako ng pagkain.
“How’s our princess?” Tanong sa akin ni papa.
“Okay lang naman po pa.”
“Galing dito si Chris iyong masugid mong manliligaw na banlag!” Pang-aasar ni kuya Clarence ang panganay kong kapatid.
“Hindi mo pa ba binabasted ‘yon?” Si kuya Daren naman ang nagtanong ang pangalawa kong kuya.
“Matagal ko ng binasted ‘yon kuya ang kaso ang kulit talaga niya.”
“Gusto mo kami na ni kuya Clarence ang bumasted para sa’yo?”
“Magsitigil nga kayo ha! Alam kong binabalak niyong dalawa kayo!” Saway ni mama sa dalawa kong kuya na natahimik bigla.
“Kausapin mo na lang anak ng maayos, at saka mukha namang mabait ‘yong tao.”
“I know mama, kaso hindi ko talaga siya gusto kaibigan lang talaga ang turing ko sa kan’ya at alam naman niya ‘yon eh.” Mabait si Chris guwapo rin naman at matalino, ayon nga lang may pagka- banlag kaya naman lagi siyang inaasar nila kuya, classmate ko rin siya sa isang subject kaya bihira lang din kami magkita sa school.
“Ipaliwanag mo na lang sa kan’ya ng mabuti anak tiyak maiintindihan niya ‘yon,” nakangiti namang sabi sa akin ni papa.
Pagkatapos naming maghapunan ay dumeretso na ako kaagad sa aking kuwarto at nagpalit ng damit. Pagkuwa’y humiga na ako sa aking kama at kinuha ang aking cellphone. Naisipan ko namang i-search si Doctor Wallace sa social media.
“Ang guwapo naman niya,” bulong ko sa aking sarili. Sino kaya itong kasama niya? Ang gwapo rin, pero para sa akin mas guwapo si Doctor Wallace, masyado kasing seryoso tong kasama niya sa picture.
“Celestine?” Tawag ni kuya Clarence sa labas ng kuwarto ko.
“Yes kuya?”
“Puwedeng pumasok?”
“Sige kuya pasok ka,” umayos naman ako nang pagkakaupo sa aking kama nang makapasok na si kuya Clarence, umupo ito sa gilid ng kama ko.
“Siyanga pala maaga raw tayong aalis bukas birthday daw kasi noong kaibigan ni mama inimbitahan tayong pumunta sa kanila.”
“Sinong kaibigan kuya?”
“Si tita Shayne, saka gusto ka rin daw niyang makita.”
“Sinong tita Shayne? Takang tanong ko kay kuya. Kita ko ang pagkakunot ng noo niya at tinitigan ako ng seryoso
“Si tita Shayne iyong bestfriend ni mama, lagi kaya siyang kinukuwento ni mama sa atin.”
“Ah, o-oo nga pala s-sorry medyo nakalimutan ko rin kasi eh,” napakamot na lang ako ng aking ulo saka ngumiti sa kan’ya.
“Napapansin ko lang sa’yo bunso parang nagiging makakalimutin ka yata nitong mga nakaraang araw ah.”
“Sorry kuya siguro masyado lang akong stress sa studies ko kaya siguro ang dami kong nakakalimutan.”
“ ‘wag ka masyadong magpakapagod okay? Baka mamaya magkasakit ka niyan.”
“Opo kuya, kailangan ko kasi mag-aral ng mabuti para hindi mawala sa akin ‘yong scholarship ko.”
“Pasensya ka na bunso ah, pati ikaw nahihirapan. Kailangan mo pa magsunog ng kilay.”
“Okay lang kuya, para rin naman sa inyo itong ginagawa ko eh, para kapag nakatapos na ‘ko at nagkaroon ng magandang trabaho ako naman ang tutulong sa inyo.”
“Hindi mo kailangan gawin ‘yon bunso, makita lang namin na nagsusumikap ka masaya na kami para sayo.”
“Salamat kuya,” ngumiti naman ako ng matamis kay kuya Clarence.
“Sige na magpahinga ka na kasi maaga tayong aalis bukas,” pagkasabi niyang iyon ay lumabas na si kuya Clarence sa aking kuwarto.
Maaga kaming umalis ng bahay dahil pupunta raw kami sa birthday ni tita Shayne, ang bestfriend ni mama. Isang oras din ang biniyahe namin bago kami nakarating sa bahay nila. Pagkababa namin ng sasakyan ay namangha kaming lahat dahil sa laki ng bahay nila. Wala pa sa kalahati ng bahay namin ang bahay ni tita Shayne. Sinalubong naman kami ng isa sa mga kasambahay nila at iginiya kami sa dining area. Mas lalo pa akong namangha dahil ang daming pagkaing nakahayin sa lamesa at iba’t- ibang putahe. Maya-maya ay dumating naman ang isang magandang babae na hindi mapaghahalataang may edad na. Ito na siguro si tita Shayne.
