[ SPIN THE BOTTLE ]
LIRA
"Tawagin 'yung iba para matulungan ka diyan, Lira."
"Hindi na Alex, kaya ko na 'to." Nakangiting tanggi ko.
"Sigurado ka ba? O kung gusto mo ako na lang ang tutulong sa'yo?" Nakangiting sabi pang muli ni, Alex.
"Kulit naman." Natatawang sabi ko at napatawa siya.
"Ok, i know naman talaga na kapag sinabi mo na ayos ka lang ay totoo. Sige, bilisan mo lang." Paalam na ni Alex na may mga dalang mga beer.
Tumango lang ako at Pinunasan ko na ang lamesa para simulan na ang paghuhugas nang mga plato ng matanawan ko si, Cavin. Umiwas ako agad ng tingin sa kanya at dinala na ang mga plato sa lababo, naalala ko muli 'yung kanina dahil naguluhan lang ako. Dahil sabi niya gusto niya ng tinapay pero biglang nagbago ang isip at sa akin pinakain.
Nakikiramdam lang ako ng lumapit na siya banda sa akin at tiningnan ang laman ng mga kaldero.
"Ikaw lahat gagawa niyan?"
Natigilan ako sa balak kong pagsisimula ng paghuhugas dahil sa sinabi ni, Cavin.
"Oo, bakit?" Sagot ko at nakatingin siya sa lababo na puno ng mga plato at baso.
"Lagyan mo muna ako ng pagkain."
Natigilan naman ako lalo dahil sa sinabi niya at nakatingin lang siya sa akin.
"Ayos lang ba?" Muling sabi niya.
Napatango na lang ako at umalis na siya sa harapan ko, naupo na doon. Napapailing na lang ako dahil sa asta niya pero hindi ko nagawang magsalita at hindi ko alam kung bakit. Kumuha ako ng malinis na plato at sinandukan ko ng kanin dinamihan ko kasi lalaki siya, naglagay ako sa mga platito ng ulam. Sinamahan ko na rin ng kutsura at tinidor, matapos ay dinala ko 'yun sa kanya.
Inuna ko ang plato at binalikan ko 'yung platito na may laman na mga ulam. Paglapag ko napansin ko na nakatingin lang siya sa pagkain, bigla kong naisip na baka mamaya sasabihin na naman niya na ayaw niya na ulit.
"Seryoso ka mauubos ko 'to?"
"Ha? S-sorry, sandali babawasan ko 'yan." Ngunit natigilan ako dahil sinimulan niya na 'yon kainin.
Nakamasid lang ako sa kanya habang kumakain siya.
"Kumain ka na ba?"
Napatingin ako sa tanong niya at hindi agad nakapagsalita dahil natitigan ko ang mukha niya. Maganda ang pares ng mata niya, medyo makapal ang kilay at matangos ang ilong, isa pa ang tangkad niya dahil kanina no'ng magkatapat kami mataas siya.
"Never mind."
Muling sambit niya at naiilang na tumalikod na lang ako dahil nawala sa isip ko ang tanong niya. Pinagpatuloy ko na ang paghuhugas ko, ilang plato pa lang ang nasasabunan ko ng may plato na nilagay doon at yun ang pinagkainan ni Cavin at hindi ko inaasahan na naubos niya 'yun.
"Masarap talaga ang luto ng ate ko, ngayon ko lang ulit natikman."
Muli akong natigilan dahil sa biglang pagngiti niya na mas lalong nakadagdag gandang lalaki sa kanya. Pero agad na binalewala ko 'yun dahil baka kung ano ang isipin niya.
"S-Sige na ako ng bahala dito." Biglang nailang na sabi ko.
Hindi naman siya sumagot kaya naman mas lalo akong nakaramdam ng pagkailang. Hanggang sa umangat ang mata niya sa itaas napasunod ang mata ko doon, umabot ang kamay niya doon sa garapon. Halos magdikit na ang katawan namin napayuko ako at mayamaya'y para akong natuklaw ng ahas dahil sa pag-angat ko ng mukha ko dahil halos konting-konti na lang 'ay magdidikit na ang ilong namin. Ang lakas ng tibok ng puso ko dahil nalanghap ko na ang mabangong hininga niya.
"Lira, tulungan na kita."
Bigla akong napatalikod at umatras ng konti si Cavin. Dahil sa pagdating ni, Bianca.
"Oh, i'm sorry. Anyway, kailangan mo pa ba ng tulong my friend?"
"Yeah, she need help." Sagot ni Cavin at naglakad na ito.
Hindi ko naman malaman kung paano haharapin si Bianca dahil baka mamaya kung ano ang iniisip niya dahil baka nakita niya kami ni, Cavin.
"So... mukhang nagiging malapit na kayo ni, Cavin."
Nilingon ko si Bianca at kitang-kita ko ang mapanuksong ngiti niya.
"Nandito ka naman na, sige na tulungan mo na ako." Pagbabalewala ko sa sinabi ni, Bianca.