“Celicia!” Bati ni tita Shayne sa aking ina at niyakap niya ito ng mahigpit. “Buti naman at nakarating kayo?”
“Oo naman Shayne ikaw pa! Malakas ka sa akin eh! Happy birthday best friend!” Masayang bati nila sa isa't-isa.
“Siyanga pala mga anak ko, si Clarence ang panganay ko, si Darren naman ang pangalawa kong anak at ito namang si Cel___” hindi na natapos ni mama ang kaniyang sasabihin ng bigla akong yakapin ni tita Shayne na ikinagulat naming lahat.
“Hello hija!” Kumalas naman siya ng pagkakayakap at hinarap ako ng may ngiti sa labi.
“He-hello po po ti-tita Shayne,” nauutal kong bati sa kan’ya.
“Ang ganda-ganda mo hija, mas maganda ka pala sa personal.”
“Ah s-salamat po.”
“Hala sige maupo na kayo. Okay lang bang hintayin muna natin ang anak ko? Pero bababa na rin naman iyon.”
“Walang problema Shayne,” wika ni mama.
Masaya kaming nagkukuwentuhan ng marinig namin ang pagtawag ng isang lalaki.
“Ma!”
“Nandito kami anak sa dining area!”
Lumapit naman ang anak ni tita Shayne at humalik sa pisngi nito, sabay pa kaming nagulat ng magkatitigan kami.
“Ikaw?” Sabay naming sabi na ikinagulat nilang lahat.
“Magkakilala kayo anak?” Takang tanong ni tita Shayne na nagpapalit- palit ng tingin sa aming dalawa.
“Ah yes ma, may medical mission kasi kami sa Southville do’n ko siya nakilala.
“Ah talaga anak?! Well, hindi ko na pala siya kailangan ipakilala sayo.”
“why ma?”
“Siya ‘yong sinasabi ko na gusto kong ipakilala sayo!”
“Really ma?” Sabay sulyap nito sa akin ng nakangiti.
Bakit ang guwapo niya pag nakangiti? Makalaglag panty susme!”
“Sige na hijo umupo ka na,” umupo naman siya sa tabi ni tita Shayne at mismong magkatapat lang kami.
“Ang laki mo na Wallace, at ang guwapo mo pa!” Masayang turan ni mama sa kan’ya.
“Talaga ba tita?” Nakangiti namang tanong ni Doc Wallace.
“Aba’y oo naman! Noong last kasi kitang nakita buntis pa ako kay Celestine noon.”
“Kaya sabi ko rito kay tita Celicia mo na kapag babae ang magiging anak niya irereto ko siya sa’yo.”
“What?! Gulat na tanong ni Doc Wallace kahit ako ay napatingin din kay tita Shayne.
“Ilang taon ka na hija?” Nakangiting baling sa akin ni tita Shayne.
“T-twenty po.”
“Well, itong si Wallace thirty one na pero age doesn't matter naman hindi ba Celicia?” Napabaling naman kaming lahat kay mama na ngayon ay abot tainga rin ang ngiti.
Masayang nagkukuwentuhan sina mama at tita Shayne at panaka-naka naman akong tumitingin kay Doctor Wallace. Ang guwapo niya talaga, lagi pa siyang nakangiti. Ilang oras din ang nilagi namin sa kanila at nagpasya kaming magpaalam na, hinatid naman kami nito sa may gate nila kung nasaan ang aming sasakyan.
“Salamat Shayne ha? Mauuna na rin kami.”
“Sige Celicia mag-iingat kayo sa biyahe, sige na anak magpaalam ka na sa kanila,” baling naman ni tita Shayne kay Doctor Wallace.
“Ingat po kayo tita, sa inyo rin Clarence, Daren,” napasulyap naman bigla sa akin si Doc Wallace at ngumiti.
Oh shit ang dibdib ko! Feeling ko hindi ako makahinga. Napalunok akong bigla sa klase ng titig niya.
“And you also Celestine,” sabay kindat nito sa akin na ikinaawang ng aking mga labi. Tumikhim naman si kuya Clarence at saka nagsalita.
“Let’s go Cel pasok ka na sa loob ng kotse.
“O-okay kuya,” sinulyapan kong muli si Doc Wallace na mataman din nakatingin sa akin.
“O siya Shayne mauuna na kami ha? Kita na lang ulit tayo sa susunod,” sabay beso naman ni mama kay tita Shayne. Kumaway pa ito sa amin bago kami tuluyang makaalis.