"Pero anebeyen, bakit parang kinikilig ako kanina?"
Muli akong napatingin kay Bianca dahil sa kilig na kilig na itsura nito, napapangiti na lang rin ako.
"Uy, ngumingiti siya. Ngayon ko lang ulit nakita ang ngiti na 'yan, matagal-tagal na rin. I hope magtuloy-tuloy na."
"Tutulungan mo ba ako o hindi?" Natatawang sabi ko at napakamot siya sa ulo niya.
"Ito na nga oh," nakasimangot niyang sabi.
Napapangiti na lang ako at magkatulong na kami sa paghuhugas ng mga pinagkainan.
----------
MELISSA
"Game na." Sabi ni, Shane.
"Wait, hintayin natin si Bianca at Lira para masaya." Sagot ko.
"Oo nga naman Shane, huwag masiyadong excited baka masaktan ka lang." Pang-aasar na naman ni, Janus.
"F*ck you! Ako na naman nakita mo." Inis na sagot ni, Shane. Na nakaupo sa tabi ko.
Nagtawanan naman ang lahat, nakita ko na papalapit na si Cavin. Naupo ito sa tabi ni Janus sa lapag.
"Ayaw mo ba doon p're?" Natatawang puna ni Janus kay Cavin dahil doon siya nakaupo kanina malapit sa amin.
"Dito na lang ako." Sagot lang ni Cavin at kumuha ng bote nang beer na nakapatong sa lamesa.
"Patay tayo diyan, Shane." Naiiling na sabi ni, Janus.
"Uy, tigilan mo na si Shane. Sige ka baka sakmalin ka na niyan." Si Alex at nagtawanan ang lahat.
"Ako na lang talaga ang trip niyo." Nakataas ang kilay na sabi ni, Shane.
"Huwag mo na pansinin alam mo naman ang mga 'yan." Nakangiti kong sabi.
"Shane, kung disidido ka dapat ipakita mo." Napalingon kami kay, Hannah.
"Narinig mo? Ipakita mo daw." Segunda na naman ni, Janus. Ang kulit talaga nito. "Sandali lang, ano ba ang tipo mo sa babae?" Baling ni Janus kay, Cavin.
Siniko ko naman si Shane at na-excite ako sa isasagot ni, Cavin. Napatingin ako sa ate niya na nakatingin rin kay, Cavin. Naghihintay ang lahat sa isasagot ni Cavin, uminom muna ito at mukhang magsasalita na.
"Wala akong tipo pagdating sa babae, kapag gusto ko, gusto ko."
Napatingin ako sa paparating na si Bianca at Lira.
"Isa pa, kapag ginusto ako ng babae. Habaan niya ang pasensya niya, dahil ako 'yung tipo ng lalaki na hindi nagpapakita ng totoong damdamin. Pero malay natin baka ako ng babae na 'yun."
Natahimik kaming lahat dahil sa sinabi ni Cavin at napansin ko ang mata niya. Nandoon siya nakatingin kila Lira at Bianca na nakatayo lang, siniko pa ni Bianca si Lira.
"Ahem! Para akong nagkaroon ng bara doon ah, kayo din ba? Pero ang hanep lang ang astig mo doon p're." Naiiling na sabi ni, Janus. Natatawan naman ako dahil sa aksyon nitom
"Par, ganyan ang galawan ng mga gwapo." Sagot naman ni, Scott.
"Ngayon alam mo na." Segunda ni, Alex.
"Iba talaga ang bayaw ko." Sabi ni, Clark.
Nagtawanan naman ang lahat at napansin ko na nakasimangot si Shane na nakatingin kay Lira, may kung ano akong naramdaman.
"Babe, tara na dito." Aya ni Janus kay Bianca.
"Lira dito ka na." Alok ni Alex ng upuan niya at doon siya naupo sa carpet sa tabi ni, Cavin.
"Salamat." Sagot ni Lira at naupo na nga ito.
"Kung ganun kumpleto na tayo, maaari na natin simulan ang laro. Handa na ba kayo guys?" Masayang tanong ni, Janus. "Bago 'yan cheers muna tayo para sa pagsama-sama natin." Taas nito ng bote nang beer.
Nagkuhaan naman na kami lahat ng tag-iisang bote at binuksan 'yun. Sabay-sabay namin na tinaas ang mga bote namin.
"Ok, game na tayo babe." Excited na sabi Bianca.
"Ok, sandali pahingi ako ng bote na walang laman. Yun ang paiikutin ko para masimulan ang laro natin, kung kanino tatapat siya ang gagawa ng game, mamimili lang siya sa dalawa. Truth or Dare, dahil ako ang nagpaikot ako rin ang magtatanong at magpapagawa sa gagawin. Maliwanag ba?"
Tinaas namin ang mga bote namin na ibig sabihin ay nauunawaan namin. Hanggang sa inalis na ni Janus ang mga laman sa lamesa, doon pinahiga ang bote ng beer at sinimulan ng paikutin.